教育王國

標題: kts vs 真道 [打印本頁]

作者: janssenma 時間: 11-2-10 14:05 標題: kts vs 真道

你地會點選擇?

原打算讀kts,因都鍾意,大抽獎選左名校博博.

如選真道,一條龍,但要放棄大抽獎,有何意見呢?

作者: Tobymm 時間: 11-2-10 15:07

為妳小孩小心考慮，可以去BK小學一覽->西貢區->真道書院看看，是否適合。不要只純粹顧一條龍和愉快中學習的意念。祝你好運！

作者: Naurto 時間: 11-2-15 17:09

當然 kts啦

作者: 粉紅虎 時間: 11-2-16 00:29

KTS 係全統學校, 而真道係活動教學, 兩間學校教學方式完全唔一樣, 樓主...你要清楚兩間學校的教學理念, 同埋你小朋友適合那一種教學方式, 不要只顧一條龍.....
小女讀KTS 小一, 功課唔算多(4-5左右),假期多d, 黙書同測驗都唔多, 學校著重閱讀及理解.

朋友的小朋友讀真道,功課唔算多(2-3左右),假期多d, 黙書同測驗都唔多, 無考試, 用評估方式, 學校著重小朋友去思考.

作者: cherrieshum 時間: 11-2-16 10:08

真道係活動教學，那就不要選了！我朋友做教師，他表示來自活動教學學校的小孩，很難適應傳統英文中學，主要原因是那些小孩不喜歡書寫，那試問怎樣中英文寫作呢？又不喜歡做功課，寫多少少就投降不做了，那試問怎樣應付公開考試呢？公開考試要求學生的表達能力，你不寫字怎樣表達？？

作者: cherrieshum 時間: 11-2-16 10:08

九龍塘小學

作者: crystalwsm 時間: 11-2-16 11:10

之前真道有咁多負面報道，嚇怕咗，我支持九龍塘學校，相信呢間係一間愛心學校

作者: littlefaith 時間: 11-2-16 16:39

原帖由 cherrieshum 於 11-2-16 10:08 發表
真道係活動教學，那就不要選了！我朋友做教師，他表示來自活動教學學校的小孩，很難適應傳統英文中學，主要原因是那些小孩不喜歡書寫，那試問怎樣中英文寫作呢？又不喜歡做功課，寫多少少就投降不做了，那試問怎樣應付公開考試呢？公開考 ...

你這樣說有欠公道。小女就讀真道FS1(相等於外間小一)，每天都要寫一篇日記交回學校，有中有英，又怎可說真道的學生不會寫作呢？
請評論前先弄清楚再說，可以嗎？
至於什麼「不能適應傳統英文中學」，其實既然真道是一條龍讀上中學，作為家長早已預算在原校升讀，幹麼還要去「適應其他傳統英文中學」呢？

作者: Bcat 時間: 11-2-16 16:50

提示: 作者被禁止或刪除內容自動屏蔽

作者: mscmit 時間: 11-2-16 20:35

原帖由 Bcat 於 11-2-16 16:50 發表
你睇過真道直資風波....果班家教會主席家長見傳媒的表現就明啦. 講野又唔大體, 學校唔急佢地急....講野冇內容又冇point....果句"身受其害"真係講到審計署刹左佢地咁. d家長質素....

梗係要kts ...

我又不覺得真道的家長像你Bcat說得那樣不識大體，反而在事件發生後，作出了既大方又得體的回應，這樣還被幸災樂禍的你（如Bcat）誣陷，唉！
其實，kts跟logos兩間學校教育理念完全不同，作爲負責任的家長，理應了解子女的特質才去選擇，而不是在這裡給予不負責任的不實言論。

作者: busy_penny 時間: 11-2-16 20:51

九龍塘sure

作者: Ben2003 時間: 11-2-17 01:41

因為教學理念不同，很少人會比較傳統教學的學校和活動教學的學校。

作者: Tobymm 時間: 11-2-17 12:24

sure 九龍塘sure

真道

作者: fanwong29 時間: 11-2-17 12:33

e兩間揀,我會擇選KTS,我鍾意學校環境同學生,純個人喜歡呀!

