教育王國

標題: 有感而發 [打印本頁]

作者: atari 時間: 11-1-18 15:47 標題: 有感而發

而家接觸到既小朋友, 一般都是中產家庭, 每日都安排不少課程或活動, 真的比我更忙. 表面上琴棋書畫樣樣都識, 中英文普通話甚至日文樣樣皆能, 但係當我細心同佢地傾計既時候, 就好擔心將來佢地係咪真係可以成材..

英文單字可能識得比我仲多,發音又"好似"好準. 但係究竟每學一個字時,佢地知唔知個樣野係乜黎呢? 例如Tiger..老虎, 10個小朋友(4-10歲都有)10個都知tiger係老虎,但係問佢地見過老虎未呢...10個有6-7個話未...再問,未見過真既,有無見過圖或者相呀? 都無....聽完我都覺得好無言.

"著數","蝕底", 呢兩個詞大家認為要幾多歲先會明呢?定係家長們覺得呢D係"俗語"從來都唔講呢? 平時家長們同小朋友溝通,用詞夠唔夠豐富呢?

至於學習態度...10個有5個要用差黎形容,淨番4個可以用極差. 得1個係好/ok.

算啦...大家當我發up瘋

作者: 梅媽媽 時間: 11-1-19 15:21

作為一個媽媽,我唔反對你既感慨.成材既定義好難說清,有人認為進入大學便是成材,有人認為高薪厚職便是成材,當然也有人認為拿了諾貝爾獎才叫成材. 無論那一種"成就"對媽媽們來說就是"我現在要給他最後的."
是教育制度還是約定俗成,我已經分唔清.未做媽媽時我唔明點解d仔女咁可憐,做左媽媽先知,呢個係"遊戲規則".見過"老虎"未,唔重要.因為interview唔會問你見過未.係可悲,但無力改變,唯希望在這樣的大環境下保留一點自己既價值觀.
工作態度也有優劣,學習態度亦然,

.好記得有個舊同事講既一句說話"我用生命感染生命"不能盡如意亦希望燃亮更多,更多.

作者: Mat_Dad 時間: 11-1-19 16:04

哈哈...現在網絡時代, 不用看實物啦! 什麼都虛疑啦?!老虎實物唔重要, 識寫識睇就得啦!

學習態度都唔重要啦, 入到好學校咪得囉!

成唔成材更加唔重要啦, 有好學校咪有好工囉!

講返轉頭, 我都好白癡, 教我個仔咩係老虎, 帶咗佢去番禹睇老虎, 再教佢'老虎'同'Tiger', 但仲未識寫, 哈哈...失敗失敗

作者: Cutemom0808 時間: 11-1-19 18:09

原帖由 atari 於 11-1-18 15:47 發表
而家接觸到既小朋友, 一般都是中產家庭, 每日都安排不少課程或活動, 真的比我更忙. 表面上琴棋書畫樣樣都識, 中英文普通話甚至日文樣樣皆能, 但係當我細心同佢地傾計既時候, 就好擔心將來佢地係咪真係可以成材..

英 ...

不會吧，以前我的年代真是沒甚麼機會看實物，但現在這一代2、3歲已周圍去，識見遠遠向於我小時候！

而學習態度和責任感真的差了，可能是打機/傳媒，但也可能是父母要贏在起跑綫給太大壓力小朋友

作者: 梅媽媽 時間: 11-1-19 21:13 標題: 回復 2# Mat_Dad 的帖子

愉快學習,我諗你個小朋友一定好愉快.

作者: 恩林 時間: 11-1-20 09:21

學習過程好漫長, 而且不但只係學書, 還要學態度, 我中學個時, 常常都問:"點解要學數學姐~?幾時用得著~"
其實除左學數, 仲要學求智識嘅態度,
讀得好, 可能做醫生, 建築師, 科學家個時用得著, 但讀得唔好, 都起碼學懂求智態度, d樣野對各行各業都用得著!!

作者: Mayakids 時間: 11-3-2 16:16

我想這個是由於太多家長用flash card 的後果吧, 小孩只是死記Tiger 與老虎有關的. 很多人覺得這是一種"學習"吧, 我的長輩很認同啦

好彩我住在加拿大, 正所謂山高皇帝遠, 他們管不了我. 但我去年回港住了數月也感受到香港家長的壓力!
我從來不刻意用任何教材教我的BB (她現在已19個月了), 單是這點我的長輩已覺得我很奇怪, 又問我為什麼唔聽音樂胎教, 為什麼唔用Flash card, 話什麼不可輸在起跑點上?? 其實我BB從生活學了很多東西, 只不過在長輩眼中不太實用. 在加拿大是鼓勵小朋友自己食東西,大人盡量不要喂, 所以我BB從小食飯就好似玩一樣, 但因此她的手指很靈活. 由於她喜歡食水果, 她懂得分很多水果.... 但這些成就在長輩的眼中就沒有'tiger' = '老虎' 咁威!!

我在香港時試過同bb 去gym, d 職員同我簡介課程時會強調該課程會讓我bb 學到什麼的技巧, 我在加拿大到同一品牌的gym, 職員沒有強調我們來學什麼, 只要BB have fun 開心咪得啦

我上星期參觀了一間 montessori school, 感覺很好, 它的教材很得意, 主要是圍繞我們生活的東西來學習, 特別喜歡有個area 是關於媽媽平時在家做的家務, 希望我BB將來幫我做家務啦

作者: ttlucky0303 時間: 11-3-5 00:39

香港社會就係咁, 識字先係最重要, 自理?識點人做未得咯...
成日係BB展見到一條片, 一個BB睇到個字就識做動作, 咁又點, 我寧願佢一急,可以自己除褲去廁所, 著褲拉廁洗手...

作者: janettsui 時間: 11-3-11 12:34

可能我比較貪心, 自理我要bb識, 閲讀能力/興趣我都要bb有.
其實2樣無衝突, bb天生就鍾意學習, 求知慾極強, 我個人覺得只要各方面均衡發展, 唔好只側重某一方面就ok.

歡迎光臨教育王國 (/)