教育王國

標題: delete [打印本頁]

作者: eebabyma 時間: 10-12-2 02:24 標題: delete

本帖最後由 eebabyma 於 11-12-19 02:43 編輯

delete, delete

作者: 小曳人 時間: 10-12-2 09:17

如果你唔想放棄大抽獎, 可以唔讀所謂一條龍, 報私小個back-up, 出咗結果再揀..
仲有, 6月時可以叩門, 一條龍學校唔夠你玩大抽獎, 但係無個唔俾你叩門架!

我個人無對課程有任何意見, 只要KG涵接到佢地本校嘅小一就無問題, 但我唔相信會好淺, 太淺嘅, 小學部咪要淺埋一份?!

係唔係自己學校唔要嘅先出去搵學校.. 你一攞張"成績表"見人加小朋友面試表現就睇得一清二楚, 我相信每間小學都想收d佢地鍾意嘅學生, 唔會眼見到個叻就~ 單單因為佢讀緊間有龍嘅KG就唔俾offer

講到尾, 如果俾唔起私小直資嘅學費, 就間間KG都一樣, 唔需要揀有龍嘅! 但係如果你計得掂條數嘅, 一條龍就唔駛幾年後再煩! 如果你對小朋友信心十足嘅, 大可以唔讀龍校, 讀普通KG架~
每樣嘢都有代價, 問題係~ 你俾唔俾得起!

作者: sheffield 時間: 10-12-2 16:14

1. 一條龍的小學都係要比學費，但就有平有貴，近屋企嘅咪平車費囉，否則就要搭貴車…如果你有把握抽到好學校，當然可以唔揀一條龍。但亦有人係本身鍾意某些一條龍多過唔使錢嘅好學校，各有好處，亦各有所好…
2. 唔係間間一條站嘅都唔比大抽獎，要睇學校policy，當然，今年可以，唔擔保明年可以，學校有權改policy....如果唔比參加大抽獎個d，你就可以去考私校…但官校同津校就唔好諗啦！
3. 我所認識的一條龍幼稚園學術程度都有深有淺，但都不是特別深。因為是一條龍，一般都能配合結龍小學的進度，學校亦有其安排幾時才開始"谷"小朋友。我個人認，確實有些一條龍幼稚園出來是是沒有優勢的，但有些出來的亦絕對唔輸蝕…
4. 我又唔覺有呢個問題。學校唔讀過又唔知好唔好，野就任你講嘅啫…一條龍能給小朋友一個穩陣嘅機會，但就不一定係最好同最適合小朋友(性格)嘅學校。就如MS，如搵唔到更好的，民小都唔差，但就唔係最好，而且好谷。到你in 直資時，你的解釋可以係"在幼稚園的幾年，見到小朋友成長，更清楚看到邊類(較活動的)小學更適會小朋友…"。其實這也不是為要有學校收而"作"嘅野。小朋友越大，性格越出，我地真係要幫佢地搵適合佢地嘅學校！

原帖由 eebabyma 於 10-12-2 02:24 發表
近期, 見好多媽咪都話想小朋友讀一條龍幼稚園, 我自己有以下迷思:

1.其實, 所有一條龍學校嘅小學部都係要俾學費, 我自己有兩個小朋友, 如果到時一齊讀小學, 兩個學費 + 校車都要around$5000x2, 咁我自己住果個校綱 ...

作者: jaycee_mami 時間: 10-12-2 16:40

1. 如果有兩個小朋友, 要計算清楚是否負擔得起12年的學費+雜費+車費+樂器費, 乜都double上. 你今日有無睇報紙? 那位讀李國寶中學的學生, 因為父親短期失業申請學費減免, 被老師取笑他"走狗", "窮鬼".

2. 據我所知培正, 民生, 救恩都要你放棄大抽獎, 如果你住在名校網, 真係要三思.

4. 其他直資

唔prefer收一條龍幼稚園出黎嘅小朋友, 我都覺得可以理解, 費事搞一大堆野, 你最後讀番原先的學校, 令收生人數失預算, 更何況好的直資大把人爭, 學校有大把學生揀.

