教育王國

標題: 小曳人、NICOLE123等智慧媽媽請進 [打印本頁]

作者: PotterLai 時間: 10-12-2 00:57 標題: 小曳人、NICOLE123等智慧媽媽請進

我兒08年10月出生，上月考幼稚園幸運非常，連中數元。現正頭痛如何選擇：

- 靈糧堂（九龍城）
- SC
- 啟思（牛津道）
- KV（Waiting）
- Stafford
- 明慧（太子）
- 民生（未通知，但機會甚大）

一些背景資料：

1. 將來欲報傳統小學（是否應排除靈糧堂和啟思？）
2. 小兒愛學習（我倆從無逼他讀書），而且中英數並無偏愛，頗為平均；
3. 现沒有上學前班，喜與大人打招呼，不喜與小孩玩耍。
4. 其他性格像一般男孩，服從性不太強。

請諸位智慧媽媽指教。

作者: 小曳人 時間: 10-12-2 09:02

嘩~ 你個title嚇親人呀! >100人睇過~ 但無人敢覆...

首先聲明, 我個人只對某d KG較熟識, 樓主你提嘅.. 我有好多從未了解過!

個人認為: SC係一間教學方法幾好嘅學校, 適合大部份嘅小朋友, 鼓勵reading / presentation, 不過我個人對於大校有偏見, 唔鍾意咁多人
另外~ 有早教媽媽朋友個仔讀緊stafford, 讚口不絕, 話教得深, 老師又細心.. 細校!
如果你偏愛一條龍嘅, 就交住一間留位費先, 然後等民生啦!

小朋友仲細, 又無返N班, 唔識同小朋友唔出奇, 返咗學就唔同駛架喇! 放心啦~

[ 本帖最後由小曳人於 10-12-2 09:03 編輯 ]

作者: NICOLE123 時間: 10-12-2 09:14

一早番來見到呢個topic ....好驚....以為咩事

其實呢...我幫你唔到..你個list 入面既學校好多我都無認識...無報...
如果隱隱陣陣既應該係民生
如果想更上一層樓既就sc kv 啦
另外果d...我唔識啦 sorry!!!

作者: bulubee 時間: 10-12-2 09:42

樓主你好!

我睇左你個post,和小兒(2009生)性格相似:
我的理念都是將來欲報傳統小學,他现沒有上學前班，喜與大人打招呼，不喜與小孩玩耍。

可以和我交個朋友嗎?
ps: 我都幾buy 你提到果2位智慧媽媽的

作者: PotterLai 時間: 10-12-3 00:03 標題: 回應

多謝兩位智慧媽媽回覆，另bululee也認同我的看法，可見有麝自然香，非我眼光獨到。其實BK有不少智慧父母，例如小克等，昨晚我怕我一一點名後，無人回復，自討沒趣，所以只提兩位而已。

再問眾位智慧媽媽（和爸爸），換一個說法，如果我的心儀小學是喇沙和拔萃的話，我應讓小兒就讀哪間幼稚園（根據他的特點）？

我沒有報KM，是否錯誤？:(

其實培正聽聞很好，只是小兒太小了。

bululee，我們已是網上朋友了。

作者: siulili 時間: 10-12-3 00:45

根據你形容的囝囝係內向型，你係指九龍塘DPS定旺角DBSPS？如果係DPS同LS，兩間都係抽獎，但一間係天主教，一間係基督教，你有無教友分？有無OLD BOYS分？如果無，兩間第一ROUND都好難入。而DPS的位好少，第二ROUND所剩的位更少。你係41網？

另外，DPS係英小， LS係中小，咁你會想入邊間？兩間主攻的語文能力都唔同架喎。

同埋我可以話你知， DPS的仔都好‘活潑’，自問我都要調校下才可接受到，但消息人士話我知LS果D仲“活潑”，咁你自己考慮下想入邊間啦。

老實講，係人都知，如想入拔萃系，CCKG係最佳選擇。

其實最重要，我地唔可以全部依賴幼稚園去上小學，如果想入超級名校，父母一定要付出更多來提升小朋友各樣的能力。就算培正有小學直上，小一課程我覺得唔算太深，但如果小朋友在幼稚園期間無額外提升學科能力，小一時都會追得好辛苦架，更何況你講果D谷得咁緊要的學校。

原帖由 PotterLai 於 10-12-3 00:03 發表
多謝兩位智慧媽媽回覆，另bululee也認同我的看法，可見有麝自然香，非我眼光獨到。其實BK有不少智慧父母，例如小克等，昨晚我怕我一一點名後，無人回復，自討沒趣，所以只提兩位而已。

再問眾位智慧媽媽（和爸爸），換一個說法，如果我的心 ...

