教育王國

標題: 問下小朋友很早要搭校車, 你地仲俾唔俾佢係屋企食早餐? [打印本頁]

作者: ka1012 時間: 11-1-5 10:18 標題: 問下小朋友很早要搭校車, 你地仲俾唔俾佢係屋企食早餐?

好苦惱呀, 我女一年級, 朝早6:30起身, 我只俾120ml奶佢飲同幾啖bread或蛋糕, 7:05上車,要成粒鐘至到學校, 但有幾次佢係校車度嘔, 其實會唔會消化唔晒定暈車浪?我諗緊返學校食早餐好唔好, 但阿女又話要等第一個小息至食得, 咁咪好耐lor, 而且, 返學校食早餐, 又唔可以日日飲維其他奶架, 因為好甜, 如果再早叫佢起床, 佢又唔夠瞓, 晚晚叫極都唔瞓.
咁點好呢?

作者: HTLT 時間: 11-1-5 10:33

亞仔都係一年級, 6:30起身, 7:00上車, 在家吃幾塊餅 / 香蕉 / 栗米片, 由於未訓醒, 食好少, 到10:10小息吃一個大飽, 佢話 o.k., 冇問題.

作者: BallBallMaMa 時間: 11-1-5 14:27

朝早如要坐成粒鐘校車就千萬不要飲奶和食甜野, 如果唔係實暈車浪而嘔, 但點都要食少少麵包或咸餅乾和飲水

原帖由 ka1012 於 11-1-5 10:18 發表
好苦惱呀, 我女一年級, 朝早6:30起身, 我只俾120ml奶佢飲同幾啖bread或蛋糕, 7:05上車,要成粒鐘至到學校, 但有幾次佢係校車度嘔, 其實會唔會消化唔晒定暈車浪?我諗緊返學校食早餐好唔好, 但阿女又話要等第一個小息至 ...

作者: AndyMah 時間: 11-1-5 14:33

原帖由 ka1012 於 11-1-5 10:18 發表
好苦惱呀, 我女一年級, 朝早6:30起身, 我只俾120ml奶佢飲同幾啖bread或蛋糕, 7:05上車,要成粒鐘至到學校, 但有幾次佢係校車度嘔, 其實會唔會消化唔晒定暈車浪?我諗緊返學校食早餐好唔好, 但阿女又話要等第一個小息至 ...

對我嚟講, 依家天氣咁凍點都一定要個仔食咗先出門口,
不過你咁早, 小朋友都未訓醒, 胃口又未開, 都難食得落.
或者你比d 暖水佢飲咗先出門口. 另外, 比個三文治 or 麵包之類, 再帶個保暖水壺 or 暖杯帶 d 野返學校飲, 咪唔駛日日維他奶囉. 不過呢d 係習慣, 佢習慣咗早起身, 早食早餐, 慢慢就得架喇!

我仔未上小學時8點幾先食, 初初上小學佢都唔慣7點零咁早食早餐, 我都係比三文治/烚蛋/蛋糕仔之類比佢第一個小息時當早餐食架, 依家佢習慣咗, 可以食晒個早餐先出門口,
所以試下比佢習慣下, 睇下得唔得囉.

作者: babybear 時間: 11-1-5 15:15

我個小朋友都係一樣6點幾起身, 7點上校車. 佢有食左早餐先返學.
不過就一定唔會比奶佢飲.
多數比固體野佢食.
好似腸仔+蛋, 半件三文治咁, 再加一盒細盒裝既維他奶.

不過初初佢開學時未習慣咁早起身, 真係食唔落野; 初時由佢比佢食幾啖就算(因為仲有d 餅仔比佢帶返學小息食).

之後慢慢習慣左呢個作息時間, 開始朝早食多左野.

作者: babybear 時間: 11-1-5 15:22

至於夜晚叫極唔肯瞓既問題, 真係要全家人合作,
想佢幾時瞓既時候, 真係熄哂電視, 比個好靜環境佢, 專心瞓覺, 再唔肯, 熄埋燈, 大家扮瞓覺, 等佢瞓著左, 大家先如常睇電視.

作者: bb108 時間: 11-1-5 16:23

deleted deleted deleted

[ 本帖最後由 bb108 於 11-1-5 16:52 編輯 ]

作者: ka1012 時間: 11-1-5 17:00

其實我已經俾好小份量佢,我諗可能飲完奶抖唔夠一陣就要搭車, 而且仲坐成粒鐘車, 可能真係會嘔. 我女偏瘦, 所以我想佢飲奶有營養d, 而且唔食早餐又好似無咁好. 唉, 食左又嘔又好煩, 我諗一係朝早唔飲奶, 只係食麵包同暖水, 我諗應該無咁易嘔掛, 返到學校飲奶或放學至飲奶.

作者: BallBallMaMa 時間: 11-1-5 17:51

唔好飲奶la, 嘔返出來咪仲蝕, 芝士啦, 可以鋪在方包上面, 放入微波爐叮20s, 暖暖地, 溶溶地, 又好營養, 又好味

仲有, 如她容易暈車浪, 可俾佢袋定d冬薑, 剪到細細粒, 唔舒服就含一粒, 可以止嘔

另外, 佢坐咩校車, 和咩位置都有關係, 盡量同校車褓姆安排佢坐司機位那邊, 和坐前d, 會冇咁容易暈車浪

原帖由 ka1012 於 11-1-5 17:00 發表
其實我已經俾好小份量佢,我諗可能飲完奶抖唔夠一陣就要搭車, 而且仲坐成粒鐘車, 可能真係會嘔. 我女偏瘦, 所以我想佢飲奶有營養d, 而且唔食早餐又好似無咁好. 唉, 食左又嘔又好煩, 我諗一係朝早唔飲奶, 只係食麵包同 ...

[ 本帖最後由 BallBallMaMa 於 11-1-5 17:56 編輯 ]

歡迎光臨教育王國 (/)