作者: 恩林 時間: 10-12-2 17:32

有時d野真係講唔埋...我個仔係民小讀, 佢special case可以大抽獎, 我個區都有幾間好學校, 而且我個仔個年出生率得30000人, 但都竟然派左去第五志願....

如果你個區真係間間都合你心水, 咁就唔好選私校, 但如果唔係, 咁一條龍係唔錯嘅選擇!!

上年K3個時, 都有家長都唔選民小, 因為住得遠, 有的就覺得學費貴, 有的就是小朋友攞住20分係手, 所以去自行派位, 但亦有唔少家長從外間黎,
我諗法剛同你相反, 我覺得到升中個時, 曾讀過民小的小朋友, 上其他中學的機會會大D, 話晒民中係英中, 民小會為涵接中學而準備, 我大仔小一就嘗試做英文數, 當然一開始唔會識la, 但老師講得有道理, 小小小小咁做吓, 好過中學至黎學.....
同樣, 幼稚園個case都係一樣~!!

[ 本帖最後由恩林於 10-12-2 17:34 編輯 ]

作者: eebabyma 時間: 10-12-3 12:49

其實, 我最concern唔係錢嘅問題, 生得小朋友, 都預左教育經費, 只係有d唔了解啫..., 因為有d所謂一條龍, 都唔係100%收返小朋友, e.g.MS, 收大約60%, 如果小朋友係唔好彩收唔返, 又唔玩得大抽獎, 考直資, 私小又唔夠人黎, 我只怕到時會幾頭唔到岸啫....

作者: B.B.BaBa 時間: 10-12-3 14:28

原帖由 eebabyma 於 10-12-3 12:49 發表
其實, 我最concern唔係錢嘅問題, 生得小朋友, 都預左教育經費, 只係有d唔了解啫..., 因為有d所謂一條龍, 都唔係100%收返小朋友, e.g.MS, 收大約60%, 如果小朋友係唔好彩收唔返, 又唔玩得大抽獎, 考直資, 私小又唔夠 ...

民小唔收的學生係可以參加大抽獎的

作者: 小曳人 時間: 10-12-3 15:49

原帖由 B.B.BaBa 於 10-12-3 14:28 發表

民小唔收的學生係可以參加大抽獎的

係呀~ 佢地好早就會通知家長 (唔記得係K3一開學家K2下學期喇~)

作者: sthnothing 時間: 10-12-3 16:39

原帖由 小曳人 於 10-12-2 09:17 發表
如果你唔想放棄大抽獎, 可以唔讀所謂一條龍, 報私小個back-up, 出咗結果再揀..
仲有, 6月時可以叩門, 一條龍學校唔夠你玩大抽獎, 但係無個唔俾你叩門架!

我個人無對課程有任何意見, 只要KG涵接到佢地本校嘅小一就 ...

咁如果讀左一條龍的幼稚園，到升小的時候可唔可以再放棄佢地的學位而再出去參加大抽獎或者考私校呢？
我又想請教下，培正同宣道都有一條龍，但邊間對升小較有靈活性呢？兩間出去叩門的能力又如何呢？

作者: 小曳人 時間: 10-12-3 17:03

原帖由 sthnothing 於 10-12-3 16:39 發表

咁如果讀左一條龍的幼稚園，到升小的時候可唔可以再放棄佢地的學位而再出去參加大抽獎或者考私校呢？
我又想請教下，培正同宣道都有一條龍，但邊間對升小較有靈活性呢？兩間出去叩門的能力又如何呢？ ...

你放棄佢地個位, 就當然俾你大抽獎啦!
培幼100%上小學
宣幼唔係喎~
所以基本上好少聽聞PC嘅小朋友出嚟爭位 (唔係無~ 係少d) 所以無乜結論俾到~ 無得比較!
不過我聽過有PC小朋友考DB/YW考唔到..

歡迎光臨教育王國 (/)