教育王國
標題: 其實應該點安排? [打印本頁]
作者: cmchang0927 時間: 11-2-22 22:49 標題: 其實應該點安排?
我朋友個女3歲2個月, 已經私人training (ot+st+pt)3日(每月over7k) + 全日i 位幼稚園 + 脊醫, 現在情況如下:
-流口水 情況由每日8條口水肩進展到4-5條
-大小便不能表達
-能講少於十個有意思的單字
-行路間中跌到
-很少笑, 出生到現在都沒有笑到咭咭聲
-喜歡接觸小朋友, 在一旁看別人玩
-定為整體發展遲緩, 原因不明, delay年半
想問:
-有沒有媽咪有類似情況? 最後會否在小一前catch up?
-如果catch up唔到小學是否照入主流學校, 但選一些功課少的? 或應選international school?
-朋友要為個女做的已做哂, 還有甚麼治療可以幫助小朋友?
謝謝分享!
作者: pipi331 時間: 11-2-23 00:32
提示: 作者被禁止或刪除 內容自動屏蔽
作者: cmchang0927 時間: 11-2-23 01:46
謝謝你的回覆
其實如果係s位, 一來冇人suggest佢去排, 二來佢都應該接受唔到, 因為今日同佢傾開計, 佢覺得只要做足3t(已經一年半)同最近加脊醫, 一定有一日追番, 佢話係hk讀唔到, 第日最多送佢去外國讀書.
我想問吓, 整體發展遲緩同智力障礙有冇關係? d t 成日只係同我friend講話遲幾多幾多, 又冇話佢聽究竟會唔會追得番, 或者幾時追得番........做咗成一年半3t, 都未等到佢叫一聲媽咪, 最近仲介紹埋脊醫, 又要比多2k一個月....
咁其實幾時先知點plan遲緩孩子讀咩小學? 我friend其實好想阿女第日讀英文小學的..... 唉
原帖由 pipi331 於 11-2-23 00:32 發表 
三歲幾 慢年多, 比我會入s位+私人訓練.
i位ge服務唔夠, 預一星期有 兩至三個半日出咗去做私人訓練, 但每日都至少有三小時清醒ge時間 留系i位學校, i位老師比盡都系每日對您小朋友半小時多d, 隔週st, 其余時間系一 ...
作者: pipi331 時間: 11-2-23 02:58
提示: 作者被禁止或刪除 內容自動屏蔽
作者: Capricorn2521 時間: 11-2-23 13:02
係呀... 情況真係吾太理想。
我記得亞仔3歲4個月入S位時情況仲好過佢。當時已經沒有流口水，能行能跑，能表示大小便。
除了上3T課外，家長有冇在家跟進做TRAINING架? 如果冇，進度係十分緩慢的。如果有在家跟進都仲係咁，真係要問吓D 3T，問題出在那兒，或是要考慮轉人呢? 跟進果個人係要同 3T 緊密溝通，全心投入去做TRAINER先得架。
pipi331講得啱，依家已經3歲啦，仲吾著緊D追，HEA吓HEA吓又一年架啦。
不過，如果佢有錢，買個島比個囡住都得嘅，又吾洗讀書。
[ 本帖最後由 Capricorn2521 於 11-2-23 13:06 編輯 ]
作者: kelvin_hmlau 時間: 11-2-23 13:34 標題: 回復 3# cmchang0927 的帖子
小一前catch up?
-> 呢個我諗係全板網友的主觀願望.
整體發展遲緩同智力障礙有冇關係?
-> 可以有, 可以無.
-> 整體發展遲緩即係大部分發展追唔上同齡. 當然可能同天生智能有關.
-> 但有d 小孩去到某個歲數就開 turbo, 可能係某d 障礙清除了.
朋友要為個女做的已做哂, 還有甚麼治療可以幫助小朋友?
-> 我就唔敢講做晒, Dan doctor, 排毒, 中醫, 針灸, Homopathy, 耐性, 決心, 努力,...
d t 成日只係同我friend講話遲幾多幾多, 又冇話佢聽究竟會唔會追得番
-> 因為無人答到你, 只有神會知.
-> 好比有人比左條減肥 tips 你, 適唔適合你, 你減唔減到, 幾時減到, 減到幾多, 真係無人敢講.
-> 只可以講知道問題核心, 用對方法, 夠努力, 成功機會自然大d.
作者: cmchang0927 時間: 11-2-23 19:24
大小便呢樣野, 佢女係痀左都冇表示, 冇反應.... 好似上次同佢出街, 係佢媽咪聞到, 抱起佢見到D衫都污糟埋先知....
我問佢媽咪學校有冇幫忙介片, 佢話冇......... 佢話佢女又唔識表示, 佢都唔識點同佢介片.......其實I位學校會唔會知道小朋友係DELAY, 諗D方法教佢地去TOILET
? 係學校既時間其實好長, (8AM TO 4PM), 咁學校唔幫手, 家長都唔知點做好........
原帖由 pipi331 於 11-2-23 02:58 發表
有米者, 就算小朋友唔算叻, 憑亞爺留低果d都夠一世無憂....
