教育王國

標題: 一年班功課每日有7,8本多唔多? [打印本頁]

作者: beebee@_@ 時間: 10-12-7 19:03 標題: 一年班功課每日有7,8本多唔多?

每日叫個囡做功課,叫到我嬲....
踢一踢先郁一郁...成績又差...自己仲唔俾心機!
今日如常做功課入房睇佢做成點?
點知....個女係度玩!
頭先我終於頂唔順我嬲到喊左出黎...
我個女同我講...........
佢讀得好辛苦,話幼稚園d功課無咁多自己識做而小學功課好多自己又唔識做,所以唔想做!
剛剛同個女班主任傾完,班主任話個女係學校上堂無心裝在~遊魂話個女需要比其他同學用多一倍功夫去惡補先可以追得上!
平時我都有督促佢,未教課都先備課功課都先講解點做先開始做...默書前都有叫佢抄寫背同默寫...又額外有習作,練習紙咁...
我真係嬲到好想放棄,但又點可能做到,我唔知有咩方法可以激發起個女讀書感興趣,最近段考成績表最高分係數學88分,最低分係英文默書得10分........10科有一半唔合格.......點惡補我做得係咪唔夠!
一年班功課每日有7,8本係咪好多?都3個月啦~適應期都仲係咁其他同學都識就得佢唔識!點算好?

作者: Laputa 時間: 10-12-7 19:18

阿女間小學係唔係教高一級? 小一上學期其實都係重複K3 D野, 應該唔會太難. 會唔會你俾太多EXTRA EXERCISE, 令佢冇咗學習嘅興趣同動力呀? 有時物極必反, 多未必好

作者: beebee@_@ 時間: 10-12-7 19:26

原帖由 Laputa 於 10-12-7 19:18 發表
阿女間小學係唔係教高一級? 小一上學期其實都係重複K3 D野, 應該唔會太難. 會唔會你俾太多EXTRA EXERCISE, 令佢冇咗學習嘅興趣同動力呀? 有時物極必反, 多未必好 ...

老師話其他同學都識只有佢跟唔上咋~
而我俾d練習只不過係佢做過類似ge功課黎重溫
讀小學點都要多寫多溫先至得...工多藝熟
我都知辛苦我係嬲佢唔上心唔用心,佢都無盡全力!
如果佢自動自覺好似我細女一放完學
自己做功課 d字唔靚自己會知,會刷,會寫到靚為止
細女讀k2 不過佢真係好自律,都唔明兩個女
同一個肚出差別會咁大架...
一個叫人擔心另一個叫人放心....

[ 本帖最後由 beebee@_@ 於 10-12-7 19:41 編輯 ]

作者: moon988 時間: 10-12-7 20:10

原帖由 beebee@_@ 於 10-12-7 19:03 發表
每日叫個囡做功課,叫到我嬲....
踢一踢先郁一郁...成績又差...自己仲唔俾心機!
今日如常做功課入房睇佢做成點?
點知....個女係度玩!
頭先我終於頂唔順我嬲到喊左出黎...
我個女同我講...........
佢讀得好辛苦,話幼 ...

每日７﹣８樣功課差不多啦！很多學校都是這樣，其實同個女角力，真是身心疲倦，不是自己和女兒無盡力，而是學校要求要寫的字又多又深，字都未知怎讀，還要理解，功課多又無時間溫，之後很快又要考試，不好說三個月，可能要更長去適應，我有很多朋友巳帶他們的小朋友去補習，真是苦了自己和啲小朋友。你現在記得要同亞女多閱讀和講故事，慢慢就得啦！

[ 本帖最後由 moon988 於 10-12-7 21:44 編輯 ]

作者: edwinho123 時間: 10-12-7 20:32

請問有7,8樣功課讀一年級......想問問你囡囡是否讀政府津貼小學.....
我好明白你的心情.....如果俾我我都會喊咗出嚟......我本身我覺得功課過多囉！放咗學淨係做功課咪冇晒其他時間。

原帖由 beebee@_@ 於 10-12-7 19:03 發表
每日叫個囡做功課,叫到我嬲....
踢一踢先郁一郁...成績又差...自己仲唔俾心機!
今日如常做功課入房睇佢做成點?
點知....個女係度玩!
頭先我終於頂唔順我嬲到喊左出黎...
我個女同我講...........
佢讀得好辛苦,話幼 ...

