教育王國

標題: 囝囝被勸轉讀其他學校. 點算 [打印本頁]

作者: crabtree08 時間: 11-1-19 14:30 標題: 囝囝被勸轉讀其他學校. 點算

囝囝現在K1, 讀了間半日的幼稚園, 這家幼稚園是出了名有愛心. 1班30人, 有2個正教&1個助教.

由開學至今, 每次老師也會投訴囝囝不專心, 遊雲, 不肯坐在小禮堂, 走圍走........

昨晚, 老師告之她也不知怎樣做囝囝才有所改善, 她建議囝囝轉讀其他全日制的幼稚園, 她解釋因為全日制的幼稚園會有較長時間做各項活動, 如食茶點, 做手工等, 可以加強訓練他的自理態力.

聽完後, 心情很沉重, 我也不知可怎樣才可幫到囝囝. 即使轉了全日制, (其實我也不知下學期可否找到學校,)他的不專心, 遊雲, 不肯坐定的問題也還是未解決, 好煩, 真的好唔開心. 成晚也睡不到. 唉.

請給我一些建議好嗎? 會否有一些特別的學校/ 坊間的私人機構會處理/ 訓練這方面的小朋友?

P.S. 囝囝於12月己到CRE評估, 結困是專注力和安坐力弱, 故此沒有其他的服務/ 資源給他.

作者: Charlotte_mom 時間: 11-1-19 15:13

雖然你而家唔係由政府轉介去兼收位, 但你可以從一般申請入讀呢D學校, 雖然無政府治療師跟進, 但呢類學校慣左處理學習能力較慢既學生, 耐性一流http://www.swd.gov.hk/tc/index/site_pubsvc/page_rehab/sub_listofserv/id_integrated2/

我知政府好多時都會等小朋友P1至認真會做ADHD評估(我仔K3見CLIN PSY被懷疑ADHD, 都要等到P1至做評估同開藥), 如果你覺得有需要提早, 試下叫老師寫信, 交俾CAC要求提早做評估(你寫無用的, 要老師/社工寫, 你請佢地幫下手啦)
現階段, 你可以考慮轉唔轉校(無耐性既學校, 不讀也罷), O係屋企, 你可以自己買D專注力既練習同佢做, 我自己都有買"5分鐘玩出專注力", 都係D紙上遊戲, 小朋友都鐘意的
http://parents.pixnet.net/blog
除此之外, 可以留意下小童群益會/救世軍/協康等機構, 都有D GROUP CLASS俾小朋友, 訓練專注力, 社交, 自理等, 有D價錢好合理都係幾十蚊一堂, 質數都唔錯
慢慢黎, 唔好亂左陣腳, 加油!

原帖由 crabtree08 於 11-1-19 02:30 PM 發表
囝囝現在K1, 讀了間半日的幼稚園, 這家幼稚園是出了名有愛心. 1班30人, 有2個正教&1個助教.

由開學至今, 每次老師也會投訴囝囝不專心, 遊雲, 不肯坐在小禮堂, 走圍走........

昨晚, 老師告之她也不知怎樣 ...

作者: crabtree08 時間: 11-1-19 16:39 標題: 多謝晒

多謝Charlottemon的資料. 真係雪中送炭

.

我會趕快試下這些兼收位, 希望還有學位啦. 不過我也有擔心囝囝要再適應新環境. 但現在老師已講到在這裡幫他的空間很少. 留在這裡也沒有意思, 可能還浪費了囝囝的時間. 倒不如出去博下啦. 但由nursury 到現在 K1, 也開始對老師有些失望. (不過, 可能是囝囝自家的問題)

另外, 請問你兼收位會否課程會比一般學校會慢些, 使小朋友容易有成功感?

作者: crabtree08 時間: 11-1-19 16:51 標題: 在家訓鍊

其實現在也有跟囝囝玩玩連線. 我明白要慢慢來, 最緊要有耐性, 不好偷懶.

多謝你介紹"五分鐘玩出專注力的書, 我也會買來同囝囝錬習.

作者: Charlotte_mom 時間: 11-1-19 17:25

當然, D兼收學校都係非牟利機構, 唔會好似九龍塘果D咁"堅"架喇
不過你講淺, 又唔算特別淺, 始終佢要顧及一般學生需要, 我仔今年小一, 之前讀既係基督教服務處, 中文唔淺, 數學一般啦, 英文無正式教PHONICS, VOCAB LEVEL係唔多夠, 不過我仔都認到唔少字, 好在, 出去搵地方學英文唔係咩難事
俾心機搵下, 始終全日制幼稚園(仲有延展服務)係有一定市場, 好多在職家長需要呢種服務, 不過亦有D全年收生(例如好似我仔果間, O係名校網, 太多選擇又未必係家長首選)
唔好客氣, 果個係你個仔, 點都要鍚住, 唔好咁易俾人打沉, 努力努力!

原帖由 crabtree08 於 11-1-19 04:39 PM 發表
多謝Charlottemon的資料. 真係雪中送炭 .

我會趕快試下這些兼收位, 希望還有學位啦. 不過我也有擔心囝囝要再適應新環境. 但現在老師已講到在這裡幫他的空間很少. 留在這裡也沒有意思, 可能還浪費了囝囝的時間. ...

作者: kelvin_hmlau 時間: 11-1-19 17:27 標題: 回復 2# crabtree08 的帖子

版主 Charlotte_mom 的意思應該係叫你試下轉去有 I 位幼稚園, 的普通學位. 所以課程都係同一般學校 K1 相似.

