教育王國

標題: 轉唔轉校好,請大家俾d意見,比較長篇 [打印本頁]

作者: 小巫女女 時間: 11-2-4 00:53 標題: 轉唔轉校好,請大家俾d意見,比較長篇

首先同各位講句對唔住先,我真唔係讚我個女,我真係有煩惱,請大家幫幫我!
我大女係一個資優生,當初選而家既小學係因為佢地係活動教學,又近屋企,所以選佢,由一年班開始佢已經係全級既優異生(佢地學校係無名次的,但每班每科最高分既都會攞到優異獎,而我亦問過老師,佢係全級都係最高分的),開始時都無乜特別,但到左今年三年班,問題出現左,佢開始唔想去溫書,亦唔想考最好成績,佢唔想溫書我明,因為佢真係已經識,所以我唔想迫佢,但佢唔想考高分就好煩,因為佢話成日都係自己最高分,無人可以追到佢,佢覺得其他人好慘,自己亦都好悶,(因為所有優異獎都係佢攞晒)雖然我同學校老師都已經同佢解釋左考試唔係要同人比較,而係要同自己比較,但係因為佢差唔多每次都係滿分(無滿分係除左大意,最主要原因係佢唔想又係一百分),所以佢覺得都已經一百分,無意思再追,所以我諗緊,會唔會係學校既程度對佢黎講係低左d呢?如果同佢轉間程度深d既好唔好呢?大家可唔可以俾d意見我,麻煩大家!

[ 本帖最後由小巫女女於 11-2-4 00:55 編輯 ]

作者: lauerica 時間: 11-2-4 10:03

首先你要比人知道個女讀邊間先？咁先易比意見，至於你個女點解會有咁既諗法，會唔會係父母本身平日太多稱讚，以至個女有的驕傲，呢方面相信父母都要考究一下，講返轉校問題，成績超班當然轉一間更好既學校，講繄既當然係名校，咪真正可以考驗到個女既真正實力，但到時可能係臥虎藏龍，要科科高分都未必咁易，但反而到時你個女會鐘意，因為終於有左新挑戰，唔會再係無敵是最寂寞。

作者: lillymarie 時間: 11-2-4 11:13 標題: 回復 2# 小巫女女的帖子

我都聽過有人講, 有些人會有"fear of success". "高處不勝寒", "無敵是最寂寞".
有無同囡囡傾過, 佢在學校有無朋友?
唔想攞100分, 係咪驚被同學孤立/有人妒忌佢對佢講說話?

我真的聽過人講返佢既童年, 佢讀書好聰明, 人地要溫好耐書, 但佢唔使點溫就得高分. 但佢覺得唔開心, 反而覺得自己好似有缺陷咁, 無得好似身邊同學咁努力溫書. 竟然覺得自己無乜價值. 結果佢還放棄自己, 唔考大學, 走去做sales.

記得"音樂人生"裏的黃家正講: 次次音樂比賽都得第一, 覺得好厭悶, 希望彈琴除了比賽之外, 還可以有其它野.

我囝囝玩chess, 佢係屋企次次都win, 都曾經投訴話"好悶". 好希望到外面搵同D強勁對手捉棋. 遇到勁人, 即便輸咗都好開心. 我朋友個仔又係咁, 次次都WIN, 就唔想去, 反而有強過自己的棋手, 就好興奮投入.

所以我覺得你囡囡的反應好正常. 佢同學和她的實力差太遠了. 真的需要考慮替她找間要求更高的學校.

作者: Leung2010 時間: 11-2-4 17:04

轉校

作者: Fayme 時間: 11-2-4 17:25

"真的需要考慮替她找間要求更高的學校"

非常同意!!!

作者: Charlotte_mom 時間: 11-2-4 21:30

我都會讚成轉校
原因係: 你女女學校已經滿足唔到你女女需要
我2個小朋友讀既學校, 都係活動教學, 我自己睇到, 活動教學唔等於淺, 而且活動教學精髓, 在於俾小朋友自由發揮, 你有心機去搵料(借書上網問老師你想點都得, 學問唔係黎自學校安排既教科書), 學生份功課寫到好精彩好深, 老師一樣奉陪, 一樣照改照俾意見, 所以學校一樣有好叻既小朋友, 佢地唔會覺得悶, 因為每樣野都有無限發展空間, 而學校亦有對資優同學特別培訓, 例如同大學合辦一d programme, 主科又會分小組教, 教既課程會有d唔同, 切合返果group小朋友需要
反而係咪轉去傳統名校, 係另一個issue
我會建議你揀一間識教資優既學校, 肯俾小朋友空間既學校, 肯俾佢地試同挑戰既學校, 而唔係spoon feed又教得深既學校

