教育王國

標題: 請問65 網有冇好的學校? [打印本頁]

作者: busybusymami 時間: 11-1-10 23:08 標題: 請問65 網有冇好的學校?

請問65 網有冇好的學校?除咗兩間仁立,
點選擇?

作者: Kingkong123 時間: 11-1-14 01:16

我也想知,煩請各位幫幫忙,出手指引一0下吧!

作者: siulili 時間: 11-1-14 09:19

我估第三間都係林金殿啦，主恩都好，但太舊，如果唔介意都係一個選擇。再唔係就要入到青衣架啦。

祖堯天主教都好似唔錯。

其實我自已都係65區，當年都同兩位一樣，好似只有兩間仁立可選，但仁立除了同林護有聯繫呢個優勢外，都唔係我杯茶，所以我送了小朋友出九龍讀。但當年的林金殿還沒有今天的好。有朋友告知，林金殿換了校長後，進取了很多，教科書都轉用了較深的課本。

大家可以多了解一下吧。

作者: ChammyMAMA 時間: 11-1-14 11:57 標題: 回復 3# siulili 的帖子

其實我都有諗過林金殿架,近我公司,但之前見有人話呢間麻麻地,想問下多唔多人揀架?thx

作者: siulili 時間: 11-1-14 12:27

利益申報左先，我無小朋友係65讀，所以無必要SELL／踩邊間，大家當討論下，因為我都係聽朋友講的，因我住果頭，計65區學校，個個都係讀兩間仁立或林金殿的較多，所以可能有少少資料和大家分享下。

我自已覺得，如果家長唔係AGGRESIVE果種，唔係一定要小朋友去讀林護的話，林金殿都可能係一個選擇。佢地用緊的英文書係比仁立的淺，但中文書唔算淺。同埋我聽D家長講，學校提供好多免費的課外活動比小朋友，家長都有，我自已就覺得學校都幾有心，始終係屋村學校，家長質素都參差，學校提供家長英文班，提升家長的英語能力，亦可幫小朋友一把。

在行政上，我都覺得佢地幾好喎，果日咁啱同朋友一齊，佢地居然會打電話比家長，提佢地第二日有活動喎。我對仔女果兩間，邊有架，出完NOTICE，你就自已記低啦，點會再叫文書打電話比家長呢？

學業成績我唔敢講，但佢地都有幾多學生升去善德，善德都算係好的BAND 1英中。我見佢地學生都唔係曳，OK乖喎。

反而我覺得讀兩間仁立，真係要谷到小朋友入精英班，都幾辛苦啦，同埋如果你唔係TOP TOP果D，比你“猛”車邊上到林護，都讀得幾辛苦。我有NEIGHBOUR的小朋友就係咁，去到林護追得好辛苦。因為林護在自行收生階段收左好多誇區的勁人，靠聯繫上去的兩間仁立學生，如果唔係最TOP果批，真係會比其他學生比下去的。

仲未答你的問題，聽朋友講，早幾年未轉校長時，話只要派彩後，第一天的上午去扣門就一定被取錄，但呢幾年唔得啦，學校都會揀扣門生。比我的感覺即係學校在進步中，咁選擇佢的家長亦多咗囉。

原帖由 ChammyMAMA 於 11-1-14 11:57 發表
其實我都有諗過林金殿架,近我公司,但之前見有人話呢間麻麻地,想問下多唔多人揀架?thx

作者: ChammyMAMA 時間: 11-1-14 12:53 標題: 回復 5# siulili 的帖子

其實我係66區架,但係我喺葵涌返工,依家喺度諗緊林金殿同許大同囉,想阿囡入葵涌區,甲部入咗,唔洗落到乙部嘛!

作者: siulili 時間: 11-1-14 15:05

許大同唔得喎。。。。。。聽聞。

你想佢入林金殿，首輪自行收生點解唔選，應該收架喎。

原帖由 ChammyMAMA 於 11-1-14 12:53 發表
其實我係66區架,但係我喺葵涌返工,依家喺度諗緊林金殿同許大同囉,想阿囡入葵涌區,甲部入咗,唔洗落到乙部嘛!

作者: ChammyMAMA 時間: 11-1-14 17:28

其實我係誇網架,上次自行揀咗思源,可惜唔入喇,所以甲一會填番思源,咁甲二,甲三都仲可以揀誇網學校,所以咪諗填林金殿囉!

原帖由 siulili 於 11-1-14 15:05 發表
許大同唔得喎。。。。。。聽聞。

你想佢入林金殿，首輪自行收生點解唔選，應該收架喎。

作者: siulili 時間: 11-1-14 21:48

你咁填法我就覺得有點問題。我只想問，你係咪入思源／林金殿都咁HAPPY，無乜所謂，還是想入思源多過林金殿呢？

通常甲部係用嚟選一些比自已本區更心儀的誇區學校，如果你只想入讀本區學校，咁甲一就只填乙一果間。

如果你入林金殿係無入思源咁HAPPY的話，唔好放佢係甲二啦，因為你咁放，如果入左，你等同放棄左本區思源的學額。

因為誇區位只係有剩餘學位的1／10，而本區位係有9／10架。

原帖由 ChammyMAMA 於 11-1-14 17:28 發表
其實我係誇網架,上次自行揀咗思源,可惜唔入喇,所以甲一會填番思源,咁甲二,甲三都仲可以揀誇網學校,所以咪諗填林金殿囉!

作者: ChammyMAMA 時間: 11-1-14 21:59

我本身唔係呢區架，我係66區，首選我一定係思源架，但都要填甲二，如果甲二填林金殿唔知入嘅機會大唔大呢？？今日同老師傾過，阿囡係細B，所以本身已經蝕咗章，同埋老師話阿囡適合活動教學，唔啱讀傳統學校呀！

作者: siulili 時間: 11-1-14 22:26

如果你問我估，我估機會大，講真，好少人會誇區報2線學校。除非本區選佢做第一自願的都將佢排左係甲一，咁就會在你之前入左誇區位囉。

你66，有幾間都好過林金殿喎，點解要林金殿呀？

主恩，何澤芸都唔差喎

原帖由 ChammyMAMA 於 11-1-14 21:59 發表
我本身唔係呢區架，我係66區，首選我一定係思源架，但都要填甲二，如果甲二填林金殿唔知入嘅機會大唔大呢？？今日同老師傾過，阿囡係細B，所以本身已經蝕咗章，同埋老師話阿囡適合活動教學，唔啱讀傳統學校呀！ ...

[ 本帖最後由 siulili 於 11-1-14 22:31 編輯 ]

作者: ChammyMAMA 時間: 11-1-14 22:50

其實我住屯門架，不過放學會有人幫我湊番去青衣，我放咗工會帶番去屯門架，如果一早入青衣會好趕，連瞓都無得瞓架喇！

作者: Gabrielma 時間: 11-1-17 13:29

基真會唔會好過林金殿 ?

歡迎光臨教育王國 (/)