教育王國

標題: 好唔開心,亞仔成績差左 [打印本頁]

作者: maybaby 時間: 11-2-25 14:50 標題: 好唔開心,亞仔成績差左

毎科平圴小左10分,有D唔開心!

作者: miffy 時間: 11-2-25 15:16

提示: 作者被禁止或刪除內容自動屏蔽

作者: do-re-me 時間: 11-2-25 15:49 標題: 囡囡好唔成熟,學校d野唔上心

囡囡P.2,仲係曰日比老師寫手冊無交齊功課,今日無帶science project無左30分考試分,仲唔會唔開心,係咶係應該提出留班?

作者: maybaby 時間: 11-2-25 19:19

原帖由 miffy 於 11-2-25 15:16 發表
幾年級??

小一生呀!

作者: tng9834 時間: 11-2-25 21:12

好明白你的心情

作者: 瑩瑩老豆 時間: 11-2-26 00:05

測驗? 定考試分?
分數上落成日都會, 仲有漫漫長路, 放輕鬆點吧

原帖由 maybaby 於 11-2-25 14:50 發表
毎科平圴小左10分,有D唔開心!

作者: strongboymama 時間: 11-2-26 00:51

提示: 作者被禁止或刪除內容自動屏蔽

作者: HIN2003 時間: 11-2-26 09:41

原帖由 maybaby 於 11-2-25 14:50 發表
毎科平圴小左10分,有D唔開心!

唔好用分數衡量, 可能份試卷出深左而低分, 八吓其他同學d分數, 再找出問題所在, 一年級未適應姐, 慢慢來!

作者: alice44 時間: 11-2-26 10:28

咁名次有無底咗咪知道有無真係退步囉! 唔好太緊張住, 睇清楚個形勢先. 還有, 現在都只不過是小一, 仲有大把時間去追, 唔好太擔心. 我阿仔小三上學期測考的平均分都突然低咗, 但派成績表時, 名次係高咗2x名. 所以要睇整體學生表現o家!

作者: miffy 時間: 11-2-26 12:25

提示: 作者被禁止或刪除內容自動屏蔽

作者: mingmingba 時間: 11-2-26 12:53

提示: 作者被禁止或刪除內容自動屏蔽

作者: whywhywhywhy 時間: 11-2-26 21:02

唉！我同你一樣。我個小朋友小一開學，好乖咁，自己做晒功課，自己對手冊，又肯自己溫書，基本上我唔需要用太多時間理佢。第一個學期考試仲俾個大驚喜我，願本想佢十名內都好開心。點知派成績表先知佢係全班考第一，全級考第二，真係一切都美好！
點知好景不常。第二次考試唔知仲咩，考得很差，本來全部九十几分或一百分，今次只有八十几，數學仲得七十几，我都唔知佢發生咩事！！成績差左都算！下次努力！點知佢日日都寫唔齊手冊，以前我們回家前已經做晒功課，而家就算很小功課做，也會拖到晚上臨睡前先做完！試過很多方法，同佢講做完功課之後同佢玩！無用！閙佢！無用！鼓勵佢！無用！同佢傾談，無用！唔知點好？
今次測驗仲離譜，數學可以錯d k3都識的數，我真係唔知佢諗咩？！

作者: Tilly 時間: 11-2-27 19:46

若家庭沒有特別變化, 會不會與老師有關? 約老師談談吧!我認為小一生成績下降不是太大問題, 但學習態度變差了就一定要認真處理. 可能他有困難要父母幫忙, 但不懂表達

原帖由 whywhywhywhy 於 11-2-26 21:02 發表
唉！我同你一樣。我個小朋友小一開學，好乖咁，自己做晒功課，自己對手冊，又肯自己溫書，基本上我唔需要用太多時間理佢。第一個學期考試仲俾個大驚喜我，願本想佢十名內都好開心。點知派成績表先知佢係全班考第一，全級考第二，真係一 ...

作者: sai1031 時間: 11-2-27 21:03

原帖由 maybaby 於 11-2-25 14:50 發表
毎科平圴小左10分,有D唔開心!

其實小一,二d成績唔作準,因為好多時食老本(幼稚園所學的東西)反而小朋友的信心好重要.比d支持佢,你愈唔開心,佢會愈擔心自巳唔ok,得不償失.

作者: HIN2003 時間: 11-2-28 09:20

原帖由 Tilly 於 11-2-27 19:46 發表
若家庭沒有特別變化, 會不會與老師有關? 約老師談談吧!我認為小一生成績下降不是太大問題, 但學習態度變差了就一定要認真處理. 可能他有困難要父母幫忙, 但不懂表達

...

agree!

作者: do-re-me 時間: 11-2-28 22:52

原帖由 HIN2003 於 11-2-28 09:20 發表

agree!

會唔會上次考得好,今次有壓力？

作者: qkhui 時間: 11-2-28 23:08

其實小一真係唔需要太緊張. 只要留意小朋友的問題, 在暑假再加強重溫, 預習小二課程, 到小二時, 正常都會比小一有進步. 慢慢等小朋友習慣考試, 溫習模式.. 普遍都應會有進步. 加油 ! 千其不要嚇怕他.

作者: whywhywhywhy 時間: 11-2-28 23:09

家庭沒特別變化！只係課外活動cut左佢打工夫，這個是他最鐘意的，但因為常常動手所以cut了！
學校方面變化真係唔知？不過佢同我講過，唔知點解自己唔鐘意係落堂抄手冊，係鐘意係放學前先抄！所以成日都抄唔齊，最衰佢知學校上網可以睇手冊，我有時覺得佢特登玩野！印姐姐話佢放學回家一食完野就攞課外書睇，有時攪下呢樣嗰樣，總之就唔做功課啦！我已經同佢講如果佢係我回家前做好功課，咁佢想玩電腦又得玩遊戲又得，睇書都由得佢，但今日回家佢只係做左兩樣功課，又係咩到未做好，激死我！成日卦住睇書唔做功課！！重可以用咩方法等佢抄手冊同做功課呢？？

作者: qkhui 時間: 11-3-1 10:05

其實你有無問過仔仔點解唔做功課 ? 佢無做個O的會唔會係佢唔識 ? 如果你覺得每日要待你回家先跟他做功課時間不夠, 你便要嘗試去補習社, 最少可以做完功課, 我也時要上班的媽媽, 明白晚上時間真的不足夠. 只會另大家多佐爭執. 你可以不妨試試.
而在堂上抄手冊, 你可以跟老師談談, 看看有沒有方法可以叫仔仔在午膳時間, 盡量抄晒之前的家課紀錄, 午膳後最多2-3堂我相信都不會有太多野需要再抄, 那麼在放學前先抄余下的, 應可以趕得切.