作者: celinapang 時間: 10-12-3 00:49

首先我不是一個智慧媽媽, 但我都認識一些有同樣年齡小朋友(讀不同學校)的媽媽, +上我姐姐是老師, 所以對以下的都有小小認識, 希望幚到你:
-       靈糧堂（九龍城）-老師有愛心,
-       SC                      - 出名,教學方法好, SPECIAL ENG
-       啟思（牛津道）- 程度不高
-       KV（Waiting）  - 校規嚴, 谷學術
-       Stafford             - 不知
-       明慧（太子）  - 不知
-       民生（未通知，但機會甚大）- 校風好, 一條

一些背景資料：

1.       將來欲報傳統小學（是否應排除靈 ... [/quote]

作者: Karie 時間: 10-12-3 00:56

首先我並唔係智慧媽媽,只係路過分享一些上年既經驗同其他之前曾比過意見我既媽媽綜合少少分享比你.
如你想個仔入讀喇沙,首先佢係津校,要計分,所以入任何幼稚園都一樣,只係計分,如爸爸係舊生再加上你個係大仔又係住响果區,20分就有機會,但都未必保證入,
如你想個仔入男拔(直資),而唔係拔萃小學(此校是津校),你就可以考慮SC,佢地英文著重多D,而男拔主要係以英文教學,但不保證必入,亦要睇小朋友interview表現.
其實其他學校各有各好,最緊要係睇小朋友,比如KV佢著重中數,學術強,不論你上津校定直資定私校,對小朋友上小一打基礎打得好好,雖然你KV係waiting,但你可以寫信求位,好多人之後會放位,都有機會.
見你target既小學都係傳統名校,呢兩間幼稚園你可以考慮吓.

原帖由 PotterLai 於 10-12-3 00:03 發表
多謝兩位智慧媽媽回覆，另bululee也認同我的看法，可見有麝自然香，非我眼光獨到。其實BK有不少智慧父母，例如小克等，昨晚我怕我一一點名後，無人回復，自討沒趣，所以只提兩位而已。

再問眾位智慧媽媽（和爸爸），換一個說法，如果我的心 ...

作者: 小曳人 時間: 10-12-3 09:19

原帖由 PotterLai 於 10-12-3 00:03 發表
再問眾位智慧媽媽（和爸爸），換一個說法，如果我的心儀小學是喇沙和拔萃的話，我應讓小兒就讀哪間幼稚園（根據他的特點）？

如果你個小朋友係有分人士, 又或者你係同區玩到大抽獎入LS, 的確KM係唔錯嘅選擇:佢幫唔到你入LS, 不過課程上應該幫到第時入讀後嘅適應問題.. 既然你無報, 都無乜問題嘅.. 放心~
入男拔又係另外一樣嘢: 校長話會揀d有禮貌嘅小朋友, smart + 有自信.. 我估SC嘅課程應該幫到d手, 不過最緊要都係屋企點教!

作者: B.B.BaBa 時間: 10-12-3 09:49

唔講 LS，因為係計分同抽獎，幾乎同邊間幼稚園無關。

講講拔小，照睇你手上的 offer，只有 SC 幫到下手 (因為 KV 你只係 waiting) ，其他o個幾間，似乎助力不大。

如果真係想入拔小，黎緊呢兩、三年你有大量的準備工作，但即使做足都無人擔保你一定入到......

作者: PotterLai 時間: 10-12-3 16:23

原帖由 siulili 於 10-12-3 00:45 發表
根據你形容的囝囝係內向型，你係指九龍塘DPS定旺角DBSPS？如果係DPS同LS，兩間都係抽獎，但一間係天主教，一間係基督教，你有無教友分？有無OLD BOYS分？如果無，兩間第一ROUND都好難入。而DPS的位好少，第二ROUND所剩的位更少。你 ...

我報考兩校分數都不足25分，所以只能寄望抽獎運氣了。對，我住41校網區，果然是智慧+聰明媽媽。
另：如他考進中小，我打算幫他補英文；如進英小，補中文。他智力開發較早，現已可以用粵語和英語背1至100了。
至於學生性格問題，我倆都沒有考慮過，我需要想想，謝謝。
你研究小學特性很深入……

作者: 小曳人 時間: 10-12-3 16:26

原帖由 PotterLai 於 10-12-3 16:23 發表

我報考兩校分數都不足25分，所以只能寄望抽獎運氣了。對，我住41校網區，果然是智慧+聰明媽媽。
另：如他考進中小，我打算幫他補英文；如進英小，補中文。他智力開發較早，現已可以用粵語和英語背1至100了。
至於學生性格問題，我倆都 ...

不足25, 即係有20分?
LS 20有份抽架喇~ (15分就唔駛諗)

作者: gcleung 時間: 10-12-3 16:29

我聽LS的老師話25分都唔一定收喎, 因為太多舊生 + 教徒啦

原帖由 PotterLai 於 10-12-3 16:23 發表

我報考兩校分數都不足25分，所以只能寄望抽獎運氣了。對，我住41校網區，果然是智慧+聰明媽媽。
另：如他考進中小，我打算幫他補英文；如進英小，補中文。他智力開發較早，現已可以用粵語和英語背1至100了。
至於學生性格問題，我倆都 ...