作者: 小巫女女 時間: 11-2-5 02:09

好多謝大家既意見！我女係在天水圍循道衛理小學就讀的！其實佢係學校真係試過俾同學仔話佢太高分，所以唔想同佢玩，但係我女會同佢地講返，只要你地肯努力，都可以高分過我架！而且佢係學校都好受同學歡迎，所以我唔太擔心佢係學校無朋友！而今日我亦都同個女提過，同佢轉校好唔好，(我都想聽下佢既意願)但佢既反應好大，叫我唔好，因為佢唔想無左班同學同老師，所以我而家都仲爭扎緊！

作者: lillymarie 時間: 11-2-5 06:41 標題: 回復 1# 小巫女女的帖子

如果囡囡唔肯轉校, 咁就唔好轉校啦!
免得夾硬轉咗校, 佢反而更唔開心, 甚至諗: 如果我成績唔係咁好, 就唔使轉校了!

除非小朋友自己想走啫.

另外, 小學課程到4年級才真正深起來, 可以再觀察多一段時間. 如果囡囡覺得悶, 可以考慮發展其它興趣, 例如學小提琴, 學外語之類之類.

無論係甚麼決定, 最重要都係同囡囡多D溝通, 讓佢知道媽媽做既決定係想囡囡有好既發展, 係因為媽媽好錫囡囡.

[ 本帖最後由 lillymarie 於 11-2-5 06:44 編輯 ]

作者: lauerica 時間: 11-2-5 16:55

但係你住咁遠，轉出來九龍的名校，一來一回要好幾個鐘，你都係要考慮清楚先得。

作者: violia 時間: 11-2-5 17:09

也許可以與校長或老師談談, 嘗試讓她跳班.

作者: 小巫女女 時間: 11-2-5 23:18

再一次多謝大家既意見！其實佢已經有好多野學緊，佢有學長笛，劍橋英語，公文數，童軍同埋朗誦，連我都覺得佢唔多夠時間用，所以應該唔會再報其他野，因為我仲有兩個細既要湊，真係帶唔到佢去咁多地方！另外轉出九龍我老公都唔想，因為真係怕佢太辛苦，所以都應該唔會考慮！
另外都好多謝violia既意見，我諗我會試試同學校傾傾，真係好多謝各位！

作者: connieckyip 時間: 11-2-6 00:03

小巫女女,
妳好, 我都係住TSW, 都聽聞妳女女學校係活動教學, 咁其實妳有無諗過轉去邊間? 潮陽小學應該係TSW程度比較深既小學, 不過係傳統教學, 我有朋友在那裡讀, 功課都好多.
如女女唔想轉校, 咁中學再搵間適合女女程度既學校.

作者: ydoris 時間: 11-2-8 12:35

既是資優生,我覺得需要轉校,因為學校已滿足不到小朋友亦不能發揮她的潛能.老實講,可能她在現在學校成績優異,但在九龍的小學可能只是中上.所以要好有更多發展空間,不一定要出九龍,但要在本區找一間更好學校.何不考慮李宗德等直資小學?或試下天主教等可以容易上BAND1既小學?小朋友無比較是不會有進步,這是是實...至於朋友,很容易會識新的,與其被人排斥,不如從新開始,免得影響小朋友既自尊心..好學校,遠遠我都會去,香港並不大..相比外國...真不算什麼.

作者: Sherryko9 時間: 11-2-11 11:02

客觀睇,轉.
就好似ydoris甘講,學校課程和同學水準早早已不能滿足你囡囡程度,囡囡好易變成"井底之蛙",就算資優,時間一長,亦會變得平庸,關於同學問題,就算升上中學,亦會各散東西,如果這是1個問題,這問題永遠會存在.就算唔轉出去市區,亦可以考慮元朗區較tough的小學(天水圍大多的小學相比元朗區的程度較低---希望不要介意個人意見,因為收納唔少老師朋友意見綜合,記著係"大多",唔係"全部",仍有叻份子),聽聞光明英來程度唔低,可以諗諗!李東德雖好(但亦聽聞只指頭十幾廿名個D),但係直資,要比學費,值唔值就要睇自己,有同事說,如果小朋友叻,點解要去直資?好多官/津校好好,除非考入傳統"名"直資,好多新興直資"名大過實",市場上大把非矣利學校又好好可讀.

作者: emma-ma 時間: 11-2-11 11:37

提示: 作者被禁止或刪除內容自動屏蔽

作者: catcatmom 時間: 11-2-13 23:44

樓主不要介意, 以前我表姐係屯門拔X小學教, 之後無教, 比了全部考試卷給我, 我個仔睇到眼光光, 佢話D題目好淺+直接, 低佢地學校接近1至兩年, 亞仔係讀九龍私小.如轉出來九龍讀, 真係無可能, 小朋友又辛苦,同學校商量跳級OR轉程度深D學校.

