教育王國

標題: Tom Lee幼兒音樂班 [打印本頁]

作者: SiuSiuPang 時間: 11-1-7 16:35 標題: Tom Lee幼兒音樂班

請問有冇家長俾兩歲子女讀過/讀緊Tom Lee個幼兒音樂班? 我問過佢既內容好似同一般playgroup冇乜分別(我以為最少會有d元素俾小朋友感覺下咩係拍下子, 同埋高低音既分別等), 其實學到咩呢?
可否分享下? 謝謝!

作者: jellomama 時間: 11-1-8 01:13

Absolutely nothing was being taught. To me, it was a waste of time.

作者: peggy8422 時間: 11-1-13 17:23

我囡囡學咗2歲的音樂班, 及進級班, 我本身都是一名教琴老師, 我覺得好好, 因為我當初都以為只是上下堂唱下歌仔咁, 咁知我跟的老師在第一期已經教了由DO 至到高音DO的手勢, 而且仲上堂時好多時教佢哋唱歌歌, 唱完歌詞又會教佢哋唱SO FI NAME, 仲有會教佢哋什麼叫做快, 什麼叫做慢, 高音及低,所以我都喜出望外,到了第二個COURSE, 頭幾堂都唔知老師想教啲什麼, 但係到尾老師已經教佢哋什麼叫做線位, 什麼叫做間位, 而且仲教佢哋 2 black key 及 3 black key, 仲教佢哋do re mi fa so 的位置, 須然我覺得對我囡囡剛剛3歲是可能深咗少少, 但係都幾好囉, 因為佢現在見到鋼琴佢會話比我聽2black key 3 black key......仲有教咗高音譜號及低音譜號
我個人覺得都幾好.....

作者: ricatong 時間: 11-1-14 12:35

有冇家長上過伯樂的音樂班, 覺得好唔好呢?

作者: share123 時間: 11-1-14 17:06

原帖由 SiuSiuPang 於 11-1-7 16:35 發表
請問有冇家長俾兩歲子女讀過/讀緊Tom Lee個幼兒音樂班? 我問過佢既內容好似同一般playgroup冇乜分別(我以為最少會有d元素俾小朋友感覺下咩係拍下子, 同埋高低音既分別等), 其實學到咩呢?
可否分享下? 謝謝! ...

我地Music Wonderland & JMC都上完,如果你系好急進既家長,呢個課程可能唔適合你.不過,小朋友真係上得好開心,系無咩壓力下慢慢學音樂.如果你要佢enjoy music (music appreciation), 同埋識d簡單野,彈下簡單曲譜,甘應該可以達到要求

作者: bbpeter 時間: 11-1-16 17:22

其實TL的音樂班係俾啲小朋友學習聆聽, 拍子感同表達。
我聽過有個TL的老師講過，小朋友如果keep住學音樂落去，上過TL music course的小朋友將來喺音樂上的理解，尤其係拍子感, 聆聽會比其他學生優勝許多。

有啲家長較心急，想小朋友學咗呢個MUSIC COURSE就會見到顯注分別，但基本功係好內在的，將來小朋友學其他樂器或唱歌會表現返出來的了。

作者: bbpeter 時間: 11-1-16 17:23

原帖由 SiuSiuPang 於 11-1-7 16:35 發表
請問有冇家長俾兩歲子女讀過/讀緊Tom Lee個幼兒音樂班? 我問過佢既內容好似同一般playgroup冇乜分別(我以為最少會有d元素俾小朋友感覺下咩係拍下子, 同埋高低音既分別等), 其實學到咩呢?
可否分享下? 謝謝! ...

你位小朋友幾多歲??

作者: ohmygosh 時間: 11-1-17 01:03

我個仔(現時三歲九個月)已經上完Music Wonderland﹐而家正在上JMC﹐也肯定會讀畢兩年的JMC課程(這方面我十分堅持﹐雖然他連鋼琴都已經彈得很不錯)。作為家長+鋼琴和小提琴老師﹐我也很喜歡yamaha的音樂課程﹐也不停推薦給身邊的朋友及打來查詢學琴的幼兒家長﹗Yamaha課程對聆聽和音樂欣賞有莫大幫助

原帖由 share123 於 11-1-14 17:06 發表

我地Music Wonderland & JMC都上完,如果你系好急進既家長,呢個課程可能唔適合你.不過,小朋友真係上得好開心,系無咩壓力下慢慢學音樂.如果你要佢enjoy music (music appreciation), 同埋識d簡單野,彈下簡單曲譜,甘 ...