好處應該係
1. 佢地d 老師係見慣學障兒, 不會說不懂處理.
2. 學校比較包容.
3. 會有其他學障兒一起學習, 不會感到孤單.

你問的: 即使轉了全日制, 他的不專心, 遊雲, 不肯坐定的問題也還是未解決!?
- 我相信問題不會因此而解決, 只是對你和兒子的壓力有所舒緩吧.

我們做父母當然會試着去解決問題. 但在問題未解決之前或不能解決, 或者需要嘗試去接受同適應了.

作者: pipi331 時間: 11-1-20 15:55

提示: 作者被禁止或刪除內容自動屏蔽

作者: crabtree08 時間: 11-1-21 11:53 標題: 放條生路

Pipi331: 多謝你的分析, 你講得好好, 不要理學校是否兼收, 要多看看其他的軟件/硬件...等: 要多方查證是否是好學校.

其實我囝囝現在讀那間幼稚園, 是口碑載道的, 教師好有愛心, 管理很好. 而每班人數不算太多, 只是30人. 所以老師咁坦白講, 我真的很down. 打沈了我對訓練的努力,

唉. 昨天還在囝囝面前喊, 我努力叫自己坦然面對, 同積極些去想, 換學校可能是幫到囝囝. 但心裡又不期然去怪老師, 埋怨他們真的太自私, 只是半個學期, 咁快就放棄學生, 佢地一定想收番D醒一些的學生, 起碼不用太麻煩.........很多負面的想法, 心裡很愧對囝囝, 為何自己咁唔識教囝.....

今天看到你的留這, 多謝你, 你講的"放條生路", 也令我心裡舒服很多. 多謝.

作者: pipi331 時間: 11-1-21 13:41

提示: 作者被禁止或刪除內容自動屏蔽

作者: Charlotte_mom 時間: 11-1-21 16:39

互勉之....真係!

樓主
唔開心就喊下, 喊完再努力, 我地都行過(行緊)呢條路, HARD TIME真係唔少, 我同自己講, 呢D係ATTRIBUTE, 唔係問題, 就好似有人數學叻D有人學極都唔明, 有人天生畫畫好核突, 做阿媽既, 因材施教LOR, 天生我才, 我信的

原帖由 pipi331 於 11-1-21 01:41 PM 發表
人望高處, 學校亦如是.
口碑載道, 教師好有愛心, 管理好.... 是否包括到特殊學習需要ge小朋友呢?
教學程度夠深, 注重英普, 小朋友夠醒目, 升小入名校比率高.... 對大部份人嚟講, 呢d學校就系好學校. 有"射"自然 ...

作者: STMFHH 時間: 11-1-21 17:10

各位媽媽都好叻, 祝樓主早日找到好學校

請問什麼是S位, I位幼稚園?
如果讀普通幼稚園+私人training 可行嗎?
請指教

作者: ikebukuro 時間: 11-1-24 00:33

提示: 作者被禁止或刪除內容自動屏蔽

作者: pipi331 時間: 11-1-24 02:05

提示: 作者被禁止或刪除內容自動屏蔽

作者: STMFHH 時間: 11-1-24 11:16

Hi crabtree08,
Would u mind to pm me which kindergarten is? thanks

作者: mungmung 時間: 11-1-24 11:22

如果老師開到口提議轉校 ... 我會盡快轉校囉!~

不過,在轉校的過程要做好些,別叫孩子感到是自己有問題,學校不要他...

我提議:
先去查探那所學校有位和對比較坐不定的學生的態度,
我會直接問校長,看看她的接納情度和態度.

找到你有信心的學校後,才跟自己的孩子說:有間xx學校很好玩的,你要唔要去看看?不如媽媽同你去看看......
在
參觀前,再請他自己去發現新學校的好玩處.問他要不要去新學校?
如果仔仔都感覺不錯才正式轉校

其實有愛心的學校不只一間的,努力!別讓一個小難題打倒.

加油!

作者: BB頭maimimi 時間: 11-1-31 14:17 標題: 回復 1# mungmung 的帖子

Agree, 唔好浪費小朋友的時間,快啲幫小朋友揾過間學校,佢可能更開心添!

作者: room2102 時間: 11-2-1 23:47

提示: 作者被禁止或刪除內容自動屏蔽

作者: 燁燁媽 時間: 11-3-1 11:32

crabtree08
我個女讀o個間幼稚園比較有耐性, 我個女既性格都比較難服侍...初初我個女一到2歲, 就左去左呢間幼稚園讀n1...原全比佢地收服哂. 到我姑仔個仔又係.
而家讀緊k1...全日..中間試過去另一間幼稚園讀. 可惜女女唔鐘意. 最後返回原校讀.

你pm電話比我, 等我講多些呢間學校資料比你聽.

作者: blutack 時間: 11-3-1 13:47

提示: 作者被禁止或刪除內容自動屏蔽

作者: blutack 時間: 11-3-1 13:48

提示: 作者被禁止或刪除內容自動屏蔽

作者: blutack 時間: 11-3-2 22:18

提示: 作者被禁止或刪除內容自動屏蔽

作者: tutik 時間: 11-3-3 01:09 標題: 回覆 4# 燁燁媽的文章

我都好想知, 可否PM幼稚園資料給我?

作者: 燁燁媽 時間: 11-3-4 12:51

其實我個女係讀路德會幼兒園...佢地有好多區都有既.,..可以去問下...

[ 本帖最後由燁燁媽於 11-3-4 12:54 編輯 ]

歡迎光臨教育王國 (/)