作者: karanica 時間: 10-12-3 17:55

我路過的，見個 topic好有趣，所以入來八下！小女現讀緊方方PN, 亦報左其他K1，想問下各位高人的意見！暫時有以下收了小女：
- 啟恩(牛津道) <<<放棄左
- Stafford
- SC (Waiting)
- 啟思(九龍塘正校)
- LH (Waiting)
仲等緊其他的result:
- Good Hope
- St.Clare
- 浸會
Good Hope 和 St. Clare我估機會唔大，因為當日表現不是太好！

所以我都想可能要準備寫求位信，但我唔知內容應寫什麼呢？請各位高人指教指教！
同埋既然小女已讀緊方方，應否轉到Stafford or 啟思(九龍塘正校)，因兩間並不是一條龍．．．

作者: PotterLai 時間: 10-12-3 23:35 標題: 三個選擇

經過各位有心媽媽評論後，以進名牌小學作為標準（包括直資和私校），似乎我剩下的選擇有三個（以面試時間為序）：

SC – 英文好，培養的學生自信，表達能力高，有名；缺點是中算課程不夠深（？）、不是小班教學；
KV （尚待取錄）– 中文、算術好，課程深，培養的學生服從性強，會自動自覺做功課；缺點是英文達不到考名牌小學的水平，考某些學校外表不夠smart，不是小班教學；
Stafford – 英文好，擅長考劍橋英語試，小班教學；缺點是不算名校，中數水平不如KV。

1．那以小兒不算服從、不算反叛的性格，應選讀SC或KV？抑或Stafford？
2．小兒中英數發展平均（明慧以普通話考試亦取錄），哪所幼稚園最能培養綜合學術能力？

又問小曳人及其他KM家長，如果我兒有報KM而且幸運考取的話，KM是否更理想？（純粹好奇）

作者: sweetlollipop 時間: 10-12-4 01:03

想有少少分享,以我所知,KV既英文都唔淺架!佢地係英文數,另外K3已經開始作吓文架啦!只係佢地無net,所以只要出外加強英文oral都ok架啦!你可以入去kv自己果頁內有好多家長都有分享各級既進度.
以我睇你個仔可以咁快學到1-100,相信kv or st cat都幾適合佢,始終你想考名牌小學,幼稚園個名或多或少都有d幫助架!
補充一句,其實學中文係難過學英文架!要出外搵一間教中文好既centre係難過搵一間英文好既centre架!
希望幫地你決定啦!

原帖由 PotterLai 於 10-12-3 11:35 PM 發表
經過各位有心媽媽評論後，以進名牌小學作為標準（包括直資和私校），似乎我剩下的選擇有三個（以面試時間為序）：

SC – 英文好，培養的學生自信，表達能力高，有名；缺點是中算課程不夠深（？）、不是小班教學；
KV （尚待取錄）– 中文、算術好，課程 ...

作者: PotterLai 時間: 10-12-4 01:35 標題: 謝謝

原帖由 sweetlollipop 於 10-12-4 01:03 發表
想有少少分享,以我所知,KV既英文都唔淺架!佢地係英文數,另外K3已經開始作吓文架啦!只係佢地無net,所以只要出外加強英文oral都ok架啦!你可以入去kv自己果頁內有好多家長都有分享各級既進度.
以我睇你個仔可以咁快學到 ...

sweetlollipop，你的名字很有趣，你兒子/女兒很喜歡吃棒棒糖嗎？請注意牙齒健康！

你一定是樂天的人！

作者: giant_japan 時間: 10-12-4 02:15

原帖由 sweetlollipop 於 10-12-4 01:03 發表
想有少少分享,以我所知,KV既英文都唔淺架!佢地係英文數,另外K3已經開始作吓文架啦!只係佢地無net,所以只要出外加強英文oral都ok架啦!你可以入去kv自己果頁內有好多家長都有分享各級既進度.
以我睇你個仔可以咁快學到 ...

sweetlollipop
if LH (ENG/PTH) VS ST. CA (ENG/CANTONESE) VS KV 應該讀邊間好?

作者: PotterLai 時間: 10-12-4 19:04 標題: 回覆 7# celinapang 的文章

She is right. What did she say about KM and Pui Ching?

作者: 小曳人 時間: 10-12-4 21:27

原帖由 gcleung 於 10-12-3 16:29 發表
我聽LS的老師話25分都唔一定收喎, 因為太多舊生 + 教徒啦

for 2010同2011年度, 20分要抽
唔信.. 你可以去小一嗰邊問問, 有個waiting list入到LS嘅小朋友係20分, 即25分嘅全部收哂!

作者: belle2009 時間: 10-12-4 21:37

提示: 作者被禁止或刪除內容自動屏蔽

作者: 小曳人 時間: 10-12-4 21:42

原帖由 PotterLai 於 10-12-3 23:35 發表
1．那以小兒不算服從、不算反叛的性格，應選讀SC或KV？抑或Stafford？
2．小兒中英數發展平均（明慧以普通話考試亦取錄），哪所幼稚園最能培養綜合學術能力？

相信以呢d性格, 去邊間學校都ok, 問題係家長想點
我唔覺得SC嘅中文"淺"喎~ 只係相對KV, 佢無咁深, 同埋無咁注重抄寫! 如果去d普通程度嘅學校, SC嘅畢業生一定應付到! 數學.. 男仔學數好快架! 唔駛太擔心差嗰少少, 如果唔係報SFA呢類學校嘅, 面試時又唔會考計數嘅~ 所以.. 讀個SC, 你預咗做功課會慢少少囉
KV, 我會覺得係oral english爭少少, 讀寫應該唔太差架!
講課程平均.. 我自己偏愛KM

作者: 小曳人 時間: 10-12-4 21:44

原帖由 belle2009 於 10-12-4 21:37 發表

小曳人,

stafford kinder 是一間怎樣的學校?英文好?math好?

