教育王國

標題: 聖心幼稚園優點 [打印本頁]

作者: kkcc 時間: 10-12-15 09:51 標題: 聖心幼稚園優點

想請教聖心幼稚園的優點? (只知功課量多)
老師有愛心嗎?
升聖幼有沒有優勢?

謝謝!

作者: wsbobo826 時間: 10-12-15 13:21

聖心統計教學, 升小一時課程會容易上手, 比起一般活動教學的學校會優勢多.

作者: wsbobo826 時間: 10-12-15 13:22

打錯字 !

聖心"全統"教學, 升小一時課程會容易上手, 比
起一般活動教學的學校會優勢多.

作者: 0o...雯雯...o0 時間: 10-12-15 15:20

我面試個日,老師比我既感覺都好好

作者: CAFECAFE28 時間: 10-12-15 22:47

我女女都將會入讀,
都想多一點了解學校啊,
唔知英文程度如何呢?

作者: buzz206 時間: 11-6-18 00:12

你們挑選了一間很XX的幼稚園。

作者: kwan_kwan3 時間: 11-6-21 10:48 標題: 英文

聖心主要是用美思英語教材用來教英語和phonics
http://www.e-learn-dot.com/mels_online/

作者: wpk1030 時間: 11-6-29 01:57

祝你們好運

作者: misslo3000 時間: 11-6-29 23:01

Is it really that bad?!!!!!

作者: wpk1030 時間: 11-7-1 02:44

我又唔覺有咩特別優勢,咪只係得功課多,仲有堂課,日做夜做(小朋友無哂童真),老師有無愛心,一兩個應該有,不過都做唔長,仲有...最大優勢係D小朋友响度讀,好快變少林寺十八銅人,勁.....

作者: buzz206 時間: 11-7-2 21:15

嘩！你講得好真實！Yes。讀三年變成痴痴呆呆！

作者: blueblueblue 時間: 11-7-5 10:59

佢地每日只係返3個鐘就可以令佢變成咁, 咁又真係好利害哦!

作者: mandali 時間: 11-7-7 22:28

點解你哋講倒好差咁嘅~我個仔今日喺沙田大會堂行畢業典禮~我覺得好感動~我見到二百幾個小朋友分別喺台上載歌載舞~真係驚嘆所有年紀細細嘅小朋友~居然可以做到咁好嘅表演~相信老師們一定下了不少苦功~我可以話比你哋知~我最喜歡呢間學幼稚園嘅敎學態度~家長除咗想子女成績好之外~相信佢哋嘅品德一樣咁重要~我個仔仔喺呢間學校~學識咗關心別人、愛護珍惜身邊嘅人和事、獨立去處理和試著解決問題~當然我唔敢講所有老師都一定係好好~但係敎好小朋友嘅責任都唔可以完全依賴老師~如果你哋認為一定要學校完全照顧哂小朋友嘅一切~相信要揾嘅唔係學校~咁細細個就已經識得照顧自己甚或細佬妹~自己識得自動自覺去做功課~相信宜家都幾難揾到啲小朋友可以咁~因為我覺得宜家好多家長大愛護自己嘅仔女~攪到佢哋太過倚賴~到好大個都唔識處理或者面對問題~

作者: 0o...雯雯...o0 時間: 11-7-8 00:33

原帖由 mandali 於 11-7-7 22:28 發表
點解你哋講倒好差咁嘅~我個仔今日喺沙田大會堂行畢業典禮~我覺得好感動~我見到二百幾個小朋友分別喺台上載歌載舞~真係驚嘆所有年紀細細嘅小朋友~居然可以做到咁好嘅表演~相信老師們一定下了不少苦功~我可以話比你哋 ...

有你的回覆非常好呢,我都唔明點解有咁多人成日係到講學校不是,仲要多數都係新開的ac

作者: blueblueblue 時間: 11-7-8 11:11

真係好多謝你既回覆。

原帖由 mandali 於 11-7-7 22:28 發表
點解你哋講倒好差咁嘅~我個仔今日喺沙田大會堂行畢業典禮~我覺得好感動~我見到二百幾個小朋友分別喺台上載歌載舞~真係驚嘆所有年紀細細嘅小朋友~居然可以做到咁好嘅表演~相信老師們一定下了不少苦功~我可以話比你哋 ...

