教育王國

標題: 孖女上小一應該分班還是同一班? [打印本頁]

作者: BBTWIN 時間: 11-2-10 17:55 標題: 孖女上小一應該分班還是同一班?

孖女屬細女, 性格慢熱被動. k1至k3一直分班. 原本我想對女上小一分班, 但我阿嫂給我意見是最好同班. 理由是方便安排兩個女溫習每星期必定有的中默同英默. 如果分班, 我會面對永無休止的默測. 但不分班, 我又怕佢地兩個有伴就不理其他同學. 因為這些新同學都好陌生. 我肯定兩個女唔會主動同佢地玩, 除非遇著d同學都係熱情又鐘意佢地又當作別論. 但世事又怎會盡如人意. 上小一真係咩都靠佢地自己, 特別係社交方面. 孖女呢方面認真麻麻, 點算???有冇意見可以比我, 麻煩大家.

作者: gracelam 時間: 11-2-10 18:07

原帖由 BBTWIN 於 11-2-10 17:55 發表
孖女屬細女, 性格慢熱被動. k1至k3一直分班. 原本我想對女上小一分班, 但我阿嫂給我意見是最好同班. 理由是方便安排兩個女溫習每星期必定有的中默同英默. 如果分班, 我會面對永無休止的默測. 但不分班, 我又怕佢地兩 ...

我囡囡班中都有2對孖仔, 不過學校將佢地4個分開. 至於默書, 測驗, 考試我囡囡間學校係每一級都係同一日, 即係1年級每班都同一日默中文, 英文, 測驗科目都係同一日.

不過唔知你D囡囡間學校係咪咁安排.

作者: BBTWIN 時間: 11-2-10 18:21

原帖由 gracelam 於 11-2-10 18:07 發表

我囡囡班中都有2對孖仔, 不過學校將佢地4個分開. 至於默書, 測驗, 考試我囡囡間學校係每一級都係同一日, 即係1年級每班都同一日默中文, 英文, 測驗科目都係同一日.

不過唔知你D囡囡間學校係咪咁安排. ...

多謝回應! 如果係同一日默測就冇咩問題, 如果分開都真係幾麻煩. 孖女有一私校在手, 而家等緊6月統一派位結果. 如果派到, 又一煩惱.

作者: kakabbbb 時間: 11-2-10 21:35

提示: 作者被禁止或刪除內容自動屏蔽

作者: BBTWIN 時間: 11-2-11 11:09

原帖由 kakabbbb 於 11-2-10 21:35 發表
分唔分班唔係你話事的...
係學校決定的....
而多數一定同你分開佢地...
你都唔洗0係度煩呢個問題了~

如果我最後選私立小學, 我係可以選擇分班或同一班的, 因我巳問過學校會按我須要安排. 津校就唔係我話事, 要考編班試. 但如果我須要, 亦可寫信給學校要求. 其實我都係想聽多D大家意見先選擇, 話哂安排左就要讀一年先可以再轉, 唔想後悔.

作者: babybear 時間: 11-2-11 11:57

同班有個好處，就係同佢地跟功課同溫習都容易控制時間些。因為每日大家既功課都一樣，要溫習既測驗默書既時間都一樣。同佢地一起温習，個大人冇咁辛苦。

如果分班的話，兩個每日既功課又吾同；測驗默書又吾同曰子，有時可能仲撞期，一個測中文，另一個測英文........同佢地溫書，個大人都幾難分身！

作者: mrsanthony 時間: 11-2-12 18:54

我囡囡學校同級共有3對孖囡 (計埋小女)
其有2對同班, 只有我自己對孖囡是分班.

我們讀津校, 開學前學校徵詢我們家長自己的意願.

我覺得 - 若家長可以兼顧到, 最好選分班吧!對他們成長有益冇害. 家長都會知多點學校的事 (因有收兩班的料)

作者: mrsanthony 時間: 11-2-12 18:58

疲於奔命就在所難免
:>
不過, 愈大會愈好的.

歡迎光臨教育王國 (/)