教育王國
標題: 請大家幫忙了解一下我仔仔的事 [打印本頁]
作者: manman2228 時間: 11-3-8 11:36 標題: 請大家幫忙了解一下我仔仔的事
我仔仔25個月大, 唔肯講野, 係爸爸既音發得到(但冇意識),不過叫佢拎野比爸爸佢又識架.叫佢扔垃圾,飲水水等等..佢都知. 仲有123都好似講到講國語咁. 不過我地就知道佢係想講123的. 之前有時公公, A同E都發到音, 仲知就成日自己拎起電話又講野,冇啦啦又講野,但冇一個字係知道佢講咩既.
我同佢講既野佢好似咩都識咁. 不過命令佢做野就要睇佢心情, 不過有70-80%都會做. 但好奇怪地佢到而家都唔識叫媽媽,餅餅,包包,奶奶果d, 但當佢講要既時候佢就會拉你去到果個位置度,跟住推我隻手上去拎. 如果我唔比佢, 我要佢用手指指出佢要邊樣, 或問佢要唔要, 佢就永遠都做唔到. 好快就大叫+爬地...
係10年12月因為我入左醫院生妹妹,同埋呢個時間又坐月,所以冇帶佢出街. 點知我坐完月之後差唔多新年我就同佢出去親戚屋企啦. 無論以前好鍾意坐既c+車, 都冇啦啦好驚, 一落車就大叫大喊, 平時就好乖地第起雙手比我抱佢落車既. 跟住去到親戚屋企又唔想入門口, 我就迫佢入啦, 點知又大喊(今次起碼喊左30分鐘以上).但30分鐘之後佢又冇啦啦好似冇事咁,周圍行,周圍玩.. 到了第2天我就試下同佢搭bus,其實都係短短15-20分鐘. 坐車既時候表現緊張, 成口都口水, 一落車就大叫+大喊, d口水就流晒出黎喇. 我要拉佢落車,落到車佢仲要坐係馬路度喊,唔肯行,跟住1分鐘到佢又冇啦啦肯起身行. 經過公園就同佢玩一陣先,跟住再上親戚屋企,點知情況又好似琴日咁樣唔肯入屋. 都係要我拉佢入, 佢就爬係地下. 今次好左好多2分鐘唔洗冇啦啦企返起身又周圍行周圍玩. 之後我再試試比佢搭mtr睇下咩情況啦. 原本mtr佢仲勁, 見架車一開門, 佢就即刻要我抱. 當然佢一直都訓係我心口, 但一時時又會周圍望下, 跟住發現到佢, 如果佢見到人地望佢, 佢就即時閃開, 跟住又再偷望人地仲有冇望佢, 如果有,佢又閃,如果冇,佢就冇野...
大家可否幫我睇睇佢其實係發生咩事. 你地有冇同樣既情況出現過呀 ?
作者: kelvin_hmlau 時間: 11-3-8 12:10
就咁睇, 言語有點遲緩, 當然仔係遲過女. 我細仔同你個仔一樣大, 最近先識講全句, 例如爸爸抱我...
- 其他d reference 點樣, 你望住(或指住)d 野, 你唔出聲, 佢識唔識跟住睇.
- 鐘唔鐘意同人玩.
- 有無d 不良辟好, 例如玩門, 玩車輪, 睇住d 野轉.
兩歲都應該會去母嬰健康園 check, d 發展有無問題.
如果擔心佢係A仔, 兩歲可以做私人評估, 收費大約4K.
作者: manman2228 時間: 11-3-8 12:40
佢識得跟住睇,問佢係咪要呢個,但佢又唔識講話係或者要又或者點頭都唔識,同埋又唔識用隻手指出黎.
如果一大班小朋友,佢都唔識得點樣同佢地玩,但如果有我帶動佢,例如同小朋友追黎追去. 佢都識得一齊追, 但追追下人地走左去其他地方,佢又唔會望住人地,又唔會跟人地一齊. 只會自己行去其他地方玩.
佢有主動"了"大人玩既.
如果打開門,佢只會關埋對門,又冇話想玩門.
車輛呢佢好細個已經鍾意玩, 不過而家大大下又冇玩,識得放係地下或table上面推.
另外發現我同佢2個對望既時間唔會多,就算單獨得我同佢,唱下歌,睇下書...佢都係會係間房度向上個頭周圍望. 都唔知佢望咩...