原帖由 whywhywhywhy 於 11-2-28 23:09 發表
家庭沒特別變化！只係課外活動cut左佢打工夫，這個是他最鐘意的，但因為常常動手所以cut了！
學校方面變化真係唔知？不過佢同我講過，唔知點解自己唔鐘意係落堂抄手冊，係鐘意係放學前先抄！所以成日都抄唔齊，最衰佢知學校上網可以睇 ...

作者: jenniferkwok 時間: 11-3-1 11:51

我都有同樣問題，大女都係小一，第一段D測驗都9X分，第二段既第二次測驗開次主科全部一跌跌到7X分，真係唔知咩事！我都好唔開心

其實我又唔係要求特別高，只係擔心啫，之前一直攞緊9X分麻，一下跌咁多，擔心佢一直跌落去....

作者: maybaby 時間: 11-3-1 12:14

係因為上次考得好,所以今次有壓力呢!就擔心一直跌下去呀!

作者: qkhui 時間: 11-3-1 15:56

噉你有無睇佢錯咩, 會噉趺法, 一定有原因ka wor
不過小一失分, 都係因為唔小心. 特別係數學.. 所以都慣了.不過都明白你們心情, 因為我自己都試過, 但好彩仔仔就唔會全部一齊趺, 每次都係有一科會失手. 係小二最後一次比較趺得多o的..
其實真係, 只要搵到原因.. 慢慢改善, 一定會有進步..

原帖由 jenniferkwok 於 11-3-1 11:51 發表
我都有同樣問題，大女都係小一，第一段D測驗都9X分，第二段既第二次測驗開次主科全部一跌跌到7X分，真係唔知咩事！我都好唔開心

其實我又唔係要求特別高，只係擔心啫，之前一直攞緊9X分麻，一下跌咁多，擔心佢一直跌落去.... ...

作者: HIN2003 時間: 11-3-1 16:15

原帖由 whywhywhywhy 於 11-2-28 23:09 發表
家庭沒特別變化！只係課外活動cut左佢打工夫，這個是他最鐘意的，但因為常常動手所以cut了！
學校方面變化真係唔知？不過佢同我講過，唔知點解自己唔鐘意係落堂抄手冊，係鐘意係放學前先抄！所以成日都抄唔齊，最衰佢知學校上網可以睇 ...

如果佢真係鍾意打功夫, 我覺得唔應該CUT, 而家D小朋友已經好少運動量, 打功夫身體都會好D.
其實教練應該有教佢, 平時唔應該郁手郁腳打人. 你亦都可以同佢協議好, 比佢再學功夫, 但平時就唔可以郁手.
抄手冊就慢慢要他配合返, 唔可以話唔鍾意就唔抄.

作者: jenniferkwok 時間: 11-3-1 16:19

原帖由 maybaby 於 11-3-1 12:14 發表
係因為上次考得好,所以今次有壓力呢!就擔心一直跌下去呀!

係，真係擔心

作者: jenniferkwok 時間: 11-3-1 16:28

原帖由 qkhui 於 11-3-1 15:56 發表
噉你有無睇佢錯咩, 會噉趺法, 一定有原因ka wor
不過小一失分, 都係因為唔小心. 特別係數學.. 所以都慣了.不過都明白你們心情, 因為我自己都試過, 但好彩仔仔就唔會全部一齊趺, 每次都係有一科會失手. 係小二最後一 ...

真係唔知咩原因... 問佢自己佢都唔識答我LA

唔小心既就一定有LA, 再加埋D真係唔識既錯，扣扣埋埋

中英數三科測驗唔係同一星期，第一科咁啱測之佢病左幾日，我就當係佢無返幾日學LA, 點知跟住2科都係咁....

三科一齊跌我真係唔知可以點... 下個星期已經考試TIM

作者: qkhui 時間: 11-3-1 17:33

你地學校無得派返卷比你地睇, right?
如係, 就真係唔知佢地錯咩.. 噉你自己有無比少少exe 佢睇下, 有o的咩問題 ?
不過小一真係唔緊要, 千其唔好嚇親佢
你可以同佢講, 今次考得唔好唔緊要, 最重要我地真係用心去做, 學, 有咩就到暑假再努力去溫返小一o既野..
我仔仔小一同小二都唔係太叻, 但又唔係太差, 都keep 住中上, 今次小二暑假真係利用佢溫返, 同做少少小三預備, 暫時都叫中上少少.. 但明顯過完年, 個人係唔同佐, 學野快佐好多. 所以唔好太緊張, 慢慢來, 見到佢有咩要幫, 就幫佢, 佢自然會好.. 加油

原帖由 jenniferkwok 於 11-3-1 16:28 發表

真係唔知咩原因... 問佢自己佢都唔識答我LA

唔小心既就一定有LA, 再加埋D真係唔識既錯，扣扣埋埋

中英數三科測驗唔係同一星期，第一科咁啱測之佢病左幾日，我就當係佢無返幾日學LA, 點知跟住2科都係咁....

三科一齊跌 ...

作者: 瑩瑩老豆 時間: 11-3-1 19:49

考試有時要講運, 有時份卷出得夾會高分, 唔夾或大意會低分, 留意下平時D 功課/黙書有冇特別差左.

我囡都係咁, 由一年級到三年級考過五次試, 都係會時高時低.

原帖由 maybaby 於 11-3-1 12:14 發表
係因為上次考得好,所以今次有壓力呢!就擔心一直跌下去呀!

作者: maybaby 時間: 11-3-1 22:02 標題: 回覆 27# 瑩瑩老豆的文章

瑩瑩老豆

平時黙書都OK既!可能今次只係第二次測驗,未能有心理準備.&同理我都覺講運,同埋睇多唔多大意分!

