教育王國
標題: 民生 or St. Catherine 真係好頭痛 [打印本頁]
作者: Mspongpong 時間: 10-12-13 15:08 標題: 民生 or St. Catherine 真係好頭痛
今日知道民生收左囡囡am Class, 之前St. Cat 又 收左囡囡 PM Class, 有無人可以比下意見選邊間好呢!!
真係好頭痛!!
Please help!!
作者: B.B.BaBa 時間: 10-12-13 15:27
如果一時三刻立唔定主意，不如交埋留位費俾民生，可以俾你多幾個月時間去考慮。
舊年我收到呢兩間學校的 offer 同你一樣，結果我係到 6月先至非常痛苦地下決定。當時我的決定因素係：
1. 上、下午班
2. 小一自行收生的分數不足以入讀心儀的小學
3. 認為家住校網最好o個間學校都不及民生小學部
4. 雖然阿女考幼稚園好叻，但三年後相信好多小朋友都有很大的進步，考直資私小的難度會比考幼稚園時更大，可能最後考到的直/私小學都未必及得上民小。
5. 見到民幼近年的確進步左好多
你可以參考下我以上的想法，睇下幫唔幫到你作決定.....
作者: anteater 時間: 10-12-13 15:41
of course 民生am Class
作者: Mspongpong 時間: 10-12-13 15:43
多謝你的意見, 咁你囡囡現在讀邊間?
作者: Gooblovebb 時間: 10-12-13 15:45
我同你的抉擇差唔多, 我就係KV PM 對 民生AM啊....
作者: busy_penny 時間: 10-12-13 15:53
如果你想直升小學，你就要考慮到：這幾年民生小學辦得不是太好。
作者: brrbaby2007 時間: 10-12-13 15:56
原帖由 busy_penny 於 10-12-13 15:53 發表 
如果你想直升小學，你就要考慮到：這幾年民生小學辦得不是太好。
點解民小辦得唔好？
作者: B.B.BaBa 時間: 10-12-13 16:12
原帖由 busy_penny 於 10-12-13 15:53 發表
如果你想直升小學，你就要考慮到：這幾年民生小學辦得不是太好。
中學部被講成大不如前就聽得多，而家呢股風吹到去小學部嗎？
作者: B.B.BaBa 時間: 10-12-13 16:13
原帖由 Mspongpong 於 10-12-13 15:43 發表
多謝你的意見, 咁你囡囡現在讀邊間?
GoodHope
作者: busy_penny 時間: 10-12-13 16:18 標題: 回復 7# brrbaby2007 的帖子
我隔離屋講的，她女兒本身讀民生幼稚園，但就不讀民生小學，她說民生小學差了很多，她女兒現讀油麻地天主教小學呢！
她還叫我不要報讀民生幼稚園，所以我沒有報名。
作者: busy_penny 時間: 10-12-13 16:19
我都是實話直說而已，她說我就聽。
作者: B.B.BaBa 時間: 10-12-13 16:31
如果油天收左，當然唔會讀民生啦。兩者水平相若，但油天唔使交學費。
我有朋友個女在民生讀到小四，成績不太好，全班考尾幾。因搬屋轉校至沙田一線尾的小學，之後成績中上，英文科更屬前矛之列，之後升左一間沙田 band 1 英中。
所以話民小差了很多，我就真係唔多信，差極應該都仲有個譜。
作者: joeyma 時間: 10-12-13 17:11
我大女讀SC，細女等緊民生消息。(今日收唔到信)
我既意見係咁：
一、如果大女入佐間好好既津小(例如油天)，咁細女冇有怕，就會讀SC。因為SC既課程好好，唔怕小學跟唔上。
二、如果大女入佐好好既私小，好似GH,PC或APS，咁細女我就會俾佢讀MS。因為小學仲難考過幼稚園。
三、如果你得一個小朋友，或呢個係阿大，咁我就建議你俾佢讀MS。因為我阿大今年考小學既成績都係麻麻，GH都係WAITING緊。我都好頭痛，後悔幾年前做咩唔爭取一條龍學校。
作者: pingu_k 時間: 10-12-13 18:59 標題: 回復 1# Mspongpong 的帖子
我同你完全一樣,民生收左am Class,St. Cat就收左PM Class,不過我果個係仔,同埋如無意外,仲有多間蘇浙o係考慮之例,而家都好頭痛.......