有信心堅持者, even小朋友同主流有一大段距離, 都可以憑著無比堅持, 本著求學不是求分數, 唔計較得著幾多, 要與主流共融呢d信念, 比小朋友讀主流.
香 ...
作者: someoneelse 時間: 11-2-23 20:15 標題: 回復 1# cmchang0927 的帖子
點解無用PST？？ 係一個對發展遲緩小朋友最重要既導師喎！
有無諗過撤換那3T？！
I 位基本上係唔適合有多項問題要跟進的孩子！
至於智能問題，憑上課及學習情況及進度，I位老師怎講？！
作者: cmchang0927 時間: 11-2-23 21:15
咦, 咩係PST?
我FRIEND話老師話佢女對人友善, 不會搶別人東西, 又冇反抗, 好乖哦!
原帖由 someoneelse 於 11-2-23 20:15 發表
點解無用PST？？ 係一個對發展遲緩小朋友最重要既導師喎！
有無諗過撤換那3T？！
I 位基本上係唔適合有多項問題要跟進的孩子！
至於智能問題，憑上課及學習情況及進度，I位老師怎講？！ ...
作者: someoneelse 時間: 11-2-23 21:24 標題: 回復 1# cmchang0927 的帖子
PST - preschool teacher 幼兒導師
http://slp.heephong.org/cht/child-care-training-services
想知既唔係孩子乖唔乖呀...你想知智能方面嘛，問下老師對孩子於校內既學習情況/能力可略知一二...or PST 可經測試後或可看出一些！
作者: cmchang0927 時間: 11-2-23 23:31
Thanks for your sharing!
等我諗d婉轉d方法同我friend講有呢樣野..... 因為佢人都較易嬲, (工人都比佢駡走咗三個!), 佢初初由國際kindergarten 轉去i 位kindergarten 好多不滿, 又話d人level 低, etc...... 所以我完全唔夠担同佢提s位....... 之前佢女未夠兩歲有番過協康ｄ班（星期一至五都要番既）， 佢好唔ｌｉｋｅ因為入面有ｄ細路仲差，又發脾氣，佢話驚近墨者黑，所以番咗一個月冇番，去ｄ普通ｐｌａｙｇｒｏｕｐ同轉去另一度私人３ｔ， 所以我唔知有ｐｓｔ呢樣野．．．．其實唔知佢而家ｉ位ｋｉｎｄｅｒｇａｒｔｅｎ老師有ｄ驚佢， 所以都唔敢講太多．．．．
但係我有個疑問，點解３ｔ冇同佢提及智力發展？我係普通人實在唔敢同佢講ｄ咩，因為佢實以為我想踩佢女，有好多普通人成日不負責任同佢講，哦，唔怕，我識阿咩咩咩，都五歲先講野，而家小學ｘ級全級第一，ｅｔｃ，我其實好想幫個小朋友得到更多既幫助，但又要顧及我ｆｒｉｅｎｄ既性格，所以都要諗下先可以同佢ｐｒｅｓｅｎｔ
作者: pocoyo123 時間: 11-2-24 01:27
我都見唔小家長好以你朋友咁, 有時真係好無奈, 眼見朋友的小孩又話什麼比賽勝利,自己果個就咁, 有時都會自我吹眠,諗住佢好怏好返變正常.......
不過,呢D都係幻想, 現實係, 三歲只講單字, 家長真係要正視, 連介片都未得, 快些同學校傾下, OR, 你可同佢講, 自己打去CAC要求再評估, 覺得呢間學校唔OK, 睇下有乜服務幫到佢
我相信你朋友咁臭檔, 老師有野都唔想同佢講, 情願等佢個囡自生自滅, 叫佢上堂時間去學校睇下上堂情況啦
原帖由 cmchang0927 於 11-2-23 23:31 發表
Thanks for your sharing!
等我諗d婉轉d方法同我friend講有呢樣野..... 因為佢人都較易嬲, (工人都比佢駡走咗三個!), 佢初初由國際kindergarten 轉去i 位kindergarten 好多不滿, 又話d人level 低, etc...... 所以我 ...
作者: pocoyo123 時間: 11-2-24 01:38
3T 點解唔提智能問題1) 年齡太細, 起碼五歲先CHECK到&準確
2)私人3T, 好多比較商業味 , 小愛心
3)如前,你朋友太臭檔, 唔想講, 講得唔啱聽, 無左個客
4)遲緩咁多, 家長心裡有數, 佢唔想講得太白
第一個答案係真的, 其他係我推算的
作者: pipi331 時間: 11-2-24 13:18 標題: 回復 3# cmchang0927 的帖子
提示: 作者被禁止或刪除 內容自動屏蔽
作者: shuna 時間: 11-2-24 21:47
你朋友個女整體發展遲緩, 在I位得益唔多, 佢好乖係因為佢冇反應, 可能都唔明點表達得好, 每星期有3日3T, 但在家有冇每日努力訓練? 如果冇, 唔好期望有大進展, 叫你朋友努力D. 其實你朋友接受唔到個女係幫唔倒個女, 因為佢冇為個女選擇適合的學校, 而有D整體發展遲緩係同機能有關, 但有D會智能都差, 3T唔會直接話比你知有冇機會追得返, 因為1)有機會, 但都要努力2)冇機會, 但唔會直接話你知, 其實佢心裡有數, 而你朋友個女咁大個連笑都唔多? 連自己痀左都 冇反應? 你話智能會有幾好? 做PST會好D, 起碼教佢應該識既野, 叫你朋友正視個女既問題啦, 否則個女越大, 個gap就越大, 可以追都追唔倒
作者: cmchang0927 時間: 11-2-24 23:21
我諗住過兩日同佢講, 識咗個媽咪, 小朋友都係delay, 去完pst好咗哦, 等佢去決定......
