教育王國

標題: 男孩子應否學習鋼琴？ [打印本頁]

作者: 胡塗甲子 時間: 10-12-25 01:16 標題: 男孩子應否學習鋼琴？

（以下僅為個人之意見及見解，歡迎善意討論。）

現今社會競爭激烈，多一技之長就多一份保障。家長望子成龍、望女成鳳。為了令子女能有一技之長，家長於子女童年時期就大量投資於他們身上，參加不同的興趣班，學習鋼琴就是其一中項極受家長追捧的課外活動。家長多少都會希望，通過學琴會有助其子女日後多一技之長、「教琴搵錢」。但到底這項投資是賺是蝕呢？

現在學琴最初級的學生，每堂最少也要用過百元，而且價錢隨學習級數增加。假設培養一個小朋友由初學到八級正常需時大概八年，學費每月由五百至一千五百元逐年遞增，淨學費成本剛好超過十萬元。除學費之外，買一部普通鋼琴最少需要三萬元，另加各級考試費數千至一萬不等。學琴的總成本應該大概十四萬左右，這絕不是一個小數目，而且這個數字只是以基本價錢計算出來。

投資了十數萬，回報又如何呢？其實與鋼琴有關的出路並不算多，主要不外乎教琴、成為中小學音樂老師、從事娛樂圈甚至成為郎朗之類的鋼琴家。有名的鋼琴家萬中無一，出名的少之又少但寂寂無聞的卻多不勝數，投資風險極大；中小學音樂老師需求有限，每間學校只有一至兩位音樂教師，而且正面臨殺校，出路成疑；最後只剩下教琴一路，這門出路本來是不錯的，但情況有些複雜，男女孩的出路前景截然不同。

理想情況下，老師的性別不應成為選擇老師時的一個因素。現實上，絕大部份女孩子，無論是學生本人或是其家長均傾向由同性（女性）導師教學；但男孩子方面並沒有選擇同性（男性）導師的傾向性。男孩子的家長們，包括正在閱讀本文的你可能都會這樣想，女老師應該較細心（這個是否屬實有待商確），比較適合教自己的兒子。因此，為數不少的男學生其實也是由女老師教授的。假設男女學生各一百人，資質均等，當他們同時達到八級後，理應會有男女老師各一百人。同時，假設又有新一批男女學生各一百人供應給上述一批新老師。參照現實情況，絕大部份約九成女學生由女老師教，一成由男老師教導；男學生方面由於沒有傾向性，大概一半由女老師教授，另一半由男老師教授。最後，該一百名新女老師將會分享一百四十名學生；而男老師方面則只能分享六十名學生。上述比例雖為本人假設，但均基於本人對現實情況觀察所得，與現實應相去不遠，例如網上中介網中多數學生均註明要求「女導師」。由此可見，兩性機會並不均等。由於女學生基本只選女鋼琴教師而男學生卻又不會只選男鋼琴教師，造成男性鋼琴老師市場較女性細得多。這個現象由坊間眾多琴行可以觀察得到，琴行導師絕大多數都是女導師。學琴後的主要出路僅為教琴，但男鋼琴學生學成後難以入行，出路更窄。因此男孩子學習鋼琴這項投資是否值得呢？本人恐怕答案是否定的，除非家長肯定自己的兒子會是下一位郎朗了。

的確，學琴不只為「教琴搵錢」，本人亦只是以投資角度來評論男孩學琴的回報，並不是斷定男孩子無論如何都不應該學琴。但教琴本身就是學琴對未來投資的一種回報方式，既然男女孩學琴投資的成本一樣，但男孩回報相對較少，何不選擇學習其他樂器呢？例如敲擊樂或者結他等，依然大部份是由男性教授，男學生學成後出路相對不受限制，亦是音樂的一種，跟鋼琴一樣可以淘冶性情，又何樂而不為呢？