作者: beebee@_@ 時間: 10-12-7 22:15

原帖由 edwinho123 於 10-12-7 20:32 發表
請問有7,8樣功課讀一年級......想問問你囡囡是否讀政府津貼小學.....
我好明白你的心情.....如果俾我我都會喊咗出嚟......我本身我覺得功課過多囉！放咗學淨係做功課咪冇晒其他時間。

...

係政府津貼小學
3點幾放學返黎沖涼4點開始做7,8點做完食飯訓喇~

作者: edwinho123 時間: 10-12-7 23:38

beebee@_@
我唔楝政府津貼學校.....多功課係其中主要原因....我小朋友係個好唔專心的人......如果要佢坐定定一個鐘做功課....我諗我同佢d關係會好差囉.....我又會被佢激到喊.....情況完全同你一樣.....佢細個唔明我哋諗咩....唔明我哋為佢好.....只係會覺得媽咪點解成日為咗做功課而罵佢.....我哋已有一間心水津校收咗....但係最終都放棄......
一年級7、8樣功課對我來講太多了....我都冇心機日日坐係到幾粒鐘教佢.....何況佢係做功課那個呢！
我真的好明白你心情....但係功課個個同學都係咁做.......唔通唔做咩........真的好難解決！

原帖由 beebee@_@ 於 10-12-7 22:15 發表

係政府津貼小學
3點幾放學返黎沖涼4點開始做7,8點做完食飯訓喇~

作者: edwinho123 時間: 10-12-7 23:43

你係個好媽媽....起碼比我好好多好多......努力吧！你己經做得很好......唔好再怪責自己做得唔夠.....

原帖由 beebee@_@ 於 10-12-7 22:15 發表

係政府津貼小學
3點幾放學返黎沖涼4點開始做7,8點做完食飯訓喇~

作者: grace_xian 時間: 10-12-8 09:11

我小朋友都係讀津中, 小一下學期先至有七八樣功課, 小一上學期都輕輕鬆鬆, 不過, 仔現在小三, 回憶初讀小一時都惊惊地, 因為如果幼稚園没有做開功課及寫開字, 真的很難適應,
你比啲時間給囡, 多讚佢, 不要責駡佢, 個個小朋友性格不同, 做到七八點做完功課, 若她提前小小做完就要讚佢, 不要一下子給太多額外的功課, 能做晒學校的功課已經足夠, 做功課咁長時間, 中間你給小小時間給她休息
講真小一的適應真的不容易, 大家努力!

原帖由 beebee@_@ 於 10-12-7 22:15 發表

係政府津貼小學
3點幾放學返黎沖涼4點開始做7,8點做完食飯訓喇~

作者: ming2 時間: 10-12-8 09:44

提示: 作者被禁止或刪除內容自動屏蔽

作者: qkhui 時間: 10-12-8 09:57

你囡囡會唔會係細囡ar ? 如果幼稚園真係唔多功課, 一下子上到小一, 真係要o的時間適應... 比o的信心同鼓勵佢, 相信下學期就會好好多. 我記得亞仔小一時, 真係見好多同學好辛苦.. 慶幸亞仔k3時巳有默書, 同唔少o既功課比佢習慣, 所以上小學先無問題.
平時囡囡放學會做o的咩 ? 有無試下同佢去做下運動先開始做功課 ? 其實做完運動個腦都會醒o的..做功課都會快o的. 其實7-8樣功課真係要睇佢做o的咩, 改正其實都叫一樣, 我覺得如果一樣唔係要用太多時間去做, 7-8樣都可以接受.. 依家o的小朋友真係幾慘, 一日坐8個小時, 放學返到home 又係做功課.. 無時間去做運動.. 盡量欣賞佢....
好似我仔, 依家小三, 真係好忙. 好慘..日日功課都有6-7樣, 最慘係依家每樣都要用一段時間去做. 都幾辛苦, 有時自己都諗, 一日就係做, 做同做... 完全係無時間去休息... 所以放學我都會比30-45mins 佢自己想玩咩就玩咩.. 真係要比個腦休息下..
加油 !

原帖由 beebee@_@ 於 10-12-7 19:26 發表

老師話其他同學都識只有佢跟唔上咋~
而我俾d練習只不過係佢做過類似ge功課黎重溫
讀小學點都要多寫多溫先至得...工多藝熟
我都知辛苦我係嬲佢唔上心唔用心,佢都無盡全力!
如果佢自動自覺好似我細女一放完學
自己 ...

作者: kikiboy 時間: 10-12-8 11:31 標題: 回復 1# beebee@_@ 的帖子

最近段考成績表最高分係數學88分,最低分係英文默書得10分........10科有一半唔合格.......點惡補我做得係咪唔夠!

>>>點解一年級會考10科咁多嘅?

作者: beebee@_@ 時間: 10-12-8 12:20

正確有４科要考　只不過都分得好開黎平分
特別中文同英文
段考成績單科目有：
中國語文
中國語文
中文默聽
中作考試
中作平時
英文語文
英文語文
英文默書
數學
常識

[ 本帖最後由 beebee@_@ 於 10-12-8 12:23 編輯 ]

作者: beebee@_@ 時間: 10-12-8 12:49

間小學係幼稚園直屬小學
我地其實睇得好長遠　升中間學校函接呢間小學
睇唔睇得明？
我地知道間中學好好所以先叫個女入呢間小學，
睇怕我地高估左個女ｇｅ適應能力！
係幼稚園真係無乜點寫字加上升ｋ２個陣換左校長　學習模式都轉左ｋ３先有多ｄ字寫下到ｋ３下學期先預習小學　有手冊寫下　不過都未有默寫
我知一時間個女好難適應，但係都過左第３個月啦～
佢唔係唔識　我相信佢可以做得好好
只係未搵到令佢感到讀書都可以好開心ｇｅ方法！
以前我讀書覺得係一種遊戲
同風紀班長鬥成績邊個好！我本身都係風紀／班長
老師預默次次都鬥快舉手出黑板寫出黎！
默書成日有貼紙攞　
１００分先有　（草）夠１０張又可以換禮物
我讀書都無人逼ｇｅ　阿爸阿媽邊會過問　
阿爸搵食阿媽係屋企忙到邊得閒理我
唔煩到佢地　算偷笑咯！
我就唔明　我越理佢佢越唔理　我唔理就無人理架喇！都係唔好　係我錯　雖然唔知咩問題　個女係我ｇｅ　佢咁樣　我點都有ｄ責任　點都有錯！
我同老師都搵緊方法希望可以幫到佢！

　

作者: yhk329 時間: 10-12-8 14:05

提示: 作者被禁止或刪除內容自動屏蔽

作者: miffy 時間: 10-12-8 15:02

提示: 作者被禁止或刪除內容自動屏蔽

作者: moon988 時間: 10-12-8 23:36

'我讀書都無人逼ｇｅ　阿爸阿媽邊會過問　
阿爸搵食阿媽係屋企忙到邊得閒理我
唔煩到佢地　算偷笑咯！
我就唔明　我越理佢佢越唔理　我唔理就無人理架喇！都係唔好　係我錯　雖然唔知咩問題　個女係我ｇｅ　佢咁樣　我點都有ｄ責任　點都有錯！'
beebee@_@ 我細個的時候都是自己讀書，父母都無時間理我，所以我好明白你的困難。
你說你有錯，我想問你錯在那裹？吾通是你太盡力想教好個女嗎？我想不是，你巳是一個好媽媽啦！但好媽媽都要給亞女明白，讀書是亞女自己的責任，媽媽就是太好，吾想見她唔知怎做都唔幫；或孩子太疲倦，你說甚麼，她都聽不入耳。無論怎樣，你都不要灰心，有困難的不只是你一人，以前有很多升小一的小朋友，他們都是同樣面對一樣的問題,但最後其他的小朋們都能追上，只要你繼續做你的基本：關心她，多些給她機會說出她的困難，提供建議（如果吾想做練習，就叫亞女想吓有甚麼可行而解決到的方法）和控制自己的情緒（我知好難），一定可以改善過來的。加油！！！！

作者: JoeyJoey 時間: 10-12-12 13:00

其實都唔係所有津校都多功課嘅...
所以在K3時一定要了解清楚果間小學岩唔岩自己小朋友讀...
如果樓主嘅小朋友真係好唔慣現在所讀學校嘅模式,倒不如真係轉校,總好過令到小朋友因為追唔上冇晒自信心而對學習失去興趣...
ADD OIL...

作者: lillymarie 時間: 10-12-12 16:34

小朋友好直接架, 佢地聽唔明, 唔識做, 就會表現在好唔專心咁.

我相信你囡囡係講真說話, 佢真的覺得難, 唔明白, 而唔係無盡力. 有些人若覺得自己做唔到, 就會放棄, 變得吊兒郎噹咁.

我相信你亦做了很多工夫. 不過其實你囡囡究竟困難在哪裏呢?

我分享我細仔的例子, 叫我細仔做數學, 他一打開本作業已話唔識, 因為佢好唔慣做功課, 所以未做己驚定先. 我叫佢自己睇題目, 佢話睇咗但唔識做.

我同佢講: 你照題目做囉! (因為我認為題目唔係好深). 跟住佢就喊唔識.

我問佢: 你有邊個字唔識? 佢答: 無字唔識.

我說: 無字唔識, 咁即係識做啦! 佢喊: 我識哂D字, 但睇唔明問乜!

我再問: 咁係乜野令你覺得唔明? 你要諗清楚自己唔明D乜, 先有得問人, 叫人幫你架.

佢望咗一陣, 先話有個字佢唔知問乜. 我走去望下, 先發現原來佢心急, 睇漏咗一個字, 所以就唔明白題目了.

你囡囡之前無咁多功課, 突然多咗, 又唔習慣功課模式, 嚇怕咗都未定. 有些小朋友若覺得自己做得唔好, 就會更加無心機去做, 但若有一次成功經驗, 就會想再做得好D. 三個月其實係好短時間.........我相信你囡囡係聰明的小朋友, 因為佢數學有88分, 扣了的分數可能係受語文影响. 或者先幫佢做好數學......例如定個目標係90分以上.......差2分咋......等佢覺得自己唔係所有野都唔得, 然後再續個科目去追. 先做好叻既科目, 咁佢或者會相信自己有能力應付差既科目.

作者: whywhywhywhy 時間: 10-12-12 17:29

功課七、八樣，不要看數要看量，是否七、八樣都是做很多抄寫的功課？
我想從另一個角度去看你女兒的問題。某程度我覺得你女兒未必是跟不上或者是不懂(這只是假設)。你有否想過你會時常在你大女兒面前跟他比較小女兒那個聰明些叻些？如果有問題可能和這一點有關。小朋友和大人一樣，你讚她覺得她可以成功，她自己自然會這樣想。你說她不成，她會自覺自己不成！小朋友讀書成績好壞，有時係讀信心，有信心自然會自己找到自己的讀書方法，可以考得好成績！
我不太同意在老師未教前先教小朋友課程，這是會令小朋友沒有心機上堂的一個原因，都己經學過還會有心機聽書嗎？反而老師教完你再問她那樣不懂再教她！
小朋友心思我們大人有時是想不到的？多跟他們交談說說心事，比做練習更能令她進步！

歡迎光臨教育王國 (/)