作者: pingu_k 時間: 10-12-13 19:02 標題: 回復 3# anteater 的帖子
請問可吾可以講下你既意見?係咪因為一條龍??
有家長講到民生kg好似吾係真係咁好,究竟有咩吾好呢?
作者: pingu_k 時間: 10-12-13 19:03 標題: 回復 13# joeyma 的帖子
其實St.Cat呢幾年考小學既情況如何?佢個網又無統計資料.......
作者: eebabyma 時間: 10-12-13 20:14
原帖由 pingu_k 於 10-12-13 19:02 發表
請問可吾可以講下你既意見?係咪因為一條龍??
有家長講到民生kg好似吾係真係咁好,究竟有咩吾好呢?
我選SC, 我大仔讀緊MS, 但我唔會俾我細仔讀MS, 因我大仔讀完, MS我覺得真係一般, esp.係d老師, 佢最大優勢係佢有條龍啫, 雖則係咁, 我大仔都唔會上MS嘅PRIMARY
作者: misstaisen 時間: 10-12-13 22:33
原帖由 joeyma 於 10-12-13 17:11 發表
我大女讀SC，細女等緊民生消息。(今日收唔到信)
我既意見係咁：
一、如果大女入佐間好好既津小(例如油天)，咁細女冇有怕，就會讀SC。因為SC既課程好好，唔怕小學跟唔上。
二、如果大女入佐好好既私小，好似GH,PC或APS， ...
我的情況同你一樣，大女讀SC,宜家到細仔，收了SCPM和民生AM，經過大女這一役，雖然大女考的都OK，但真的有點驚，考小學難好多，尤其是開始沒有offer在手，真系好徬徨。抽獎又要講運氣。
所以細仔就非常傾向於一條龍。不過看了這麼多討論，真系心大心細，萬一細仔都讀的書，甘SC比較好，出路較廣。萬一細佬讀書不叻，甘一定MS比較好，只要不太差，都有小學上。
講真，我係比較偏向民生的。
作者: misstaisen 時間: 10-12-13 22:34
原帖由 eebabyma 於 10-12-13 20:14 發表
我選SC, 我大仔讀緊MS, 但我唔會俾我細仔讀MS, 因我大仔讀完, MS我覺得真係一般, esp.係d老師, 佢最大優勢係佢有條龍啫, 雖則係咁, 我大仔都唔會上MS嘅PRIMARY ...
請問你大仔會打算讀民生小學麼？
作者: 恩林 時間: 10-12-13 22:55
又係人地個阿媽講.....唉~!
點解唔聽吓讀緊個D阿媽講呢~?!
何況人地個囡只係讀到K3就冇上民小, 咁點解佢有資格講民小唔好呢~???!奇怪~!!
我大仔宜加係民小讀P1, 我覺得好好喎~
功課又唔係痴左線咁多, 但又唔係好free個隻, 係測驗默書比較多, 但我小兒都handle到...
係咪有d家長的小朋友handle唔到, 就話傳統學校唔好, 追得上個d就係好學校??
唔好降低自己要求黎說話la~~
ps. 我都想知中學有乜唔好? 上幾年會考都有7A, 5A生, 咁都唔好?? 又一個奇怪~!!
作者: viandes 時間: 10-12-13 23:18 標題: 回復 20# 恩林 的帖子
讚成!! 其實民生畢業嘅學生D工作都好多元化, 有演員, DJ, 攪政治, 律師, 煮餸 (上電視嗰種 - Yan Can Cook), 歌星, 醫生, 攪娛樂, 前港大校長...等等!! 佢主張學生唔好死讀書, 比較自由!! 如果家長覺得民生唔係佢想要嘅style, 咁就唔好揀喇!!
