教育王國

標題: 2.5yrs 女孩，學芭蕾舞會唔會太細呢？ [打印本頁]

作者: my2008bb 時間: 10-12-9 08:28 標題: 2.5yrs 女孩，學芭蕾舞會唔會太細呢？

請有經驗既家長，俾d意見我呀，謝！

作者: joycepsk 時間: 10-12-9 10:27

我囡囡舊年是2.3yrs學的, 志在比佢有多d活動, 郁多d, 佢都上得好開心, 返到家教番我地對腳點做點行, 好搞笑, 如果可以自己上堂, 佢又鍾意, 可以試吓囉!

作者: my2008bb 時間: 10-12-9 11:03

但咁細個學會唔會影響雙腳既發展呢？

原帖由 joycepsk 於 10-12-9 10:27 發表
我囡囡舊年是2.3yrs學的, 志在比佢有多d活動, 郁多d, 佢都上得好開心, 返到家教番我地對腳點做點行, 好搞笑, 如果可以自己上堂, 佢又鍾意, 可以試吓囉!

作者: my2008bb 時間: 10-12-9 11:06

請問你係邊間學，同埋一個星期上幾多堂呀？

原帖由 joycepsk 於 10-12-9 10:27 發表
我囡囡舊年是2.3yrs學的, 志在比佢有多d活動, 郁多d, 佢都上得好開心, 返到家教番我地對腳點做點行, 好搞笑, 如果可以自己上堂, 佢又鍾意, 可以試吓囉!

作者: verlia 時間: 10-12-9 11:57

我個細囡年頭果時兩歲半就開始學架啦,
亞囡勁中意上堂呢,
我估佢係特別中意跳芭蕾舞裙靚掛

作者: mango22 時間: 10-12-16 14:45

原帖由 my2008bb 於 10-12-9 11:03 發表
但咁細個學會唔會影響雙腳既發展呢？

會!
我問過脊椎神經科醫生, 佢建議 4歲後才開始學 ....!

作者: ohmygosh 時間: 10-12-16 15:23

當真?﹗

原帖由 mango22 於 10-12-16 14:45 發表

會!
我問過脊椎神經科醫生, 佢建議 4歲後才開始學 ....!

作者: KaKaYa 時間: 10-12-17 02:09

不論你早學或4歲先學,都是考PREPARATION CLASS,不如讓她學吓游水或音樂堂(唱吓歌仔);好像你都明太早學彈鋼琴,都不是一件好事!
而且最早肯收生,要3歲才收!

作者: joycepsk 時間: 10-12-17 11:08 標題: 回覆 4# my2008bb 的文章

囡囡上堂時, 跳吓玩吓, 都不是真的正統要求的芭蕾舞, 我志在比佢走動吓, 佢又鍾意返, 可能因為條裙靚啦, 佢每星期返一堂.

作者: karen55407 時間: 10-12-17 14:58

我個女兩歲半開始學至今已有四年，頭兩年都係玩吓玩吓，應該唔會有乜影响。學跳芭蕾舞越早越好，如果小學先嚟學，通常都會覺得拉筋痛，未必肯繼續學，有芭蕾舞根底會平力好、柔輀力好，而且學其他舞好易上手。

作者: Happie 時間: 10-12-17 19:39

my older daughter started ballet at 4, after 2 years, we dropped it bcz my daughter's 筋骨 still very stiff, and she had not much interest in it. Ballet 對動作有相當的要求, 即較嚴, 有規有矩 la.
I put my younger daughter (4 yrs old) in Jazz, 我當唱遊班, let her feel the music & bit, and make some body movement. She enjoys it so....much.

作者: LittlePigmom 時間: 10-12-18 18:34

2.5 既都係跳下, 做下exercise, 要到4歲先上真正課程.
其實, 跳ballet好講先天條件, 要夠柔軟, 要有腳背, 要turn out, 手長腳長, 我自己有跳所以都知如非小朋友有興趣, 要堅持, 都好難學上去, 學到五歲都要一星期返兩堂.
2.5比佢玩下係無防. 我個女都係兩歲多少少就學.