英文好~ 其他嘅我無仔細問過.. 只係有朋友小朋友讀緊, 讚不絕口, 話教得好深! 咁佢嗰個都係早教兒, 深嘅學校先適合

作者: belle2009 時間: 10-12-4 21:53

提示: 作者被禁止或刪除內容自動屏蔽

作者: 6321 時間: 10-12-5 04:20

小曳人 , kindly advise what is 早教兒?

belle2009, I know yours is small kid too. will you let your kid study in N1 in KM or Stafford or St Nic?

I am still stuggling on whether to put my kid as small or big boy, he born in end Nov 08. He is still very baby now & cannot say much. A lot of ppls say he will change by Sept next year & can go to K1 at that time, but I am afriad if he is behind & decide to repeat K1. He can hardly admiss by KM or HKPS, etc who has N1.

作者: winavis 時間: 10-12-5 09:06

要出外搵一間教中文好既centre係難過搵一間英文好既centre架<<<AGREE

個人認為中文確實係難... 仲要係好難

作者: orsiuping 時間: 10-12-5 09:20

One of the case from my friend that the girl after SC entered into a famous primary school, but she couldn't catch up Chinese and Maths. They have to extra work hard during P1 to catch up the level until P2.

作者: 小曳人 時間: 10-12-5 10:17

原帖由 6321 於 10-12-5 04:20 發表
小曳人 , kindly advise what is 早教兒?

我講嗰位媽媽, 係有做早教嘅 (早期教育), 同我自己本身差唔多, 主要跟蒙特梭利嘅理論/教具, 另外都好注重語言嘅訓練
小朋友本身有一定嘅語言能力, 未返學已經認字, 即未返K1可能已經識哂學校K1/K2 甚至K3要教嘅字 (當然, 返學唔係只係要認字, 仲有好多嘢要學習嘅~)
我想講嘅係.. stafford課程似乎幾深, 一個咁嘅小朋友返到學校都學到好多嘢! 鍾意返學~

作者: belle2009 時間: 10-12-5 11:50

提示: 作者被禁止或刪除內容自動屏蔽

作者: belle2009 時間: 10-12-5 12:08

提示: 作者被禁止或刪除內容自動屏蔽

作者: sweetlollipop 時間: 10-12-5 14:48

多謝你讚我,至少見到個名都甜晒啦!

我只比兩個小朋友用麥芽糖當lollipop比佢地食架咋!真既佢地未食過.

原帖由 PotterLai 於 10-12-4 01:35 AM 發表
sweetlollipop，你的名字很有趣，你兒子/女兒很喜歡吃棒棒糖嗎？請注意牙齒健康！

你一定是樂天的人！

作者: sweetlollipop 時間: 10-12-5 15:15

giant_japan,
唔好意思

呢兩日好忙同小朋友去party,所以少上黎.你問我讀邊間好真係好難答你,只好比D意見你參考吓:

LH (ENG/PTH): 我有兩個朋友既小朋友讀緊,個人覺得佢既教學法都幾活動,小朋友好energetic,有親子旅行, 聯校運動會,都幾著注art and craft果方面,每星期都有親子既功課.佢地用自己學校出既課本同書做教材,英文同普通話都有net teachers.睇你想小朋友將來讀咩小學,佢都幾多小朋友考到蔡繼友.個人覺得學費都唔平$4000未計雜費.

ST CAT (ENG/CAN): 英文強,學校多學生,有net teachers,每年都有唔少學生考到入ccky讀k2,佢地升小既情況唔差,個人認為家長培育小朋友既功勞唔少,所以今年即2011考小學都有人考入SPCC.不過中文就一般需要加強.

KV: 學術強,小朋友紀律好,唯英文ORAL唔夠,同埋無親子旅行及家長無得參加既運動會同埋畢業禮,視乎家長喜好,有些家長要返工就覺好好,唔使請咁多假,但有些認為少親子既學校活動,小朋友上好多小學都能應付功課測驗,有好多都好好成績架!

其實你指既呢3間都好好,視乎小朋友個性及家長之後點培育佢,另外,對我黎講我會考慮埋小朋友會否訓晏覺而定,所以上下晝都好重要,因為小朋友無精神上堂,學咩都唔入腦啦!呢個因素對我好重要.
希望幫到你啦!

原帖由 giant_japan 於 10-12-4 02:15 AM 發表

sweetlollipop
if LH (ENG/PTH) VS ST. CA (ENG/CANTONESE) VS KV 應該讀邊間好?

[ 本帖最後由 sweetlollipop 於 10-12-5 15:17 編輯 ]

作者: sweetlollipop 時間: 10-12-5 15:28

PotterLai,

KM: 課程其實同KV差唔多,可能仲多功課過KV,有net teacher,但係就學生少D,上至校長下至阿嬸都好friendly,同小朋友家長關係好close.

培正: 著重中文,一條龍學校,聽聞幼稚園唔太深,但係上小學就開始好深.詳細可問nicole123 (以我所知佢小朋友讀緊培正,希望佢唔好鬧我啦!