作者: 恩林 時間: 10-12-13 23:39 標題: 回復 21# viandes 的帖子
HAHA....幾驚講完橎話會俾人插...
WAKAKAKAKAKA
d個星期同大仔溫書(今個星期考試), 睇番上次測試d卷, 內容大至理解題多,
而且一個月大約有兩次有關閱讀理解的測驗, 一個中文, 一個英文, 目的係想小朋友多睇圖書, 並要理解內容, 我覺得d個測驗真係好好.....
一讚!!
作者: Gooblovebb 時間: 10-12-14 00:36
聽完你咁講, 我都可能會揀民生多過kv...
作者: viandes 時間: 10-12-14 00:57
其實各位家長要知道小朋友只得兩歲多, 真係白紙一張, 你俾咩佢, 將來佢咪就係咁囉. 最緊要大人知道自己想要D咩, 揀咗就唔好後悔, 如果唔係會好影响個小朋友. SC又好, MS又好, 走嘅路會好唔同, 但我相信呢兩間都係好學校!!
作者: nataliepsc 時間: 10-12-14 01:28
我完全同意joeyma所講, 除非有個大既讀緊一間好既官津, 否則一定選一條龍既民生, 大女啱啱考完p1, 考小一真係難好多好多, 就算當民幼真係一般(完全未經證實), 父母都可以係3個鐘既上堂時間外做到好多野, 到k3除民小外仲可以報其他你認為好既小學試下, 起碼打左底
但係讀sc, kv或非一條龍既幼稚園, 真係無guarantee, 雖然好多top schools每年可能都收十幾二十個sc或kv, 但600人收20個, 機會都係1/30, 當中可能仲有d係有關係人事, 所以如果讀左sc或kv而你三年後未有offer 在手, 一定怨死自己...
雖然我地wait緊sc, 但有一條龍既offer我會亳不猶豫地take
作者: Mirth 時間: 10-12-14 02:20 標題: 回復 25# nataliepsc 的帖子
我同意Joeyma和nataliepsc的講法!!
大囡現在讀緊SC K3,經過考小一這一役後,(雖然大囡考到間非常非常好的DSS小學),但我都會考慮幫細囡出年報一條龍幼稚園(GH/SPC), 因為我唔想再過一些無offer在手擔心的日子!!
但我的c6的想法就和我不一樣!! 佢會覺得如果細囡出年好好彩有SC offer,他必定俾佢入SC! 因為佢認為SC真係教得好好!! c6對自己d囡好有信心=_="
我唔知民生的做法,但我早前和大囡的K2朋友仔有gathering...當中有個小朋友今年K3轉了去GH,她媽媽告訴我GH也不是完全係一條龍(相信民生也是吧),原校直升的機會約80%! 9月初,校學有小一簡介會,但學校只是介紹GH自己的小一!! 有些家長一心認為可原校直升,沒有幫囡囡報其他私小/直資,最後的結果只是on waiting list, 家長好擔心!!
相反,SC係K2學期尾,K2升K3的暑期班及K3的學期初都有幫小朋友做下d 面試模擬!! 大囡沒有參加出面的面試班,但只參加了學校的暑期班,但卻考到一間咁好的DSS小學,我覺得SC都應有功!!
作者: 02413124 時間: 10-12-14 07:24
Sc am vs ms am
I chose sc am
作者: busy_penny 時間: 10-12-14 08:14 標題: 回復 12# B.B.BaBa 的帖子
我隔離屋去年仍未有小學offer在手都已經表示不考慮民生小學，她說學校行政很混亂，後來崇真收了，但不知為何最後選了油麻地天主教小學。
另外，絕對不是金錢問題不選民生，因為他們是公務員有本地教育津貼的。
作者: B.B.BaBa 時間: 10-12-14 09:53
原帖由 busy_penny 於 10-12-14 08:14 發表
我隔離屋去年仍未有小學offer在手都已經表示不考慮民生小學，她說學校行政很混亂，後來崇真收了，但不知為何最後選了油麻地天主教小學。
另外，絕對不是金錢問題不選民生，因為他們是公務員有本地教育津貼的。:surpr ...