另外有嘢想問你呀,我知你囡囡讀南X的,我想知道小一考試會出範圍嗎?因佢得一次考試,定還是出哂成年所學?(我是幫朋友問的)謝謝!

作者: 瑩瑩老豆 時間: 11-3-1 22:12

我囡囡當年小一係最后一次有上下學期考試, 所以也不知道目前的一次考試是否考晒全年所學.

原帖由 maybaby 於 11-3-1 22:02 發表
瑩瑩老豆

平時黙書都OK既!可能今次只係第二次測驗,未能有心理準備.&同理我都覺講運,同埋睇多唔多大意分!

另外有嘢想問你呀,我知你囡囡讀南X的,我想知道小一考試會出範圍嗎?因佢得一次考試,定還是出哂成年所學?(我 ...

作者: maybaby 時間: 11-3-1 22:22

原帖由 瑩瑩老豆 於 11-3-1 22:12 發表
我囡囡當年小一係最后一次有上下學期考試, 所以也不知道目前的一次考試是否考晒全年所學.

收到,明白.
thanks

作者: jenniferkwok 時間: 11-3-2 11:58

原帖由 qkhui 於 11-3-1 17:33 發表
你地學校無得派返卷比你地睇, right?
如係, 就真係唔知佢地錯咩.. 噉你自己有無比少少exe 佢睇下, 有o的咩問題 ?
不過小一真係唔緊要, 千其唔好嚇親佢
你可以同佢講, 今次考得唔好唔緊要, 最重要我地真係用心去做, ...

有派返既，米有d唔小心寫錯，有d佢唔識亂咁寫lor, 數學就一定係唔小心錯+計錯，佢係明既，中文就有d字唔識寫+唔小心寫錯字+重組句子錯d+閱讀理解又錯d, 英文米又係有唔小心串錯字+唔識又亂咁寫咁lor

我估英文對佢黎講係最難，佢本唔明，只有c記，但佢記性又唔好

好奇，係屋企溫時識既但到測驗又錯....

作者: yhk329 時間: 11-3-2 12:34

提示: 作者被禁止或刪除內容自動屏蔽

作者: alice44 時間: 11-3-2 12:46

我阿仔小一小二時, d分數各名次都係時高時低, 叫大家唔好緊張, 其實都好難, 我係過來人, 小一時我唔太緊張, 因為都係剛剛上小學, 但到小二時, 開始緊張, 因為佢已經讀了一年多, 應該已經適應到至啱, 但係仍然渡有好表現, 開始擔心, 咁我同我c6都應為低年級都係鬥小心嘅姐! 所以每次測考都會提佢睇大題目, 睇例題, 全份卷要做晒佢, 唔識都要填一個認為最啱嘅答案, 數學要當自己無做過咁再計多一次, 有唔同答案就計第三次.
每樣會考的我們都會教佢注意d乜. 小三時開始成員理想, 現在小六都keep到.

作者: 瑩瑩老豆 時間: 11-3-2 14:32

其實測考還有一個問題是時間, 因要在限時內完成所有題目, 所以唔係話小心及識做就可以, 仲要夠快.
如果話數學測考要當自己無做過咁再全部計多一次是不太可能的.

原帖由 alice44 於 11-3-2 12:46 發表
所以每次測考都會提佢睇大題目, 睇例題, 全份卷要做晒佢, 唔識都要填一個認為最啱嘅答案, 數學要當自己無做過咁再計多一次, 有唔同答案就計第三次.

作者: qkhui 時間: 11-3-2 14:39

係.. 數學真係唔得, 小一同小二都仲可以,
升到小三, 都未必可以全部計多次, 其實可以教佢地那類題目要首先覆數, 將扣分的機會減至最少. 因聽仔仔講, 有o的同學連卷都唔夠時間做..

原帖由 瑩瑩老豆 於 11-3-2 14:32 發表
其實測考還有一個問題是時間, 因要在限時內完成所有題目, 所以唔係話小心及識做就可以, 仲要夠快.
如果話數學測考要當自己無做過咁再全部計多一次是不太可能的.

...

作者: alice44 時間: 11-3-2 14:53

之前阿仔無重做數學科, 成績出來時高時低, 但自傱叫佢重做一次之後, 成績好平穩. 阿仔每次數學測考有50分鐘時間, 共做48題數, 佢無超時, 叫佢check數, 佢淨係check有無做晒, 但無check是否計得正確, 所以要佢重做一次.
因為佢有做開公交數, 公文數係要快, 所以佢時時都因為做得快會計錯數, 每次測考我都要提佢做慢d, 唔係做公文數, 唔使做咁快, 所以係有時間做兩次, 重計之後有時間都唔比佢瞓覺, 要再睇下d文字題有無理解錯.
不過我知道唔係個個可以計到兩次, 但最好把所有不用解題的先計一次, 啱到幾多得幾多, 因為先計這些係因為唔使解題, 唔會因為列錯式而計啱都無用.

原帖由 瑩瑩老豆 於 11-3-2 14:32 發表
其實測考還有一個問題是時間, 因要在限時內完成所有題目, 所以唔係話小心及識做就可以, 仲要夠快.
如果話數學測考要當自己無做過咁再全部計多一次是不太可能的.

...

作者: jenniferkwok 時間: 11-3-2 15:29

原帖由 瑩瑩老豆 於 11-3-2 14:32 發表
其實測考還有一個問題是時間, 因要在限時內完成所有題目, 所以唔係話小心及識做就可以, 仲要夠快.
如果話數學測考要當自己無做過咁再全部計多一次是不太可能的.

...

無錯，做哂都係剛剛好...

唔識而做錯既我都仲可以接受，但唔小心錯又或者明明溫個時識既我真係會忟lor....

下星期考試la....