下星期5約左返健康院見e生. 到時會同e生講埋發現亞仔有
呢d情況.
但想問下大家知唔知如果健康院e生寫紙去做評估要等幾耐 ? 同埋係政府果度做評估係咪即日有結果 ? 跟住再排E,I,S位又要等幾耐?
原帖由 kelvin_hmlau 於 11-3-8 12:10 發表 
就咁睇, 言語有點遲緩, 當然仔係遲過女. 我細仔同你個仔一樣大, 最近先識講全句, 例如爸爸抱我...
- 其他d reference 點樣, 你望住(或指住)d 野, 你唔出聲, 佢識唔識跟住睇.
- 鐘唔鐘意同人玩.
- 有無d 不良辟好, ...
作者: nokia6300 時間: 11-3-8 13:49
健康院寫信去cac,多數見左姑娘先,比左d意見家長,真系有需要,先會再比期見e生做評估,較為有經驗既家長便會死lur要快d見dr,一般都要上3-6個月,評估之後有需要先排services,一般services都要1至2年了,因為條queue真系太長,我小朋友未去見cac之前已經系heep hong做訓練,當時姑娘都教我比小小$$搵私人評估左排定services先,我09排,希望今年9月排到,所以時間系好重要,基本上系cac見完dr有需要,當日社工會再接見做埋d follow up,立即知報告的
不過政府見dr,真系好depends on個dr有冇heart,我小朋友歲幾第一次評估冇services,再第二次已經差唔多一年後再評先offer個e位比我,好在已經系一年前排左,否則又要等多一年了....
作者: kelvin_hmlau 時間: 11-3-8 14:00 標題: 回覆 1# manman2228 的文章
老實講, 言語遲緩同A仔真係差好遠.
你去健康院係先左姑娘先, 再見兒科醫生. 有需要再去CAC 做半日評估 (上/下午各做兩個 case). 排CAC 約需半年(兩年前資料). CAC 評估係即日有結果.
如果係言語遲緩, 多數係E位. 如果係A仔, 就要睇下個腦係A貨, B貨...E/I/S/ (E+S) 都有可能.
一般I位最快, 有d 不用1年(如果選不熱門學校). 聽講S位快過E位 (因為好多家長唔想讀S), 一般超過1 年.
有人選擇私人評估(取代CAC), 可以慳返半年時間.
而家d 阿媽好鬼醒, 有事無事都做定訓練打底先.
Good luck.
[ 本帖最後由 kelvin_hmlau 於 11-3-8 14:04 編輯 ]
作者: manman2228 時間: 11-3-8 16:15
可唔可以講多d言語遲緩同A仔有咩分別呀 ? 你睇下我下面講亞仔既情況算唔算係A仔出現既情況?
原帖由 kelvin_hmlau 於 11-3-8 14:00 發表
老實講, 言語遲緩同A仔真係差好遠.
你去健康院係先左姑娘先, 再見兒科醫生. 有需要再去CAC 做半日評估 (上/下午各做兩個 case). 排CAC 約需半年(兩年前資料). CAC 評估係即日有結果.
如果係言語遲緩, 多數係E位. ...
作者: kelvin_hmlau 時間: 11-3-8 16:57 標題: 回覆 1# manman2228 的文章
言語遲緩 - 只有一個問題, 問題有 expiry day (接受訓練後).
A仔 - 有 100 個問題(情緒, 社交, 專心, 智能, 言語, 感統, 大小肌...), 問題可能無 expiry day (接受訓練後).
言語遲緩係A仔問題的 subset. 即係A仔一定有言語遲緩問題. 有言語遲緩問題不一定係A仔.
如果你有d 親戚朋友d 小孩可以比較一下同齡小孩的發展. 我單純從一個父親(自閉大仔同一個我認為較為正常的細仔)分析:
-- 25個月大, 唔肯講野, 係爸爸既音發得到(但冇意識) ... 言語遲緩
-- 拎野比爸爸佢又識架 ... 認知ok
-- 如果我唔比佢... 好快就大叫+爬地... - 脾氣大
-- 都冇啦啦好驚, 一落車就大叫大喊 ... 有可能固執地想塔某d 交通工具 / 或者唔想塔
-- 如果佢見到人地望佢, 佢就即時閃開 ... 唔鐘意眼神接觸 / 或怕陌生人
-- 佢有主動"了"大人玩既. ... 社交不錯
-- 對望既時間唔會多 ... 唔鐘意眼神接觸
講真, 你描述的係有d 中 A 仔 point. 整體上有點發展遲緩. 都係建議搵d 專家 check 下, 起碼跟進下d 言語問題.