人人想法不同，所需所取都不同，所以選擇都會不同
有 options 在手，當然應該選擇最適合自己的。你鄰居的小朋友真係好叻。
學校行政混亂不等於學校教得唔好，大家的觀點角度唔同。
約八年前，工作上需要，曾經訪問過民生小學的梁校長，一位非常溫文爾雅的女士，對小朋友亦非常有愛心及友善。亦因工作關係，接觸過幾位民小的老師，簡單 d 講，後生一輩o個 d 好有 heart，亦有愛心；老一輩o個 d 就......非常 old school，對家長來說可能會有多少 hard feeling............ 唔知而家o個班老一輩退休未呢.....
作者: karen55407 時間: 10-12-14 11:36
當年我揀咗St. Cat，我覺得無揀錯，單講幼稚園，我覺得St. Cat好得多，St. Cat畢業去考返民生小學也不難，到時你未必會揀添！
作者: nataliepsc 時間: 10-12-14 12:07
我都知SC係好學校, 唔係就唔會報考 而其實我對民生了解不多, 但依然會選佢因為:
1) 一條龍就算收唔晒, 1st round只有80-90%機會都會俾外來生去爭o個10-20%位大好多好多, 而且有一小部份人可能考到更好既學校唔take offer, 好多waiting 既小朋友最後都入到, 所以成功率一定高好多好多
2) 政府公報過去幾年香港出生率每年平均增加10%, 2005年出生有57,000人, 06年66,000; 07年71,000; 08年係79,000人, 早幾年出世覺得較容易考到直資/私小 (其實都唔易), 3年後唔同講法 (57,000 vs 79,000, 差不多4成增長但名校學位唔見增加兼且好多已變左小班教學); 我大女只有一間國際私小offer, 黎緊要靠大抽獎&叩門, o個種擔心法實在非筆墨所能形容, 家長可上"小一選校"forum睇睇...
3) 同意, 行政混亂並不代表教學差, GH"出事"後報考既人一樣多, 相信家長唔會因此而放棄呢間龍校OFFER
所以, 並非針對SC 但一定會選一條龍既學校, 最多K3再博d更好既學校je
作者: siden 時間: 10-12-14 12:47
Fighting for good KG seats already drive me nearly crazy. I cann't imagine fight for good P1 seats. My friend (her daughter studying in SC) said she spent 6 overnights to prepare different profolio for her chld.
Well, you can say I am timid. I will choose one-dragon, if being accepted. But one-dragon school is so hit and so keen competition, not easy to get in.
For those parents getting a MS kg offer, your kids are so smart.
作者: joeyma 時間: 10-12-14 12:55
原帖由 karen55407 於 10-12-14 11:36 發表
當年我揀咗St. Cat，我覺得無揀錯，單講幼稚園，我覺得St. Cat好得多，St. Cat畢業去考返民生小學也不難，到時你未必會揀添！
I don't think so, my girl is SC k3 this yr, not easy to get a top private seat. So down......
作者: 2LittleMonkey 時間: 10-12-14 14:00
Not as 'down' as me, no offer on hand. My boy is also in SC K3 this year .... 