作者: YLMBEE 時間: 11-3-3 11:17

我仔仔已經小五, 但我發覺佢D能力及記性比起小一,二時仲要差 (佢已經好小打機, 星期1-5睇電視每日都係約45分鐘)以前默書次次都9X分, 但依家明明同佢温熟曬都只係8字頭,真係有D心灰意冷

作者: YLMBEE 時間: 11-3-3 15:14

其實我覺得越大佢地D能力應該會越好, 為何現在還差過小一,二呢

依家淨係同佢温點書都用曬成個星期時.
想做吓其他嘢都唔得

作者: qkhui 時間: 11-3-3 18:02

其實都要有適量運動先得ka wor.. 會唔會就係少佐, 所以讀書反而無噉好呢 !

原帖由 YLMBEE 於 11-3-3 11:17 發表
我仔仔已經小五, 但我發覺佢D能力及記性比起小一,二時仲要差 (佢已經好小打機, 星期1-5睇電視每日都係約45分鐘)以前默書次次都9X分, 但依家明明同佢温熟曬都只係8字頭,真係有D心灰意冷 . ...

作者: 瑩瑩老豆 時間: 11-3-3 23:08

三月考試? 下學期考試?

原帖由 jenniferkwok 於 11-3-2 15:29 發表

無錯，做哂都係剛剛好...

唔識而做錯既我都仲可以接受，但唔小心錯又或者明明溫個時識既我真係會忟lor....

下星期考試la....

作者: jenniferkwok 時間: 11-3-4 09:58

原帖由 瑩瑩老豆 於 11-3-3 23:08 發表
三月考試? 下學期考試?

3月7個星期考，佢地係分三段考試，11月3月6月

我諗緊係米佢一開考/測得唔錯，所以一跌個時會難接受D, 因為佢上一次D測驗跌哂落7X分，今次數學有返8X分我就已經好開心.... 當然同以前9X分比仲有距離，但至少係進步先，不過當中都係有一半係唔小心既錯+唔知咩事錯，明明溫係識既，我諗係米佢緊張呢？

我發現... 如果淨係計數反而OK, 但一有文字就.... 佢對文字理解好似有D困難，唔知係米咁所以中英文都差左...

作者: yhk329 時間: 11-3-4 10:14

提示: 作者被禁止或刪除內容自動屏蔽

作者: pyemily 時間: 11-3-5 10:17

我個囡囡讀緊小一, 岩岩派左2科2nd exam試卷, 英文7x, 中文唔合格, 第一次exam 平均8x..., 我已經之前同佢搵哂, 點知中文差成咁, 我都明白第2nd一定俾比之前深, but冇諗過佢好多野都唔識同大意... 仲有2科下星期會派.. 唉...

有時諗, 係唔係做細女, 因我個女係11月出世, 讀書真係咁吃力...

當睇到份卷, 我真係好down同好嬲, 我當場鬧我個囡, but 鬧完後, 跟住覺得係唔係鬧錯她呢... 點都好啦, 仲有final exam, 同佢一齊努力啦...

作者: yhk329 時間: 11-3-5 10:28

提示: 作者被禁止或刪除內容自動屏蔽

作者: qkhui 時間: 11-3-5 22:32

我覺得小一同小二都仲會有大細仔女分別ka wor. 反而到小三就唔會有.. 唔知岩唔岩呢 ?

作者: jenniferkwok 時間: 11-3-8 00:00

原帖由 yhk329 於 11-3-4 10:14 發表

我地都係分三個學段，不過就無測驗
不過老師話到明今次試會比上次深
我巳比足心理準備自已佢D成績會差好多

我地就有好多野可以拉分既，每段大約有2-3次大測，中英文有默書，中文課堂會有聆聽測驗同作文

但咁跌法點拉都拉唔到同第一段既成績LA...

作者: yhk329 時間: 11-3-8 08:52

提示: 作者被禁止或刪除內容自動屏蔽

作者: jenniferkwok 時間: 11-3-8 11:01

原帖由 yhk329 於 11-3-8 08:52 發表

三個考試，中間重有二至三次大測......
咁密，咪每月個都要考試或測驗
係咪好傳統催谷的學校呢？

無錯，係個個月都有測，仲未計默書，仲有D閒科(音樂/電腦/普通話)都有測驗

係傳統學校，但我估又未算好谷，因為同其他學校比佢地已經叫舒服架LA, 平時功課唔多，測驗亦算少

但我又覺有測驗都好，當溫下習，好過考試時一次過...

作者: yhk329 時間: 11-3-8 12:15

提示: 作者被禁止或刪除內容自動屏蔽

作者: jenniferkwok 時間: 11-3-8 16:27

原帖由 yhk329 於 11-3-8 12:15 發表

個個月唔係大測就係考試
咁重唔叫多及催谷
小朋友的壓力太大了

但同其他學校既MAMI傾開，佢地真係算OK LA, 其他幾間又多功課又多測驗，講緊唔係一個月一次，可能係個個星期，不過可能係小測咁LA

作者: alice44 時間: 11-3-8 16:45

咁我個仔間學校只有數學老師會個個星期同佢地小測, 睇佢地有咩唔識就立即教返佢地, 都係一個唔錯的方法. 這個方式的小測, 我重來都唔叫阿仔溫書, 因為想睇下阿仔有咩唔識.

作者: yhk329 時間: 11-3-8 17:54

提示: 作者被禁止或刪除內容自動屏蔽

作者: 瑩瑩老豆 時間: 11-3-8 19:38

"無錯，係個個月都有測，仲未計默書，仲有D閒科(音樂/電腦/普通話)都有測驗" 咁仲唔算谷?
我囡囡個間得全年各主科二測二考 + 每周默書.

原帖由 jenniferkwok 於 11-3-8 11:01 發表

無錯，係個個月都有測，仲未計默書，仲有D閒科(音樂/電腦/普通話)都有測驗

係傳統學校，但我估又未算好谷，因為同其他學校比佢地已經叫舒服架LA, 平時功課唔多，測驗亦算少

但我又覺有測驗都好，當溫下習，好過考試時一次過... ...

作者: jenniferkwok 時間: 11-3-9 11:01

原帖由 yhk329 於 11-3-8 17:54 發表

個個星期測驗.....quiz那樣不需特別溫習，
主要目的係比老師知道學生進度的
所以以你地學校每個月都有大測考試真係算好谷了

咁又係，或者個個星期小測可能仲好D, 大測要一次過溫一個月既野... 我又懶唔會日日溫，通常測之前一星先溫...