作者: share123 時間: 11-1-17 12:08 標題: 回復 6# bbpeter 的帖子

系呀,學音樂系長跑,keep住基本功同興趣好緊要架

作者: bbpeter 時間: 11-1-17 21:17

我聽過喺TL教過琴的老師講過,yamaha個兒童音樂班,將來喺應付琴試, 樂理試時會發揮到佢個作用, 因聆聽, 拍子感同表達技巧喺細個時已學習緊, 一般兒童學琴時, 老師係唔會教呢方面的技巧。(不是老師唔肯教,又或者唔識教,而係家長只會在意小朋友學琴學到乜嘢歌,幾時可以考琴試,試問老師又點會額外叫家長俾時間老師教那些技能呢???)

作者: Step_C 時間: 11-1-18 10:31

原帖由 peggy8422 於 11-1-13 17:23 發表
我囡囡學咗2歲的音樂班, 及進級班, 我本身都是一名教琴老師, 我覺得好好, 因為我當初都以為只是上下堂唱下歌仔咁, 咁知我跟的老師在第一期已經教了由DO 至到高音DO的手勢, 而且仲上堂時好多時教佢哋唱歌歌, 唱完歌詞 ...

請問你係邊間centre上同邊位老師教? 會唔會唔同老師教會有唔同內容? 定係呢d係課程standard內容無論係邊間上一定會學到? Thanks a lot!!!

作者: Step_C 時間: 11-1-18 11:43

另外仲想問tomlee music wonderland d班係咪通常係閒日, 好少係星期六日...?

作者: siupoponicam 時間: 11-1-18 11:50

因我無學過樂器, 我無依方面的知識,我想問通利定柏斯的音樂班較適合2歲半的小朋友,如果阿女有興趣,我會俾佢繼續學樂器.

作者: juennov 時間: 11-1-18 15:48

原帖由 siupoponicam 於 11-1-18 11:50 發表
因我無學過樂器, 我無依方面的知識,我想問通利定柏斯的音樂班較適合2歲半的小朋友,如果阿女有興趣,我會俾佢繼續學樂器.

我表妹女兒喺TL到上緊JMC課程, 都學咗約半年多d了.
我有1,2次陪過佢去上堂,我覺得JMC既課程好生動, 老師,學生, 家長打成一片.同埋將好多音樂的技巧套戲唱遊入面, 令到班小朋友不知不覺喺遊戲到學習.其實我覺得TL呢個音樂班幾值得推薦俾啲家長.

作者: juennov 時間: 11-1-18 15:52

原帖由 Step_C 於 11-1-18 11:43 發表
另外仲想問tomlee music wonderland d班係咪通常係閒日, 好少係星期六日...?

我估係六,日多喎, 因我嗰幾次代我表姐帶佢囡囡上堂都係SUN嚟架~~我仲記得上課室條樓梯, 課室外面勁多人,,家長, 小朋友,,,工人...塞到成條走廊都係人

作者: share123 時間: 11-1-18 15:56

原帖由 Step_C 於 11-1-18 10:31 發表

請問你係邊間centre上同邊位老師教? 會唔會唔同老師教會有唔同內容? 定係呢d係課程standard內容無論係邊間上一定會學到? Thanks a lot!!!

Yamaha課程已經好耐歷史,有一套標準,老師定期都要上堂開會update. 我相信每個老師應該有個別差異,但內容同理念approach應該係一致既.

作者: share123 時間: 11-1-18 16:00

原帖由 Step_C 於 11-1-18 11:43 發表
另外仲想問tomlee music wonderland d班係咪通常係閒日, 好少係星期六日...?

日日都有可能架,mon-fri平d,週末貴d,你可以系網上看到每個centre既時間表架

作者: bbpeter 時間: 11-1-18 16:01

原帖由 SiuSiuPang 於 11-1-7 16:35 發表
請問有冇家長俾兩歲子女讀過/讀緊Tom Lee個幼兒音樂班? 我問過佢既內容好似同一般playgroup冇乜分別(我以為最少會有d元素俾小朋友感覺下咩係拍下子, 同埋高低音既分別等), 其實學到咩呢?
可否分享下? 謝謝! ...

TL呢個music course當然有教節奏,高低音呢D基本嘢啦,
呢個我唸你唔駛擔心了.佢教的內容比呢兩個要求仲要多呢.

作者: bbpeter 時間: 11-1-18 16:03

原帖由 juennov 於 11-1-18 15:52 發表

我估係六,日多喎, 因我嗰幾次代我表姐帶佢囡囡上堂都係SUN嚟架~~我仲記得上課室條樓梯, 課室外面勁多人,,家長, 小朋友,,,工人...塞到成條走廊都係人 ...