作者: daphneleung 時間: 10-12-14 14:38
去年本人都有相同offer,最後選了SC,原因
1.據了解,如K3選了民小,便不可再參加大抽獎
2.同事的兒子入了民小,9月開學,10已被學校婉轉地勸喻退學,稱他兒子跟不上,同事很生氣,因他認為一個小朋友於一個月時間可能還未完全適應,學校根本完全不會提供協助,只要求學生及學生家長要達到其要求,完全無教育熱誠,同事也便不留戀的替兒子轉了校
作者: yinghung1234 時間: 10-12-14 14:46
提示: 作者被禁止或刪除 內容自動屏蔽
作者: karen55407 時間: 10-12-14 15:18
我有好多朋友之子女從民幼上民小，都有同樣問題，去到三年班便開始追唔上。
作者: scn 時間: 10-12-14 15:19
好想知民小和民中有咩好同唔好？7A 5A聽落都吾錯，有冇現在讀緊MS嘅家長可以分享吓？
作者: cwymama 時間: 10-12-14 15:44
原帖由 busy_penny 於 10-12-14 08:14 發表
我隔離屋去年仍未有小學offer在手都已經表示不考慮民生小學，她說學校行政很混亂，後來崇真收了，但不知為何最後選了油麻地天主教小學。
另外，絕對不是金錢問題不選民生，因為他們是公務員有本地教育津貼的。:surpr ...
作者: 恩林 時間: 10-12-14 18:50
回: viandes
我同你諗法一樣, 我都想知有邊間學校100%絕對好, 有邊間又絕對唔好....
有邊間學校係教小朋友唔好讀書, 唔好做好人, 唔好有責任???
只有上述dd學校至說得上唔好的學校, 所以其他的都是好學校....對嗎??
回 busy_penny :
我初初in民生都有覺得混亂, 其實有時到左d大型校內活動都有dd情況出現, 但如果我因咁而唔讀, 我就一定後悔了.....
我不得不讚佢嘅教學方式, 我深信同培正等dd老牌學校差不多, 但問題係個歸屬感, 雖話70-80%上民小, 但年年都有好似你隔離屋的媽媽係到, 唔選上民小, 所以我又覺得唔晒太擔心喎~~!
另一讚係 民生的PR做得好好...其實我係BK講過了, 不過講多次喇~
我細仔K2, 平均一個月參觀2-4次社福團體/公司, eg. 圖書館, pizza hut, 老人中心, 消防局, 百貨公司(扮買野)...等等
我真係未見過有小朋友/家長係唔滿意dd活動喎~
到民小了, 高年級d係可以參加與其他學校/機構的活動, eg. 中電環保活動(電視應該有播), 音樂會, 大型運動會(係學校內絞)...等等
中學, 我最近係民生年刊見到特首到訪, 其他我冇深究......
我諗唔係間間學校都絞到, 地方已經係一個問題...
我都想知, 有邊間學校係完美的呢??
我大仔已前讀過的啟思, 我覺得佢行政very good架, 但公平d講, 佢班數少好好好多喎~ 我唔會只係睇行政, 學校嘅back up, 教學理念都好重要...
老師方面, 係啟思個時我大仔個老師笑容十足, 而我細個老師就有少少黑口面, 但我buy黑口面個果, 一睇就知佢經驗夠, 一講就講出我細仔嘅問題, 反而我大仔個果仲發生左d冤枉事件tim.....dd野唔係好笑容就好嘅~!!
原帖由 busy_penny 於 10-12-14 08:14 發表
我隔離屋去年仍未有小學offer在手都已經表示不考慮民生小學，她說學校行政很混亂，後來崇真收了，但不知為何最後選了油麻地天主教小學。mouth:" />mouth:" />mouth:" />mouth:" />mouth:" />mouth:" />mouth:" />
另外，絕對不是金錢問題不選民生，因為他們是公務員有本地教育津貼的。:surpr ...