但我地就相反平日好鬆LOR, 只係要應付大測，其他學校就日日都好緊....

作者: jenniferkwok 時間: 11-3-9 11:15

原帖由 瑩瑩老豆 於 11-3-8 19:38 發表
"無錯，係個個月都有測，仲未計默書，仲有D閒科(音樂/電腦/普通話)都有測驗" 咁仲唔算谷?
我囡囡個間得全年各主科二測二考 + 每周默書.

嘩咁真係好wor, 全年先2測2考，不過怕怕一次測/考好多內容？我依家各主科全年約6測3考，我都覺內容啱啱好，再迫多d都唔知點溫....

其實可能係個女心散，佢根本就唔上心，好似求期應付我咁，到測考可以唔識，如果佢肯擺個心去讀係得...

話說今日中文考試內容既相反詞入面有d係無學過寫既，但其他既老師有叫學生係堂上練寫，但個女個班無，我就自己叫佢係家練，佢c都唔肯，話老師都無叫寫！算~唔同佢哎！琴晚... 我寫一次佢睇講到明話我預左佢唔識寫架la因為佢真係一次都無寫過，但都希望認下到時撞都有個譜，點知... 我寫一次佢就識.... 你話la, 佢有心既原來我講一次佢就記得....

有無人可以教下我，點樣令佢溫書時係可以全副心擺上去！

作者: yhk329 時間: 11-3-9 12:29

提示: 作者被禁止或刪除內容自動屏蔽

作者: jenniferkwok 時間: 11-3-9 14:37

原帖由 yhk329 於 11-3-9 12:29 發表

嘩，考試內容連考咩字都通知埋架
咁個範圍又好詳細喎
但係無教過都要考？會唔會D字在課文內教過出現過，不過無等登寫過生詞呀

我地學校只會比考邊課至邊課的範圍
考咩項目就家長學生自己咕 ...

hehehe梗係唔係la, 都係俾考邊課同d咩大範圍lor, 大一堆相反詞，唔會出哂但出邊隻你都唔知麻，我都唔估架la, 溫哂la

你講得啱，係出現過但就無寫過生字咁lor "骯髒" & "醜陋"，我琴晚寫大隻d, 拆開隻字叫佢係咁易記下lor, 隔離班d mami話上堂有練寫但我個女個班就無！

考試返半日，已經放左學，有mami報告無叫佢地寫呢2個字詞！

作者: pyemily 時間: 11-3-10 11:14

我個囡今次EXAM 係比上次差好多... 平均分都係6X, 3個月後又大考啦, 而家諗住日日都幫佢溫書, 做多D 網上EXCISE, 如每日一篇, 總之日日溫D, 唔想等到測驗, 考試才一大堆溫習, 希望真的可以幫助到佢...

作者: qkhui 時間: 11-3-10 11:21 標題: 回覆 59# pyemily 的文章

你囡囡今年小一ar ? 其實除佐日日都溫少少之外, 最重要知佢係邊方面問題, 噉先可以幫到佢ka

作者: pyemily 時間: 11-3-10 12:24

好似中文科, 我同佢溫書的內容她是明白的, 課文內容的詞語她都明白是什麼意思, but當果個詞語要套用在另一句內, 就出問題了, 同埋明明某d生字, 默書時係默過, 到考時, 又唔記得... 我覺得好直的題目她是冇問題... but轉一轉彎, 佢就唔掂了, 閱讀理解又好弱, 之前我做法係, 我會將d 課業, 作業, 臨考時俾佢做多d, 記得多d, but 好似唔多work, 數學科都係, 係臨考之前, 我俾佢計左好多數, 真係同佢溫哂, but see番佢份paper, if佢有諗真d, or小心ｄ, 一定唔止6x幾分, 可能我的concept真係錯啦, 做多d, 唔識起碼一見條題目大約知係咩... 而家唯有小小咁同佢執及同佢溫..

作者: qkhui 時間: 11-3-10 17:39

其實中文科真係唔易ka.. 唔記得o的字點寫, 其實都好正常, 有時大人都會唔記得啦..
如果你講佢唔識用返入去, 可能佢都唔係太明成句意思, 所以都唔知可以放咩詞語入去, le o的語文科o既野, 真係要睇多o的書, 只溫課本上o既野真係唔足夠, 同埋依家普遍學校都唔會問太多課文. 多數係重組句子, 作句, 標點, 閱讀理解, le o的全部都唔會在課本上學到, 所以真係要睇多o的課外書.

數學就真係無辦法, 真係要睇佢地小唔小心, 同埋明唔明條題目問什麼. 真係只可以慢慢來, 同埋有時佢地真係未到個階段, 諗唔到就真係諗唔到, 點做都係諗唔明.. 比多少少時間佢, 現在都是小一.. 就算今次都考得唔太好都唔好太擔心, 仲有個summer 可以慢慢追返. 最重要個小朋友要有信心, 一無信心就好麻煩. 加油 !

作者: 恩林 時間: 11-3-10 17:55

唉~我都係!
阿仔比上學期差左,
我覺得問題係佢心散左...
宜加都年假後1個月, 月尾又要測驗, 點算呢~?!
幾時至pick up 番呢~???

作者: qkhui 時間: 11-3-10 23:11

我都發覺放完個長假一定會心散好多, 所以放長假都有適量練習.同溫習, 對大家都係好o的

作者: alice44 時間: 11-3-11 11:51

但每次測考前後都會有長假期.
暑假後開學的第一期測驗多數都唔太好, 因未投入. 到了聖誕節假期(又是長假)之後又考試, 不過比之前的測驗好少少. 到放完年假(都算長)今個月又測驗了, 只有大考之前沒有長假期影響. 所以每次都係大考的成績最好.
我覺得每次開始投入時, 就差不多放長假.

原帖由 qkhui 於 11-3-10 23:11 發表
我都發覺放完個長假一定會心散好多, 所以放長假都有適量練習.同溫習, 對大家都係好o的

作者: pyemily 時間: 11-3-11 12:38

原帖由 qkhui 於 11-3-10 17:39 發表
其實中文科真係唔易ka.. 唔記得o的字點寫, 其實都好正常, 有時大人都會唔記得啦..
如果你講佢唔識用返入去, 可能佢都唔係太明成句意思, 所以都唔知可以放咩詞語入去, le o的語文科o既野, 真係要睇多o的書, 只溫課本 ...

