教育王國

標題: ENOPI及KUMON分別 [打印本頁]

作者: misssuet 時間: 11-3-8 23:34 標題: ENOPI及KUMON分別

各位家長可否俾D意見, ENOPI-MATH及KUMON MATH之分別?除了ENOPI是英文外, 有什麼分別?我的小女是K2, 那1種較合適? 謝謝

作者: pyma 時間: 11-3-10 13:43

我囡K1下學期開始上公文數，初時佢好開心，好enjoy,但因為日日做既野都差唔多，佢開始覺得悶，我有鼓勵過佢，好左一排，但ｄ功課會重覆，我囡就抗拒，唔肯做，我地同有堅持，維持左半年，我決定quit, 因為實在影響我地既親子關係

K2初期，我轉去上Enopi math, 亞囡都有抗拒，因佢以為又好似公文咁，但上左兩三堂佢已好鍾意，直至到而家我地仲讀緊

我個囡只係個別情況唔適合，我識好多人讀公文都無我囡既問題，所以都好睇個小朋友既性格

在我，我覺得公文數真係可以打好個底，因我囡係公文到學到數百幾先轉走，所以去到enopi 時，佢有一定既底子

我個人認為enopi 較多元化，因為佢分兩parts, basic & critical, basic 既就好似公文計數果ｄ咁，而critical 既係邏輯既，幾好玩，又有輔助功具比佢地，唔係只係計數，仲有要動腦筋既，間中較弱既地方可能會重覆做，但唔係個個level 都要

以上只係個人意見，不喜勿插

作者: 大傻蛋 時間: 11-3-11 15:26

我個囝由K3開始參加公文數及英..而家3年班公文數做緊E LEVEL..但我覺得他做數OK..但一遇到文字題就好弱..有準備想轉澳數..我覺得公文數係打好底(死做),學識十一*/後好像難再發揮..但他舅父仔係公文數的最終學習者(即全部LEVEL學完).中學的數學成績次次頭3名(而家讀緊大學)..所以好矛盾俾唔俾個囝繼續讀落去..ENOPI-MATH就未學過..

作者: 恩林 時間: 11-3-11 22:05

hi 大傻蛋,
有d事想請教你, 你小朋友宜加小三, 佢一直keep住公文數同英, 佢係點安排時間嘅呢??

因為我大仔宜加小一, 佢k3開始公文英, 一上小一d功課多左, 番到屋企時間又耐左, 成日都覺得d時間唔夠洗....
佢宜加又要另補中文(唔係公文式), 咁就更加唔夠洗!

我都好想佢讀公文數, 佢我怕真係唔洗瞓,
所以請問你小朋友係點安排時間呢??
thx.

原帖由 大傻蛋 於 11-3-11 15:26 發表
我個囝由K3開始參加公文數及英..而家3年班公文數做緊E LEVEL..但我覺得他做數OK..但一遇到文字題就好弱..有準備想轉澳數..我覺得公文數係打好底(死做),學識十一*/後好像難再發揮..但他舅父仔係公文數的最終學習者(即 ...

作者: 大傻蛋 時間: 11-3-11 23:12

hello..我個囝星期六返公文數及英..每晚都要各做一份..不過他成日偷雞類積幾日一齊做..有時2-3日無做..跟住一日就要做成6份..做到喊..公文英開始退步..由之前超學年到而家3年班還在B2(最近才升哦)..有同公文英老師談過..想CUT,因為已經停留在B1成年,做到他都會背答案了..我想轉補習GRAMMER,不過老師話已經讀左4年而家先CUT會好浪費,她說過左B2升C就全部都係GRAMMER,所以唯有再觀察啦..我而家迫他每晚一定要做哂,跟住會給他打機15-30分鐘哦..他平時學校有功輔班去到18:30,期間會做哂學校功課同溫習,有時間也會做公文數及英(帶埋返學校的),返屋企(通常19:00-19:30返到)只係食飯,沖涼,收拾書包,同做公文數及英(各10分鐘),打機上網..跟住就睡了..都有很多時間剩..如果我唔係仲要照顧2個囡..會有很多時間去幫他再複習,成績可能會更好..所以而家他可以KEEP住80分平均分,我已覺得OK.不能要求他太多哦...

原帖由恩林於 11-3-11 22:05 發表
hi 大傻蛋,
有d事想請教你, 你小朋友宜加小三, 佢一直keep住公文數同英, 佢係點安排時間嘅呢??

因為我大仔宜加小一, 佢k3開始公文英, 一上小一d功課多左, 番到屋企時間又耐左, 成日都覺得d時間唔夠洗....
佢宜加又 ...