[ 本帖最後由 恩林 於 10-12-14 18:55 編輯 ]
作者: lingling624 時間: 10-12-14 22:14
其實我覺得民生係好，至小我細個都入唔到，當然學術成績無其他名校咁好，但我欣賞學校嘅德育，呢學生真係好乖，由細有童軍訓練，對學校有歸屬感，幼稚園又有興趣班安排喺星期六，非常多選擇，收費絕對平過出面，每個星期六見啲小學同幼稚園學生返學，有啲攞住小提琴、畫袋、著住跆拳道衫、芭蕾舞衣，喺興趣培養呢方面就真係一流，喺熟悉嘅環境同同學一齊學習，令小孩健康的成長，家長又唔駛左揾右揾堂比小朋友上。我喺九龍城住咗廿幾年都未聽過人投訴民生嘅學生曳。所以德育同均衡發展應該無問題。
但我亦担心英文問題，民生英文應算淺，因老師讚我個仔英文好，但佢嘅程度應該LH 嘅PN level ，我會同阿仔報吓出面嘅英文堂去强化佢嘅英文，其他就跟反學校嘅興趣。
我估間學校因為一條龍，無必要特別催谷學業成績去吸引學生報讀。反而著無德育。
作者: 恩林 時間: 10-12-14 23:00
我兩個仔就係其中一個攞住圍棋袋同,珠算袋嘅小朋友.... kekekekeke
我覺得學校好注重小朋友閱讀個part, 我大仔p1都要一個月考兩次閱讀理解測試, 內容係一本故事書, 中英各一次, 目的係想小朋友學懂理解內容....唔好一味死記....
我覺得幾好呀~!!
原帖由 lingling624 於 10-12-14 22:14 發表
其實我覺得民生係好，至小我細個都入唔到，當然學術成績無其他名校咁好，但我欣賞學校嘅德育，呢學生真係好乖，由細有童軍訓練，對學校有歸屬感，幼稚園又有興趣班安排喺星期六，非常多選擇，收費絕對平過出面，每個星期六見啲小學同幼稚 ...
作者: viandes 時間: 10-12-15 01:29 標題: 回覆 40# 恩林 的文章
我係民生嘅舊生, 其實歸屬感對學生嚟講真係好重要. 點解我想我個囝讀民生, 因為就算响民生讀得幾辛苦, D學生都係覺得開心, 同埋佢地好proud of 佢地係民生嘅一分子!! 以前民生好低調, 就算有人會考有8A, 佢地都唔會比記者入去採訪 (除咗亞視, 但佢都只係影吓間學校). 我話比人知我响民生讀, 個個都問係唔係台灣學校...
作者: lingling624 時間: 10-12-15 09:56
宜家老師都叫阿仔記住通知媽咪明天帶什麼回校，目的係訓練佢嘅責任感同記性，我學得幾好。想深一層要小朋友三年後又再不斷揾學校，又要適應新同學環境，係咪好事呢？真係無答案。
作者: nataliepsc 時間: 10-12-16 01:59
如果係p3先開始跟唔上, 而唔係p1&p2既事, 我估同幼稚園關係不大; 而且, o係現今可悲既教育制度下, 家長要做好多野, 一點都不可以指望仔女番完學就識晒所有野, 我自己朋友中讀 KV既k1, k2小朋友已經學緊十幾樣野 (嚇親..), 據佢地所講好多同學仔都係一樣, 我估kv都係好好既學校, 但佢地dss成績好係因為學校定係家長既努力就好難講..當兩樣都有d啦..但o係出生率上升下, 報考直資/私小既成功率將會愈來愈低..
所以都係prefer一條龍, 情願有需要就o係課堂o個3個鐘外報d course 幫下
原帖由 karen55407 於 10-12-14 15:18 發表
我有好多朋友之子女從民幼上民小，都有同樣問題，去到三年班便開始追唔上。
作者: 余魚媽 時間: 10-12-16 10:12
我個情況再煩D：
MS收左我囡AM CLASS，
其實小囡依家讀緊K1/AM/ KM，
都煩緊好唔好轉MS，REPEAT K1。
1.考慮$和安全感
囡依家好鍾意返學,但KM無學券，小囡是慢熱形細囡INTERVIEW 無JETSO，將來要IN P比較無把握
如轉讀MS將來無LUCKY DRAW,小學條數計埋可能仲貴.
2. 考慮出生率持續上昇
REPEAT後.P1競爭對手多好多, 但豬年都唔少
3. 一動不如一靜?