作者: Naurto 時間: 11-2-18 13:06

就算活動教學, 都有些口碑錯的, 港同是期中一間。

作者: nerimo 時間: 11-2-18 19:12

原帖由 mscmit 於 11-2-16 20:35 發表

我又不覺得真道的家長像你Bcat說得那樣不識大體，反而在事件發生後，作出了既大方又得體的回應，這樣還被幸災樂禍的你（如Bcat）誣陷，唉！
其實，kts跟logos兩間學校教育理念完全不同，作爲負責任的家長，理應了解子女的特質才去選擇，而 ...

很認同你所講, 有時想找些中肯意見,但好多時.......
真的被這些言論嚇怕了!

作者: bb2 時間: 11-2-19 10:56

呢兩間係好唔同既學校喎..樓主應該睇下自己小朋友適合邊種學校再決定..

不過我有個朋友, 佢兩個小朋友都係係真道讀, 一個讀緊中四, 一個讀緊小五...大果個亦係由小學一直讀到中學....但係佢最近問我地點樣可幫阿囡轉番去普通津貼中學, 因為佢地學校係唔會呈分比教育局的...咁我地就問佢點解想轉..佢就話係呢度讀無前途...學校公開考試成績好差....
真人真事, 不過只係我朋友的心聲....

作者: Naurto 時間: 11-2-19 18:01

其實真的很多新直資一條龍學校已有HKCEE, 但有多少間夠膽公開HKCEE呢 ?真的少之又少. 我覺得很多一條龍現在還 focus 小學. 根本中學還未到位. 陸慶濤 (laws 中學)是其中一間夠膽公開HKCEE, 所以我appreciate 這所學校. 建議janssenma 要考慮真道。你可多問問，不要被活動教學這四字影響...

作者: lawsonmoon 時間: 11-2-19 18:44

橙同蘋果點比? 只可以話you like to eat apple or orange.

e.g. 李寶椿聯合世界書院 or st paul co-ed邊間好?
9A,10A既students not necessary入到李寶椿，人地行IB, 要面試的；好多畢業生是入哈佛、劍橋的。反過來一些行IB的 international schools, 佢地IB試高分的學生考HKCEE也不一定拿到很多A。

我朋友有一對twins舊年會考, 哥哥入了李寶椿、妹妹入了恆商；過年很多親戚靜靜雞同佢地媽咪講、點解佢地咁心散唔讀書，攪到要去新界讀預科；佢地媽咪唔好意思笑、只說佢地盡了力就ok嗱^.^

「朱幼麟係報章話HK會考和教育係港英設計去訓練一些只需懂follow orders 去執行的人、冇critical thinking 既人一樣可拿高分。港英時代請本地政務官只會請本地大學生, 從不請劍橋、牛津回來的。資深的演奏家係唔係可以做到出色指揮家? 其實係兩類人囉。」

所以可以自己思考一吓:
會考叻 = 學校叻?
點解會考課程要轉去較像IB的新高中課程?

HK教育最大的問題其實可能係家長!

作者: JacobMM 時間: 11-2-19 23:30

我仔仔曾經o係真道讀過三年小學，之後漸漸覺得好大問題，最後要留一年班讀其他普通小學。

記得小一o既時候，真道在小學沒有書本，孩子曾拿一份上堂的筆紀叫我解釋（其實真道唔多派notes，這次已算厚待了），原來竟然要研究飛機起飛o既原理。試問有幾多個父母能夠以fluid dynamics同一個六歲o既細路解釋呢個原理呢？小孩當然一頭霧水。。。