原帖由 my2008bb 於 10-12-9 08:28 發表
請有經驗既家長，俾d意見我呀，謝！

作者: carmensamso 時間: 10-12-30 00:04

請問邉度有得學

作者: cl_baby 時間: 11-1-4 11:35

提示: 作者被禁止或刪除內容自動屏蔽

作者: dancingstar 時間: 11-1-4 13:50

提示: 作者被禁止或刪除內容自動屏蔽

作者: Beauty_Chan 時間: 11-1-4 17:48

提示: 作者被禁止或刪除內容自動屏蔽

作者: ava@yu 時間: 11-1-5 12:32

我都諗住畀囡囡係兩歲半既時候學芭蕾舞呀 !!而家問左一間 (SDM) ,佢話而家可以報名的了(囡囡仲差2個月先兩歲半),所以我諗住搵日帶囡囡上去睇一下環境,睇下佢鐘唔鐘意先~~如果鐘意既話,我都會畀佢即時學架啦~~其實我用意,係想畀佢多一D運動下,識多一D朋友仔,同埋佢係屋企好鐘意自己一路聽歌一路跳舞,所以想畀佢試下~~

作者: dodonalds 時間: 11-1-5 12:42

將軍澳中心卓藝都有得學呀, 2.5都可以去上堂喇, 不過佢星期六仲未有group夠人, 我等緊星期六果班呀

作者: my2008bb 時間: 11-1-6 08:34

好多謝各位mama俾我既意見，我已經帶左個女去試堂啦，但佢好似唔多鍾意，所以我都唔迫佢，等大d先睇吓佢有冇興趣。

作者: yon0810 時間: 11-1-14 05:48 標題: 回復 1# my2008bb 的帖子

我囡囡一夠兩歲我就同佢搵，其實佢地咁細上堂都係唱、跳、跑吓，偶然先有小小芭蕾動作！但跳開有條癮，而家三歲未夠去咗另一間夾雜Jazz嘅，學咗隻Nobody出嚟，開心到不得了！

作者: Step_C 時間: 11-1-24 10:01

想請問一下有小朋友2.5-4歲學緊芭蕾舞的, 上堂時d小朋友會唔會經常同老師投訴呢個同學推倒佢, o個個又唔跟住跳等等, 而要老師調停? 呢d情況係咪好常見....

作者: Smiile 時間: 11-1-24 14:26

當playgroup玩其實都ok，不過就應該暫時未看到小朋友是否有興趣

作者: ava@yu 時間: 11-1-24 15:43

我囡囡正式上左兩堂,試堂一堂,總共3堂,已經睇得出佢真係好鐘意,上次上堂可以畀家長睇佢地上堂既情況,見到佢地小朋友跟住老師做動作,又一個一個咁排隊玩~~當然佢咁細個,無可能要求佢做到百分百,但當係識下朋友仔,運動一下,咁都係一個不錯既選擇~~

作者: misscmk 時間: 11-1-24 16:36

提示: 作者被禁止或刪除內容自動屏蔽

作者: Step_C 時間: 11-1-24 16:57

原帖由 Step_C 於 11-1-24 10:01 發表
想請問一下有小朋友2.5-4歲學緊芭蕾舞的, 上堂時d小朋友會唔會經常同老師投訴呢個同學推倒佢, o個個又唔跟住跳等等, 而要老師調停? 呢d情況係咪好常見.... ...

...

咁係咪即係你地遇到既同學仔都好聽話冇我講既情況發生...?

作者: my2008bb 時間: 11-1-24 22:41 標題: 回覆 6# yon0810 的文章

學隻nobody出黎，都好搞笑喔！！

作者: my2008bb 時間: 11-1-24 22:50 標題: 回覆 4# ava@yu 的文章

你囡囡試堂有冇喊呀？我個喊到非起呀!
之後我就冇再同佢講跳舞仔d野lu!

但而家比佢去唱歌仔，第一堂都有喊，
第二堂就已經自己走入去堂，真係估佢唔到呀！

作者: ava@yu 時間: 11-1-25 12:03

阿囡第一堂都有喊架~~MISS 話佢喊左5分鐘,之後就無事,因為佢見到其他小朋友係度跳舞,同玩得好開心,咁MISS 就慢慢帶佢一齊跳一齊玩,囡囡出到來後仲好興奮,問佢好唔好玩,佢話好好玩呀~問佢要唔要學,佢話要呀~好鐘意呀~所以我先幫佢正式報名~~

你囡囡之前係邊間試堂??會唔會係遇到D無愛心既MISS ?

