教育王國

標題: 藍田啟思和靈糧,邊間好呢? [打印本頁]

作者: siucandy 時間: 11-1-7 15:41 標題: 藍田啟思和靈糧,邊間好呢?

藍田啟思和靈糧都offer,簡邊間好呢?

作者: JHsbb 時間: 11-1-23 14:23

本人覺得兩間都好, 大仔讀啟思, 細女讀靈糧, 以下係我個女返學分享:
我個女今個月插班, 佢開心到爆, 返到學校已經唔理我地.....佢只係喊左幾日, 第1及第2日因為老師行埋去想抱佢, 佢已經喊(我地陪住的), 第3日開始無得陪自己返, 唔見左我地先喊左一陣,一非常快收聲, 第4及5日, 係課室門口開始喊, 因為知道我地會走, 但喊唔夠3MINS我地走時閂左門, 老師幫佢抹完眼淚就收左聲, 第2個星期先開始住校車放學, 無喊過, 返學校襯佢見唔到我地即走, 佢"EE UN UN" 但個PAT PAT就自動去左老師大脾要坐及想老師抱, 第3星期開始坐校車返學, 完全無喊過, D老師話無諗過佢唔喊, 尋日家長日, 老師話我個女好叻, 只得2歲就可以咁快適應, 同埋話佢非常鐘意返學, 因為實在太開心, 每次一聽到音樂就第1個出黎跳舞, 如果老師拖住佢跳, 老師形容我個女好似去左DISCO咁, 勁好笑.....我果然無幫個女揀錯學校, 哥哥返緊啟思, 亞女都考到AM班K1, 但見個女返得好開心, 所以決定左唔同佢轉校, 而哥哥又話又同妹妹一間學校, 所以幫哥哥申請K2轉校, 等緊下個月INTERVIEW...

今年學校仲係學校攪行花市, 超有趣, 2星期前仲每個同學派1個女仙返屋企, 幾開心

作者: siucandy 時間: 11-1-23 17:37

JHsbb:謝謝你的分享,可否講下哥哥讀啟思的情況?
我聽人講,話靈糧係活動教學,玩的時間比較多,一般的教學比較少,如果係咁,第時升小一可能困難些,但靈糧對我黎講係方便,因佢k1可以轉去鑽石山(家住鑽石山),帶返學會方便,好似話啟思會多些傳統教學,如果啟思就要搭校車.....我兩間都交左留位費,宜家都重未決定讀邊間.....

作者: 拾仔 時間: 11-1-24 15:30 標題: 回覆 2# JHsbb 的文章

真係架?啟思都收左我個女,我都諗緊讀唔讀真係咁好????

作者: 1511 時間: 11-1-24 16:42

我女也在靈糧返PN, 她很喜歡老師的, 常常提起她们, 每天放学都唱着歌, 又做動作, 真系好撹笑.
老師常常update上堂相, 即使阿女未識講在学校学些甚麼, 但睇相都知她做甚麼勞作, 英文老師和國语老師和他们玩甚麼.
啓思我不太清楚, 但靈糧PN我好满意.

作者: JHsbb 時間: 11-1-25 01:05

我朋友2個女都係讀靈糧, 但係總校, 2個小朋友都好喜歡學校, 連放假都要問爸爸媽媽幾時放完假返學....大女派位仲派到名校一間....

PN班一定係玩架喇, 升K1後我就未知, 係我朋友強存推薦我地讀靈糧堂(我大仔個時我唔知有), 我INTERVIEW時都係話升K1時去鑽石山, 同你一樣, 但最後都係問我地係咪係返呢間讀, 我個女個老師話鑽石山係好多人爭, 同埋地方好細, 而你去開藍田呢間你唔想幫小朋友轉架喇, 因為地方大, 空間感好多, 佈置又靚, 小朋友非常開心時, 你就唔會幫佢轉, 因為已經習慣左, 仲有我朋友(佢個仔讀PN班, 同我個女同一老師), 大家都覺得好正, 所以比小朋友係返靈糧讀(佢個仔又係考到啟思K1 AM, 同我個女一樣架)....

啟思都好開心架, 但就正常地返到學校坐櫈去返自己檯, 可以玩玩具, 班方地方唔夠靈堂大(可能靈糧無咁多檯放係度)佢地注重禮貌, 講優雅語句, 真係各有各好呀, 如果我個女唔係返過靈糧, 我都比亞女返啟思架.....

原帖由 siucandy 於 11-1-23 17:37 發表
JHsbb:謝謝你的分享,可否講下哥哥讀啟思的情況?
我聽人講,話靈糧係活動教學,玩的時間比較多,一般的教學比較少,如果係咁,第時升小一可能困難些,但靈糧對我黎講係方便,因佢k1可以轉去鑽石山(家住鑽石山),帶返學會方便, ...

作者: JHsbb 時間: 11-1-25 01:07

我個女讀AN2班呀, 你呢?
我又係好LIKE佢地好多相, 每星期老師用心地去UPLOAD, 我地又可以DL返D相出黎, 我依傢放晒係FB比大家睇...啟思全年得8張到架咋, 太少喇....我依傢個個星期都睇到亞女係學校生活, 見到學野, 作為家長係會好開心的...