[url=][quote[/url]]原帖由 小巫女女 於 11-2-5 02:09 發表

好多謝大家既意見！我女係在天水圍循道衛理小學就讀的！其實佢係學校真係試過俾同學仔話佢太高分，所以唔想同佢玩，但係我女會同佢地講返，只要你地肯努力，都可以高分過我架！而且佢係學校都好受同學歡迎，所以我唔太擔心佢係學校無 ... [/quote]

作者: CFaHB 時間: 11-2-14 00:31

樓主, 我讚成你女女轉校的 .... 不過, 如果女女唔想, 就不如比d公開試 (如:ket, 奧數) 果d佢去考, 等佢有d動力

樓主, 你亦可帶女女去考傳統名校的插班 (同佢講去見識下!), 考得入, 當然比佢讀 (既然佢有呢個能力) ; 如果考唔入, 女女考過人地插班試份卷, 可能會從中得著, 知道自己重有好大的進步空間...

傳統名校, 成績好, 係會被 respect 的, 而唔會 "因為你高分而唔同你玩的" (除非好招績啦!)

原帖由 catcatmom 於 11-2-13 23:44 發表
樓主不要介意, 以前我表姐係屯門拔X小學教, 之後無教, 比了全部考試卷給我, 我個仔睇到眼光光, 佢話D題目好淺+直接, 低佢地學校接近1至兩年, 亞仔係讀九龍私小.如轉出來九龍讀, 真係無可能, 小朋友又辛苦,同學校商量 ...

作者: ydoris 時間: 11-2-14 09:03

吾好咩野都話無可能.我都係天水圍轉出來讀,阿女不是資優,但細女就好叻既.轉出來當然不是名校,但初初成績真是差既.經過2年時間,已追上中等程度,亦有校外比賽,以前學校咩都無架.底子亦好了,細女亦可望有機讀傳統英中...(願望)原來小朋友係可以發揮得好好,但要有空間給他們.

作者: 戀仔狂 時間: 11-2-14 11:09

一定轉!!

作者: easybring 時間: 11-2-14 15:04

去多d圖書館, 睇多d書. 升中再算.

原帖由 小巫女女 於 11-2-5 23:18 發表
再一次多謝大家既意見！其實佢已經有好多野學緊，佢有學長笛，劍橋英語，公文數，童軍同埋朗誦，連我都覺得佢唔多夠時間用，所以應該唔會再報其他野，因為我仲有兩個細既要湊，真係帶唔到佢去咁多地方！另外轉出九龍我老公都唔想，因為真係 ...

作者: celesta 時間: 11-2-14 23:07

我自己在Band1學校教書，負責學校資優課程，見過好多資優生，大多都有類此情況，不去正視的話，最後很大機會潛能未展！你的女兒有資優生的特質（不只包括成績，亦包括情緒方面），我建議同學校社工商討一下，看可否轉介到教育心理學家，做個評估，看看到底是否資優生。有報告在手，就可以與學校商討是否可以試跳級！既然她不想轉校，先試試留校如何！因為轉校又要適應一個新環境、新老師、重新找新朋友，她可能更不想讀書。當然如果學校不重視資優培育的話，就必須找另一間學校，最好是思維新一點的學校，對資優的認識深一點的學校（因為有時太傳統的學校對資優生的認識及培育方法反而不多），能接受新思維的學校才肯培育老師對資優的認識，才能對你的女兒有多點理解與幫助！

祝你好運！

作者: Sherryko9 時間: 11-2-15 09:13

問心講,有幾多學校真係有多出資源比資優生?老實,對學校來說,他們可能是一項負担,好多都是父母背後發功,沒有家庭支持,時間一久,資優都變成平庸,就算做了評估,我諗都是轉介去上甚麼資優課程;勁學校,大把聰明學生(唔代表資優),資優入到去亦不覺特別,這些學校亦不會投放資源給個別學生,除非你幫他攞奬;我覺得小朋友試吓考D叻學校,可能發覺自己有不足之處,到時可能遇強愈強.但大部份資優生可能只有某方面才能資優,我同事個仔數資優(大多數如此),但語文並不太出眾,同事出外找數學課程給兒子,又自己比深的題目練他.
好多時資優生都要靠家庭在背後支持才能發揮所長.試吓問元朗水邊村果間惠州小學,當年他們亦出了1個何凱琳--資優女生,首先聲明惠州小學並不是1間區內勁校,但可以(詳程唔知)容許資優小朋友跳班,何凱琳當年以14之齡升中大(盧中畢業,亦是跳班,學校願意投放資源在她身上,因為盧中當年並不是1間最勁中學,校長轉了,不知現在仍會有這些政策嗎?)

原帖由 celesta 於 11-2-14 23:07 發表
我自己在Band1學校教書，負責學校資優課程，見過好多資優生，大多都有類此情況，不去正視的話，最後很大機會潛能未展！你的女兒有資優生的特質（不只包括成績，亦包括情緒方面），我建議同學校社工商討一下，看可否轉介到教育心理學家，做個 ...

歡迎光臨教育王國 (/)