教育王國

標題: 即使私校、直資、自行選校收咗, 7 Jun 仲可以【跨區叩門】 [打印本頁]

作者: Lily2003 時間: 11-1-21 11:39 標題: 即使私校、直資、自行選校收咗, 7 Jun 仲可以【跨區叩門】

即使私校、直資、自行選校收咗, 派位派到第一志願, 六月七日都可以跨區叩門。

叩門不分區域, 即使九龍塘等一線名校, 也可以叩門, 人人有機會。

大家備戰叩門！六月初上網download 申請表啦。連同 portfolio 六月七日交表。

有些名校, 即使你從來無揀過佢, 如果你小朋友合他們要求, 校方會給予機會。

記得我當年一早已被自行首選小學

收咗, 到放榜後, 無理咩學校, 四圍叩門, 有多間學校都肯給予 interview 。

如果有 B 小學

電話通知收你小朋友, 你就可以去原來的 A小學

取回【小學

註冊証】, 交到B 小學

, 如果稍後有 C小學

通知你收你小朋友, 你就可以去B小學

取回【小學

註冊証】, 交到C 小學

, 如此類推, 最終一定搵到心儀小學

。

希望大家比小朋友多一個選擇機會。

[ 本帖最後由 Lily2003 於 11-1-26 15:42 編輯 ]

作者: jackal 時間: 11-1-21 12:42

咁你個小朋友選左邊間???

作者: Wing126 時間: 11-1-21 19:13

如果直資收了, 沒有註冊證, 可唔可以叩門?

作者: smallpig 時間: 11-1-22 14:30

到時, 各小學都會變做超級病毒, 不停咁基因洗牌, 直至閞學後一星期!

作者: Lily2003 時間: 11-1-24 09:49

如直資收了, 六月都可以叩門, 你個註冊證現階段被hold起咗。成功叩門之後你可以問學校取回。

希望比多個機會給小朋友選擇, 無防一試。

小學開學初, 年年都是大洗牌, 所以放位區有咁多人放翻位出來。

原帖由 Wing126 於 11-1-21 19:13 發表
如果直資收了, 沒有註冊證, 可唔可以叩門?

作者: Sheepy 時間: 11-1-25 13:03

是就好了, 我想幫阿仔轉去英文小學 (佢依家有一條龍小學的offer), 依家可以做d咩? 叩門要唔要筆試ga?

作者: smallpig 時間: 11-1-25 17:40 標題: 回覆 6# Sheepy 的文章

叩門是可以考筆試的.

作者: Lily2003 時間: 11-1-25 22:23

等六月, 去叩門, 有的要筆試, 有的只是面試, 問小朋友 or/ and 家長。

現在你要做好詳細的 profolio, 及好好裝備你仔仔。例如train 佢大膽有禮回答問題等。例如趁這幾個月教佢多些數學及英文。

原帖由 Sheepy 於 11-1-25 13:03 發表
是就好了, 我想幫阿仔轉去英文小學 (佢依家有一條龍小學的offer), 依家可以做d咩? 叩門要唔要筆試ga?

作者: olima 時間: 11-1-26 13:56

Lily2003,

很多謝你這個鼓勵的帖子，請問有沒有叩門心得或經驗可以分享﹖如那些較出名的學校必須在自行+統一填為第一志願才可叩﹖有那些不用﹖那些會考筆試等﹖

感激、感激。

作者: Lily2003 時間: 11-1-26 15:42

我囡囡現在是小三了, 回想當年, 真係好傷心。
囡囡在 K3 初期, 面試過五間直資小學, 當時囡囡一舊飯, 無反應, 無回答, 加上她是細囡年尾出世, 無學校收佢。

