教育王國
標題: 直資不強求 - 左丁山 [打印本頁]
作者: silvia_ng 時間: 10-12-19 21:46 標題: 直資不強求 - 左丁山
直資不強求
審計署批評直資學校之管理，引起貧富之爭，都幾令人莫名其妙，一啲議員指責社會與教育局拒絕支持領綜援學生入讀直資學校，「剝奪綜援生升讀優質學校機會」，更加無理由。啲議員咁講，等於為直資學校塗脂抹粉，直資即優質。純粹為批評而批評，譬如香港兆基創意書院，會優質過喇沙（非直資）與體藝中學（非直資）咩？
假如議員們真心為綜援學生着想，就應該放棄佢哋嘅左派思維，支持學券制，叫教育局每年派學券，學券價值等於每年一名官津補校學生之平均成本（包括教師薪水、學校雜費與其他支出等等），等學生揸住張學券，自行申請入心儀學校，不必由電腦派位決定，到時每間學校可設入學試，憑成績決定，現在沒有了升中試，入直資憑面試決定，坦白講，優質綜援生要靠面試擊敗富家子弟，機會梗係差一啲啦。
但我哋嘅議員最憎升中試一類考試，一味話要有賴平時成績、活動教學，哎吔，講到做 project，參加活動，有錢學生嘅優勢更大，綜援生更加不利。請記住，哈佛耶魯普林斯頓等收生有 need blind政策，絕不歧視窮學生，但絕對着重申請人之學業成績（因膚色而不利黃種亞洲人，則源於美國大學嘅優惠黑人政策）。其實，優秀基層學生未必要入讀直資學校先至得嘅啫，一位八十後嘅直資名校教師，畢業於中大，自幼住在公屋，年幼時阿媽話：「我哋冇錢，供唔起你讀名校」，於是佢自小讀地區學校，考入中大，咪一樣獲得名校教席，所以佢同朋友講：「點解講到窮學生一定要讀直資名校，先至叫做平等呢？唔通窮學生讀其他中學就一定爬唔到上去？」唔，呢啲就係一些議員嘅心態，家長千祈唔好附和，呢個世界一定要靠自己。現實上，綜援生入得到直資亦未必好，粵語片早有訓示，充大頭者，必然傷害兒童心理，加強佢嘅自卑心態，成長後性格不平衡，到時對父母有好多埋怨，何苦來由哉。今年恒隆數學獎得獎人來自八間學校，冇一間係直資，可見直資學校係可能好啲，但非直資學校未必一定輸蝕，請議員唔好助長錯誤心態。 
作者: ziyi 時間: 10-12-20 10:31
同意同意,只要限制埋每一間收生的上限
那你申請A學校唔收,你點到要申請其他學校,即係學校最終都有學生讀
原帖由 silvia_ng 於 10-12-19 21:46 發表 
直資不強求
最近因審計署批評直資學校之管理，引起貧富之爭，都幾令人莫名其妙，一啲議員指責社會與教育局拒絕支持領綜援學生入讀直資學校，「剝奪綜援生升讀優質學校機會」，更加無理由。啲議員咁講，等於為直資學校塗脂抹粉， ...
作者: yuengooluk 時間: 10-12-21 00:01
我一早已在其他post講過我絕對支持學卷制. 我認為政府應該完全放手, 取消派位,人人自己報學校. "free market"是最好的方法,每間學校根據自己的準則收生,世襲又好,筆試又好,唱歌跳舞又好,大仔又好,總之,願者上釣,好公平. 這樣,辨得好的學校自然吸引到好學生,反之亦然.
原帖由 silvia_ng 於 10-12-19 21:46 發表
直資不強求
最近因審計署批評直資學校之管理，引起貧富之爭，都幾令人莫名其妙，一啲議員指責社會與教育局拒絕支持領綜援學生入讀直資學校，「剝奪綜援生升讀優質學校機會」，更加無理由。啲議員咁講，等於為直資學校塗脂抹粉， ...
作者: crystalwsm 時間: 10-12-21 01:16
但係因為有面試呢樣嘢，就令到D小朋友由幼稚園已經要開始補習，上興趣班、面試班催谷，學習嘅價值觀完全扭曲晒。以前無直資、私立呢樣嘢，個個靠派位，唔同階層嘅人都有機會入到名校，但宜家越嚟越多名校轉晒直資同私立，全部都要面試先入到，你係校長都想收D叻嘅小朋友，間間都幾仟人報，點先從幾仟人揀到果佰幾個叻嘅小朋友？只要面試內容難D、多元化D咪揀到D叻嘅小朋友囉，就係咁D面試就越嚟越難，D家長就越嚟越癲，試諗下，我哋讀書果個年代多數中學先要補習，10年前開始推前至小學，近幾年連幼稚園都開始要補習，乜嘢公文數、奧數、珠心算、劍橋英語、牛津英語，個個兩三歲就開始讀，D興趣班全部要有証書，個個都話要比賽攞獎，為乜？就係為咗應付面試，宜家D面試真多元化，串字，讀英文句子，雙位加減數，問IQ題，呢D知識晌我嘅年代全部都係小學先學嘅嘢，但宜家竟然要一個得5歲嘅小朋友答呢D問題，又因為咁，幼稚園教嘅嘢又越嚟越深，D雙語幼稚園，有國際班嘅幼稚園間間都幾仟人報名，為乜？又係為咗第日應付小學個面試囉............