原帖由 1511 於 11-1-24 16:42 發表
我女也在靈糧返PN, 她很喜歡老師的, 常常提起她们, 每天放学都唱着歌, 又做動作, 真系好撹笑.
老師常常update上堂相, 即使阿女未識講在学校学些甚麼, 但睇相都知她做甚麼勞作, 英文老師和國语老師和他们玩甚麼.
啓思 ...

作者: JHsbb 時間: 11-1-25 01:15

我係啟思都交左留位費架喇...

講返正題, 校車方面, 好老實, 我覺得唔係太好, 校車好細架(我地條線), 坐得好迫, 我個女條線約有12個學生, 夏天坐還接受, 冬天坐非常音迫, 因為小朋友多衫丫嘛, 司機叔叔, 保姆, 老師(間唔中會跟車送學生放學)耐性唔多夠, 啟思就非常好, 我個仔坐架校車人數同我個女差唔多架咋, 但係坐中型個隻, 每邊2個坐位, 頭位置又有得"唉", D小朋友成日係度瞓著覺, 包括我個仔, 佢地坐得好舒服, 司機叔叔非常有愛心及有禮貌, 又交帶, 我同老公超級鐘意啟思校車服務, 所以靈糧校車真係要改善改善, 可能係佢地自己車及自己請人, 有關呢個SERVICE唔夠出面D公司經驗豐富, 所以麻麻地, 啟思係搵公司合作的.....

其實坐校車安全O既, 但真係要好睇吓個司機叔叔及保姆EE喇, 如果佢地無耐性, 又心急開車就唔係咁好, 佢地校車成日遲到, 比我投訴後第2日即改我地個站遲10分鐘, 同埋比我感覺佢地見D小朋友都到, 會黑面, 啟思唔會的話
所以真係唔多滿意....

原帖由 siucandy 於 11-1-23 17:37 發表
JHsbb:謝謝你的分享,可否講下哥哥讀啟思的情況?
我聽人講,話靈糧係活動教學,玩的時間比較多,一般的教學比較少,如果係咁,第時升小一可能困難些,但靈糧對我黎講係方便,因佢k1可以轉去鑽石山(家住鑽石山),帶返學會方便, ...

作者: 1511 時間: 11-1-25 13:02

我女係AN3, 见到相中的她笑容就知道她好开心. 最緊要她不抗拒, 享受上学, 自然学到0野.

司机叔叔和姨姨都ok, 又無面黑wor, 尤其放学個司机好中意同我女講野架..

不過架車就舊左的..

原帖由 JHsbb 於 11-1-25 01:07 發表
我個女讀AN2班呀, 你呢?
我又係好LIKE佢地好多相, 每星期老師用心地去UPLOAD, 我地又可以DL返D相出黎, 我依傢放晒係FB比大家睇...啟思全年得8張到架咋, 太少喇....我依傢個個星期都睇到亞女係學校生活, 見到學野, 作 ...

作者: siucandy 時間: 11-1-25 14:38

聽完你咁講,靈糧好似幾好,d老師咁有心機upload相比我地家長睇,呢樣野真係好好,你都知啦,我地好想睇下小朋友上堂情況架麻(我帶阿仔上pg都狂影相架),好想有個紀念,好多幼稚園都無,我就諗住第一年我會自己接送返學,因我唔想搭校車,所以我就諗k1轉去鑽石山,我都知鑽石山分校學位好緊張,因為佢地會預留2班比藍田轉過去,宜家都唔諗住啦,讀完pn先再考慮啦,謝謝你的分享.....^^

原帖由 JHsbb 於 11-1-25 01:07 發表
我個女讀AN2班呀, 你呢?
我又係好LIKE佢地好多相, 每星期老師用心地去UPLOAD, 我地又可以DL返D相出黎, 我依傢放晒係FB比大家睇...啟思全年得8張到架咋, 太少喇....我依傢個個星期都睇到亞女係學校生活, 見到學野, 作 ...

作者: JHsbb 時間: 11-1-26 01:40

原本我個女係AN3跟芝芝老師架, 點知11月通知去左AN2班...如果唔係我地2個女係同學仔喇, 你坐幾多號車呀, 我倨女返C車, 放B車

原帖由 1511 於 11-1-25 13:02 發表
我女係AN3, 见到相中的她笑容就知道她好开心. 最緊要她不抗拒, 享受上学, 自然学到0野.

司机叔叔和姨姨都ok, 又無面黑wor, 尤其放学個司机好中意同我女講野架..

不過架車就舊左的..

...

作者: 1511 時間: 11-1-26 16:43

PM左你喇, 得闲倾吓計, 吾左住呢個post lu.

其實我都想问下啟思好吾好, 我姨甥仔今年都要报PN, 两间也是活動教学, 程度差不多, 希望有啓思的妈妈發表下...

原帖由 JHsbb 於 11-1-26 01:40 發表
原本我個女係AN3跟芝芝老師架, 點知11月通知去左AN2班...如果唔係我地2個女係同學仔喇, 你坐幾多號車呀, 我倨女返C車, 放B車

作者: JHsbb 時間: 11-1-27 00:16

1511. 我收唔到你PM呀

作者: 1511 時間: 11-1-27 17:51 標題: 回復 13# JHsbb 的帖子

已再PM啦....

歡迎光臨教育王國 (/)