教育王國

標題: 有無小朋友讀英文班的家長？ [打印本頁]

作者: dream_dream 時間: 10-12-13 21:23 標題: 有無小朋友讀英文班的家長？

我知明年將會全面轉英文小學，我想知之前讀英文班的同學，英文好嗎？學校嘅這語境好嗎？

作者: Tommy 時間: 10-12-13 23:59 標題: 回復 1# dream_dream 的帖子

我兩位孩子都是於臻美由一年級至四年級就讀中文班，到五年級就轉讀英文班。大仔前年畢業，細仔將於今年畢業。

其實，學校過往每一年都在變，甚至每一天都在變，我大仔和細仔雖然只相差兩屆，但他們的英語學習已經有很大的分別。相信現在的高年班和低年班也有些不同，到明年學校全面改為英文小學可能又是另一個世界，因此我的意見對您未必有參考作用。

總的來說，大仔那一屆英文班的英語水平比細仔這一屆高，特別是聽、講、閱讀；但細仔這一屆學生去考英文TSA又必定會比大仔那一屆考得好。這個分別有很多原因，好難直接比較。

首先，八年前的臻美都算是一間「趨之若騖」的新直資，當年臻美是在一千人當中錄取一百二十人，無可否認被錄取的學生的平均水平是較兩年後我細仔那一屆的高。另一原因是早年臻美有大量外籍英語老師，他們製造英文語境的能力較佳，但正如我之前都曾經提過，香港最好的外籍老師都跑到國際學校，而且當年學校大部份的外籍老師都是由外判公司派來，當中有些笑料我也不想再提。反觀現在福附聘任的本地英文老師其實也不錯，我尤其欣賞Miss Vivian Leung，她與早年的Miss Amy Kwok可說各有千秋。

至於英文班的英文程度，其實唔算好高，但我都覺得可以收貨。我大仔那一班同學共三十二人，最後有三十一人入讀受歡迎的英文直資中學，一人入讀福附初中，相信他們在入學面試時的英文表達能力是他們其中一個最關鍵的成功因素。

畢竟，最能幫到您的應該是現時小一、小二英文班的情況，希望有其他家長幫到您。

Tommy

作者: dream_dream 時間: 10-12-14 10:34

Tommy:
多謝你的回覆,我想問你知唔知點解畢業生唔讀返福中呢?
另外我亦好希望現得時小一、小二英文班家長比啲意見~

作者: kakadaddy 時間: 10-12-14 17:07

我個女讀小一英文班, 英文唔深, 無壓力......你想知d乜??隨便問

作者: Tommy 時間: 10-12-14 22:06

原帖由 dream_dream 於 10-12-14 10:34 發表
Tommy:
多謝你的回覆,我想問你知唔知點解畢業生唔讀返福中呢?

大仔就讀六年級的時侯，學校仍未與福中接龍，教育局宣布由福中接辦臻美的時侯已經是七月十日。其實，絕大部份大仔的同班同學在臻美交出辦學權之前，已經找到心儀的中學。

作者: dream_dream 時間: 10-12-14 23:48

Hi,我想知道學校嘅語境如何？小朋友能否真正學得好英文？其實我另外還有禮賢offe，我都幾鍾意禮賢的，但因為唔係英文小學，我驚升唔到上英中！

原帖由 kakadaddy 於 10-12-14 17:07 發表
我個女讀小一英文班, 英文唔深, 無壓力......你想知d乜??隨便問

作者: dream_dream 時間: 10-12-14 23:48

I see!

原帖由 Tommy 於 10-12-14 22:06 發表

大仔就讀六年級的時侯，學校仍未與福中接龍，教育局宣布由福中接辦臻美的時侯已經是七月十日。其實，絕大部份大仔的同班同學在臻美交出辦學權之前，已經找到心儀的中學。 ...