鋼琴鴿子

後續：

其實本人撰寫本文的出發點並不是真的要評論男孩子應否學鋼琴的問題，本人的其中一個真正目的其實是希望帶起公眾對男鋼琴導師於此行業中受到的不公平對待有所正視。雖然本人並沒有正式統計量化這個不公平現象，但業內人士甚至是相當一部份的公眾都知道的，只是將其忽略而已。另外，本人亦希望點出部份拒絕男導師的男學生之家長的矛盾思想。雖然家長讓其子女學鋼琴的目的有很多種，純粹學習音樂或培養興趣當然沒有問題，但亦不能否認有不少家長其實也有抱著功利的心態的。為入名校、為令其兒子建立一條日後「搵食」的門路等，這些都是功利的表現。我不是說所有家長均是如此，如果「你」不是這樣的固然是好事，但如果「你」正是本文中形容的那種家長的話你就要反思了。他們一邊寄望自己的兒子他日學成之後有機會的話就教琴賺錢，一邊又對男導師有所抗拒，那麼日後如何期望別人會找自己的兒子學琴呢？本人身邊有過一些教鋼琴的男生，但最後一個都沒繼續下去，就是因為男導師是比較難收生的。所以如果家長有打算培養自己的兒子成為樂器導師的話，還是盡早放棄吧。

[ 本帖最後由胡塗甲子於 11-1-3 23:42 編輯 ]

作者: lillymarie 時間: 10-12-25 10:05 標題: 回復 1# 胡塗甲子的帖子

你最後提出的問題有趣!
我個囝學琴, 自問真的從來無諗過佢將來會教琴. 佢亦無可能係郎朗. 純綷想佢學音樂.
點解唔學另一種樂器?
因為鋼琴係一個好易入門的樂器, 年紀細細, 個子小小, 己可以在那件巨大的樂器上奏出悅耳的音樂. 其它的樂器, 如敲擊樂: 嘈吵, 不是每個父母都可以接受, 結他, 起碼要10歲或夠大隻, 先學到吧? 除非小朋友自己好喜歡, 不然學得都幾辛苦. 其它樂器, 不是入門難, 就是費用更昂貴.

你寫咁大段, 係咪做功課?

作者: hhma 時間: 10-12-25 12:28

好難唔插你wor
不過既然你話"不喜勿插", 甘就睇完算啦

原帖由 胡塗甲子 於 10-12-25 01:16 發表
（以下僅為個人之意見及見解，不喜勿插。）

現今社會競爭激烈，多一技之長就多一份保障。家長望子成龍、望女成鳳。為了令子女能有一技之長，家長於子女童年時期就大量投資於他們身上，參加不同的興趣班，學習鋼琴就是其一中項極 ...

作者: ivory0915 時間: 10-12-25 12:38

原帖由 lillymarie 於 10-12-25 10:05 發表
你最後提出的問題有趣!
我個囝學琴, 自問真的從來無諗過佢將來會教琴. 佢亦無可能係郎朗. 純綷想佢學音樂.
點解唔學另一種樂器?
因為鋼琴係一個好易入門的樂器, 年紀細細, 個子小小, 己可以在那件巨大的樂器上奏出悅 ...

可能佢係教結他 ~

作者: 胡塗甲子 時間: 10-12-25 13:21 標題: 回覆 2# lillymarie 的文章

re lillymarie: 咁其實講黎講去, 都係父母接唔接受je~而唔係個學生bor
我又覺得男既小朋友對敲擊樂都可能會有興趣啦(冇事實根據XD)

我唔係做功課呀, 係呢排sem break放假冇咩野做, 咪打篇文章出黎囉~

re hhma: haha咁唔係下下講插既~如果係討論下我既觀點而唔係人身攻擊既, 咁我都好歡迎你"插"我ga~XD
有人挑戰下我篇野我先會知道我個support夠唔夠強ma~

re ivory0915: haha! 你估錯左啦~
其實我寫呢篇野既出發點並唔係真係純粹探討男孩子應否學習鋼琴呢個問題ga, 而係另外一樣野 (我本身唔會咁明顯地講呢個問題)
你估到呢樣野係乜你就會大概知我係教咩啦~

作者: lillymarie 時間: 10-12-25 14:13 標題: 回復 1# 胡塗甲子的帖子

咁父母俾子女學樂器，除了考慮佢的興趣之外，當然還要考慮自己的喜好和經濟能力啦！一學就十年八年，父母的支持好重要架！十一歲或以上的青年人可能就不一樣。

唔一定男仔就鍾意敲擊樂器的，我都俾阿囝學過兩個月，可惜佢唔鍾意。

作者: 馬沙仔 時間: 10-12-25 14:56

已閱

[ 本帖最後由馬沙仔於 10-12-25 15:02 編輯 ]