作者: nacheungma 時間: 11-7-11 12:55

我女兒亦剛完成K1，回顧亦有很大的進步，最少學會減少發脾氣！當然，聖心功課是多，但現在她巳懂得寫大階A-Z。現在放學亦會自己做功課！現在習慣做功課好比小學才懂啦

任何學校之老師都有參差啦

但我決定仔仔亦會入讀聖心

作者: X'mas2002 時間: 11-7-14 11:46 標題: 聖心幼稚園優點

很同意mandali, 我囡囡都係今年K3的畢業生, 畢業禮當日真係令我感動到想喊出黎,一班為數近三佰人既五丶六歲既小朋友, 居然可以訓練到大人都未必做得到既演出, 記一段幾百字既台詞完全無食鏍C, 坦白講,就連當日做MC既老師都要向讵哋學習, 當然要多謝一班老師經幾個月排練而得出既成果.
講返當初揀聖幼係因為只有聖幼收, (可能我囡囡係細女既原因)當時都有担心讵地太傳統,但讀落又对讵改觀, 程度真係比一般幼稚園深,尤其中文,英文就真係爭小小(要自已落保品谷下)課外活動都幾多完化, 你哋有無聽过有幼稚園自已無泳池但添置一個吹氣大水池比小朋友感受嬉水樂趣呢!而最重要係讵地唔係一間掠水學校, 無乜额外收費(係哂相$錢貴D之外)總而言之, 我覺得揀幼稚園除左睇程度, 德育品格既培育都好重要, 我覺得尼兩方面聖幼都做得到

作者: BB904 時間: 11-8-6 01:18 標題: 回覆 16# nacheungma 的文章

我囝囝都係岩岩完成K1喎，佢讀上午架，會唔會係同學仔? :)

我都覺佢進步0左好多，至少佢好多野都變自動自覺，講道理0左，我好少打去學校問佢既生活，因為佢返到來既表現已給我對這間學校有一定既信心! ^^

作者: kwan_kwan3 時間: 11-9-1 14:04

我大仔都是聖幼舊生,現在細仔在聖幼剛升k2;大仔升小三了! 事隔4年由大仔至現在細仔,聖幼是有進步的,就已功課和活動來說,我最佩服聖幼是大班教學,但小朋友一般都比較有規矩!

作者: CAFECAFE28 時間: 11-9-2 09:09

我都覺得學校應該係要求嚴守規矩的, 如果細細個唔教佢地守規矩, 大左就唔洗止意教.

有邊個父母想自己仔女變成 "小學雞"呀.

作者: irisricky 時間: 11-10-20 17:06 標題: 回覆 1# kkcc 的文章

其實呢間學校好唔好....要睇返小朋友朋
呢間學校唔係好岩我小朋友...所以K2轉走左.....

佢地寫嘅字嘅量真係好多......要唔要咁多...真係好見仁見智.......
仲有老師鼓勵捉手寫字........ .......

同埋我最唔鐘意學校鼓勵小朋友食零食....往年中秋節同結業禮都叫小朋友帶零食.....仲有有時學校會獎糖果

老師好唔好......睇下你好唔好彩

五十幾人一班4個至5個老師
分三組上堂
你打去學校都唔知搵邊個
有時搵陳老師時.....佢有話今個星期佢唔係教呢組....搵張老師佢又話唔係好知道......老師輪住教...小朋友對老師無咁親密.....老師又唔係好知小朋友嘅野

無一對一嘅家長會....學生太多

學校感覺都係.........家長學生都要聽學校話........ 學校話咁......就要咁.......

所有活動係一至五.......如果閒日唔可以請假嘅家長就乜都唔洗參加

所以.......... 唔係間學校好唔好.........係要睇下你同你嘅朋友適唔適合

如果你同學校夾........或者你覺得入呢間幼稚園可以幫到你入聖心小學
你就會覺得以上全部係優點.......

作者: 愛麗C 時間: 11-10-21 00:35

我女係今年K1生, 到而家為止我又唔想覺得學校係有問題喎, 點解某些人會覺得唔好, 真係好睇家長要求d乜野.

1. 有人話老師唔好, 我每次問阿女老師好唔好人, 佢都話好好人, 係有d會惡少少, 呢樣好正常呀.