小朋友每天都要寫daily log，但小朋友用口語化文字寫又得，用圖像畫畫都得，唔交都得。足足三年都是這樣。你話咁樣學得到幾多寫作文法？

曾在禮堂上向丘校长反影學生問題，校长講學生學習就如一架飛機，學生初道學習就如飛機在跑道上衝一段後就可以起飛，叫我們只要信學校就可以。

結果三年後小朋友真的開開心心讀完小三，但學得很小知識同文學，到最後當然要轉回一間普通傳统小學，要留一年重讀小三，還要請輔導教師，用一年才可以追到傳统小學的程度，真道的學習夢才終止。你話如果我地父母等足11年，我小朋友學到o的咩野？

作者: mscmit 時間: 11-2-20 02:01

JacobMM昨天註冊，立即就撰文「分享」真道經驗，看來真是「有備而來」，目的「顯然易見」。

如果真道咁有問題，應該好快有退學潮，係咪？

此外，回應返樓上成績掛帥嘅家長：教育嘅目的如果只為入好嘅大學，根本唔需要中、小學，只需補習天王、天后，操練考試機器便可。

作者: JacobMM 時間: 11-2-20 17:47

我昨天註冊，寫第一個reply，係咪唔得？凡事總有第一次，我唔覺第一次係問題，唔好當個comment陰謀論。Main point係我確實係真道以前o既家長，上述所講o既全部都係事實。你所謂的「有備而來」係因為我真的曾經親身經歷過，而你所謂的「目的『顯然易見』」，我就真係唔係好明白，唔該你講得清楚些，不要這樣東拉西扯。好，我o既論點係想講真道o既問題，同入真道o既push factors。

首先，有問題就要積極面對同改善，唔係動不動就想有無退學潮。係咪係去到真係有退學潮，你地先黎對症下藥？

教育的原意是要學生在學校學到知識，而用什麼來衡量一個學生學到幾多知識呢？當然，公開考試（包括HKDSE, IB）就是最有公認性的方法來評核學生學到幾多知識。將來，學生入讀大學，以至出來搵工，都會以學生的考試成績來界定applicant的知識水平。BTW，真道書院裡面都是以評估的等級（1-4級），來考核學生學到幾多。我不明白閣下點解認為公開考試成績來衡量學校和學生有問題！

我想你有些東西誤會了。中、小學時要教學生課本的知識，而補習社只係作輔導作用，教導學生考試的technique。還有，補習的『補』字已說明了補習社只屬於「補充」作用。我們香港律政司黃仁龍，出生於基層家庭，他沒錢去請教補習天王吧，那是否等於不能再公開考試得到佳績呢？醒一醒吧！

作者: 粉紅虎 時間: 11-2-21 00:23

Hi JacobMM 我相信你講的是事實, 我不是"真道"的家長,朋友個仔仔讀梗小一, 佢地真係無書本,多數派notes, 無考試, 每周都有評估, 個朋友同我講想溫書都唔知點温.
至於 "daily " 個份, 個朋友都有講可以交可以唔交, 好似20個內, 中英文都得.

記得朋友同我講, 個仔科學教相機鏡頭等知識, 個朋友都話好攪笑.....

我同這位朋友都係全職媽媽, 一星期至少見2-3天, 所以我咪相信 JacobMM .

作者: GIPW 時間: 11-2-21 03:10

原帖由 JacobMM 於 11-2-20 17:47 發表
我昨天註冊，寫第一個reply，係咪唔得？凡事總有第一次，我唔覺第一次係問題，唔好當個comment陰謀論。Main point係我確實係真道以前o既家長，上述所講o既全部都係事實。你所謂的「有備而來」係因為我真的曾經親身經歷過，而你所謂 ...

Hi JacobMM

I believe in what you said too. Thanks for sharing your view and what you have said is from your goodwill. I actually have friends which change school from LOGOS to other schools. They too comment that there are no books but notes and they have no idea how well / much their child has learnt and how well they have been dong so far. They changed another school after 2 years in Logos

作者: cow 時間: 11-2-21 09:22

我相信大部分家長(包括真道家長)都希望小朋友高分高能, 而不只是低分高能.

