教育王國

標題: $5000/$500(扣除學券後)幼稚園好? [打印本頁]

作者: csmc88 時間: 10-12-3 15:32 標題: $5000/$500(扣除學券後)幼稚園好?

到依家仲未決定到讀咩學校好？
$5000(國際學校或國際幼稚園)---車程遠，學費貴，自己要出返來工作
$500(普通幼稚園)---近，平，可以自己照顧、唔工作都可以
屋企人(包括C6)都認為普通幼稚園好，但自己就喜歡BB讀國際學校。我都有諗過如果平學費，其餘佢可以學好野.....
好煩......

作者: Sumyeema1 時間: 10-12-3 15:40

$500(扣除學券後)間幼稚園 d 老師有沒有愛心？課程如何？

有D o野，無謂強求，我個人唔鐘義有經濟壓力。

作者: kwboy 時間: 10-12-3 15:41

好難講, 有兩個玩法, 普通幼稚園, 之後出去補習, 如果多D親子時間都可以接受, 但妳有邊間國際學校在手先, 如果根德園, ST. C 就唔同講法

作者: cherryird 時間: 10-12-3 16:06

提示: 作者被禁止或刪除內容自動屏蔽

作者: csmc88 時間: 10-12-3 16:09

如果係SC就唔駛諗啦，我得WAITING。
國際學校我係指英基。
普通幼稚園又唔係屋邨個種，係區內都OK(浸會)。
所以先煩。

作者: 小曳人 時間: 10-12-3 16:24

如果第時無諗過繼續讀國際學校.. 唔好諗英基喇!

作者: kwboy 時間: 10-12-3 16:41

原帖由 csmc88 於 10-12-3 16:09 發表
如果係SC就唔駛諗啦，我得WAITING。
國際學校我係指英基。
普通幼稚園又唔係屋邨個種，係區內都OK(浸會)。
所以先煩。

有冇報根德園呀?

作者: csmc88 時間: 10-12-3 18:27 標題: 回覆 7# kwboy 的文章

no, 其實因為我住新界，報SC都係試下,因為對1個小朋友來講車程都幾遠，我個B又係超級細B，KV唔俾報添。

作者: tantanmama 時間: 10-12-3 18:55

原帖由 小曳人 於 10-12-3 16:24 發表
如果第時無諗過繼續讀國際學校.. 唔好諗英基喇!

agree.除非你諗住中小學都俾佢繼續讀國際學校, 然後俾佢去外國讀大學, 否則, 唔好諗英基呢類真正國際學校.

作者: dlmcdlcl 時間: 10-12-3 22:08

只係報左2間? 以你既CASE, 如果小一都係讀返津小, 傳統小學, 就唔洗咁貴讀國際幼稚園喇.

作者: venuscc 時間: 10-12-4 02:13

如果小學唔系有特別要求，讀英基真系幫唔到乜野，（除左國際學校）即使入私校或直資，都好難跟上，自已教唔系問題，不過未必每位小朋友都可以收到效果，系學校學是兩回事，如果讀本地KG，即使唔系名校，但最少跟得番小一啲課程，如果再比佢出去補下，都唔會太差！樓主要考慮清楚！

作者: peachcreamy 時間: 10-12-4 02:43

我的著眼點係樓主如果為左讀貴學校而需要返出來工作，唔可以自己照顧小朋友。小朋友3歲定80，我相信頭幾年的教育好重要，講的包括家教和品格教育，而愉快童年也比讀咩學校緊要。我細個媽媽返工，大個左會惋惜細個童年好多回憶都冇媽媽，而係湊我的auntie;反而我唔會諗點解細個讀邊間學校。唔係話阿媽返工細路就唔好（我自己而家經濟所需，都係working mum，只能盡量把工餘時間俾個小朋友），但若果媽媽可以全職照顧，讀咩學校都好，
你還可有大把時間自己教，比我們返工
一族享有更多親子時間...呢d係沒有任
何學校可以代替的。

眼見太多家長本末倒置，走火入魔，純粹個人意見，不喜勿插。

作者: vic6 時間: 10-12-4 04:30

就算經濟上無壓力, 若你想小朋友小學中學都是在傳統學校讀,咁理應選普通幼稚園(有學劵和無學劵都得), 因為學科教授會平均(中,英,數,常等),不是玩多,上小學中學會合適. 而國際學校會偏重語言能力及多元文化活動,學生成績並不是主要因素.

作者: csmc88 時間: 10-12-10 00:09 標題: 回復 12# peachcreamy 的帖子

其實你都講得好right，我當初選擇辭工照顧bb都係想佢有個快樂童年，同埋唔想miss左佢個成長過程。
選擇普通個間幼稚園其實都有好處(除左學費平)，bb亦可以同佢表哥(又係08年)一起返學/放學，有咩事自己唔接送得都一定有人幫手，除此之外，其實英文我都可以自己教(因為我都可以講near-native english。
希望自己唔好選擇錯啦!

作者: heiparent 時間: 10-12-10 09:59

Support !!!

歡迎光臨教育王國 (/)