作者: 芷欣mama 時間: 10-12-16 16:47

我都想知, 有冇褔小小一,二既家長可以分享下, 謝謝~

原帖由 dream_dream 於 10-12-14 23:48 發表
Hi,我想知道學校嘅語境如何？小朋友能否真正學得好英文？其實我另外還有禮賢offe，我都幾鍾意禮賢的，但因為唔係英文小學，我驚升唔到上英中！

作者: Angus505 時間: 10-12-16 19:47

小兒今年小一英文班，學習環境唔錯，小朋友返學都好開心。但係個別老師我覺得有D問題，無耐性，無愛心，處事手法我理解唔到。

作者: dream_dream 時間: 10-12-16 23:51

咩事呀？

原帖由 Angus505 於 10-12-16 19:47 發表
小兒今年小一英文班，學習環境唔錯，小朋友返學都好開心。但係個別老師我覺得有D問題，無耐性，無愛心，處事手法我理解唔到。

作者: Tommy 時間: 10-12-17 00:23

原帖由 dream_dream 於 10-12-13 21:23 發表
我知明年將會全面轉英文小學，我想知之前讀英文班的同學，英文好嗎？學校嘅這語境好嗎？

請問明年小一學費是否全部學生一律收$3,000？如果係的話，我覺得太貴，唔值！

當年臻美初辦英文班，每月學費比中文班幾乎貴一倍，背後有很多「原因」和「承諾」，有些家長更只是因為支持學校而不介意付出更多，這$3,000包含著很多各式各樣的「感情」和「支持」。

現在福附已經和外面的主流學校沒有太大的分別，小班教學亦已經在全港各間官津小學實際推行，教育局對直資學校的人頭資助又續年大幅提高，福附老師的薪津又沒有大幅提高，現在的辦學團體又沒有賺錢的需要，我實看不出為何要收$3,000一個月。

Tommy

作者: 芷欣mama 時間: 10-12-17 16:42

我都覺$3000一個月太貴了, 來年好似會收25人一班, 又不是太少人一班, 而且我家沒有人是公務員, 要負擔六年的學費, 實有一定壓力, 所以才想多了解學校, 是否值這個學費, 但耐何這裡沒有太多資訊....., 但都好感謝在這裡回覆過的家長

原帖由 Tommy 於 10-12-17 00:23 發表

請問明年小一學費是否全部學生一律收$3,000？如果係的話，我覺得太貴，唔值！

當年臻美初辦英文班，每月學費比中文班幾乎貴一倍，背後有很多「原因」和「承諾」，有些家長更只是因為支持學校而不介意付出更多，這$3,000包含著很多 ...

[ 本帖最後由芷欣mama 於 10-12-17 16:46 編輯 ]

作者: Tommy 時間: 10-12-19 22:30

原帖由 芷欣mama 於 10-12-17 16:42 發表
我都覺$3000一個月太貴了, 來年好似會收25人一班, 又不是太少人一班, 而且我家沒有人是公務員, 要負擔六年的學費, 實有一定壓力, 所以才想多了解學校, 是否值這個學費, 但耐何這裡沒有太多資訊....., 但都好感謝在這 ...

要學好英文，始終要靠自己，最有效和最經濟的辦法是：
從圖書館借英文書閱讀
多看英文電視節目和電影
根據孩子的興趣引導他看外國的網站和YouTube
當然還要多寫作

Tommy

作者: yuki123300 時間: 10-12-19 22:56 標題: 回覆 6# dream_dream 的文章

我都係禮賢收左，知佢係中文小學，而崇真亦收左(國際班）英文一定比禮賢強，真係唔知點揀......？

作者: gegemok 時間: 10-12-24 12:10

我都係在祟真(中英交班)和福小之中去選擇....唔知點選.....我老公係公務員,所以學費壓力較少,而且家住油塘,福小就好近....

不過我身邊多數朋友都建議我選祟真,可能因為臻美事件,令人覺得有d陰影.....我知福中就好過祟中......好頭痛....有無人可以比多d意見我.....thank you

作者: so9383 時間: 10-12-24 23:34

近油塘,讀福小好, 要返學的是小孩子,打風落雨都唔使怕

作者: dream_dream 時間: 10-12-25 00:15

我諗選得福小都係因為想入福中，福中係一間好學校，我都係因為咁先考慮福小，但仍頭痛中！

作者: familyking 時間: 11-1-21 17:56

我想我都有少少資格回應, 我兩個仔都係由day 1 就讀英文班, 一個p.6(同tommy個仔同一斑),另一個p.3. 我覺得佢地英語環境無以前甘多, 但英文寫作能力比前強左. 只可以話,佢地英文一定不能同d國際學校比, 但看同聽的能成,我覺一定會比其他官津校好,而且無甘大壓力. 我覺得細仔的phonics比大仔差,可能是他們好似無左一堂專教phonics,以前大仔有, 所以以前佢寸字幾甘差, 幾年後的今天佢有好得,就係佢當年phonics基礎好, 我都吾明點解而家無左, 默書多根本對英文好吾好無關係, 而係應該看書多d. 好彩細仔有d小聰明, 都算吾錯,但我知有d同學仔麻麻, 還投訴thematics深,叫miss/sir用雙語再解釋.