我都明中文真係唔易, but冇辦法啦, 慢慢來, 希望final exam 可以有進步....

作者: qkhui 時間: 11-3-11 14:21 標題: 回覆 65# alice44 的文章

係ka, 我仔之前每逢第二次同第四次考試都會無噉好, 所以今年聖誕節都盡量唔玩得太多, 不過都幾慘, 明明聖誕節係好快心, 但係都要就住就住.. 唉, 真係唔明點解依家o的小朋友讀書噉辛苦

作者: 大傻蛋 時間: 11-3-11 15:15

我囝3年班了..他學校教的比出面學校淺好多同功課比出面少好多..小一時平均分87左右(學校沒有排名次的)..到小二派左去精英班..家長日派成績表平均分83..我同老師講中間都算唔錯啦..點知老師話全班排最後果幾個了(我好尷尬)..(我成日問他鐘意鳳尾或雞頭..他問即係點,即係係精英班就排最後,係普通班就排頭..他答我無所謂,但他告訴我精英班中文是用普通話教及英文會多幾堂由外籍老師教的,所以我希望他繼續入精英班)以為咁樣小三應該無得入精英班啦....點知又俾他入左(好幸運)..他學校是3測3考的..第一次考試分又係80幾..第二次考試昨天才考完..今天開始派卷了..希望不會太差..因為我要照顧3個..他下面有2個妹妹..所以平時沒什麼時間理他..如果他成績保持平均分80幾都唔錯的...我記得他小一時好鐘意英文的..次次90幾分..但其中一次跌到70幾..同埋他開始抗拒英文..於是向他同學查詢(有幾個同班好熟的),收到消息係有次上堂時老師問野,好多人舉手答,我個仔都有舉手,點知老師(也是他班主任)無理他,以為他舉手答題目,..原來他急屎,想去廁所,因為這樣他忍唔到係課室賴左少少,給同學笑..所以開始唔鐘意英文,我即刻聯絡老師將問題告訴她..老師後來同我個囝談及處理問題(包括叫同學以後唔好再提起單野唔好笑我個囝,又多叫我囝答問題又獎他貼紙等)..後來他又鐘意返英文了..所以樓主可以問問是否有什麼不開心不愉快事影響囝囝..我個仔上年尾突然話俾我聽他聽唔明英文外籍老師講野..我又嚇死..問他點聽唔明..原來係外籍老師有時會講一些生活趣事,不是課文的..所以他聽唔明..不過都給我一個警示,我開始要他多些看和聽英文/查字典等..最近想找人幫他補習英文..希望對他有幫助啦..所以我覺得事出必有恩的..找出原恩就可以解決問題了..THX!

作者: 恩林 時間: 11-3-11 21:30

我好明白你心情, 我都好驚dd壓力,
我都有諗過不如轉校, 考第一好過考第尾,
不過我老公同我講,
"真係考第一, 係咪真係就咁就滿足?"
所以我都係的起心肝, 俾心機教好小朋友~~

我大仔宜加至小一, 上次平均分有90到, 我同你心諗嘅野係一樣, 點知老師話佢考26, 姐係尾10, haha....
我真係好想知考前25個的小朋友係乜野成績!!

我問d班係咪精英班??
老師話佢地冇分精唔精英班, 個個平均分班的...
咁我又信喎~ 因為我睇過小一分班, d姓氏好平均,
咁姐係話其他小朋友都好叻...
壓力好大呢??

原帖由 大傻蛋 於 11-3-11 15:15 發表
我囝3年班了..他學校教的比出面學校淺好多同功課比出面少好多..小一時平均分87左右(學校沒有排名次的)..到小二派左去精英班..家長日派成績表平均分83..我同老師講中間都算唔錯啦..點知老師話全班排最後果幾個了(我好 ...

作者: 瑩瑩老豆 時間: 11-3-11 22:24

平均分有90到考第26, 相信考前25個的小朋友可能也只是九十幾分吧, 咁即係大家分數或只相差0.幾分, 所以其實大家包括你囝囝也很叻了, 冇必要給自己這麼大壓力吧.

原帖由恩林於 11-3-11 21:30 發表
我大仔宜加至小一, 上次平均分有90到, 我同你心諗嘅野係一樣, 點知老師話佢考26, 姐係尾10, haha....
我真係好想知考前25個的小朋友係乜野成績!!

我問d班係咪精英班??
老師話佢地冇分精唔精英班, 個個平均分班的...
咁我又信喎~ 因為我睇過小一分班, d姓氏好平均,
咁姐係話其他小朋友都好叻...
壓力好大呢??

作者: 大傻蛋 時間: 11-3-11 22:55

hello..我囝學校係小二才開始有分班的..今晚返來派左中文卷,得67分..我都未開口講野..我個囝已經喊定..我都唔知講什麼了..唯有叫他最後一次考試時加油了(3月)..他說好難..全班最高多係80幾..唔知真或假..其他科要下星期一才知道哦..希望唔好再給我驚嚇了..大家都要加油哦..

原帖由恩林於 11-3-11 21:30 發表
我好明白你心情, 我都好驚dd壓力,
我都有諗過不如轉校, 考第一好過考第尾,
不過我老公同我講,
"真係考第一, 係咪真係就咁就滿足?"
所以我都係的起心肝, 俾心機教好小朋友~~

我大仔宜加至小一, 上次平均分有90到, ...

