教育王國

標題: 救助........我應該同小朋友做什麼測試 [打印本頁]

作者: pollybell 時間: 11-2-21 17:00 標題: 救助........我應該同小朋友做什麼測試

今日係家長日,我小朋友讀國際學校既K1,老師叫我帶仔仔做測試,因為小朋友在學校上堂經常走左去玩,老師叫佢回座位,回到座位時佢可以做倒老師講野所有野,其實佢有聽老師講野,但經常走左去,會影響其他同學,第二講佢既記憶好強,認字同閱讀唔係同齡既LEVEL,話去到6歲既LEVEL.老師話佢好聰明好叻但好難控制,我都唔知點算,我應該要做咩測試先幫倒學校同仔仔.

作者: carrai 時間: 11-2-22 08:31

佢讀什麼(國際學校)？老師是香港人嗎？

你小朋友之不過是k1？還小。
佢在學校影響其他同學有幾嚴重？！有什麼問題？

國際學校已經包容學生強過本地學校好多囉。你小朋友學校需要你去check report嗎？

作者: pollybell 時間: 11-2-22 11:47

謝謝你回應:

我小朋友所有老師都係外藉人仕,老師話佢成日走左去,如果其他同學學佢,佢地好難CONTROL.好彩其他人唔跟佢,例如排隊又唔排,捉佢就爬地,要浪費好大氣力同時間先可以歸隊,有時又訓地乜都唔做,但老師講佢有GOOD DAY AND BAD DAY,如果GOOD DAY就好好多比較合作,我真係好大壓力,之前讀N1係LOCAL, 已經成日投訴所以轉IS,你講得對,其實佢地真係好包容,唔係好似N1咁語言上投訴,而IS既語言上只係想大家想想辦法去處理,我地不停SAY SORRY,佢地都話唔需要,都係講俾我地知小朋友在學校既問題,今次出埋信POINT晒佢既問題,同時希望我地同佢做些測試,我地好迷網.......做咩測試.所以請教大家,而家好無助,因為之前見過兩次臨床心理學家都覺得佢問題不大,再加上佢好多測試好似ADHD做唔倒,因為太細,自閉同亞氏保加又唔似.所以都唔知點算.

[ 本帖最後由 pollybell 於 11-2-22 11:53 編輯 ]

作者: carrai 時間: 11-2-22 13:38

你上次去見臨床心理學家是不是你只口述你囝囝問題？好多時做test唔係一次、兩次就得，好多時這些小朋友有情緒問題...

你今次你有學校封信，他們會清楚了解你囝囝問題，他們今次會幫到你！

[ 本帖最後由 carrai 於 11-2-22 13:43 編輯 ]

作者: pollybell 時間: 11-2-22 16:16

上次做TEST係個心理學家單對單同我小朋友做,45分鐘做完唔需要跟進,只係講比佢正常咁成長,亦唔需轉介或跟進,如果擔心就每年再做一次,信既內容基本上同我講俾心理學家知既一樣,再睇都係呢些問題.所以點好???????咁都唔知我小朋友開邊範咁我點幫倒佢呢???

原帖由 carrai 於 11-2-22 13:38 發表
你上次去見臨床心理學家是不是你只口述你囝囝問題？好多時做test唔係一次、兩次就得，好多時這些小朋友有情緒問題...

你今次你有學校封信，他們會清楚了解你囝囝問題，他們今次會幫到你！ ...

作者: carrai 時間: 11-2-23 08:37 標題: 回復 1# pollybell 的帖子

對唔住，打左一大篇野，噤錯一個制就冇左

人地好鬼辛苦打架

，我現在唔得閒，我遲小小再打過。

[ 本帖最後由 carrai 於 11-2-23 10:51 編輯 ]

作者: carrai 時間: 11-2-23 10:52

please check pm

作者: baubaulee 時間: 11-2-23 11:07

Dear Carrai

My son has the same problem
Please pm me too.

Thanks,

作者: carrai 時間: 11-2-23 15:13

原帖由 baubaulee 於 11-2-23 11:07 發表
Dear Carrai

My son has the same problem
Please pm me too.

Thanks,

其實我都未必一定幫到大家

，我只不過係一個媽咪，將自己經驗分享。

作者: huisylvia 時間: 11-3-13 17:00

我仔同你仔好似呀,d老師評話係一樣架!個主任又係叫我地帶佢去健康院check...唉

其實個仔n1上學期完時已經老師提醒帶佢去做評估,因老師話佢有自閉傾向,我地即刻搵私家,因政府排好耐,最後証實speech delay6-9個月,同社交困難,但認知能力over佢年紀,於是開始上堂跟進
期間k1轉咗間學校,我地一開學已經同兩個老師(其中一個西人)講佢既情況,老師都好好同我地跟進溝通,話佢好聰明,學得好快,但上堂就唔跟大隊,又會發脾氣,好彩佢唔係打人,但就影響其他同學.....上兩個星期主任話雖然知有私人治療師跟緊,但都叫我地帶佢去健康院跟,到時健康院會出問卷學校問佢學校情況,了解多d喎...
我好明你既迷茫,都唔知佢咩事,而家跟緊既治療師話佢說話進步咗,反而情緒要跟進,但又唔係adhd,又唔係自閉,又唔係亞氏保加....但學校又要再去check,咁即係點啫,真係好煩

原帖由 pollybell 於 11-2-22 11:47 發表
謝謝你回應:

我小朋友所有老師都係外藉人仕,老師話佢成日走左去,如果其他同學學佢,佢地好難CONTROL.好彩其他人唔跟佢,例如排隊又唔排,捉佢就爬地,要浪費好大氣力同時間先可以歸隊,有時又訓地乜都唔做,但老師講佢有G ...

歡迎光臨教育王國 (/)