原帖由 my2008bb 於 11-1-24 22:50 發表
你囡囡試堂有冇喊呀？我個喊到非起呀!
之後我就冇再同佢講跳舞仔d野lu!

但而家比佢去唱歌仔，第一堂都有喊，
第二堂就已經自己走入去堂，真係估佢唔到呀！ ...

作者: ava@yu 時間: 11-1-25 12:20

我諗小小身體接觸一定會有,因為上次見到囡囡上堂時,佢地會一個一個咁排隊玩 "捐山窿",所以可能會唔小心推倒,至於要老師調停我就不太清楚了~~

原帖由 Step_C 於 11-1-24 10:01 發表
想請問一下有小朋友2.5-4歲學緊芭蕾舞的, 上堂時d小朋友會唔會經常同老師投訴呢個同學推倒佢, o個個又唔跟住跳等等, 而要老師調停? 呢d情況係咪好常見.... ...

作者: my2008bb 時間: 11-1-25 12:45

我係調景嶺試堂呀，喊足全程，d老師冇愛心，我都同意！
你係邊度上堂呀？

原帖由 ava@yu 於 11-1-25 12:03 發表
阿囡第一堂都有喊架~~MISS 話佢喊左5分鐘,之後就無事,因為佢見到其他小朋友係度跳舞,同玩得好開心,咁MISS 就慢慢帶佢一齊跳一齊玩,囡囡出到來後仲好興奮,問佢好唔好玩,佢話好好玩呀~問佢要唔要學,佢話要呀~好鐘意呀~ ...

作者: ava@yu 時間: 11-1-25 17:50

我係紅磡 (都會廣場)試堂架~~
咁可能真係妳囡囡唔好彩,遇到d無愛心老師~
妳而家畀佢學唱歌,佢學得開唔開心呀 ?同埋係學唱咩野歌架 ?貴唔貴呀 ?

原帖由 my2008bb 於 11-1-25 12:45 發表
我係調景嶺試堂呀，喊足全程，d老師冇愛心，我都同意！
你係邊度上堂呀？

作者: my2008bb 時間: 11-1-25 23:41

佢學得超開心呀, 暫時上左3堂, 一首歌都未識(唔計我教佢個d), 只係學到幾個音 drmfsl, 不過有時就唔係順次序唱,

學費就$9xx 4堂, 每堂2小時!

原帖由 ava@yu 於 11-1-25 17:50 發表
我係紅磡 (都會廣場)試堂架~~
咁可能真係妳囡囡唔好彩,遇到d無愛心老師~
妳而家畀佢學唱歌,佢學得開唔開心呀 ?同埋係學唱咩野歌架 ?貴唔貴呀 ?

作者: joeyma 時間: 11-2-10 14:00 標題: 回復 30# my2008bb 的帖子

我想個女學下芭蕾舞，請問你係調景嶺邊度學啊？可以pm我嗎？

作者: my2008bb 時間: 11-2-10 14:57

調景嶺站個商場得一間學跳舞咋，
如果你真係想個女去學芭蕾舞，
我唔建議你去呢間。
呢間我只係同個女去試堂！

原帖由 joeyma 於 11-2-10 14:00 發表
我想個女學下芭蕾舞，請問你係調景嶺邊度學啊？可以pm我嗎？

作者: kevinlove 時間: 11-2-11 12:27

志在比佢郁多d, 小朋友都上得好開心, 返到去教番我地對腳點做點行, 好搞笑

作者: cwyoyo 時間: 11-2-27 17:42

我囡依家剛兩歲半, 三個月前開始在家附近學芭蕾舞. 因知道有一間叫SxM 的好似好出名, 便去紅磡分校問下. 同一時間返兩處我都冇所謂, 因想知佢係咪真係咁好.

誰知入讀後令我對這校好失望.
第一, 我查詢時一啲都冇提有得試堂.
好了, 冇所謂, 反正我有心想報.
但是原來囡囡上課時間配合不到, 因是午睡時間. 固他每次都喊要我陪他. 在沒辦法下, 唯有一直讓他跳完三個月為止.

誰知原來最後一堂是什麼開放日, 但個reception ee 在前一堂竟然給我一張錯時間的回條, 害我以為是另一時間才開放, 便沒有去. 到我囡上堂時我便不知可帶相機去給囡囡影相留念. 最遺憾的是,個reception ee 一聲sorry 都冇, 喺到扮冇嘢.