到自行階段, 好順利地被同區小學錄取。學校是我區內較好的小學, 我住新區, 小學始終較他區小學遜色。我不想囡囡在新區內讀書, 太多新家長。

於是在一月至六月期間, 我自己努力為囡囡惡補英文, 普通話, 數學等, 並不斷參加公開比賽, 電視台, 商場, 公屋, 教育機構等舉辦的比賽 .......畫畫, ...... 樣樣都參加。

漫長的六個月間, 囡囡同我都好辛苦。

雖然我囡囡無獎, 但已練得一身大膽, 在他區小學叩門期間, 以簡單普通話/英文回答老師問題, 表現很有自信。

我囡無奬攞, 我仍將各項參賽資料放在 profolio 內, 將比賽過程燒埋隻 video DVD 比校長睇, 最後我估佢可能無睇過。

今次分享我的經驗, 希望家長們比多個機會給小朋友, 選擇一間適合小朋友的好小學。

我學校選了我囡囡, 但當年仍對家長會公佈說 :
一定要【自行+統一填為第一志願】才會錄取, 我覺得間間小學為了做勢, 個個校長都是這樣講。

原帖由 olima 於 11-1-26 13:56 發表
Lily2003,

很多謝你這個鼓勵的帖子，請問有沒有叩門心得或經驗可以分享﹖如那些較出名的學校必須在自行+統一填為第一志願才可叩﹖有那些不用﹖那些會考筆試等﹖

感激、感激。 ...

作者: joyjoy815 時間: 11-1-26 22:50

原帖由 Lily2003 於 11-1-26 15:42 發表
我囡囡現在是小三了, 回想當年, 真係好傷心。
囡囡在 K3 初期, 面試過五間直資小學, 當時囡囡一舊飯, 無反應, 無回答, 加上她是細囡年尾出世, 無學校收佢。

到自行階段, 好順利地被同區小學錄取。 ...

好佩服你呀, 要有好大的耐力先可以捱過你個6個月, 不計較成敗, 努力向前, 我好相信你女女同你一起建立左一個更積極既處事態度, 好多謝你的分享

作者: olima 時間: 11-1-27 08:41 標題: 回復 2# Lily2003 的帖子

Really thx for your sharing.

作者: scmail 時間: 11-1-27 11:25 標題: 回復 10# Lily2003 的帖子

請問你在6月份公佈後才給學校profolio...or 預先已經給學校. 而且叩門是否可在website看到資料?

作者: Lily2003 時間: 11-1-27 13:21

我當年是等到6月份公佈結果後, 同大圍人一樣去交表格。

叩門學校回應如下 :

(1) 交表即時有張回條約小朋友會面。
(2) 交表過了幾日後, 有些學校會致電約小朋友面試。

基本上, 我交的所有叩門表格, 全部都有約見。

可能是份 profolio 做得好靚, 全彩色印刷, 內裡有比賽過程 video DVD。 **** 我囡全部都無獎攞

佢地肯見我囡, 我已很開心, 叫囡囡把握機會, 盡量大膽, 要有求必應, 不要 say no 不要話唔識, 不要扭頭唔答, 仲要有禮貌。

有些學校問得好 due 轉, 我囡真係唔識答, 亂咁答。

例如, 學校會問 : 你個英文名點讀 ( 例 cheryl )
又問, 父母點解要改呢個中文名, 有無特別意思。
問 : 有無幼稚園老師讀錯你個英文名 ?
問 : 你參加咁多比賽, 請你即時表演一個出來 !

------ 唉 ! 我囡又點識答呢, 從來無人咁問過佢 ! 好彩, 死在佢夠大膽豁出去, 唔識都天馬行空, 講三道四, 來一篇創新理論。

結果, 呢間due 轉學校都有收我囡, 但後來知道車費很貴, (新區至市區) 又要很早起床, 最終我問佢取回註冊証, 我放棄了。

原帖由 scmail 於 11-1-27 11:25 發表
請問你在6月份公佈後才給學校profolio...or 預先已經給學校. 而且叩門是否可在website看到資料?

歡迎光臨教育王國 (/)