宜家直資同私立學校已經漸漸變成有經濟能力承擔嘅家庭先敢報讀，仲要由細開始培訓，講真間間直資唔多唔少都考英文，如果考嗰個小朋友嘅家庭攞綜援，坦白講家長嘅學術水平都未必好高，更枉論要教小朋友英文，亦未必有多餘$比小朋友補習，所以，就算直資 / 私立可申請學費津貼，其實作用不大，因為晌面試嘅階段因學術水平問題已經比將呢D小朋友叮咗出局，已經入到直資 / 私立嘅又唔敢申請學費津貼，因為大部份同學都係中產，你驚同小朋友申請會被歧視，好似早前李國X中學單新聞咁，連申請學費津貼都比老師歧視，你都唔係好夠膽申請，從此，直資 / 私立就越嚟越變成中產家庭嘅天下.........
其實攪珠派位有攪珠派位嘅好，D人成日都話個制度唔公平，但起碼攪珠派位唔洗面試，唔洗一早就要催谷個小朋友，又補習又興趣班，況且，有$無$攞綜援攪珠機會均等，都係睇彩數，個個都有機會入名校，學生階層平均D，其實政府根本唔鼓勵幼兒階段有太多學術上嘅學習，幼兒階段應以愉快學習為主，試諗下，如果間間小學都要以面試嚟收生，咁幼稚園嘅階段會變成點，就會變成上堂日日中英數，唱遊堂，大肌肉堂就越嚟越少，連幼稚園嘅學習都會變質，環觀咁多個國家，咁多個地區，我哋香港嘅幼兒教育真係數一數二癲，就係因為有面試呢樣嘢，D人成日都話面試先公平，咁樣對D知識水平稍低嘅家長，又無資源培育小朋友嘅家庭，以面試去衡量收唔收一個小朋友，又公唔公平？
[ 本帖最後由 crystalwsm 於 10-12-21 01:24 編輯 ]
作者: lcdtopcon 時間: 10-12-21 09:23
同意。我認為全香港所有幼稚園小學各學校包括私校直資應有聯網制度，如果學校給你offer，學校即時亦可以在電腦上check到小朋友有沒有接受其他學校offer，學校和家長要即時作出决擇，這樣比較公平，避免一人有十多個學位及有人無學位現象，要到臨開學啲家長才放學位，造成公平及加重學校行政負擔。
原帖由 crystalwsm 於 10-12-21 01:16 發表
但係因為有面試呢樣嘢，就令到D小朋友由幼稚園已經要開始補習，上興趣班、面試班催谷，學習嘅價值觀完全扭曲晒。以前無直資、私立呢樣嘢，個個靠派位，唔同階層嘅人都有機會入到名校，但宜家越嚟越多名校轉晒直資同私立，全部都要 ...
作者: ghbaby2006 時間: 10-12-21 12:54
連幼稚園學券都唔係真學券，
行真學券會少了很多公務員，
教局班人先唔會行
作者: goo_littlebb 時間: 10-12-21 12:57
原帖由 ghbaby2006 於 10-12-21 12:54 發表
連幼稚園學券都唔係真學券，
行真學券會少了很多公務員，
教局班人先唔會行
why行真學券會少了很多公務員??
作者: ghbaby2006 時間: 10-12-21 14:05
原帖由 goo_littlebb 於 10-12-21 12:57 發表
why行真學券會少了很多公務員??
文中的真學券並不是現在幼稚園的假學券，
現在幼稚園的學券，是要被教署審核課程，
呢樣唔比教，果樣唔比學，
先生又要點點點，
所以教局在假學券上是開了很多位，
文中的真學券，家長就是監察者，一間差的學校就會自然地淘汰，唔需要咁多公務員去審核，
又會少了一些負責審核學費資助的公務員
作者: goo_littlebb 時間: 10-12-21 14:47
I see, thanks!
原帖由 ghbaby2006 於 10-12-21 14:05 發表
文中的真學券並不是現在幼稚園的假學券，
現在幼稚園的學券，是要被教署審核課程，
呢樣唔比教，果樣唔比學，
先生又要點點點，
所以教局在假學券上是開了很多位，
文中的真學券，家長就是監察者，一間差的學校就會自然地淘汰，唔需要 ...
| 歡迎光臨 教育王國 (/) |
Powered by Discuz! X1.5 |