作者: lcdtopcon 時間: 11-3-12 00:36

公文數我呀仔讀了２年就無讀，除非你小朋友好叻，可以超越學年，如果唔係好似我呀仔甘，當年２年班重做緊2+7=9嘅重覆加數，老師次次話呀仔時間唔達標，未能在2秒內計出心算及在10分鐘指定時間內完成200多題加數而冇得進級，原地踏步不停再重覆做，跟不上學校進度，浪費$及時間，亦令佢做錯哂學校數學文字體，不用腦思考問題，見倒題目有兩個數字就立即加埋，題目問乜都唔睇

作者: 恩林 時間: 11-3-12 12:46

hahaha...我大仔都係咁, 唔夠時間就會一次過做2-3份...
你地同我地嘅生活習慣好似...

我想問多少少,
我大仔讀左公文英年半, 宜加讀到D, 係咪慢左d, 還是正常??

另外, 公文數係咪好難達標呢??

thx.

原帖由 大傻蛋 於 11-3-11 23:12 發表
hello..我個囝星期六返公文數及英..每晚都要各做一份..不過他成日偷雞類積幾日一齊做..有時2-3日無做..跟住一日就要做成6份..做到喊..公文英開始退步..由之前超學年到而家3年班還在B2(最近才升哦)..有同公文英老師談 ...

作者: gracelam 時間: 11-3-12 15:09

我阿囡k3開始學公文數，宜家level c即學乘數，一開始學加數好快上手，我記得好快去level b學減數，但b學左超過半年，因為佢成曰唔記得十位或百位借左之後唔記得減一，又或者好小心做時，時間又唔達標，加上升小學後要返全日，返到屋企好累，所以有段時期做得慢d，我自己都會動搖想cut,不過阿囡堅持要學，所以繼續落去。
公文數可以幫小朋友打好個底，上小學後，測驗同考試我完全唔駛同佢溫，佢都有9x分。
不過真係好睇小朋友性格，曰曰要做二百條數，連假期都要做，我地去旅行都帶埋去做，唔係個個小朋友
同家長頂得順。

thx.

... [/quote]

[ 本帖最後由 gracelam 於 11-3-12 15:13 編輯 ]

作者: misssuet 時間: 11-3-14 00:21

每日做200題數, 很可怕, 請問各位平均每天要做幾耐?
另外, 有沒有ENOPI之家長可以講下每日要做幾多功課?
多謝唒給意見的家長

作者: agugi 時間: 11-3-14 09:07

我仔K2學公文, K3尾超越了2個學年, 拿了銀色獎牌(忘記what level), 總之是在做除數。當時仔已覺公文好沒趣, 又開始有難度

P.1一開始多功課, 仔就好抗拒公文, 又不願做, 喊苦喊弗,
同時我覺P.1的數學課程實在好淺(排序, 單双數), 使仔仔連學校D功課都沒興趣...好像兩頭到岸.

所以P.1開學不久就quit了, 老師覺得好可惜, 因好快可取金牌, 但我都訣定quit, 不想呀仔失去興趣及迫佢微。

現在仔p.3, 學校教高1級即P.4.
因細時kumon練+-X/多, 所以運算比較快和準。
但思考, 解題方面kumon應沒多大幫助。

仔現在數學應在同齡level, keep住9x分。

作者: pyma 時間: 11-3-14 13:47

原帖由 misssuet 於 11-3-14 00:21 發表
每日做200題數, 很可怕, 請問各位平均每天要做幾耐?
另外, 有沒有ENOPI之家長可以講下每日要做幾多功課?
多謝唒給意見的家長

Enopi 既功課

我囡一星期，老師平均比5本功課, 2-3本basic and 2-3本critical 既，有時可能會多ｄ，不過都係6-7本

通常呢幾本功課，都包埋堂課用既，一ｄ新野，特別既，上堂時會做

ｄ功課就唔洗日日做既，好似我囡逢星期一上堂，因為佢地上完堂個memory會較好，所以好多時即日就叫佢做ｄ，通常星期三/四已可完成

我囡仲未上小學，所以時間上都較彈性
而功課量，老師都會因應個小朋友能力而決定多少，我囡試過得兩本，因為有時某ｄ位佢kick住，唔通，老師會減量同會重覆

如果有須要，都可以加減個功課量，都幾彈性

有時間果日會做多ｄ，無時間既咪小ｄ

希望幫到你

作者: 大傻蛋 時間: 11-3-14 14:18

我囝都有你仔的問題..就係見到文字題的數字不是全加就減..無留心去睇條題目..因為公文數做文字題時全部都係加..一係全部都係減..所以有這個後遺症哦..正在糾正他一定要睇清楚題目..因為考試唔會好似公文數咁全部一樣的..而家小三做緊level e(份子份母,有時都做到喊..

原帖由 lcdtopcon 於 11-3-12 00:36 發表
公文數我呀仔讀了２年就無讀，除非你小朋友好叻，可以超越學年，如果唔係好似我呀仔甘，當年２年班重做緊2+7=9嘅重覆加數，老師次次話呀仔時間唔達標，未能在2秒內計出心算及在10分鐘指定時間內完成200多題加數而冇得進級，原地踏步不 ...