),不過interview要小朋友一個自己入去,喊就一定唔得,另外家長填既一份問卷都幾重要,所以家長要比心機填,同埋大仔機會大d.

原帖由 PotterLai 於 10-12-4 07:04 PM 發表
She is right. What did she say about KM and Pui Ching?

[ 本帖最後由 sweetlollipop 於 10-12-5 15:29 編輯 ]

作者: PotterLai 時間: 10-12-6 23:40 標題: SC、KV、Stafford和KM

原帖由 小曳人 於 10-12-4 21:42 發表

相信以呢d性格, 去邊間學校都ok, 問題係家長想點
我唔覺得SC嘅中文"淺"喎~ 只係相對KV, 佢無咁深, 同埋無咁注重抄寫! 如果去d普通程度嘅學校, SC嘅畢業生一定應付到! 數學.. 男仔學數好快架! 唔駛太擔心差嗰少少, ...

SC、KV、Stafford和KM

小曳人+眾媽媽爸爸：

如果以下列標準，應在SC、KV、Stafford和KM（已不可能，純粹好奇）之間，選擇哪家：

1.
培養出來的性格，適合升小面試時的表現；
2.
中英數俱佳；

3.
名牌直資與私校心中的名氣（如適用）。

請按先後排序。

作者: Karie 時間: 10-12-7 01:49

以你比既條件，個人選擇排位如下：

KV>KM>SC>Stafford

原帖由 PotterLai 於 10-12-6 23:40 發表

SC、KV、Stafford和KM

小曳人+眾媽媽爸爸：

如果以下列標準，應在SC、KV、Stafford和KM（已不可能，純粹好奇）之間，選擇哪家：

1.
培養出來的性格，適合升小面試時的表現；
2.
中英數俱佳；

3.
名牌直資與私校心中的名氣（如適用） ...

作者: 小曳人 時間: 10-12-7 06:31

原帖由 PotterLai 於 10-12-6 23:40 發表

1.
培養出來的性格，適合升小面試時的表現；
2.
中英數俱佳；

3.
名牌直資與私校心中的名氣（如適用）。

請按先後排序。

1. SC > KM > KV (其實好睇你報咩學校)
2. 好難排喎..
中文: KV>KM >SC
英文: (SC~stafford)>KM>KV (KV只係oral english較弱)
數學; (KV~KM)>SC
(我對stafford嘅認識只限於佢英文強)
3. SC=KV, KM 學生較少, 但某名校校長私下話佢覺得KM課程好過SC
結論: 我有bias, 始終覺得KM 較平均

作者: siulili 時間: 10-12-7 09:48

樓主

其實你呢個題目，有樣嘢我一直都想講，但又怕比人XX，所以忍到而家，見你哋係咁比較D幼稚園，其實我想問，有邊位比左意見的家長係完全理解咁多間幼稚園的運作，而又有親身體驗咁多間幼稚園的教學模式呢？我估大部份都係估估下，道聽途說，學校名氣，多D多人掙住入嚟影響左個判斷／評語。

其實我自已認為，每間學校都有佢的優／缺點，而其優缺點亦會在不同小朋友身上發生其化學作用。其優點在A小朋友身上可能係良方，但在B小朋友身上可能係毒藥。

我見好多人都好BUY SC，我唔否認佢一定係一間好學校，如果唔係，點解年年都咁多人恨入去，我自已認識好多人的子女都讀SC，我唔係好大年紀，比我仔女早一代的（13，14年前子女就讀）家長我都認識，佢地的意見係，（因好熟，佢講嘢唔使保留），佢話：哈，SC，學校係幾好架，但搵苯，改個名叫國際幼稚園，實質咪又係LOCAL幼稚園，但囡囡讀得幾開心，咪算囉，但計價錢，就覺得佢好鬼貴。當年係K1﹣K3都雙班主任制。結果呢。小朋友考小一時，好多間都考唔到，只有DGJS收佢，佢父母係St. Adrews Church members.  父係專業人士，有外國護照，母係FT MOM。  咁比你地會點評論？嘩，入到DGJS，當然好啦！  但諗深一層呢？  GH 和其他學校都唔收喎，如果佢無考DGJS，咁就全軍覆没啦喎。同埋咁啱佢父母的Church 就係DGJS果間，有無幫助呢？

咁近年啦，有朋友同我講，SC好似轉左制，K2後就無左雙班主任制（有錯請指正），佢覺得好唔抵讀，因為一個班主任又係收咁多，兩個又係收咁多，咁一定想有一中一外班主任啦。但佢個名響，都照讀啦。

同埋返KG只係三小時，我想問有邊好“叻”的小朋友，只係靠返KG而無係課餘時間‘谷’佢，如果有的，請話我知，我都想比小朋友讀果間KG。可惜我D小朋友已經過左呢個階段。既然讀任何一間都要係家長自已在外“谷”下小朋友，咁讀邊一間係咪咁大分別呢？

有間係人都話佢教得淺的名幼稚園，我又識得D小朋友去考直資名校，家長坐巴士送佢去IN，佢幾間都考到喎，佢媽媽同我傾計果日，都話：其實都係抱住試下的心態，果日個個都自已揸車同坐的士去，得我兩母子行出去坐巴士，幾冷清呀。