作者: manman2228 時間: 11-3-8 18:00
另外想問下大家我仔仔有以下既情況, 由於我搵到一間幼稚園4月有位比我仔仔插班(返全日),但好多野佢都仲未識, 例如未識講野啦, 同埋唔肯接觸其他大人啦, 叫佢叫唔聽, 又唔肯坐定定, 又唔識自己"筆"野食, 又唔識用胚飲水, 帶佢去VV又會大叫, 超級唔合作. 佢仲要訓覺食奶咀, 同埋攬住個攬枕tim. 請問n1會唔會唔收佢呢? 因為我約左下星期一(14號)去in. 可唔可以比d意見我呀?
原帖由 kelvin_hmlau 於 11-3-8 16:57 發表
言語遲緩 - 只有一個問題, 問題有 expiry day (接受訓練後).
A仔 - 有 100 個問題(情緒, 社交, 專心, 智能, 言語, 感統, 大小肌...), 問題可能無 expiry day (接受訓練後).
言語遲緩係A仔問題的 subset. 即係A仔一 ...
作者: pipi331 時間: 11-3-8 22:52
提示: 作者被禁止或刪除 內容自動屏蔽
作者: ttlucky0303 時間: 11-3-9 08:22
語言方面>
1. 你而家可以同佢去報私人評估,即刻同佢排語言訓練, 到時睇下佢0的專注時間再選30/45分鐘, 同埋同佢講野多0的望住佢, 另外你可以打電話去協康同耀能佢地有好多班, 你可以幫仔仔報左先, 靠政府, 不如靠自己, E位而家先排到2009年9月既申請人.
2. 同佢講多0的, 市面都有好多書俾我地呢0的媽媽學同佢溝通既技巧, 協康,耀能, 圗書館都有得借.
3. 口肌運動, 搽果醬係咀邊,叫佢LUM下,
食百力支放係兩邊TOOTH側, 用大TOOTH食野.
眼神方面>
1.你可以叫佢多0的, 等佢望下你.
2.你搵0的野吸引佢, 再將個物件放係你眼邊, 你見到佢望你, 你即刻讚佢叻
3.同佢玩多0的面部遊戲(貼貼紙)
4. 叫佢鍚你, 一錫完你就變臉, 佢就會不停鍚你, 你變化多0的. (我小朋友勁鍾意玩)...ETC
專注方面>
1.玩串珠
2.玩貼貼紙...ETC
自理方面>
1.你可以慢慢同佢介奶咀
2.食野俾匙佢自己食.
3.飲果汁用杯好快就識
以上都係我同我小朋友玩既遊戲, 你可以參考下,
政府方面你要快0的排呀, 等緊既時候你要同佢多多訓練, 加油!!
[ 本帖最後由 ttlucky0303 於 11-3-9 08:45 編輯 ]
作者: manman2228 時間: 11-3-9 09:44
我果間係主流幼稚園,1個對14個小朋友. 電話中我都同佢講左亞仔既問題, 就係話未講到野, 又未識自己食野+用胚飲水...等等. 同埋話唔係好坐定定既小朋友, 你叫佢坐可能佢唔坐,又或者坐幾秒就起身走人. 跟住老師都話要見左先, 佢仲話如果同其他小朋友差得太遠呢, 咁就可能要佢9月先開學.
我地住TKO既, 其實有d咩既幼稚園係專收佢地呢班仔架 ? 最起碼d老師要有愛心同埋唔會唔理佢.
另外穿珠仔係邊度有得買呢?
作者: kelvin_hmlau 時間: 11-3-9 10:14 標題: 回覆 1# manman2228 的文章
老實講, N 班主要學自理同社交. 你個仔如果只係言語問題, 咁其它野就會"砰砰聲"學到 (飲水, 拾書包, 戒片, 專心...)
如果佢係A 仔, 在主流就唔會咁輕易學得識. 呢個都係讀 S位 (私人) 的最好之處...
既然佢叫你 interview, 你就試下. 佢收你, 你就讀. 唔收, 搵得二間. 唔係就9 月先讀.
不過個別訓練快d 開展為妙. 千其唔好聽d 老人家講"晚雞啼". 如果係一隻晚雞, 係社交同情緒應該無大問題. 萬一個仔唔係一隻晚雞就弊...