又問我囡今日會不會喊, 如果重喊叫我唔好上堂住. 我心諗: 我上5:30, 你話6:00 啲家長會入去睇, 如果比佢地見到我喺裹面就唔係咁好. 好, 我明. 但係你唔比我地上堂, 咁你係咪會補番一堂比我先. 我囡喊我都唔想. 你係冇理由唔比我囡上堂. 幸好, 我囡在這最後一堂又出奇地乖地上完.

重有, 原來佢地唔知係咪每上一段時間就會有証書, 我問旁邊個家長, 佢囡囡上了兩個月有此証書, 但我囡上了三個月都冇. 如果你話比我知, 要在同一時段,日子或同一老師教足兩個月先有, 我會冇咁嬲. 但事實是, 我唔明點解我囡先前上了兩個月平日時段都冇.
我冇問返佢, 因我唔係咁care 嗰張cert., 但你點都要事先同我講話會有此証書的存在啩!

雖知你這校學費唔係平, 要@220 一堂. 賣點是多對外表演比賽. 但又惠不及學前班.
真的很後悔報讀. 如此經歷, 叫我怎會向朋友推薦.

現在囡囡上了一間在家附近, 學費合理而師資名氣又良好的學校. 雖然規模不及其大, 但是我和囡囡都很滿意.

作者: hehehaha18 時間: 11-3-2 14:03

其實2.5歲學唔係話唔好, 只要明白和不要期望小朋友能做出漂亮芭蕾舞動作或知識就可以

小朋友學ballet好, 寒背機會細好多架, 因為要求經常拉長和挺直頸和腰骨, 訓練頸和背部肌肉, 又可以訓練反應, 手眼協調能力及音樂和節奏感!

作者: my2008bb 時間: 11-3-2 22:57 標題: 回覆 2# cwyoyo 的文章

幫咁細個小朋友選擇興趣班時，真係要好小心至得，我個女之前試堂個間，我以為都好好架，去試過先知唔得呢！

我個間d老師好似唔想做咁，居然係我同個女係門口等侯期間，係我地隔離經過話，＂今日又有人試堂呀，咁咪即係再喊過＂我諗佢地對上一個星期都有人試堂掛。

因為我個女唔肯入去，所以係門口再等了一段時間，從 d staff 對話中，聽到佢地將d玩具同puzzle去俾d小朋友玩，等佢地唔喊，老師就自己走出來同其他人吹水。

呢樣係我最接受唔到的。

作者: ohmygosh 時間: 11-3-3 01:23

我想小朋友一開始就接受嚴格正統訓練﹐所以三歲時打過去J.M.Wong問過資料﹐最後都係決定推遲至四歲半至五歲左右才開始學。

原帖由 hehehaha18 於 11-3-2 14:03 發表
其實2.5歲學唔係話唔好, 只要明白和不要期望小朋友能做出漂亮芭蕾舞動作或知識就可以

小朋友學ballet好, 寒背機會細好多架, 因為要求經常拉長和挺直頸和腰骨, 訓練頸和背部肌肉, 又可以訓練反應, 手眼協調能力及音 ...

作者: cwyoyo 時間: 11-3-4 19:25 標題: 回覆 38# my2008bb 的文章

my 2008bb,

我去嗰到個老師ok 的, 但係好young. 唔知佢咩資格呢? 我都係覺得佢地唔休做. 最怕見佢嘜都收錢, 比賽表演啲衫又要買過, 真係小數怕長計.
我志在比囡囡學下群體生活, 如果真的要認真學, 我會考慮比佢去啲曆史悠久的地方學. 例如大會堂都有.

作者: my2008bb 時間: 11-3-5 09:52 標題: 回覆 1# cwyoyo 的文章

上次試堂後, 我而家間中都會問佢去唔去跳舞仔, 佢話唔去wor, 仲話老師捉佢入去, close 埋門, 我覺得佢應該仲有d驚驚地, 所以我應該會等佢再大d先至俾佢去學(如果佢想的話).

作者: cwyoyo 時間: 11-3-13 18:50

2.5歲都係重有啲想媽媽陪佢一膂玩的. 佢地重係有少少怕陌生. 我囡囡已經係好大膽了, 又常常見很多人, 不過佢唔鐘意就係唔鐘意. 最吸引佢就係嗰啲貼紙囉.

歡迎光臨教育王國 (/)