你講得無錯,,,SAT,SUN去到金馬倫道,,條走廊,樓梯仲迫過街市呀.

作者: juennov 時間: 11-1-18 16:08

原帖由 share123 於 11-1-18 16:00 發表

日日都有可能架,mon-fri平d,週末貴d,你可以系網上看到每個centre既時間表架

你小朋友係返閒日定係六, 日???平多唔多??

作者: share123 時間: 11-1-18 17:00

原帖由 juennov 於 11-1-18 16:08 發表

你小朋友係返閒日定係六, 日???平多唔多??

都平百幾蚊架,我地上平時7-8果d,家長放工都夠時間去架.
Music Wonderland搵工人陪都ok,因為唔使練琴,但JMC要陪佢上好d

作者: Step_C 時間: 11-1-18 17:49

多謝大家回覆...
我問過沙田幾間都係得閒日下午, 唔係咁岩我地, 一來我女讀下午班, 二來我想同佢上, 我想課餘可以一齊玩下練習下...
原來閒日有夜晚咁好好啊, 我可以同佢上之餘, 又平好多啊(一個月平$140!!!). 等我"捕"住呢d時間先...

[ 本帖最後由 Step_C 於 11-1-18 17:51 編輯 ]

作者: wootaitai 時間: 11-1-18 18:05

提示: 作者被禁止或刪除內容自動屏蔽

作者: Step_C 時間: 11-1-18 18:10

原帖由 bbpeter 於 11-1-18 16:01 發表

TL呢個music course當然有教節奏,高低音呢D基本嘢啦,
呢個我唸你唔駛擔心了.佢教的內容比呢兩個要求仲要多呢.

我相信樓主係講緊toddlers o個個course (for aged 2-3), 唔係music wonderland or junior music course, 以我理解, toddlers真係playgroup咁既模式(個staff都係咁介紹), 而到mw/jmc先有你地講節奏,高低音呢D嘢學, 我諗我同樓主想要既野一樣. 我自己都唔選擇toddlers個course住.

作者: juennov 時間: 11-1-18 19:09

原帖由 Step_C 於 11-1-18 17:49 發表
多謝大家回覆...
我問過沙田幾間都係得閒日下午, 唔係咁岩我地, 一來我女讀下午班, 二來我想同佢上, 我想課餘可以一齊玩下練習下...
原來閒日有夜晚咁好好啊, 我可以同佢上之餘, 又平好多啊(一個月平$140!!!). 等我" ...

好多家長都話要"吼"住報TL的音樂班.其實咁樣未必揾到你想報讀的班別或理想上課地點.
應該上TL個web site, 喺音樂藝術中心入面到網上登記,到有合適既班會有Email 通知架嘞!!!

作者: juennov 時間: 11-1-18 19:14

原帖由 share123 於 11-1-18 17:00 發表

都平百幾蚊架,我地上平時7-8果d,家長放工都夠時間去架.
Music Wonderland搵工人陪都ok,因為唔使練琴,但JMC要陪佢上好d

唔怪得喺走廊坐咗好多工人喺到
應該係啲家長偷懶吧.

作者: Step_C 時間: 11-1-19 09:47

原帖由 juennov 於 11-1-18 19:09 發表

好多家長都話要"吼"住報TL的音樂班.其實咁樣未必揾到你想報讀的班別或理想上課地點.
應該上TL個web site, 喺音樂藝術中心入面到網上登記,到有合適既班會有Email 通知架嘞!!! ...

係呀, d職員都係咁講, 所以我登記左啦. Thanks~

[ 本帖最後由 Step_C 於 11-1-19 10:03 編輯 ]

作者: share123 時間: 11-1-19 14:07 標題: 回復 26# juennov 的帖子

系要一起上堂架,不過有d時間,比如下午四點,返工既家長陪唔到,所以我自己會揀7-8,雖然麻煩d,但自己陪到嘛

作者: juennov 時間: 11-1-19 16:47

其實家長係要陪同小朋友一齊上堂架, 親子班既理念係想爸爸媽媽陪住小朋友上堂, 可以幫小朋友壯膽,唔好怕羞, 同埋令佢哋安心啲聽Miss教學.
仲有一齊唱遊時可以增進親子的感情.返到屋企,父母仲可以同小朋友練習返上堂學過既嘢.
我嗰時去music wonderland 時, 啲爸爸媽媽同啲小朋友都唔知玩得幾開心.(其實我覺得啲父母好似就玩得開心過啲小朋友添

)

歡迎光臨教育王國 (/)