作者: ttlucky0303 時間: 11-3-9 10:20
TKO以我所知, 有間救世軍明德係I位學校, 你可以睇下N班收唔收, 第時你轉K1 I位都可以讀番呢間, 仲有其他0的http://www.swd.gov.hk/tc/index/s ... iont/id_crsrehabwa/
呢0的都係主流學校, N班冇任何訓練, 但老師會留意小朋友發展.
另外http://www.heephong.org/webprod/cht/jgc-activity
有0的班, 係抽籤形式, 明天截止報名..
你可以試下呢0的先...同小朋友去玩下. 我都報左~^^
珠仔我係淘寶買咋, 你去益智玩具個邊SEARCH下, 有好多玩具買, 你可以買串珠, 玩具屋, 烹飯仔, 砌形狀等玩具, 對專注, 社交, 認知, 語言都好有幫助...
另外協康同耀能都有得借玩具呀, 可以唔使買.
[ 本帖最後由 ttlucky0303 於 11-3-9 10:25 編輯 ]
作者: manman2228 時間: 11-3-9 11:06
我岩岩打電話去問左早期教育及訓練中心果個學校, 一定要經政府評估後排左咩位先轉介到呢d訓練中心, 仲要係要排年幾兩年先有位. 咁我話咪成4歲幾, 佢就話係架喇...
另外想請問大家點樣可以搵到I位既學校?
原帖由 ttlucky0303 於 11-3-9 10:20 發表
TKO以我所知, 有間救世軍明德係I位學校, 你可以睇下N班收唔收, 第時你轉K1 I位都可以讀番呢間, 仲有其他0的http://www.swd.gov.hk/tc/index/s ... iont/id_crsrehabwa/
呢0的都係主流學校, N班冇任何訓練, 但老師會 ...
作者: ttlucky0303 時間: 11-3-9 13:54
你先選幼稚園暨幼兒中心兼收計劃讀N班, 老師有豐富經驗多0的, N班冇任何訓練
I位排1年至2年度
E位要排1年半至2年時間呀~我都排左半年咋, 佢地話今年都未必有位, 真係要靠自己..
作者: pipi331 時間: 11-3-9 23:43
提示: 作者被禁止或刪除 內容自動屏蔽
作者: manman2228 時間: 11-3-10 09:21
我剛剛搵左間I位既幼稚園,聽日同亞仔去面試,其實我電話上都同主任講左亞仔發現比較慢,又唔識講野比佢聽. 佢聽到都話比佢返黎試下返左學先. 同埋話好多2歲既小朋友都係咁,唔係個個都坐定定, 又話佢地有辦法點樣教. 叫我唔洗擔心咁多. 我同呢個主任傾完,感覺都唔錯, 希望亞仔聽日面試成功啦.
下星期5我會返健康院見e生, 大家有冇咩意見到時我應該點樣講令到佢幫我安排做CAC呢? 因為我聽過好多人話,健康院既e生通常會用男仔係發展慢d架喇, 過多幾個月就咩都唔同晒...等等...既說話...可能又約你幾個月後先再返去睇睇個情況. 跟住攪下攪下又唔會又遲多幾個月..
作者: kelvin_hmlau 時間: 11-3-10 09:42 標題: 回覆 1# manman2228 的文章
見兒科醫生最佳策略係同面試幼稚園相反: 有咁差講到咁差, 毫無保留地說出. 咁先會有 CAC 評估機會.
作者: Roseyuen 時間: 11-3-10 13:47
我個仔27個月, 樓主的個仔的情況同我個仔有d相似, 講野好佢少少, 但都係脾氣大, 社交ok, 不過有不良辟好, 例如玩門, 玩車輪(細過好喜歡, 而家冇咪), 睇住d 野轉 (髮型鋪出現果個)
之前我個朋友醫生話佢應該唔係自閉, 但睇完成個post, 佢都有中A仔的 point, 係咪A仔一定有呢D特徵, 正常的小朋友會唔會都有? 我諗緊咁細個, 做自閉評估係咪有正確的結果, 因為都睇過有D post 話佢地的小朋友細過比人評左自閉, 都大過d再做, 原來唔係! 咁幾時做先適合呢?
作者: kelvin_hmlau 時間: 11-3-10 15:16 標題: 回覆 1# Roseyuen 的文章
我個朋友醫生話佢應該唔係自閉 --> 我唔會信, 因為佢可能未見過A仔, 以為識講野, 認知ok 就唔係A仔.