作者: 胡塗甲子 時間: 10-12-25 15:01

咁我都唔會反對你既諗法既~所以我係文中都提到左, 我認為男仔唔好學琴係純粹基於投資回報上既考慮而已, 學咩樂器呢樣野又有好多唔同因素要考慮既~投資回報只係其中一項比較現實既野je~

你都識講啦, 一學就十年八年, 時間又係錢, 學費又係錢, 但係經濟上日後好可能冇咩回報ga喎~因為男仔難入行教琴, 好可能你個囝囝日後都唔會從事音樂有關既行業ma~

敲擊樂呢個point我就求其up下既je~男仔會唔會特別對敲擊樂有興趣呢樣野我都唔清楚 ^^"

作者: fcbttkw 時間: 10-12-26 00:07

父母對自己仔女付出要計回報？
係投資？
係一門生意？
如果要這樣計，我絕對唔會生小朋友！
（不喜勿插）

作者: 胡塗甲子 時間: 10-12-26 00:38

原帖由 fcbttkw 於 10-12-26 00:07 發表
父母對自己仔女付出要計回報？
係投資？
係一門生意？
如果要這樣計，我絕對唔會生小朋友！
（不喜勿插）

雖然口頭上幾乎冇人會講覺得自己要計回報, 但係唔能夠排除「養兒防老」呢個傳統思想對相當一部份家長既影響ga bor~「養兒防老」本身就係一種投資

而且文中所提及既回報主要係回報返俾自己既子女, 而唔係家長本身, 咁難道家長就唔需要考慮佢地今日既"投資"會唔會係日後為佢地既子女帶來回報呢?

作者: lesmiserables 時間: 10-12-26 12:18 標題: 回報

回報都有好多種的
看著孩子從笨拙的單指單音彈到行雲流水,然後樂在其中,享受音樂,享受那種滿足感,對他們,對父母,就是很好的回報啊
什麼都要拿$的回報來衡量應否去做的話,很多事情大概就都不用做了.
還有,抱著養兒防老心態來養兒的父母,恐怕失望的機會比較大

原帖由 胡塗甲子 於 10-12-26 00:38 發表

雖然口頭上幾乎冇人會講覺得自己要計回報, 但係唔能夠排除「養兒防老」呢個傳統思想對相當一部份家長既影響ga bor~「養兒防老」本身就係一種投資

而且文中所提及既回報主要係回報返俾自己既子女, 而唔係家長本身, ...

作者: 小伊 時間: 10-12-26 13:59

除了教琴外，我就發現系街邊彈琴揾食嘅，男的較女的多，而且又唔使話彈得好好，系咁2就有人比錢，似乎男仔學鋼琴也不一定回報較低。

作者: fcbttkw 時間: 10-12-26 17:39

原帖由 胡塗甲子 於 10-12-26 00:38 發表

雖然口頭上幾乎冇人會講覺得自己要計回報, 但係唔能夠排除「養兒防老」呢個傳統思想對相當一部份家長既影響ga bor~「養兒防老」本身就係一種投資

而且文中所提及既回報主要係回報返俾自己既子女, 而唔係家長本身, ...

我相信冇人可以預知未來！依家俾小朋友學嘅嘢都只係為興趣，將來佢地大個咗想做咩，跟本就冇人會知（包括小朋友自己）！

作者: 胡塗甲子 時間: 10-12-26 23:46 標題: 回復 12# 小伊的帖子

街邊彈琴搵食係指咩工呀? 有冇例子呀?
我冇咩點聽過 @@"

作者: Singpiano 時間: 10-12-27 09:40 標題: 回復 13# fcbttkw 的帖子

Agree fcbttkw,

Others, do u know what is music?

作者: Michelle_Hung 時間: 10-12-30 02:12

我俾個仔學鋼琴因為:

1. 我自己都係學鋼琴
2. 鋼琴係學樂器的基本功, 我唔一定要佢學到演奏級, 基本的學識了佢想學其他樂器我負擔到係無問題. 起碼我覺得佢到時真係覺得"有興趣"而唔係"貪得意"
3. 我覺得學鋼琴真係可以學令到一個小朋友有"靜下來"的時間, 特別係男仔, 可以balance一下.

