教育王國

標題: 大坑真光 vs St Clare [打印本頁]

作者: MBK 時間: 11-2-22 15:08 標題: 大坑真光 vs St Clare

我仲未諗掂讀St clare定大坑真光，有人話真光中學好過St clare中學，如果會讀埋中學，係咪應該揀真光，另外我住港島東，車程去St clare遠一倍，真光環境又大又有泳池同運動場，St Clare校車落車的地方係路邊入唔到學校，K1-K3小朋友落雨同凍都要行個條斜路+幾級樓梯，放學又要企哂係度等校車，一架上完一架，要人齊先有校車到，要食風同冒雨係我最唔想的，到小學識照顧自己就可以一落車自己行入去就好d！我有朋友的女讀緊St clare都話小朋友會仆親，佢話都好肉痛！

作者: MBK 時間: 11-2-22 15:09

St clare幼稚園都開心，教的都唔深(同九龍塘的比較)，小學先辛苦谷d，都好似係要家長用好多時間同小朋友預習、做功課同溫書，所以想懶惰的亞媽(即係我)，想揀真光放棄St clare！我想亞女開心我又可以輕鬆d！因為我無諗住要迫亞女去DGS或者St Paul Co-ed...個d超名校，如果讀完小學發覺亞女係讀書的材料，佢想更上一層樓的咪再自己去考囉！我咁諗唔？

作者: 02040314 時間: 11-2-22 15:19

諗法好正確！
真光小學好似輕鬆d!我也有堅道真光offer,但我鍾意英文小學多d,所以揀st Clare!

作者: Cutemom0808 時間: 11-2-22 15:27

我沒有注冊真光但注冊了St Clare，當時考慮因為真光中文很好但我始終喜歡EMI多點，而真光英文水平的確不是我所能接受。另外真光課程淺，如果小一抽到好小學校我怕小朋友追得辛苦。所以如果語文不是一個考慮而又沒有想過讀真小以外的學校，我想真光是很不錯的。

作者: MBK 時間: 11-2-22 15:39

St clare同真光我都會讀埋小學，中學都應該會讀(因為係津校要派位)，2間都係英文中學，因為我仲有個細女而家一歲，所以一條龍對我來講好緊要，我唔想年年都要去interview，而家幫家姐揀，細妹都會讀同一間(如果收埋)！所以要慎重考慮！

[ 本帖最後由 MBK 於 11-2-22 15:41 編輯 ]

作者: Snoopywy 時間: 11-2-22 15:39

原帖由 Cutemom0808 於 11-2-22 15:27 發表
我沒有注冊真光但注冊了St Clare，當時考慮因為真光中文很好但我始終喜歡EMI多點，而真光英文水平的確不是我所能接受。另外真光課程淺，如果小一抽到好小學校我怕小朋友追得辛苦。所以如果語文不是一個考慮而又沒有想過讀 ...

你都有聖心offer,你最後選邊間 ?

作者: Cutemom0808 時間: 11-2-22 16:00

原帖由 Snoopywy 於 11-2-22 15:39 發表

你都有聖心offer,你最後選邊間 ?

今早巳注冊了SH。無可否認SH在學術和名氣高於St Clare，而按Ian的分析能上小學的機會也不低，但如之前說我其實傾向EMI多些，St Clare是full day 校內有很多ECA方便参加。有決定我會盡快放出offer。

歡迎光臨教育王國 (/)