如果協康個專家話佢應該唔係自閉 --> 我信, 因為佢處理過N咁多個A仔.
當時我建議帶個大仔(2歲幾)去評估, 家中兩個女人反對, 產科醫生話唔係.
看得到問題的只有我哥哥, 和一個朋友: 他們分別有一個聰明伶俐的女兒. 同埋N 班老師 (因為喊足4個月).
作者: manman2228 時間: 11-3-10 17:01
其實係唔係無論c+或政府都會到3歲先確實係唔係A仔架?
作者: Charlotte_mom 時間: 11-3-10 17:38
如果只係言語遲緩, 好多都唔係E位, 我仔都係I, 我有朋友自己做社工, 佢想要E, 都要評估員幫手寫至有E, 個評估員同佢講"其實你自己都知只係咁樣, 排唔到E"
好似話要有埋MOTER問題至會有E
ANYWAY, 做左評估先, 醫生/社工會根據需要黎派, 都唔到你揀
同意樓上講, 幾大都講晒你D擔心出黎, 講到好心急樣樣都想評估睇下有無問題, 你唔爭取, 政府就會CLOSE FILE......
原帖由 kelvin_hmlau 於 11-3-8 02:00 PM 發表
老實講, 言語遲緩同A仔真係差好遠.
你去健康院係先左姑娘先, 再見兒科醫生. 有需要再去CAC 做半日評估 (上/下午各做兩個 case). 排CAC 約需半年(兩年前資料). CAC 評估係即日有結果.
如果係言語遲緩, 多數係E位. ...
作者: kelvin_hmlau 時間: 11-3-10 18:09 標題: 回覆 1# Charlotte_mom 的文章
Sorry, 因為我仔在E位學校有d 仔只有ST, 有d 只有 PT... 我不清楚CAC 評估係要有兩樣先可排E. 我仔係先做私人評估, 再做CAC. 私人評估無呢個限制 (任排 E/I/S).
同時都希望d 家長着緊d 個仔. 有事早d 知, 無事當打底. 唔好怕知道真相.
作者: wan_sosin 時間: 11-3-10 23:23
同意!如果講到最後個醫生都係唔肯,記住要講你真的很擔心,請醫生給你可以再約下一個期再見醫生,唔好放開任何機會.
原帖由 kelvin_hmlau 於 11-3-10 09:42 發表
見兒科醫生最佳策略係同面試幼稚園相反: 有咁差講到咁差, 毫無保留地說出. 咁先會有 CAC 評估機會.
作者: pipi331 時間: 11-3-11 03:14
提示: 作者被禁止或刪除 內容自動屏蔽
作者: jjcow 時間: 11-3-11 13:54
我想講，我係私家兒科醫生寫紙我排 CAC 的... 我見到個仔咁，我真係等唔到返健康院...
作者: kelvin_hmlau 時間: 11-3-11 14:31 標題: 回覆 1# jjcow 的文章
我相信只等政府評估可能有d 咁既考慮: 1. 等多幾個月阿仔可能會追返, 2. 未夠三歲d 評估可能唔準.
For 1, 主觀願望, 你乜都無變, 無端端追返可能性係有, 不過唔大.
For 2, 法國d A仔, 歲半都可以 check 到; 如果你接觸開正常兒, 你就知道自閉兒其實係好 special.... 如果三歲先排, 排到5歲有服務, 6歲E位就要同你講 bye-bye. 跟住就要上小學, 到時真係 god bless u...
作者: jjcow 時間: 11-3-11 15:08
其實自己都有感覺啦，始終病向淺中醫～～最緊要快Ｄ有個專業人士同我講阿仔發生咩事，遲緩又好，自閉又好，咩都好啦，等我有個方向。我唔想自己再估估下... 我諗住兩歲都未見到 CAC，就八千都自己吟出嚟做評估架喇...
唉... 點知政府接咗我個 case 之後，真係好快手... 我見完姑娘只係等咗唔駛三個月就叫我見醫生 
係呀，我睇Ｄ資料話其實早至歲半已可 check 到。
原帖由 kelvin_hmlau 於 11-3-11 14:31 發表
我相信只等政府評估可能有d 咁既考慮: 1. 等多幾個月阿仔可能會追返, 2. 未夠三歲d 評估可能唔準.
For 1, 主觀願望, 你乜都無變, 無端端追返可能性係有, 不過唔大.