作者: 芷欣mama 時間: 11-1-24 16:49

那普遍同學說英文及普通話的能力如何?

原帖由 familyking 於 11-1-21 17:56 發表
我想我都有少少資格回應, 我兩個仔都係由day 1 就讀英文班, 一個p.6(同tommy個仔同一斑),另一個p.3. 我覺得佢地英語環境無以前甘多, 但英文寫作能力比前強左. 只可以話,佢地英文一定不能同d國際學校比, 但看同聽的能 ...

作者: familyking 時間: 11-1-24 18:08

原帖由 芷欣mama 於 11-1-24 16:49 發表
那普遍同學說英文及普通話的能力如何?

英文肯定吾會怕醜講,普通話就麻麻.

作者: Tommy 時間: 11-1-29 20:22

原帖由 familyking 於 11-1-21 17:56 發表
我想我都有少少資格回應, 我兩個仔都係由day 1 就讀英文班, 一個p.6(同tommy個仔同一斑),另一個p.3. 我覺得佢地英語環境無以前甘多, 但英文寫作能力比前強左. 只可以話,佢地英文一定不能同d國際學校比, 但看同聽的能 ...

familyking,

原來我地的小朋友係同班同學，請多多關照！

Tommy

作者: sleepingbo 時間: 11-1-31 17:08

普通話好好o~~

作者: 波波寶寶 時間: 11-2-2 03:14

我可以話你知一個小小例子．．我女讀ｐ２．．．．佢以前幼稚園的時候係一個英文字都吾識．．．又吾肯講．．（ｏ個時俾班主任以為佢有問題）．．ｄｉｃｔ一定係空白．．．．我地好頭痛吾知點算．．．老公決定俾佢試下讀福小有英文班（係福中剛接手．．．全間幼稚園得我地選呢間）
現在我女的英文大有進步．．．聽，講的能力係充滿自信架．．．呢點係我此料不及．．

作者: kakadaddy 時間: 11-2-2 10:30

我都俾個例子:
我個女讀P1, 她兩歲開始由BUNBUN姐姐照顧, K2開始, 在外面跟外藉老師上英文堂, 簡單英文聽講冇問題, 但到了K3, 外藉老師很認真地對我說, 她完全不懂串字, 還有半年多便上小學了, 到時問題很大....當時我都有點worry

九月開學至今, 讀了五個月, 由於科科都是英文, 容易感應, 壓力又不算大, 外藉老師大多都很好玩, 她總算能handle, 之前worry的問題不大

普通話方面, 開始時她完全不懂的, K3 Easter帶她到台灣, 個個對她說 : 妳很漂亮呀! 聽了一個星期, 都還是問我 : 佢講乜野呀?
由於她不懂聽普通話, 開初默書很底分, 現在總算適應了, 分數不太離普, 現在可用普通話讀出課文, 但聽講方面仍是麻麻地

總括來說, 功課不算太多, 壓力不算大, 都算是愉快學習

作者: gegemok 時間: 11-2-14 17:57

thanks for sharing

想請問一日大約有幾多樣功課? 測考是怎樣型式?

學校有否課後的課外活動?

thanks

作者: AgnesBB 時間: 11-2-18 16:40

原帖由 dream_dream 於 10-12-14 23:48 發表
Hi,我想知道學校嘅語境如何？小朋友能否真正學得好英文？其實我另外還有禮賢offe，我都幾鍾意禮賢的，但因為唔係英文小學，我驚升唔到上英中！

hi dream_dream :
一直有留意這裏但沒有發言,我女兒今年都是入讀小一,
有機會是同學(褔建).而女兒現在係禮賢幼稚園學生,如你
想知禮賢的情況可pm我.由於我是住油塘所以應該選福建,
也有朋友仔女在福建讀,他們都有比很多資料及意見給我,如
大家有需要,一齊交流下,傾下好過估估下.因這裏很少人發言.
我也是第一次打咁多字.