作者: whywhywhywhy 時間: 11-3-12 00:11

唉！果然大家都為小朋友成績而煩惱！我都係，不過而家唔係為佢考試成績不理想而煩惱，反而係佢行為上同心理上而煩。
我見到好多家長都會俾練習小朋友做，其實我都想，四月頭小朋友都要考試，但問題係佢連功課都做到九點几，都唔知點俾佢做？最慘係佢日日都想有得玩，無論有几多功課，明天要不要測驗、默書，佢都要爭取玩的時間，否則便會發脾氣！攪到我們一家每天都很不開心！
現在我反而平心靜氣地想，不如先讚讚他，有空給小朋友玩下。考試時先努力溫吧，而且會在星期六、日先給小朋友練習。希望有用！我有時真希望我的小朋友好像其他的一樣媽媽叫做練習會聽，不會發脾氣或哭便好了！
唉！成績....！我己經放下了一點，只願小朋友有一天會自己為自己的成績而努力吧！

作者: pyemily 時間: 11-3-12 11:51

原帖由 whywhywhywhy 於 11-3-12 00:11 發表
唉！果然大家都為小朋友成績而煩惱！我都係，不過而家唔係為佢考試成績不理想而煩惱，反而係佢行為上同心理上而煩。
我見到好多家長都會俾練習小朋友做，其實我都想，四月頭小朋友都要考試，但問題係佢連功課都做到九點几，都唔知點 ...

我囡囡都是一樣, 一有時間就想玩, 我暫時真係未可以看開D, 可以不為成績而煩惱, 我個心只係想佢可以小一, 二打好個底, 不是要做最叻果個, 而家只係希望她 FINAL EXAM有進步啦...

作者: alice44 時間: 11-3-12 12:52

原帖由 pyemily 於 11-3-12 11:51 發表

我囡囡都是一樣, 一有時間就想玩, 我暫時真係未可以看開D, 可以不為成績而煩惱, 我個心只係想佢可以小一, 二打好個底, 不是要做最叻果個, 而家只係希望她 FINAL EXAM有進步啦... ...

我阿仔讀小一小二時真係好擔心佢追唔上, 因為成績唔太理想, 在小二的上學期仲考到全級6X名, 真係嚇死, 班主任仲話成績都唔錯吖! 我話:唔錯, 唔係嗎? 班主任說 : 佢之前考幾多o家? 我話 : 4x名. 返到屋企緊係狂鬧佢啦! 佢知死啦, 咁要佢努力d, 講了一輪道理. 我到佢定下目標, 阿仔話要考15名, 我即說係要全級喎! 佢話係, 當係小二下學期都只係考到4x名. 到了小三, 佢開始發力, 終於小三下學期考到全級13名. 小四小五都幾唔多的名次, 到了今年小六上學期, 佢居然考全級第9名. 所以一個人要定下目標才有進步. 不過阿仔自己都好努力去做好本份架!
你要同阿女一同努力, 你一定唔可以放棄, 如果你放棄, 個女一定會同你一同放棄o架啦!

作者: mymelody2003 時間: 11-3-21 17:41

如果小朋友想進步的, 佢會更加比心機, 好過父母迫佢去讀, 因為迫既成效不大; 我覺得要小朋友覺悟到讀書的重要性, 佢自不然就會有轉變, 問題係要等幾耐呢.... 所以有些家長話小四/五對有些學生會有轉捩點.

囝囝小二, 上次考試時考得幾好, 我都好意外的, 佢話想盡力去做喎... 自此我就成日同佢講: "你曾經拿到好成績, 即係話你唔係一個蠢學生, 要信下自己, 請不要做一些事令人誤會你成績差呢? 所以今次測驗明溫習時明顯有進步.

作者: whywhywhywhy 時間: 11-3-21 21:43

唉！煩係煩在唔係溫書問題，係心態問題，同佢溫佢無心機溫，做卷是但，又唔睇題目，唔睇題目點可以做到啱呢！話佢當耳邊風，關係日差。每日同自己講平常心︳我小朋友係越閙越玩野的！對是玩野，特登激嬲人！真係好炆！！

作者: 恩林 時間: 11-3-23 14:27

ng~ng~! 完全明白....都唔明點解d小朋友會覺得自己考試會識晒...dd係態度問題, 睇錯題目都係因為以為自己實啱, 冇留心睇.....真係激死~!!

原帖由 whywhywhywhy 於 11-3-21 21:43 發表
唉！煩係煩在唔係溫書問題，係心態問題，同佢溫佢無心機溫，做卷是但，又唔睇題目，唔睇題目點可以做到啱呢！話佢當耳邊風，關係日差。每日同自己講平常心︳我小朋友係越閙越玩野的！對是玩野，特登激嬲人！真係好炆！！ ...

作者: 好命婆 時間: 11-3-28 11:00 標題: 回覆 6# whywhywhywhy 的文章

同你一樣, 阿囡無時無刻都係想玩, 上次考試已經包尾, 叫佢今次努力啲, 好似好啲, 但叫佢做多幾次練習, 好似叫佢去死咁, 成日覺得自己識, 考試又唔小心, 唉!

最煩係佢依家嚮精英班, 全班平均分90以上, 阿囡已經覺得自己無論幾努力都追唔倒啲同學仔, 所以佢已經有小小放棄心態。

作者: 恩林 時間: 11-3-29 16:38

唉~剛剛派回前幾天的測試成績分數....
中英文都係得70幾....
我想問吓, 係咪小一下學期會比上學期退步呢?
因為老師上學期講過, 因為下學期唔會讀題, 所以一般都會退步一個級...
上學期我大仔測驗中文係70幾, 英文80幾, 數學90幾, 咁宜加係咪可接受呢??

作者: alice44 時間: 11-3-29 17:45

恩林,
咁又好似低分咗少少喎! 不過唔緊要, 仲有大把時間去追同去適應. 我記得當年阿仔小一嘅時候, 上學期同下學期的平均分係一樣的, 但名次就進步咗12名. 所以你雖然d分係低咗, 但可能名次無低都未定o家! 唔好太擔心. 我亦都試過好多次, 分數低咗, 但名次係前到自己都唔會相信都有出現過, 有時分數好高, 但名次出來無驚喜, 因為每次出卷有時深有時淺, 或者今天出卷深咗, 所以先咁低分嘅.

[ 本帖最後由 alice44 於 11-3-29 17:46 編輯 ]

作者: 恩林 時間: 11-3-29 18:21

咁又係~~!
我大仔話今次有同學唔合格, 不過都有同學100分....吹脹
我都唔知點至可以改善佢嘅唔小心, 因為好多時扣分就係扣係dd地方, 加加埋埋都有10分8分......hahahaha

原帖由 alice44 於 11-3-29 17:45 發表
恩林,
咁又好似低分咗少少喎! 不過唔緊要, 仲有大把時間去追同去適應. 我記得當年阿仔小一嘅時候, 上學期同下學期的平均分係一樣的, 但名次就進步咗12名. 所以你雖然d分係低咗, 但可能名次無低都未定o家! 唔好太擔心 ...

