教育王國

標題: 有自閉傾向既小朋友,應如何選小學?? [打印本頁]

作者: B媽-Blue 時間: 11-2-1 15:02 標題: 有自閉傾向既小朋友,應如何選小學??

阿仔而家k1,有自閉傾向
好活躍,無耐性,但記性好
如果搵中上既學校,唔怕阿仔跟唔上
只怕功課一多佢又發作
如果搵中下既學校,好似又有少少浪費
究竟我應該點選??
另外,邊d學生會對有自閉傾向既小朋友有支援?

作者: ivyyeh 時間: 11-2-21 00:42

我認為找學校前先要自我評估阿仔的能力或問問班主任的意見.我個仔學術方面無問題不過言語和行為差D.
今年要升小一了,我本來找到活動教學的主流學校收左佢,但試讀完一堂我就退出了.我覺得能力未夠,將來我同阿仔都會很辛苦.目前阿仔學習方面開心就會有進步.

作者: HMA 時間: 11-2-23 19:34 標題: 回覆 2# ivyyeh 的文章

我正在煩惱如何找合適的小學. 因未必能
清楚和準確地了解學校的水平和要求, 故不知能否準確地評估阿仔的能力去找合適的小學.可否pm我你找到的活動教學的主流學校是那一間?怎樣安排試讀? 謝謝!

作者: someoneelse 時間: 11-2-23 20:51 標題: 回復 3# B媽-Blue 的帖子

其實問題核心係，你要搵一間適合囝囝就讀的學校！

例如你知孩子好活躍、無耐性而又帶自閉症特質，怎麼樣的學校比較有利孩子學習呢？！

至於程度深淺，只在乎家長想要幾多？如果學校非常合適孩子，而家長又發現孩子可以響學習上再進一步既話，相信坊間大把什麼什麼班隨時歡迎孩子報名上堂呢！
好似我囝學校未教加減數，我早已送他到坊間既數學班學懂所有了！

作者: szeszes 時間: 11-2-24 13:41

樓主, 其實你先要了解你既小朋友, 在那方面比較弱, 呢 D 野係評估入面係會知道的

如果佢係語言運用及理解唔太理想, 同埋太活潑都唔好揀太深既程度

我仔昨天都証實佢有自閉特徵, 我仔係 "語言", "社交" 上比較弱

我以前都成日覺得亞仔好叻, 好好記性, 記晒成個小西灣入面, 每條燈柱既編號 (原來呢個特殊興趣就突顯左佢有自閉傾向)

你要知道, 記性好, 不等於聰明或叻, 反而係理解及運用叻先至係真係既聰明及叻; 我仔未4歲識晒單數/雙數/加/減/乘數表, 我果時都以為亞仔好叻, 原來專家用韋氏測試中 (當然係理解及運用語言拖低左少少分, 我仔都只係中及中下之間)

** 我只係分享我仔既事, 不喜勿插 **

[ 本帖最後由 szeszes 於 11-2-24 13:42 編輯 ]

作者: mandy78093 時間: 11-2-25 16:58

無錯, 很同意你的講法, "記性好, 不等於聰明或叻".

樓主小朋友仲細, 應等到K3時, 了解小朋友該時候的認知和理解能力才決定選擇那類型小學.

我小朋友有個同校同學都一樣係自閉傾向, 認知和理解能力真係弱, 坐足六年, 都唔知學到咩!! 好快仲要上中學添

我亞仔好在認知能力好, 因為記性好嘛, 默書多數都100分 (除非發脾氣啦, 唔係一定有100分) 但理解都係弱, 雖然跟到課程, 不過就讀得好辛苦. 我都教到 c c 下 !
而且佢同一般小朋友的距離會愈來愈遠添 !!

所以先訓練好小朋友能力, 再慢慢諗啦 !

原帖由 szeszes 於 11-2-24 13:41 發表
樓主, 其實你先要了解你既小朋友, 在那方面比較弱, 呢 D 野係評估入面係會知道的

如果佢係語言運用及理解唔太理想, 同埋太活潑都唔好揀太深既程度

我仔昨天都証實佢有自閉特徵, 我仔係 "語言", "社交" 上比較弱

...

作者: ivyyeh 時間: 11-3-7 11:26

我仔仔學術,認知,寫字方面都很好,
但同人相處時不太理解對方的意思和溝通.
所以有行為,情緒出現.
所以要在主流學校讀就夠辛苦.
你孩子才k1還細.而且他每年都有不同的進步,加油吧！
我想每間幼兒園都有升小學的小冊子,介紹區內每間小學的
資料.可以向校方問問.

歡迎光臨教育王國 (/)