作者: AgnesBB 時間: 11-2-18 16:48

原帖由 gegemok 於 11-2-14 17:57 發表
thanks for sharing

想請問一日大約有幾多樣功課? 測考是怎樣型式?

學校有否課後的課外活動?

thanks

hi gegemok
我問過功課每天3~4樣,有7成在功課堂做左.
課後的課外活動應該每星期2次.
大家交流下 !! :)

作者: gegemok 時間: 11-2-18 17:32

thanks agnesBB, 我地都係住油超...而家有7-8成機會讀福小.....你點解唔讀禮賢小學呀?

你知唔知福小有無d咩分班試在入學前考的? 唔知幾時有家長會可以讓我們更多了解學校....

作者: AgnesBB 時間: 11-2-18 18:00

原帖由 gegemok 於 11-2-18 17:32 發表
thanks agnesBB, 我地都係住油超...而家有7-8成機會讀福小.....你點解唔讀禮賢小學呀?

你知唔知福小有無d咩分班試在入學前考的? 唔知幾時有家長會可以讓我們更多了解學校.... ...

有很多原因
1)地點近5分鐘就到,7

oam起床食早餐,不用趕.
krs要6:45上倒校車,起碼要6:00am起床.
講住咁多先要同個女swim :)

作者: AgnesBB 時間: 11-2-19 16:00

原帖由 AgnesBB 於 11-2-18 18:00 發表

有很多原因
1)地點近5分鐘就到,7oam起床食早餐,不用趕.
krs要6:45上倒校車,起碼要6:00am起床.
講住咁多先要同個女swim :)

續上文:
1)福小地點近
krs要坐校車,每天要花1.5~2 hrs
2)福小可以中午送飯給女兒
krs要食飯盒
3)福小用英語上課,中文用普通話教

4)福小有中學
呢 d 都是吸引我的優點

分班試下次我見倒朋友便可以問一問
因他細仔讀krs (幼),大仔讀福小 ga 小一
另有朋友大仔福小 ga 小四,細女福小 ga 小二
如你還有其他問題可以告訴我,而我不知道的便可以問朋友
大家分享下 :)

作者: gegemok 時間: 11-2-20 00:34

Thanks AgnesBB.

我想問福小的程度，有無話邊科讀深d?其實你列出選福小的優點，同我果d好相似....我唯一比較擔心的係小學部仍是比較新，未有太多參考。

作者: Tommy 時間: 11-2-21 00:21 標題: 回覆 31# gegemok 的文章

如果您只得崇真和福附兩個選擇，不用想太多了，福附啦！除非您有宗教信仰而又必須找一間基督教學校，否則只係每天省下起碼個半小時的交通時間，已經值得選擇福附。如有恆心每天用省下的一半時間溫書，並持之以恆，已經可以有出色的成績了。

福附的中、英、數都是用坊間的教科書，沒有教高一級或半級，主題教育是校本課程，如果用英文教學則比較一般主流學校艱深。

作者: gegemok 時間: 11-2-21 09:44

tommy, 謝謝你的回覆, 我們應該係選福附....你講得對...省出的時間,可以做更多野...不過我最concern 係健康問題.....如果太早出門口,一來睡不夠,二來又怕早餐吃得不好....唔想佢只係咬個麵包就算...

請問你知不知福附有無d preparation course 給k3 學生在暑假時預備?

作者: Tommy 時間: 11-2-21 11:40

原帖由 gegemok 於 11-2-21 09:44 發表
tommy, 謝謝你的回覆, 我們應該係選福附....你講得對...省出的時間,可以做更多野...不過我最concern 係健康問題.....如果太早出門口,一來睡不夠,二來又怕早餐吃得不好....唔想佢只係咬個麵包就算...

請問你知不知福 ...

一年班無咩野要預備喇！最緊要預備愉快的心情上學，預備好自理能力，預備結識新朋友，預備孝順父母和尊敬師長囉！

作者: gegemok 時間: 11-2-21 12:13

tommy, 你好ideal 呀...呢個當然係父母既所想...不過我識有d升福附的小朋友,佢地因為英文,普通話底打不好...初期返學咩都唔明 ...

如果有d準備, 小朋友一開始就有信心...咁對日後的學習有幫助....

作者: Tommy 時間: 11-2-21 14:26

原帖由 gegemok 於 11-2-21 12:13 發表
tommy, 你好ideal 呀...呢個當然係父母既所想...不過我識有d升福附的小朋友,佢地因為英文,普通話底打不好...初期返學咩都唔明 ...