我自已認為， KG階段係比小朋友發展社交能力，發展個性，建立正確價值觀的溫床，學術能力係咪可以等小學才催谷呢？  其實有邊間小一IN係要考筆試架？我真係唔知，因為小朋友都算幸運，唔使去FACE咁殘酷的小一INTERVIEW。

在我自已的理念中，成績唔係學生的全部（成績好當然好開心啦，我都好想TIM），但懂得分享，尊重，誠信，樂於助人呢D人性的美德都十分重要。

早幾星期我看報紙，睇到一段係某地區名校校長的訪問，係關於幼稚園學生能力的。校長都提及KV的學生，佢承認在小一開學階段，KV的學生的語文能力的確比較強，但我自已睇到的重點係之後果句： “但其持續性並不顯注。”  我的理解係，當其他學生開始適應小一的教學模式時，很快就可以追上KV的學生。咁我又覺得，在幼稚園就谷得咁辛苦又係咪值得呢？

Sorry, 可能我離左題，但一時有感而發，仲一發不可收拾TIM。

＊ SC的CASE只係一個例子，我並唔係針對佢，當然KV，KM都有佢的pros & cons.  希望大家唔好以為我係針對SC。

作者: brrbaby2007 時間: 10-12-7 10:34

原帖由 siulili 於 10-12-7 09:48 發表
樓主

其實你呢個題目，有樣嘢我一直都想講，但又怕比人XX，所以忍到而家，見你哋係咁比較D幼稚園，其實我想問，有邊位比左意見的家長係完全理解咁多間幼稚園的運作，而又有親身體驗咁多間幼稚園的教學模式呢？我估大部份都係估 ...

Support

我又轉一段：

周日話題﹕名校教了我什麼——女校生的反思
(明報)2010年12月5日星期日 05:05
【明報專訊】直資名校被揭發一大堆混帳，那部古老幻燈片機就在我的腦袋開動不斷重播我的中學校園片段，晃眼已是十多年前的泛黃舊事。

我的母校，是港島區一家有逾百年歷史的女校，人稱「老牌名校」、「貴族學校」。我曾經為自己能夠入讀這樣的名校感到無比自豪，因為我們一班女生，既能說流利英語、又懂得吃西餐禮儀、亦能夠淡定自信於人前表現自己，根本唔將隔籬學校著旗袍紮孖辮的四眼妹放在眼內。

直至我做了記者，我才發現，所謂名校生獨有的自信、傲氣，還有世故、現實，跟那隻只懂呱呱叫的井底之蛙，沒太大分別。

八九六四那年，我在鰂魚涌一間街坊中文小學讀小五。我是班長，自發貼了大堆剪報，發起同學手纏黑布。翌年六四1周年如是，我還記得我們和班主任一起哭。

1991年，我被派到那所名女校升中一，班主任比我更興奮，我卻戰戰兢兢。

我被編入全級最top的A班，噩夢開始——老師上課全講雞腸我聽唔明、英文堂默生字我無個寫得出、原校小學升上來的個個都已埋堆唔受我玩，和我一樣的外來生全班只有五六人，她們不是半唐番就是英文小學出身，來自中文小學的好像只我一個。

同窗：我唔想自己中文咁叻

中文堂，成為我的避難所，也是我唯一找回點點信心的課堂。可惜，我的同學都看不起中文，反而為自己中文成績遜於英文而感「自豪」。我很記得，中二那年我的同窗中文測驗全班最高分，她放學時卻苦瓜乾面口道﹕「我唔想自己中文咁叻，我要英文勁呀。」

不單我的同學，後過渡期年代的修女校長，也不將中文放在眼內。中三起我加入中文辯論隊，校方對我們的重視遠不及英文辯論，我的大師姐隊員都是高材生，閒談時笑道﹕「校長唔理我口地仲好，輸咗都無壓力。」據說，修女校長的臉孔在回歸後180度轉變，小師妹通風報訊，Sister近年經常強調要向北望學好普通話，轉直資後又花大筆錢裝修搞個什麼孔子學堂，希望girls都要學好中國文化。

名校，就是如此現實。它貫輸的價值觀是七個字——識時務者為俊傑。不單校長，老師、同學，都很懂得做人——做一個成功的主流香港人，當然離不開一個錢字。

名校價值：識時務者為俊傑

我的同學，家住干德道司徒拔道，每天司機駕著勞斯萊斯定時定候接送。中二那年，富家女邀請我到她的大潭複式洋房，我到今天仍記得那個無敵大海景。那晚，我回到數百方呎的舊樓——我的家，感到前所未有的自卑。

同學雖然有錢，但她們不算show off——應該說，她們由開口講英文到言談間展現個人長處，是骨子裏自然流露的自信，外人覺得她們「寸」、「扮口野」，但那其實是她們是獨有的上流社會溝通方式、貴族間的溝通密碼。午飯鐘響，校園是中英夾雜的喧鬧、好動女生在球場打英式netball而非籃球羽毛球、貪靚的討論暑假去歐洲買什麼名牌。沒有人會談六四，也懶理香港回歸將至。

