教育王國

標題: 在什麼情況下, 會幫小朋友轉校呢? [打印本頁]

作者: JODY媽咪 時間: 10-12-13 09:39 標題: 在什麼情況下, 會幫小朋友轉校呢?

想問一下曾經幫小朋友轉校的媽媽, 你們是因為什望原因而幫小朋友轉校呢? 會否因為對學校制度或老師不滿等而轉呢?

作者: 天瑜 時間: 10-12-13 10:01 標題: 回復 1# JODY媽咪的帖子

提示: 作者被禁止或刪除內容自動屏蔽

作者: JODY媽咪 時間: 10-12-13 12:16 標題: 回復 2# 天瑜的帖子

其實只係我兩公婆對學校制度及處理事件上手法的不滿, 問小女覺得現校好不好, 她說沒無什麼, 她今年讀四年級, 本來在三年級已想幫她轉校, 問過主任及補習老師意見都不同意轉, 因為五年級要報分, 如果轉校後小朋友不適應新環境, 成績會一落千丈, 但學校老師表現一次一次令我很失望, 所以現在很煩, 不知好唔好幫佢轉校, 其實她在學校老師都對她不錯, 所以現在轉, 如果適應到就是幫她, 但如果不適應不是害了她嗎? 可否給點意見?

[ 本帖最後由 JODY媽咪於 10-12-13 12:20 編輯 ]

作者: lillymarie 時間: 10-12-13 12:21

原帖由 JODY媽咪 於 10-12-13 09:39 發表
想問一下曾經幫小朋友轉校的媽媽, 你們是因為什望原因而幫小朋友轉校呢? 會否因為對學校制度或老師不滿等而轉呢?

主要考慮小朋友啦, 因為小朋友先係响個度讀書既人. 如果佢讀得開心, 為乜要轉呢?
除非認為學校會教壞小朋友, 又或者為小朋友的前途着想啫.

等於我地返工, 有時老闆唔好, 但都唔會即刻轉工, 因為返一份工除了公司制度和上司之外, 還有好多考慮.....

小朋友已小四, 有自己的朋友, 和熟習了學校環境, 轉校佢地會有離愁別緒, 對新校適應亦有壓力呢. 三思, 三思.

[ 本帖最後由 lillymarie 於 10-12-13 12:23 編輯 ]

作者: JODY媽咪 時間: 10-12-13 12:27 標題: 回復 4# lillymarie 的帖子

最慘係, 我問佢想唔想轉, 佢話轉啦, 我話媽咪又驚你適應唔到新環境, 佢話都唔會既, 應該好快會適應, 都唔知佢真定假, 比佢激死!
攪到我心大心細, 我真係三思, 四思都決定唔到, 好煩....
所以想聽多些大家寶貴既意見.

[ 本帖最後由 JODY媽咪於 10-12-13 12:31 編輯 ]

作者: lillymarie 時間: 10-12-13 12:37

原帖由 JODY媽咪 於 10-12-13 12:27 發表
最慘係, 我問佢想唔想轉, 佢話轉啦, 我話媽咪又驚你適應唔到新環境, 佢話都唔會既, 應該好快會適應, 都唔知佢真定假, 比佢激死!
攪到我心大心細, 我真係三思, 四思都決定唔到, 好煩....
所以想聽多些大家寶貴既意見 ...

如果搵到間真正覺得好的學校先好轉, 唔好為咗轉而轉. 因為每間學校都有好和唔好, 真係搵到間好鍾意既先轉啦.