作者: snakesnake 時間: 10-12-16 10:29
no need change, in my opinion, KM is a very good school (i like KM more than SC and KV)
作者: EggEgg08 時間: 10-12-16 11:03
我覺得KM應該比MS程度高，如小朋友轉去MS又係讀番K1 D野會比佢之前讀的更淺，會唔會令佢冇心機？另外如你現在轉MS=選了民小，你喜唔喜歡民小先？if 你target其他私小就KM會更好，又可以抽獎。唉！不過我自己都好煩唔識揀..
作者: 路人甲2012 時間: 10-12-16 11:11
Totally agree 
原帖由 lingling624 於 10-12-14 22:14 發表
其實我覺得民生係好，至小我細個都入唔到，當然學術成績無其他名校咁好，但我欣賞學校嘅德育，呢學生真係好乖，由細有童軍訓練，對學校有歸屬感，幼稚園又有興趣班安排喺星期六，非常多選擇，收費絕對平過出面，每個星期六見啲小學同幼稚 ...
作者: busy_penny 時間: 10-12-16 11:23
原帖由 余魚媽 於 10-12-16 10:12 發表
我個情況再煩D：
MS收左我囡AM CLASS，
其實小囡依家讀緊K1/AM/ KM，
都煩緊好唔好轉MS，REPEAT K1。
1.考慮$和安全感
囡依家好鍾意返學,但KM無學券，小囡是慢熱形細囡INTERVIEW 無JETSO，將來要IN P比較無把握
如轉讀MS將來無L ...
我選KM：
1. 課程設計良好
2. 英文好
3. 已經習慣KM上課模式
4. KM派位很好
作者: ricefamily 時間: 10-12-16 11:39
交留位費, 再三考慮好d....
作者: pingu_k 時間: 10-12-17 11:18
原帖由 busy_penny 於 10-12-16 11:23 發表
我選KM：
1. 課程設計良好
2. 英文好
3. 已經習慣KM上課模式
4. KM派位很好
但派位吾係同邊間幼稚園無關係嗎?係靠計分/睇校網/抽籤嘛!除非自己考既學校姐!吾係咩?
作者: busy_penny 時間: 10-12-17 11:20
就是自己報考好的名小學。
作者: 余魚媽 時間: 10-12-17 11:34
最近聽到身邊不少真實個案:
1.兩位朋友的小朋友分別讀YORK和ST.CAT考學校,一間OFFER都冇.另一位朋友讀YORK,學校校內成績很好,考了五間學校,四間連2ND IN 機會都冇
2.我一位同事+我細佬個仔都係讀TUEN MUN屋村學校, 兩位都考到陳守仁**兩個小朋友都無補習.
3.較出名的津校官校,25分都唔一定得
>>>係咪KLT私幼已失去優勢?
>>>係咪應平平地讀一條龍MS
>>>即使MS無得LUCKY DRAW都唔係一個問題,因為我囡得20分.
作者: Mspongpong 時間: 10-12-17 23:41
原帖由 ricefamily 於 10-12-16 11:39 發表
交留位費, 再三考慮好d....
Agreed, I will pay deposit for MS tomorrow. I need more time to think MS or St. Car.
作者: amazing 時間: 10-12-18 00:06
我相信沒有一間學校是完美的,只是適合不適合自己/小朋友.
阿仔是民幼k3學生.作為家長,我滿意這間學校.不是太谷小朋友.有好多活動.上星期又打邊爐又親子運動會,今日聖誕表演,放完假又話參觀海洋公園.......
但玩之餘學習上都幾好,我又唔覺英文差.日日都上英文喎.唔係net就係尃教英文老師.一日三個鐘咋.有幾多時間?
至於小學,我唔知好不好,但至少我所見的中小學生都溫文有禮.我想個仔讀民中.英文中學,全港有多少間.差得去邊呢.?
| 歡迎光臨 教育王國 (/) |
Powered by Discuz! X1.5 |