我當年自覺格格不入，這幾天我不停思考，這個年代獲獎學金的窮學生，入到直資學校後，可有當年我的自卑、孤單？

年輕的我用了半年時間，流了很多淚水、開了多晚通宵，就全程投入校園生活，學懂說美國口音英文、不怕在堂上舉手答問題、在同學面前不再害羞，我學會了如何做個presentable的名校生。我的成績由包尾變成中等，更獲頒全年進步獎。我開始享受校園生活，和我的富家同學一起溫習看戲談天說笑。我享受自己被標籤成「A班精英」，有名人來校探訪，校長只會把他帶到我們A班；朗讀話劇跳舞我們A班都拿冠軍；老師最疼惜的又是我們A班。

勝王敗寇的遊戲規則

名校的遊戲規則是「精英制」，你入了A班、拎到獎，就是精英中的精英，如盛放牡丹成眾人焦點，其他班別的同學，只是你的綠葉。名校精英制，簡單來說是套用職場遊戲規則——勝者為王敗者為寇，職場的上位伎倆，名校生早在少年十五二十時就學懂——懂得識時務、懂看人眉頭眼額、懂把握機會表現自己長處。但少女含苞待放的天真純情，去了哪兒？年輕人對社會的熱血，為什麼丁點都不見？

中六那年，我被同學選了當Head Girl（雖然我不是會考狀元）。那年我18歲，成年了，看到所謂名校生、我的同學師妹，很多人雖然表面自信家境富裕，但其實心靈空虛，有的放學流連百貨公司不願回家、有的故意不穿整齊校服引人注意。我將我的發現告訴校長老師，希望他們多花時間關心同學，而非一味叫她們參加比賽幫學校拎獎。

結果我被大駡，更被視為最不聽話的Head Girl。

10多年了，如今，我不少中學同學都很有成就，有的是某某大公司主管、有的嫁了有錢人錦上添花。數月前，在婚宴重遇昔日的A班同學，她們說起自己的職業、老公、子女，當年班房裏的自信又再呈現，表現自己似乎是名校生的終身任務。

可是，我已不再是A班那個小薯仔，我不想再追隨A班大隊了。

離開名校投身記者工作後，我看到世界之大，不是只有干德道豪宅、生活也不是只有名牌拎獎、做人的價值也不是只懂得看人眉頭眼額。世界之大、胸襟之廣，是即使我們家住干德道，也知道香港有個地方叫深水埗有很多板間房；即使我們追逐名利，也關心世界大事懂得分辨是非黑白，而非趨炎附勢。

倒模生產典型香港人

教育的終極目標，是訓練每個人的獨立思考、批判思想。但名校在這方面做到幾多？名校最成功的，是它大批倒模生產一個個典型香港人——實際、精叻、識上位、識表現自己。但更深層的價值——真、善、美，名校又教了幾多？

這個每個名校生都應思考的問題。

後記

我不憎恨我的母校，畢竟它教曉我很多實際的。到今天我最好的朋友，都是和我背景類近的中學同學。雖然她們不讀報、不關心時事，但都有一顆溫柔的心。我預科時的中文老師是我最尊敬的人，也是我的死黨。

寫這篇文章，是希望香港人不要盲目貪慕名牌。所謂名校的教育理念，你作為家長是否認同？更重要的，是你希望學校教曉你的子女什麼？

而我最希望，香港出色的窮學生與富學生，都有平等機會入讀優質學校，這卻是我對直資概念的最大質疑。

文蘆葦

編輯屈曉彤、劉逸芝

作者: 小曳人 時間: 10-12-7 10:35

我又多咀..
以我所知, 教署係唔俾小一考筆試嘅, 不過有間學校就用咗另類方法: 考生需要完全試題 (10頁以上) 答案由學校男童軍代寫, 所以考生只需講出答案, 唔算"筆試", 但係小朋友嘅閱讀同理解力, 就必需好高, 等同考筆試!
呢間係SFA~

另外, 我贊同每間學校有佢嘅優點同缺點,
最重要嘅, 我自己覺得係個老師 (一樣無得揀嘅嘢!) 所謂同間學校夾唔夾, 其實係同個老師夾唔夾!
而教育幼兒, 講到底, 最緊要嘅係家長! 如果乜都靠哂學校嘅, 唔會有好結果, 所以學校會揀家長..不過, 有時有得揀嘅時候, 大家就會想做d"客觀"比較~ e.g. 課程我都相信KV/SC都係好學校.. 對於KV學生上小一之後嘅優勢, 係好吸引架, 但係之後, 都要靠父母嘅努力

我相信, 一個體能正常, 常識廣博, 興趣廣泛, 開朗, 健談, 有禮嘅小朋友, 要家長自幼培養佢嘅觀察能力+學習嘅興趣, KG係"返學"嘅預習班 (Pre-school!), 就好似當初報學校時要填嘅問卷: 我希望學校能夠引發好奇心,令小朋友繼續愛學習

作者: davywm 時間: 10-12-7 10:48 標題: 回覆 3# siulili 的文章

siulili: 你講得好有道理!

作者: 小克 時間: 10-12-7 11:02

提示: 作者被禁止或刪除內容自動屏蔽

作者: 小克 時間: 10-12-7 11:06

提示: 作者被禁止或刪除內容自動屏蔽

作者: yoyobb2008 時間: 10-12-7 11:29

原帖由 siulili 於 10-12-7 09:48 發表
樓主

其實你呢個題目，有樣嘢我一直都想講，但又怕比人XX，所以忍到而家，見你哋係咁比較D幼稚園，其實我想問，有邊位比左意見的家長係完全理解咁多間幼稚園的運作，而又有親身體驗咁多間幼稚園的教學模式呢？我估大部份都係估 ...