當然我無逼個仔學, 在家同佢"玩"了很多次琴再問佢去學彈琴琴好唔好, 佢話好我先帶佢去學.

如果要講投資回報, 學其他較"冷門"樂器學生人數不會多, 回報不見得好,除了鋼琴和小提琴較熱門, 一個學生會跟老師學足十幾年之外, 有幾多人會搵個老師學結他?!
再講, 學鋼琴期間其實陪養緊個學生好多唔同的skills, 手眼協調, 音準同對外的靈敏性等, 會幫到你在其他方面的學習, 哩o的"回報"係無得計.

我相信樓主係無小朋友, 所以唔會相信父母真係會有不望回報果種心情.

作者: Singpiano 時間: 10-12-30 03:48

作者: wootaitai 時間: 10-12-30 10:04

提示: 作者被禁止或刪除內容自動屏蔽

作者: Singpiano 時間: 10-12-30 10:36 標題: 回復 18# wootaitai 的帖子

作者: Mat_Dad 時間: 10-12-30 10:42

兒子學鋼琴最大的回報是你看到他在鋼琴前自彈自唱、享受音樂、樂在其中的情景! 這個只有已身為父母者才會體會!

再說, 就算真的會有金錢上的回報也是他自己的事(他自己的選擇), 莫非他收了學費會上繳給你?!

作者: marcuscyrus 時間: 10-12-30 10:49

如果學音樂要諗回報的話，我諗個小朋友都唔會彈得好到可以去搵食(十幾廿年後)
但如果佢真心鍾意，就算佢的琴技不足以搵食，學習音樂o既過程對佢黎講都係一種得著
p.s. 我大仔就是同時學琴同敲擊樂，佢明顯喜歡彈琴多一d，如果大d佢要專注一樣，我估佢都會揀彈琴

作者: elizatyy 時間: 11-1-1 15:36

原帖由 Mat_Dad 於 10-12-30 10:42 發表
兒子學鋼琴最大的回報是你看到他在鋼琴前自彈自唱、享受音樂、樂在其中的情景! 這個只有已身為父母者才會體會!

再說, 就算真的會有金錢上的回報也是他自己的事(他自己的選擇), 莫非他收了學費會上繳給你?! ...

Agree with you. Not everything can be quantified.

作者: 天使麵 時間: 11-1-1 23:30

原帖由 lesmiserables 於 10-12-26 12:18 發表
回報都有好多種的
看著孩子從笨拙的單指單音彈到行雲流水,然後樂在其中,享受音樂,享受那種滿足感,對他們,對父母,就是很好的回報啊
什麼都要拿$的回報來衡量應否去做的話,很多事情大概就都不用做了.
還有,抱著養兒防 ...

深有同感!
我時常跟孩子說：「音樂會伴你一輩子的，比媽媽更待你身邊更長久；能夠親自隨心而奏，是一種買不到的享受。」
這就是我想要的回報。

作者: 胡塗甲子 時間: 11-1-2 22:04

後續：

其實本人撰寫本文的出發點並不是真的要評論男孩子應否學鋼琴的問題，本人的其中一個真正目的其實是希望帶起公眾對男鋼琴導師於此行業中受到的不公平對待有所正視。雖然本人並沒有正式統計量化這個不公平現象，但業內人士甚至是相當一部份的公眾都知道的，只是將其忽略而已。另外，本人亦希望點出部份拒絕男導師的男學生之家長的矛盾思想。雖然家長讓其子女學鋼琴的目的有很多種，純粹學習音樂或培養興趣當然沒有問題，但亦不能否認有不少家長其實也有抱著功利的心態的。為入名校、為令其兒子建立一條日後「搵食」的門路等，這些都是功利的表現。我不是說所有家長均是如此，如果「你」不是這樣的固然是好事，但如果「你」正是本文中形容的那種家長的話你就要反思了。他們一邊寄望自己的兒子他日學成之後有機會的話就教琴賺錢，一邊又對男導師有所抗拒，那麼日後如何期望別人會找自己的兒子學琴呢？本人身邊有過一些教鋼琴的男生，但最後一個都沒繼續下去，就是因為男導師是比較難收生的。所以如果家長有打算培養自己的兒子成為樂器導師的話，還是盡早放棄吧。

作者: birdbird 時間: 11-1-3 22:05

原帖由 Mat_Dad 於 10-12-30 10:42 發表
兒子學鋼琴最大的回報是你看到他在鋼琴前自彈自唱、享受音樂、樂在其中的情景! 這個只有已身為父母者才會體會!