2. 有人又話大班教學唔好, 初頭我都擔心, 但發覺都無問題喎, 每日問阿女老師教過d咩, 完全可以講翻晒出黎添. 雖然話大班教學, 但阿女既自理能力係比開學前好o左喎, 如果無老師幫手教既話, 佢既自理能力又點會好過之前呢.

3. 學校與家長無溝通呢樣又係唔覺得係傳聞咁喎, 自開學到而家老師已經主動打過比我4次, 每次阿女請病假佢都有打黎問候阿女, 呢樣已經唔係傳聞中咁0溝通喇. 仲有次8號風球同星期日放假佢都打比我傾阿女既事.
(順便讚一讚,雪梨組張老師, 多謝你)

4. 所有活動都係weekday進行, 老師都係人, 都要放假休息下架, 無理由次次都要老師就晒我地d家長係weekend咩.

5. 英文水平差, 又唔多覺喎, 起碼每日都有英文堂, 又有phonics學, 幾好呀, 出面有d學校無phonics添.

6. 唯一一樣我覺得唔好既真係零食呢樣, 對K1黎講食薯片真係大部份既同學仔都係第一次食, 仲有間唔中就用糖果黎獎勵又係唔係咁好, 我地家長係屋企點同佢地介都無用, 一返學就比學校搞掂o左, 呢樣係我暫時黎講唯一既唔好囉.

作者: irisricky 時間: 11-10-21 15:18

我無話學校唔好
我話左係我阿囝唔岩讀呢間學校......
我無要求學校所有活動都星期六..(就算有要求學校唔會聽)....不過佢地真係無一個活動係星期六.......我呢D放唔到閒日嘅阿媽......阿仔咪唔岩讀呢間學校囉......學校根本唔會在乎家長嘅聲音 (無論點做都大把人去讀)
老師方面.......我都話睇你好唔好彩....我阿囝上年嘅老師全年打過一次電話黎.........阿囝返屋企又學佢"大聲"鬧學生......動作都學埋.......咁係我阿囝唔好彩.........

真係個個家長唔同要求......
我只係寫出我阿囝K1係聖心嘅經歷

由始至終,,,,,,, 我都覺得係我個囝同我屋企嘅情況唔岩讀呢間學校

學校好唔好見仁見智

作者: ff7477 時間: 11-12-13 23:03

咁唔適合,轉左校未呀?間學校有好多人等入,越多人退出咪越多入唔到的人有機會囉,有兄弟姐妹讀緊都未必入到.返學3個鐘,有好多野都係由父母學/教的,負責任吧各位!

作者: ff7477 時間: 11-12-13 23:41

都唔知係唔係d人入唔到唱衰佢等人退出自己入

作者: leungkafai 時間: 11-12-14 10:19 標題: 聖幼上聖小

各位家長好！本人大仔現謮聖小一，细仔在明年上聖幼K1下午班。
就大仔三年聖幼中都是很開心的，同校車所見所識的聖小及聖幼生都天天面帶笑容、開開心心的。不知道何解UID80040及UID523433兩位家長要惡意中傷呢？
至於老師用糖獎勵學生都只是一種方法，我個仔一向都沒有吃零食及糖的習慣，所以對他完全沒有影響，但得到獎勵仍然令他覺得十分開心。所以，我覺得最重要是小朋友有沒有被培育出吃零食的習慣。
在大仔讀聖幼時沒有迫他太緊，因此上聖小一的初段都有D辛苦，但現在已經改善中。如果沒有聖幼三年的培育，上聖小一都幾困難適應。因聖幼K3已經學習聖小一上學期的課程，在銜接上有很大幫助。
相信有看過K3在沙田大會堂畢業表演的各家長都會心有同感，覺得很感動及感覺到學校及敦師們所負出的努力。

作者: feifeiihmk 時間: 11-12-27 01:32

其實，我覺得身為家長的應該自己用心觀察子女的變化，這樣就可以知道自己有冇選擇錯了！講真，邊間學校的老師都有好與壞。其實，我們應該著眼在學校的辦學理念！試想，一個目不識丁的小朋友經過學校三年的培育，竟然可以變身為一個充滿自信的小孩子，而且自理能力亦很好又懂得解難！

這是我的感受

作者: MING6686 時間: 12-7-23 16:39

其實都唔係好多功課姐...暫時還可以!
黎緊囡囡k3..仔仔k1

歡迎光臨教育王國 (/)