作者: alice44 時間: 11-3-30 10:14 標題: 回覆 81# 恩林的文章

大D真係會好D架, 比D時間佢啦! 我就會叫阿仔CHECK卷時要睇清楚D, 唔好只係望下係唔係做晒而無睇清楚D未有無寫多寫少D筆劃, 考之前同佢黙晒所有課後D中文生字, 英文都係咁做. 數學就要佢計多一次, 如果答案跟之前做的不一樣就計第三次. 到了現在真係好好多, 不過唔係一朝一夕, 係鵝佢好多好多次佢先做到.

作者: 豬包ma 時間: 11-3-30 12:46

我個囡都係,今日問佢英文卷識唔識,佢竟然話有3 part冇做

.小一時考得都幾好,全部都有九十幾,升小二後,就開始差落去,多數都係得七十幾,今日仲話比我聽咁多冇做.自己成日都開解自己:小二啫~~唔好比太大壓力大家.但係一諗起就好唔開心囉~
我囡係一個超大意的人,佢本身聰明,但人就好懶,好大意.成日叫佢覆卷(不停提,仲同佢講,如果我派份卷返來,分數唔需要好高,但我見妳有覆卷,我都會獎勵妳鐘意的東西(問埋佢想要咩).但到最後佢都係唔會做.這個問題由小一到依家小二都改善唔到.真係唔知點做

作者: alice44 時間: 11-3-30 14:50

我個仔小二時, 都有一part做唔切(佔全卷30分), 最後嗰份卷有64分, 即是做了的仲9成, 不過考試當人同我講了, 到了派卷就無咁唔開心, 因為預咗. 當比一次經驗佢, 等佢知道做唔晒嘅後果係點嘅, 如過到了呈分時才做唔晒呀!
我個仔有一個同學時時都做唔晒各科的試卷, 不過佢d名次又唔係好喎! 可能做了的命中率好高!

原帖由 豬包ma 於 11-3-30 12:46 發表
我個囡都係,今日問佢英文卷識唔識,佢竟然話有3 part冇做 .小一時考得都幾好,全部都有九十幾,升小二後,就開始差落去,多數都係得七十幾,今日仲話比我聽咁多冇做.自己成日都開解自己:小二啫~~唔好比太大壓力大家. ...

作者: brianshe 時間: 11-3-30 15:11

提示: 作者被禁止或刪除內容自動屏蔽

作者: alice44 時間: 11-3-30 16:29

阿仔今年小六, 今次係最後一次呈分試, 剛剛打比我, 佢話所有科的卷已經派了, 成績理想, 我都好開心.

作者: Hopeful2010 時間: 11-3-30 16:33

原帖由 豬包ma 於 11-3-30 12:46 發表
我個囡都係,今日問佢英文卷識唔識,佢竟然話有3 part冇做 .小一時考得都幾好,全部都有九十幾,升小二後,就開始差落去,多數都係得七十幾,今日仲話比我聽咁多冇做.自己成日都開解自己:小二啫~~唔好比太大壓力大家. ...

你個囡同我囝好似呀,今次測驗,中文得84分, 有9分係大意失的,由小一提到小二口水都乾,上次測驗全部9字頭,考試有9x,有8x. 每當我期望佢好似上次咁,會一定失望,佢唔鍾意我娥佢的,唔知有何方法令佢改? C6仲話我惡,話個囝都唔想噃, 話要給佢鼓勵,好唔開心,好想唔理, 我都係想佢improve姐,如果呈分試咁失分法, 真係冇眼睇….

作者: Hopeful2010 時間: 11-3-30 16:43

原帖由 alice44 於 11-3-30 16:29 發表
阿仔今年小六, 今次係最後一次呈分試, 剛剛打比我, 佢話所有科的卷已經派了, 成績理想, 我都好開心.

請問呈分試是否最好要9字頭會穩陣? 全港排名會前d?

作者: goodenough 時間: 11-3-30 17:36

10個有9個都係唔小心，再加上唔覆卷，呢個我覺得失分的主因。
以前由一年班做起，我每晚幫佢對功課，我要求佢自己做晒先，若有錯再改。佢每日做同樣的事情，甚麼唔小心，唔覆卷，一早已浮面，而且我好認真。慢慢小朋友就會養成一種習慣。
重有唔好比自己咁多藉口，甚麼一年班，重有大把機會，由細養成一種習慣好過你之後慢慢改，眨眼就五年班，到時呈分就後悔莫及。
再講有邊過小朋友唔想玩，呢過真係好難控制，因為在學校都會受同學影響，佢都會不自覺地偷玩，但低分我覺得唔係因為貪玩，養成一個小心的答題習慣是好緊要。
試看看每間學校名列前矛的同學年年都是那幾個，就是因為除了讀好書之外，平時養成良好做功課的習慣，考試時就不自覺用得著。
我地會考時何曾唔係搏命做past paper,做多了，自然純熟，當然小朋友未必需要這樣。

作者: alice44 時間: 11-3-30 17:49

咁最好當然係100分啦! 分數越高, 排名就會越高. 不過要加好多外來計分, 有師兄師姐, 學校banding等等因素.

原帖由 Hopeful2010 於 11-3-30 16:43 發表

請問呈分試是否最好要9字頭會穩陣? 全港排名會前d?

作者: 豬包ma 時間: 11-3-31 23:27

原帖由 brianshe 於 11-3-30 15:11 發表

10個小朋友9個唔覆卷, 淨低一個係做唔切.
每升一級, 學業就更深. 小一個個默書就100分/ 考試90幾啦. 小六仲淨幾多, 中學仲淨幾多90分呀....正常嘅.

而且, 70分唔代表咩架. 要睇整體平均分先知實際得分.

不過, 做 ...

其實我最唔開心係佢話得聽,佢做卷時"做做下發夢"攪到下面2part冇做到.佢好唔盡力好冇責任心囉~

歡迎光臨教育王國 (/)