作者: 小木偶媽咪 時間: 10-12-14 00:17

我囡囡讀完一年級後,小二轉走左
原因係我囡囡係一個傳統人,點知入左間活動教學

作者: panbaby 時間: 10-12-14 03:54 標題: 回復 3# JODY媽咪的帖子

可唔可以講多些?　如是否名校？　問題發生的前前後後？　想轉走的原因是什麼？　如果想轉，　有冇心水把握的學校？

作者: 天瑜 時間: 10-12-14 09:30 標題: 回復 6# JODY媽咪的帖子

提示: 作者被禁止或刪除內容自動屏蔽

作者: brianshe 時間: 10-12-14 17:47

提示: 作者被禁止或刪除內容自動屏蔽

作者: babybear 時間: 10-12-15 08:55

除非真係轉到間比依家呢好好多既學校，如果吾係，一動不如一靜。
轉校除在要適應新課程同新制度外；
仲有一樣就係「人事」問題！轉左新校會吾會冇乜朋友？老師又nice唔nice?呢d因素好影響個小朋友學習既情緒。
除非個小朋友適應能力強，就另計。

作者: JODY媽咪 時間: 10-12-17 14:06

原帖由 brianshe 於 10-12-14 17:47 發表

又話老師對她不錯, 又話對老師失望?!
可否詳述?

老師對小女好不錯是事實, 我對老師失望都是事實, 兩者絕對係可以共存的, 對老師的處事手法不滿亦不是只在今年的事, 其實都想搵人聽我宣洩一下對學校的悶氣, 你有興趣聽我就講發生於最近既一件事你聽, 你唔好話我長氣就得啦!
學校名我不便在此提, 事緣剛於十二月頭既聯校運動會, 派了通告, 內容是要去比賽兩日, 星期四及星期五, 小女回來通知我只需星期五去, 咁我都不會信晒我女, 跟住到派成績表那天, 在校門前遇到負責的老師, 我當時已問清楚是否只需星期五去, 我已說通告係寫去兩日, 老師話可能佢參加既賽事係排在星期五, 初賽同決賽同日進行, 當時我都仍不放心, 再到見班主任取成績表時我又再問班主任一次, 因為佢都係有份負責校運會的, 他亦是回答係只需星期五去, 咁我問左兩位負責老師梗唔會錯啦!
星期四早上我幫小女穿了校裙番學, 正在搭地鐵上班之際, 學校電話到, 話乜太, 唔好意思, 我女今日係要去參賽既, 如果你係我, 你地當時反應會係點呢?
佢重話而家打黎係問我比唔比女兒出賽, 大佬, 我通告都簽左啦, 你地話今日唔駛去, 而家話要去, 之後既對話內容不說了, 太激氣.
你話啦, 學校老師既說話都信唔過, 咁我應該信邊個呢, 佢地未查清楚就求其回答我, 又係乜野工作態度呢?
事件最後咪班左套運動服比小女換, 之後班主任同呀女搭的士去球場囉. 因為所有人已出發, 我真係覺得呢d事係好荒謬, 唔知你地又覺得點呢, 重可唔可以對d老師有咩野期望呢?
雖然佢地做野係咁, 但佢地又真係幾錫我女, 咁你話幾好笑呢, 我身為家長都唔知講乜好囉.
當然重有好多事件發生, 不能盡錄, 總之....唉....真係唔識講........

[ 本帖最後由 JODY媽咪於 10-12-17 14:11 編輯 ]

作者: brianshe 時間: 10-12-17 18:41

提示: 作者被禁止或刪除內容自動屏蔽

作者: lillymarie 時間: 10-12-17 20:01

原帖由 JODY媽咪 於 10-12-17 14:06 發表

老師對小女好不錯是事實, 我對老師失望都是事實, 兩者絕對係可以共存的, 對老師的處事手法不滿亦不是只在今年的事, 其實都想搵人聽我宣洩一下對學校的悶氣, 你有興趣聽我就講發生於最近既一件事你聽, 你唔好話我長 ...

聽落係行政混亂, 學校本身員工之間溝通不足.
班主任同你囡囡撘的士, 邊個出車錢?
其實, 好難得會遇到有老師錫自己既仔女架. 遇到一位關心自己仔女的老師, 係一件好幸運的事. 針無兩頭利......

歡迎光臨教育王國 (/)