作者: cecichan 時間: 11-2-21 16:23

KTS 係全統學校, 而真道係活動教學, 兩間學校教學方式完全唔一樣!
不過我個人真的喜歡 "九龍塘學校" 因教學, 活動, 德育.....等各方面都好全面

作者: Naurto 時間: 11-2-21 18:00

真道較適合一些希望子女接受活動教學, 但有時間和孩子探求知識的父母

作者: Tobymm 時間: 11-2-22 10:09

Hi JacobMM

經過多次在另一個討論區討論後，証明妳的說話全是真實的，Hi JacobMM多謝妳旦誠說出真道的問題，勇於和其他家長討論。使我和其他家長更深入了解真道。知道那類小孩能在真道讀和可以愉快中學習，再次謝謝。

這是第一次看到有關真道討論有結果，其他次次都是火爆收場和不了了知。真的

作者: Naurto 時間: 11-2-22 10:42 標題: 回覆 2# Tobymm 的文章

Thank you very much for your sharing. I know it is not easy to share such past experience. Your sharing let us know more about this school and how the parents need to prepare themselves if we choose this school in future.....

作者: Charlotte_mom 時間: 11-2-22 11:11

嘩! 如果我D細路第2時入到李寶椿, 我真係劏雞還神, 返鄉下起祠堂呀
(又係另一例子, 自己唔識, 就以為唔掂)
邊間好, 我唔評論了, 我有時見到部分人既言論真係好偏激, 亦無去了解過就講, 其實都幾不負責任, 有幾多批評活動教學既老師家長, 認真去了解過?
我自己唔揀傳統, 但唔會一面倒話傳統唔好, 都係果句: 學生性格同家長期望, 想點揀, 一家人坐低傾傾好了

原帖由 lawsonmoon 於 11-2-19 06:44 PM 發表
我朋友有一對twins舊年會考, 哥哥入了李寶椿、妹妹入了恆商；過年很多親戚靜靜雞同佢地媽咪講、點解佢地咁心散唔讀書，攪到要去新界讀預科；佢地媽咪唔好意思笑、只說佢地盡了力就ok嗱^.^

作者: Tobymm 時間: 11-2-22 11:32

原帖由 Naurto 於 11-2-21 18:00 發表
真道較適合一些希望子女接受活動教學, 但有時間和孩子探求知識的父母

Hi Naurto
我想信你所讚的是JacobMM，而不是我。我有那膽量。

作者: catcatmom 時間: 11-2-22 11:49

回應的家長的朋友的親戚係鄉吓下來嗎?
李寶椿係世界級預科中學, 好多名校生都係係門口
o度o度吓! 入到去唔簡單.

//我朋友有一對twins舊年會考, 哥哥入了李寶椿、妹妹入了恆商；過年很多親戚靜靜雞同佢地媽咪講、點解佢地咁心散唔讀書，攪到要去新界讀預科；佢地媽咪唔好意思笑、只說佢地盡了力就ok嗱^.^//

[ 本帖最後由 catcatmom 於 11-2-22 11:50 編輯 ]

作者: Go-to-school 時間: 11-2-22 12:47

提示: 作者被禁止或刪除內容自動屏蔽

作者: limehouse 時間: 11-2-22 22:07

真理越辯越明!

作者: meimeimama1 時間: 11-2-23 09:24 標題: 回復 32# catcatmom 的帖子

提示: 作者被禁止或刪除內容自動屏蔽

作者: ccpwagon 時間: 11-3-8 21:25 標題: 回覆 1# meimeimama1 的文章

提示: 作者被禁止或刪除內容自動屏蔽

作者: Yanamami 時間: 11-3-9 08:11

Pls enter KTS forum. See you there.

原帖由 ccpwagon 於 11-3-8 21:25 發表
我小朋友都入左KTS，好想知道多D關於KTS的資料

歡迎光臨教育王國 (/)