其實我識咗我friend都有7,8年, 同期做暑期工識個d已經同佢反哂面, 但係當年我親人有事佢幫過我一個忙, 我唔想leave佢雖然佢d脾氣好難頂, 而小朋友係要大人幫佢, 先可以得到適當既treatment, 時間過咗就慘了.....
佢係屋企都有同佢做training, 但係量同質我就唔清楚. 不過原來有時個人太燥, 真係會聽少好多真話嫁...好似點解佢唔明個問題既嚴重性, 冇再深入諗d方法幫佢女, 完全同週圍既人好大關係, 好似上次佢見個女未咳好, 叫i位個老師cut佢自備既野比佢女食, 後來番到屋企發覺學校冇做, 就打比老師, 老師話人手好忙, 做唔到d額外野, 佢就搵校長, 最後當然第二日學校有幫佢做到, 我friend仲話呢d級數既kindergarten, 處事真係差.............. 所以我估個老師有咩問題都唔敢反應.....
再加上竟然有d不負責任既人(我friend做野既同事, 但比佢低級), 我friend同佢講完佢女既情況, 個同事竟然同佢講, 話佢個女可能係資優, 因為佢女識得聽個首由細聽到大既兒歌, 到clap your hands個度識拍手, 我friend又信信地...........
我平時都已經好婉轉同佢講, 學校d老師對咁多人, 叫佢不如有d野自己教吓, e.g toilet training, 佢又話比咗學費做咩唔比人教......... 成日都話冇咩問題錢解決唔到.....
但係我真係好respect有遲緩既小朋友既媽媽, 佢地負出既勇氣, 時間, 心血, 比普通既媽媽要多出一倍, 所以有時我覺得我friend咁燥, 都可能同壓力有關
作者: pocoyo123 時間: 11-2-25 00:13
你對朋友都好有義氣, 係啦, 試下叫佢去上PST堂, 等導師講佢囡囡情況比佢聽, 或者佢聽得入
不過, 好為佢囡囡可惜, 佢媽咪都唔接受現實, 自己都唔接受自己個女, 其他人又點會接受佢, 光陰一去不返, 害左個小朋友原帖由 cmchang0927 於 11-2-24 23:21 發表
我諗住過兩日同佢講, 識咗個媽咪, 小朋友都係delay, 去完pst好咗哦, 等佢去決定......
其實我識咗我friend都有7,8年, 同期做暑期工識個d已經同佢反哂面, 但係當年我親人有事佢幫過我一個忙, 我唔想leave佢雖然佢d脾 ...
作者: autunmbb 時間: 11-2-25 01:07
等我諗d婉轉d方法同我friend講有呢樣野..... 因為佢人都較易嬲, (工人都比佢駡走咗三個!), 佢初初由國際kindergarten 轉去i 位kindergarten 好多不滿, 又話d人level 低, etc...... 所以我完全唔夠担同佢提s位
如果你個fd想入政府的S位, 如果佢最初無排過，係無得入，因為佢派左I位。你問下伙個fd有冇排過s位，如果要小班教育又要同d高層次的人一齊，就比番咁上下架錢，去私家的。
其實有感而發想講，個小朋友有特別需要就要用特別的方法，最緊要係父母諗通佢先囉。
作者: cmchang0927 時間: 11-2-25 01:31
佢冇排過ｓ位架， 因為當時政府只係ｓｕｇｇｅｓｔ佢排ｉ位．．．
咦，有ｄ係小班同高層次架，咁如果係佢可能有興趣ｄ，因為佢對層次問題都幾ｍｉｎｄ，成日都唔滿意個女同ｄ低層次既人一起．．．．
我見到小朋友得唔到適當既治療好肉緊，人既生命真係好寶貴，當年我爸爸都係誤信庸醫，延誤治療，所以．．
而且而家自己又有小朋友，所以會諗如果我女係咁，我一定會接受現實，令佢得到最好既幫助，就算不可與同齡小朋友比較，也要令他得到最好的改善．因為父母在正常情況下一定會比小朋友早離開，那到時小朋友如何是好？
原帖由 autunmbb 於 11-2-25 01:07 發表
如果你個fd想入政府的S位, 如果佢最初無排過，係無得入，因為佢派左I位。你問下伙個fd有冇排過s位，如果要小班教育又要同d高層次的人一齊，就比番咁上下架錢，去私家的。
其實有感而發想講，個小朋友有特別需要就要用特別的方 ...
作者: pipi331 時間: 11-2-25 13:07
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |