教育王國

標題: 請有經驗的家長幫幫手啦...... [打印本頁]

作者: Annngan 時間: 10-12-2 11:46 標題: 請有經驗的家長幫幫手啦......

本人是一名新手媽咪，現有問題真係唔明白因為睇完Bk嘅家長發表後跟學校的唔一樣，都唔知應該邊樣才對，現想請各位有經驗的家長幫幫忙....
個問題是如果有直資學校取錄了，到註冊當天學校說要簽回放棄大抽獎之信件以便呈交教統局用作取消統一派位，本人亦明白我不可以同時擁有双重優惠，當我完成註冊手續咁我就問學校，如果遲D有近屋企的嘅直資小學offer，我可否選擇呢？校方說可以但我必須先取消這間然後才可選別的，因為學校說除左不能參加統一派位外也不能同時登記兩間直資學校但私校除外。
但在Bk上看到有家長又可以同時在多間直資登記〔只要交留位費便可〕為什麼呢？
本人覺得如果跟學校說的一樣就很公平，因為如不是咁一個學生同時可hold住很多間直資學校，對在waiting list嘅學生咪唔公平咯！例如在12月中會有幾間老牌直資學校放榜，相信被取錄的相繼要註冊，這情況下他們在手上的直資位置是否要放出呢？

【即使交了留位費】有家長說他們可以hold到6月！
係唔係真嘅呢？真係各有各說法很混亂，希望有經驗的家長可以跟我分享吓！

萬分感謝大家

作者: silvia_ng 時間: 10-12-2 12:49

原帖由 Annngan 於 10-12-2 11:46 發表
本人是一名新手媽咪，現有問題真係唔明白因為睇完Bk嘅家長發表後跟學校的唔一樣，都唔知應該邊樣才對，現想請各位有經驗的家長幫幫忙....
個問題是如果有直資學校取錄了，到註冊當天學校說要簽回放棄大抽獎之信件以便呈交教 ...

係可以註冊一間以上既直資位。學校咁答你, 應該係唔想你CANCEL佢地個位而唔出聲HOLD住先。

有D家長, 比錢HOLD成4/5間直資, 有D仲衰到8月尾9月先話比學校知唔讀。我仔學校到9月2號都有P1新生返學。如果唔係, 佢點可以咁遲先WITHDRAW個位呢?

雖然有呢個漏洞, 但作為家長都唔應該咁做。細路仔始終得一個, 位又只可以用得一個, 考之前都應該有哂心水排位。到有更高心水排位既, 咪放之前果個囉, 如果個個都肯咁做, 就大家都唔會咁擔心啦!儲埋儲埋咁鬼多個都唔知做乜? 有D好似當閃卡咁儲黎SHOW OFF...

作者: Annngan 時間: 10-12-3 02:09

[quote]原帖由 silvia_ng 於 10-12-2 12:49 發表

Hello silvia_ng,
好多謝你的寶貴意見亦絕對認同，其實作為父母我都好明白，出發點都係為咗小朋友嘅前途姐，但都唔可以太自私咯如果唔係點教好自己D小朋友呢？我覺得唔可以因為交咗留位費，而夾硬要Hold住個位到最後都唔放，最慘就係等到頸都長的家長，你哋幸運可以有很多offer嘅同時請想想沒有你們幸運嘅小朋友正在等緊你們慷慨的支持，家長們請不要自私，如果不是你杯茶，請盡快放位啦....好多小朋友會感謝你們的！
功德無量

作者: brian61950 時間: 10-12-3 07:52

hold 到九月頭個d人巳經show off 完n次架喇,係覺得比左留位費/學費,點解要甘早嘔番個位出來,自私到近乎變態,莫講話係度睇到呀，我識既都有係甘,勸極都唔聽·
我信天,也信報應·
種善因,得善果·
種惡因,得惡果·
唔會走得甩·

作者: thomasha 時間: 10-12-3 09:13

諗深一層，呢個漏洞其實唔難堵塞，只要政府規定同一時間只可以註冊一間直資，重複註冊會自動取消之前註冊o個直資位就得啦。

原帖由 silvia_ng 於 10-12-2 12:49 發表

係可以註冊一間以上既直資位。學校咁答你, 應該係唔想你CANCEL佢地個位而唔出聲HOLD住先。

有D家長, 比錢HOLD成4/5間直資, 有D仲衰到8月尾9月先話比學校知唔讀。我仔學校到9月2號都有P1新生返學。如果唔係, 佢點 ...

作者: stephanielum 時間: 10-12-3 10:26

我都有個見議, 政府可以每位將升讀小一生給予一張投考小一入學証明書, 好似現時參加政府自行派位個張form咁, 當每間津校或直資學校要收錄註冊生時, 都要收取埋該生張投考小一入學証明書, 如該小朋友已在之前留了一間, 咁第二間心儀既學校取錄, 而佢又想讀這間時, 便要去回之前已留位既學校取回張投考小一入學証明書, 而當該生取回之時, 學校同時會write off佢既留位, 咁樣每位學生應該唔會同時間有兩個以上既學位, 當然私校另計! 而津校及直資學校就可以盡快call waiting d 人嚟註冊.

作者: Annngan 時間: 10-12-3 10:37

[quote]原帖由 stephanielum 於 10-12-3 10:26 發表

Hi stephanielum,
多謝你這個非常、十分、萬分好的建議。
我哋只要繼續反映這些漏洞，相信總有一天會實行嘅.....
感謝各位家長對這個POST的支持！

作者: Annngan 時間: 10-12-3 10:45

[quote]原帖由 stephanielum 於 10-12-3 10:26 發表

Hi stephanielum,
很多謝你這個十分、百分、千分、萬分好的建議，相信只要我們繼續反映這些漏洞，相信總有一天會成功阻止這些超級自私的家長........
感謝各位無私的分享

作者: thomasha 時間: 10-12-3 12:16

記得呢個建議之前o係BK講過，希望有人趁而家直資制度可能改革o既機會同教統局反映一下，因為建議相信會大大減低學校o既行政成本，又可以減少家長o既等候時間，教統局只係出多一張紙，經幼稚園或其他渠道俾家長，幾萬個學生成本最多十萬，抵到爛。

原帖由 stephanielum 於 10-12-3 10:26 發表
我都有個見議, 政府可以每位將升讀小一生給予一張投考小一入學証明書, 好似現時參加政府自行派位個張form咁, 當每間津校或直資學校要收錄註冊生時, 都要收取埋該生張投考小一入學証明書, 如該小朋友已在之前留了一間 ...

歡迎光臨教育王國 (/)