作者: 大傻蛋 時間: 11-3-14 14:28

請問你仔幾歲? 讀到level d(即小四課程哦)..好勁哦..我仔小三仲讀緊b2(即小二下學期課程),如果你仔讀小四以下就超學年..好叻了..請分享一下你仔平時怎樣讀的..謝謝!我記得公文式的miss講過公文英比較難..通常做到平學年都已很不錯的..很多人都是要追學年的..對了..忘了問個重要問題..就係你個仔讀緊深還是淺的課程..因為影響很大的..記得以前有個朋友的小朋友讀淺的課程..超學年很多..但當她拿我仔(k3)讀緊的深課程時..有很多生字都唔識的..
thx!

公文數方面..我只知道每次考升level試都係要在10分鐘內做哂指定的題目,都係做開果個level抽出來的..thx!

原帖由恩林於 11-3-12 12:46 發表
hahaha...我大仔都係咁, 唔夠時間就會一次過做2-3份...
你地同我地嘅生活習慣好似...

我想問多少少,
我大仔讀左公文英年半, 宜加讀到D, 係咪慢左d, 還是正常??

另外, 公文數係咪好難達標呢??

thx.

...

作者: 大傻蛋 時間: 11-3-14 14:41

我又係去旅行都要個仔帶埋公文數及英,都俾長輩及朋友笑話洗唔洗咁誇張的,點解唔返來先做,反而學校功課都無咁勤力....但真係做慣左每日一定要做,一偷懶一來會累積很多份,二來之前養成的習慣可能又得重新養成..因為個仔試過一累積很多份就做到喊..所以盡量不再給他累積了..日日清..除非病左先可以延後一日才做哦..

原帖由 gracelam 於 11-3-12 15:09 發表
我阿囡k3開始學公文數，宜家level c即學乘數，一開始學加數好快上手，我記得好快去level b學減數，但b學左超過半年，因為佢成曰唔記得十位或百位借左之後唔記得減一，又或者好小心做時，時間又唔達標，加上升小學後要返全日，返到屋企 ...

作者: 大傻蛋 時間: 11-3-14 14:44

不是日日做200題的..是開頭基本野先要做咁多..後面深左就做少好多了..不過每日每科公文功課都係要在10分鐘內完成..我仔成日超時..試過半個鐘都有哦..慢慢加快的..要自己寫開始及完成的時間..

原帖由 misssuet 於 11-3-14 00:21 發表
每日做200題數, 很可怕, 請問各位平均每天要做幾耐?
另外, 有沒有ENOPI之家長可以講下每日要做幾多功課?
多謝唒給意見的家長

作者: 大傻蛋 時間: 11-3-14 14:49

我仔而家就是在學校遇到有思考題/文字題經常唔識..所以先令我開始想要不要轉讀奧林匹克數..每次數學考試,計數的分數都拿足..通常就係錯在文字題,文字題佔比例又多,所以先頭痛..thx!

原帖由 agugi 於 11-3-14 09:07 發表
我仔K2學公文, K3尾超越了2個學年, 拿了銀色獎牌(忘記what level), 總之是在做除數。當時仔已覺公文好沒趣, 又開始有難度

P.1一開始多功課, 仔就好抗拒公文, 又不願做, 喊苦喊弗,
同時我覺P.1的數學課程實在好淺(排 ...

作者: agugi 時間: 11-3-14 17:53 標題: 回覆 16# 大傻蛋的文章

我仔又吾係, 文字題都幾OK.

最幣佢錯埋D吾小心, 抄錯題目的數字, 懶快用心算冇做直式, 甚至漏一兩格冇做都吾知....

作者: 恩林 時間: 11-3-15 15:02

我大仔讀緊EFL Level D, 應該係比較淺, 老師都有講過係一小三課程到, 但我又唔覺係喎~ 佢學校宜加教個d, 同公文差唔多, 只係公文快d少少,
不過好彩有讀公文式, 一般英默佢都好快上手, 睇題目都ok, 不過文法就未掌握到, 不過我都覺得ok....

原帖由 大傻蛋 於 11-3-14 14:28 發表
請問你仔幾歲? 讀到level d(即小四課程哦)..好勁哦..我仔小三仲讀緊b2(即小二下學期課程),如果你仔讀小四以下就超學年..好叻了..請分享一下你仔平時怎樣讀的..謝謝!我記得公文式的miss講過公文英比較難..通常做到平 ...

作者: 恩林 時間: 11-3-15 15:09

hahaha...我大仔又係咁, 寫完直式, 唔記得寫番橫式答案...
有時仲激死我, 佢知個答案係乜, 但唔知點計出黎...
eg. X比Y多, Y又比Z多, 個d數, 佢跳過晒d過程, 直接寫答案,
有時都唔知佢係咪真係識做~~!

原帖由 agugi 於 11-3-14 17:53 發表
我仔又吾係, 文字題都幾OK.

最幣佢錯埋D吾小心, 抄錯題目的數字, 懶快用心算冇做直式, 甚至漏一兩格冇做都吾知....

歡迎光臨教育王國 (/)