如果有d準備, 小朋友一開始就有信心...咁對日後的學習有幫助.... ...

噢！原來係咁。真係您比我更清楚呢！

其實，福附唔算好大讀書壓力，我細仔今年小六，我都唔覺佢有好大讀書壓力，真係唔使太過擔心喎！

作者: gegemok 時間: 11-2-21 14:44

tommy - 因為我係在職媽咪, 所以我每年都會比佢上暑期班, 唔洗佢自己對住個工人在家咁悶...如果學校有攪,我就不用煩惱...如果無的話, 我要打算一下....

謝謝你的information ~

作者: AgnesBB 時間: 11-2-21 15:03

原帖由 gegemok 於 11-2-20 00:34 發表
Thanks AgnesBB.

我想問福小的程度，有無話邊科讀深d?其實你列出選福小的優點，同我果d好相似....我唯一比較擔心的係小學部仍是比較新，未有太多參考。 ...

gegemok:
正如 tommy 所講 ge 一樣沒有教高一級或半級.
我也是怕女兒這樣......太早出門口,一來睡不夠,二來又怕早餐吃得不好
你小朋友現在英語/普通話能聽和講嗎??
多給他看英文台的節目是有幫助的!!
普通話我女兒聽和講尚可,我也想暑假補一補普通話.

我朋友的仔女在福附返學很開心末有太大壓力.
tommy:
多謝你 ge 分享,我在你的文章裏學了很多,
多d 上來指教一下我們

作者: AgnesBB 時間: 11-2-21 15:10

原帖由 gegemok 於 11-2-21 09:44 發表
tommy, 謝謝你的回覆, 我們應該係選福附....你講得對...省出的時間,可以做更多野...不過我最concern 係健康問題.....如果太早出門口,一來睡不夠,二來又怕早餐吃得不好....唔想佢只係咬個麵包就算...

請問你知不知福 ...

咁我們的小朋友可以做同學仔了,請多多指教

作者: familyking 時間: 11-2-21 15:53

原帖由 Tommy 於 11-2-21 14:26 發表

噢！原來係咁。真係您比我更清楚呢！

其實，福附唔算好大讀書壓力，我細仔今年小六，我都唔覺佢有好大讀書壓力，真係唔使太過擔心喎！

其實我想其他家長選福附,大部份都因為希望仔女們愉快上學,不用太大功課壓力,所以我想其實這裹的小朋友在放暑假時都很輕鬆,真的沒有什麼須要準備. 只是準備一下心情由幼稚園升小一, 大個仔了. 是心理多些.

小朋友有好幾十年讀書,慢慢長路, 父母們先relax. 首先都要讓小朋友自己'喜歡上'讀書,那就自然會慢慢好的了, 其實這兒的功課要認真做,小則半小時,多則一小時便完成. 我家的兩位公子(一個三年級,一個六年級)都時時有時間看其他課外書及看電視,玩其他, 放心吧!

作者: AgnesBB 時間: 11-2-22 14:56

gegemok:
我巳問過朋友入學前沒有特定一日要考分班試,
反而8月尾首兩天適應日會觀察他們而分班的.
咁可以先放鬆下 la~~

作者: kakadaddy 時間: 11-2-22 22:06

My daughter is studying P1, i can tell something about the homework:

ENGLISH
easy, interesting, not time consuming

Maths
easy, interesting, not time consuming

Thematic
not easy but interesting, not time consuming

Chinese
not easy, not interesting, time consuming

PTH
not easy but interesting, not time consuming

Life educaton
easy, interesting, not time consuming

IT
almost no homework

作者: gegemok 時間: 11-2-23 15:25

Thanks all for your info.

作者: gegemok 時間: 11-2-23 15:29

嘩,原來p1就有咁多subject 了...@@

作者: kakadaddy 時間: 11-2-24 16:31

其實都唔算多啦, 我地個年代, 中,英, 數, 自然, 健教, 社會, 尺讀, 重要書法堂...........

不過以前番半日, 做完功課就落球場踢波, 好自由.....