For 2, 法國d A仔, 歲半都可以 check 到; 如果你 ...
[ 本帖最後由 jjcow 於 11-3-11 15:10 編輯 ]
作者: shuna 時間: 11-3-13 17:17
個仔好明顯有言語障礙,情緒問題, 正常小朋友唔會咁, 請盡快找私人評估(如果有錢的話),好似pipi331所講, 私人評估可直接找社工排隊, 唔使等, 在等呢段時間, 你可以比個仔返一間S位暫託食埋中午飯, 雖然唔會有訓練, 但D老師一定可以應付到你個仔, 會教佢自理(e.g.自己食飯,飲野)排隊,守規則,聽指令,會比普通幼稚園學倒野, 普通幼稚園遇到情緒差的小朋友會唔理佢, 比佢坐埋一邊, 費事影響到其他小朋友,
作者: pp_t 時間: 11-3-13 17:33 標題: 回覆 11# manman2228 的文章
TKO康樂幼兒學校有N班同兼收組, N班有全日同半日, 你可以試吓呢間, 基本上如果學校未收爆, 入到既機會好大
作者: manman2228 時間: 11-3-14 09:38
我就係幫亞仔報左呢間幼稚園呀. 上星期收左4個開學.
另外想問問S位暫託既學校點樣可以搵到架 ? 收費貴唔貴呢?
作者: ren 時間: 11-3-14 16:21
評估> 點都排定先, 我仔仔21個月開始排政府CAC, 心橋, 協康, 都要26個月才排到心橋同協康做言語評估, 27個月才排到CAC見e生.
N1> 有得讀梗去讀, 可睇到仔仔有冇進步, 我仔仔冇讀, CAC就話"番k1後有進步架啦!", 咁到時冇進步點算?
speech delay> 我仔仔到22個月都無咩聲音講嘢, 23個月時自己湊番, 日日用食物(面包, 提子, 糖咁)引佢講, 才慢慢開始講 baba, mama, 25, 6個月時都係得8 - 10隻字左右, so 心橋同協康都話佢delay左 12 個月, 番左一兩堂言語治療, 再勁教佢生字, 27個月時有30幾個字, CAC話speech算OK無delay, 當然我都覺佢仲係慢過人, 但比起早幾個月, 宜家(28m)已經講多左好多, 有時有短句, 開始學唱歌.
手指指>原來係要教架, 我仔仔都係成24, 5個月才多左指嘢, 要捉住佢手指話咁係"指", 又要佢真係明要指個樣係叫咩, 佢先識指, 所以咩生字都要教佢, 又儘量要簡單易明咁教.
情緒>係未妹妹出生後才差左, 定係以前都係咁?
揸杯, 揸匙> 要多些鼓勵佢自己做, 我地就係成日以為佢唔得, 幫佢做左, 佢反宜無得做, 其實如果唔係小肌肉有問題, 多些練下就做得到.
有機會去聽下些講座, 睇書, 有關言語遲緩或發展遲緩的, 我自己就發覺係之前真係唔太識教, 浪費了很多時間, 現在急起直追中!
樓主加油!!!
作者: manman2228 時間: 11-3-14 17:48
我仔仔最衰就係唔肯跟人講野，自己就成日講ｂｂ太空話，但又唔係同我地講，係自己講．有時食住奶咀冇啦啦會"蚊”起個奶咀黎講ｂｂ太空話．
情緒問題就真係妹妹出世之後先發現，同埋妹妹１０年１２月中出世，呢２個幾月我都冇帶亞仔出街，直到坐完月第１次帶亞仔坐c+出去．同平時既佢完全唔同晒．上到車好緊張，落車冇啦啦又大叫大喊，但唔係想坐車，係因為緊張／驚．跟住第２日再試同佢搭bus,結果又係一樣．但妹妹未出世既時候，我地都每個星期會同佢出街玩的．但都冇呢個問題．
原帖由 ren 於 11-3-14 16:21 發表
評估> 點都排定先, 我仔仔21個月開始排政府CAC, 心橋, 協康, 都要26個月才排到心橋同協康做言語評估, 27個月才排到CAC見e生.
N1> 有得讀梗去讀, 可睇到仔仔有冇進步, 我仔仔冇讀, CAC就話"番k1後有進步架啦!", 咁 ...
| 歡迎光臨 教育王國 (/) |
Powered by Discuz! X1.5 |