再說, 就算真的會有金錢上的回報也是他自己的事(他自己的選擇), 莫非他收了學費會上繳給你?! ...

agree.

學得一手鋼琴, 佢未必可以用黎搵食,
但佢終身可以用黎自娛.

而且在學琴過程中, 小朋友領略到何為 '努力不懈', '一分耕耘一分收穫', 如何做好一件事, 訓練記性等等.

作者: 音樂人長老 時間: 11-1-3 23:35

嘻嘻，樓主是否想提出教琴呢個行業女多男少的現象？但唔係好貼題喎，難怪家長們誤會了你的原意。如果無男仔學琴，教琴咪完全變成女性行業？我相信呢種情況唔會出現，我見到不少男導師都得到家長信任，唔好太灰心。

作者: 胡塗甲子 時間: 11-1-3 23:55

原帖由 音樂人長老 於 11-1-3 23:35 發表
嘻嘻，樓主是否想提出教琴呢個行業女多男少的現象？但唔係好貼題喎，難怪家長們誤會了你的原意。如果無男仔學琴，教琴咪完全變成女性行業？我相信呢種情況唔會出現，我見到不少男導師都得到家長信任，唔好太灰心。 ...

此乃正解~

本人的工作與琴行有關, 眼見有很多家長在與老師素未謀面的情況就已經將男導師排除在外. 即使職員最初安排了男導師予其兒子, 不少家長都會ask for女導師, 所以我就覺得, 那些家長自己都歧視ar sir, 但是他們又說可能自己的兒子日後「學到八級有得教琴賺錢」, 這個思想有點矛盾了。而且, 教琴這個行業亦真的是有點性別歧視的味道, 所以本人就於閒時打下這篇文章了, 純粹是即興之作, 所以漏洞亦多~

的確, 是不貼題的. 我只是不想一開始就太直接地道出我的重點, 這樣太平乏了

作者: 音樂人長老 時間: 11-1-4 08:54

樓主，恕我直言，有時直接提出你的意見更能得到回響，你要做只是想一個好標題吧。其實樓主要明白很多行業都有性別的選擇，我都遇到以上情況，不過唔請你一定唔會講因為你性別以免觸犯法例，例如你有無見過酒樓知客係男士呢？

樓主係一位有心人，希望家長可以明白你的原意，俾多啲機會男導師敎自己的小朋友吧。

作者: miffy 時間: 11-1-4 09:41

提示: 作者被禁止或刪除內容自動屏蔽

作者: Mat_Dad 時間: 11-1-4 10:17

性別歧視, 正確點說是性別差異, 男女各有所長, 這個一定有的. 你看幼稚園教師個個都係女的, 唔通男仔唔可以教幼稚園就唔好去讀書?! 唔教幼稚園咪教小學、中學什至大學囉, 彈得好唔怕冇出路! 小朋友細細個學琴當然找個女的比較放心啦, 但如果郎朗或李雲迪話肯教個小朋友, 個個家長都扑往去啦

作者: JP 時間: 11-1-4 12:06

原帖由 胡塗甲子 於 11-1-3 23:55 發表

本人的工作與琴行有關, 眼見有很多家長在與老師素未謀面的情況就已經將男導師排除在外. 即使職員最初安排了男導師予其兒子, 不少家長都會ask for女導師, 所以我就覺得, 那些家長自己都歧視ar sir, 但是他們又說可能自己的兒子日後「學到八級有得教琴賺錢」, 這個思想有點矛盾了。而且, 教琴這個行業亦真的是有點性別歧視的味道, 所以本人就於閒時打下這篇文章了, 純粹是即興之作, 所以漏洞亦多~

胡塗甲子:

想問下你所講既男鋼琴老師係乜資歷?音樂/鋼琴演奏專業畢業?抑或淨係演奏級文憑？

我仔之前都有跟男鋼琴老師學，但個老師唔够耐性又唔係好有料兼學費唔平，所以轉跟而家個女鋼琴老師！

雖然如此，如果有個勁既男鋼琴老師，我又唔拒喎！

APA都有唔少男鋼琴名師架！早前Trinity Guildhall來港出席ATCL,LTCL &FTCL畢業禮既考官&嘉賓，清一色係男人。

男兒可能需要將人生目標看高一線。

有人習琴數十載而不以此謀生，但一生以音樂為伴，退休後創立音樂基金培育青少年，令人欣羨！

作者: 叮鈴 時間: 11-1-4 12:51

原帖由 胡塗甲子 於 11-1-2 22:04 發表
後續：

為令其兒子建立一條日後「搵食」的門路等，這些都是功利的表現。我不是說所有家長均是如此，如果「你」不是這樣的固然是好事...

對有經濟能力的家庭來說，一個月花上萬元學十八般武藝，全不是為了謀生之路，純是為了自娛，為了單純培養興趣等等，當然肴有人在。

甚至十分富有的家庭，花萬元一個月學費讀幼稚園、小學，視入學校讀書「完全」純粹為了修養身心，打發時間，學習群體生活，完全和將來搵食扯不止絲毫關係。

我好有錢都會這樣，反正我身家養埋d孫仔孫女都無問題。

而對經濟能力稍遜或窮困的家長來說，若是放一筆多少造成家庭經濟負擔的金錢，純為了自娛興趣，而不是讓孩子將來有一技旁身，不會餓死，又有多少這類家庭會如此「慷慨」呢？

那麼，家庭環境好的家庭很高尚，很愛孩子；家庭環境稍遜的家庭可能便淪為利用音樂搵食的「功利主義者」了？

純粹就以上引言有感而發。

作者: bebebe12345 時間: 11-1-4 13:36 標題: 回復 31# JP 的帖子

Hi, JP
題外話,
想問一問今年Trinity的FT畢業人數如何。

作者: JP 時間: 11-1-4 13:53

原帖由 bebebe12345 於 11-1-4 13:36 發表
Hi, JP
題外話,
想問一問今年Trinity的FT畢業人數如何。

bebebe12345,

今年Trinity的FT畢業人數有十幾個，但好多冇露面---唔通『真人不露相』？！抑或知道個畢業典禮好豆泥？！

作者: 馬沙仔 時間: 11-1-4 14:11

了解完樓主既原意之後, 我都入黎發表下意見先~我都覺得樓主可能直接d講會好d =.="

咁我身為一個男鋼琴導師, 都有少少身同感受既...

我都有係琴行教, 琴行d reception都話d家長好多時都係指明要miss先ga啦...

同埋我自己私人收生都試過兩次要同兩個miss爭學生(因為個家長搵左兩個 =.=)
我自己就有ATCL, 果兩個miss就都係八級
我出既價都出到同佢地同價啦...但係我兩次都爭輸既...經驗按佢地年齡估計都唔會多我幾多, 其中一個家長事後直頭係講明因為我係男仔ga...
一堂都未上就知我冇耐性!?!?

到底呢d仲算唔算係性別歧視呢?

作者: 馬沙仔 時間: 11-1-4 14:13 標題: 回復 33# bebebe12345 的帖子

今年, 你講2010年?
2009年我就記得好似係話18個囉...2010年應該未計哂掛 @@

作者: bebebe12345 時間: 11-1-4 14:19

原帖由 JP 於 11-1-4 13:53 發表
今年Trinity的FT畢業人數有十幾個，但好多冇露面---唔通『真人不露相』？！抑或知道個畢業典禮好豆泥？！

謝謝!
今年畢業典禮沒參加,有幾豆泥就唔知,是否有所感受?
不過FT一定不會太豆泥,就算Music Degree畢業,都未必實得!所以想知鋼琴和小提琴的人數。

作者: DDC 時間: 11-1-4 15:06

我仔鋼琴既啟蒙老師係阿sir嚟架,佢係間琴行最有料嗰個,對小朋友有威嚴之餘又有辦法,小朋友好鍾意跟佢學,想佢教都要等機緣.