作者: 魚兒小寶貝 時間: 11-4-28 14:06

大家好, 我家住油塘, 囝囝九月才轉過來上K1, 心中一直打算當囝囝小學時會報讀將軍澳的直資學校, 如優才, 播道等, 希望囝囝上學近d, 輕鬆d及最主要不用做填鴨仔死讀書. 早前有朋友提起油塘是有直資學校, 我才知道這所福附...
請教各家長, 你們有否曾考慮幫子女報讀將軍澳的直資學校? 如有, 為什麼最終選福附? 福附是否活動教學的學校呢? 謝謝!

作者: Williammama 時間: 11-4-28 16:48

提示: 作者被禁止或刪除內容自動屏蔽

作者: kakadaddy 時間: 11-5-26 17:08

魚兒小寶貝 :

將軍澳最出名的三間直資, 我都有巧慮過

GTS--- P1 to P3 要出旺角返學, 環境之差, 令我接受唔到

Logos---講就好free, 其實壓力都有, 而且太另類, 無得轉彎, 博唔過

Evangel---1st in 要簽意向書, 問埋d想我話佢, 係我既唯一選擇既底b問題, 我講唔出d咁肉麻既大話, 無net 教英文係不能接受, 這間是令我最反感的學校

結果選擇了褔附, 佢有一樣野肯定好過上述三間, 就係近!!

第二, 未出名, 壓力唔大

其次, 鬼佬多, 其他老師大部都係臻美過檔, 氣分較free

作者: Tommy 時間: 11-5-26 19:37

原帖由 kakadaddy 於 11-5-26 17:08 發表
魚兒小寶貝 :

將軍澳最出名的三間直資, 我都有巧慮過

GTS--- P1 to P3 要出旺角返學, 環境之差, 令我接受唔到

Logos---講就好free, 其實壓力都有, 而且太另類, 無得轉彎, 博唔過

Evangel---1st in 要簽意向書, ...

其次, 鬼佬多, 其他老師大部都係臻美過檔, 氣分較free

學校好多外籍老師其實來自一間叫Media Power的外判公司，是前臻美遺留下來最具爭議的一份外判合約，好像是當年彭博上任前被匆匆立約，合約年期竟然長達五年。如果我沒記錯，今個學期尾便合約到期，下學年學校就終於不再被這間公司制抓。

我非常深信福附不會跟這間公司續約。最近看學校的網站，也看不到NET的招標，來年福附應該會聘用自己的英文老師，而福建管理層多番強調NET未必比本地英文老師好（某程度上我同意），因此，來年的NET數目未必有現時那麼多。

Tommy

[ 本帖最後由 Tommy 於 11-5-26 20:05 編輯 ]

作者: kakadaddy 時間: 11-5-27 17:05

我始終屬意用net教英文, 唔係教果個既問題, 而係d小朋友, 對住自己人, 就算用100%純正英語問佢地, 佢地都會用廣東話答, 但係外國人問佢地野, 佢地就會好自然用英語回答

作者: Tommy 時間: 11-5-28 00:45

原帖由 kakadaddy 於 11-5-27 17:05 發表
我始終屬意用net教英文, 唔係教果個既問題, 而係d小朋友, 對住自己人, 就算用100%純正英語問佢地, 佢地都會用廣東話答, 但係外國人問佢地野, 佢地就會好自然用英語回答 ...

一個既有料、又有愛心、又了解本地文化、又能與本地老師和管理層融合的NET當然就是最好的選擇，但他們在那裡呢？

作者: 豬妹媽咪 時間: 11-5-28 15:18 標題: 回覆 51# Tommy 的文章

kakadaddy,
   其實都是要視乎老師的性格。當年豬妹讀英文班，知道外籍老師聽懂一些廣東話，跟老師說話時一樣是廣東話。升上中學，沒甚外籍英語老師，有一天放學回來問我：「本地英語老師和外籍英語老師究竟有甚麼不同？」她今年的英語老師對她們的廣東話一概無反應，迫她們說英文。
   不過，我仍然要多謝她在臻美遇上的英語老師，他們的包容和鼓勵，使豬妹不害怕英語，可以繼續愉快學習英文。
                                                豬妹媽咪

作者: kakadaddy 時間: 11-6-8 19:33

學校好多外籍老師其實來自一間叫Media Power的外判公司，是前臻美遺留下來最具爭議的一份外判合約，好像是當年彭博上任前被匆匆立約，合約年期竟然長達五年。如果我沒記錯，今個學期尾便合約到期，下學年學校就終於不再被這間公司制抓。
====================

What a GOOD NEWS!!!!!

歡迎光臨教育王國 (/)