作者: 音樂人長老 時間: 11-1-4 15:45

原帖由 JP 於 11-1-4 13:53 發表

bebebe12345,

今年Trinity的FT畢業人數有十幾個，但好多冇露面---唔通『真人不露相』？！抑或知道個畢業典禮好豆泥？！

嘩，喺香港有畢業禮咪好囉，

我N年前考完後只係收到張certificate咋，可能以前唔多人，Trinity都費事搞啩。如果有得去當然抽時間出席啦。

作者: JP 時間: 11-1-5 14:21

原帖由 bebebe12345 於 11-1-4 14:19 發表

謝謝!
今年畢業典禮沒參加,有幾豆泥就唔知,是否有所感受?
不過FT一定不會太豆泥,就算Music Degree畢業,都未必實得!所以想知鋼琴和小提琴的人數。

bebebe12345,

小冊子只列出FT有18人,冇列明樂器,所以唔知鋼琴和小提琴的人數！18人FT,是否創新高？

另LT/Recital有210,其中89人有distinction.

畢業典禮rundown有不少蝦碌，司儀水平略差...
音樂匯演環節，只安排六級牧童笛、advance cert.考生 piano duet(水平好一般)，而冇高水平的FT考生獻技，大失所望！

不過對考生而言係一次難得既經歷！

作者: 胡塗甲子 時間: 11-1-5 21:02

原帖由 Mat_Dad 於 11-1-4 10:17 發表
性別歧視, 正確點說是性別差異, 男女各有所長, 這個一定有的. 你看幼稚園教師個個都係女的, 唔通男仔唔可以教幼稚園就唔好去讀書?! 唔教幼稚園咪教小學、中學什至大學囉, 彈得好唔怕冇出路! 小朋友細細個學琴當然找 ...

小朋友細細個學琴當然找miss <- 點解係當然呢? 難道男仔教細路就一定差過女仔? 呢個咪就係stereotyping囉...教得好唔好唔應該同性別有關既, 呢個就係個問題啦~

本人的確唔建議男仔讀幼教既degree/diploma ga~咁難先有人請咁做乜要讀, same case in 鋼琴

原帖由 JP 於 11-1-4 12:06 發表

胡塗甲子:

想問下你所講既男鋼琴老師係乜資歷?音樂/鋼琴演奏專業畢業?抑或淨係演奏級文憑？

我仔之前都有跟男鋼琴老師學，但個老師唔够耐性又唔係好有料兼學費唔平，所以轉跟而家個女鋼琴老師！

雖然如此，如果有個勁既男 ...

琴行有兩個ar sir教琴, 其他都係miss
一個就ATCL, 一個就LTCL, miss就絕大部份八級既, 小部份AT
ATCL果個新黎我就唔計啦~我地琴行俾學生LTCL個ar sir果時, 間唔中d家長一聽到係ar sir都係會問有冇miss揀ga啦~

我亦都唔係話男仔一定教得好ga~只係我眼見d家長唔理人咩料一聽到係男既就想換人, 所以我有d抱打不平je~
學野係要人夾人既, 但唔應該關男女事

原帖由叮鈴於 11-1-4 12:51 發表

對有經濟能力的家庭來說，一個月花上萬元學十八般武藝，全不是為了謀生之路，純是為了自娛，為了單純培養興趣等等，當然肴有人在。

甚至十分富有的家庭，花萬元一個月學費讀幼稚園、小學，視入學校讀書「完全」純粹為了修養身心 ...

功利主義未必唔好ga~咁我地生活係現實當中, 功利既野唔到我地唔考慮
咁既然要考慮到功利既投資回報, 咁我就係文中提到因為男仔學琴既回報率較低而推論出男仔唔應該揀學鋼琴囉~(特別係屋企經濟能力教為一般果d)

作者: bebebe12345 時間: 11-1-5 21:47

JP,再次謝謝!
09年12月13日舉行的畢業禮
ATCL=700人
LTCL=284人
FTCL=13人 (Piano Accompanying=1, Piano=4, Violin=4, Percussion=1, 其他3人沒注明)

歡迎光臨教育王國 (/)