作者: sllau 時間: 10-12-7 11:40

原帖由 siulili 於 10-12-7 09:48 發表
樓主

其實你呢個題目，有樣嘢我一直都想講，但又怕比人XX，所以忍到而家，見你哋係咁比較D幼稚園，其實我想問，有邊位比左意見的家長係完全理解咁多間幼稚園的運作，而又有親身體驗咁多間幼稚園的教學模式呢？我估大部份都係估 ...

好認同你選校既理念...我既理念係會加多"四高",係抗逆能力高,自理能力高,情緒智商高..閱讀興趣高....

作者: siulili 時間: 10-12-7 11:57

謝謝咁多位家長的認同。

我都好想有埋你講呢四高，但在幼稚園階段我想，只有自理能力高可以列入去。抗逆力對3﹣6歲小朋友來說太早啦，教署都係到小四才對抗逆力的培訓對學校作出資助。情緒智商呢個，我覺得係家庭教育比學校教育為重要，因為學校老師2對30，好難話竉到佢地。呢D情緒問題，多數係家中形成，如果你話遇到個老師會令小朋友情緒上出現問題的話，咁真係一個不幸，要以個別CASE來看啦。

而提升閱讀興趣，我都係覺得係家長的付出多過KG啦，我估好少KG會有閱讀時間比小朋友，因佢地自行閱讀的能力都未係好強，都係要父母陪著看書，學校會做的都係一些閱讀計劃，但付出的都係父母，所以我覺得，只要父母願意花時間陪小朋友看書，他們的閱讀習慣自然就會形成，而並唔係靠KG囉，但小學就真係唔同啦。一間有閱讀氣氛的小學，真係可以培養到小朋友的閱讀興趣和速度。

原帖由 sllau 於 10-12-7 11:40 發表

好認同你選校既理念...我既理念係會加多"四高",係抗逆能力高,自理能力高,情緒智商高..閱讀興趣高....

作者: PotterLai 時間: 10-12-8 01:35 標題: 回應

Karie, 可否按照三個標準排序？謝謝。

sweetlollipop和小曳人，感謝你們的回覆。似乎我當初確實應該報考KM，看來小兒還是不夠曳！

siulili，雖說（半日班）幼稚園學生在校時間每天只有三個小時，但這三小時極其關鍵，對小孩德智體群美五育的發展，比在家裏的六小時甚至九小時，影響可能更大，不會更小。因為學校是群體社會，老師是否循循善誘，同學是否和諧相處，足以影響小孩將來在社會的一切。當然，家教亦非常重要，與學校教育相輔相成；但父母只能教導部分知識和常識，不能取代學校的功能。

比較幼稚園有無意義？對於我來說，只要有既定標準，再結合孩子的具體情況，我覺得還是有意義的。

你是有心人，對育兒來說，或所有事情，有心是最重要的。

作者: Parisienne 時間: 10-12-8 02:23

非常贊成

家庭教育永遠排第一！
我囡囡而家K1，我選擇了一間同自已教學理念相符，但很多父母都認為功課淺嘅幼稚園。
作為父母，生活喺充滿競爭同壓力既香港，有時真係唔到啲「港爸」「港媽」唔緊張！我係一份子，當然身同感受。但我相信孩子會有自已一套成長時間表，如果下下都驚死輸在起跑綫，對小朋友一定唔係好事。
其實香港呢種入唔到名校等於世界末日嘅現象都幾可悲(早排响商場dum囡落去 ...)雖然例子極端，但或多或少反映左好多父母心態。最近同外國朋友講到香港兩歲讀Nursery已經要面試，佢地碌大對眼，感到非夷所思！
我亦係一個曾經走火入魔，驚輸在起跑點，人云亦云，聽很多什麼'...攻略'之類講座的港媽；囡囡10個月已經讀playgroup, flash card , 圓點card, phonics ，認字.....因為整個香港氣氛都係咁，隔籬陳太張太又係咁，我得一粒囡，你唔係叫我唔好咁吓嘩 ...?????
直至我囡大約兩歲，我無意中睇到一本講「慢養」嘅書，心帶好奇兼冷笑：「慢 ?? 唔快都死拉仲要慢 ??...」於是，我買咗本書，頓然令我開始用唔同角度去看育兒呢個課題。
父母對子女嘅信心唔應該要靠外來因素而建立，什麼名校不名校，如果子女日後嘅自信心係靠名校而來，就等如一個女仔要拎個Chanel手袋出街先覺得自已高貴。我並無反對名校，只係希望父母唔好一廂情願，盲目追求。
幼稚園階段，一個連扣鈕都覺得相當挑戰嘅三歲小朋友，其實係咪應該比多啲空間佢地成長，多過要谷佢K3已經讀P1課程呢？唔同父母的確有唔同答案。

原帖由 siulili 於 10-12-7 11:57 發表
謝謝咁多位家長的認同。

我都好想有埋你講呢四高，但在幼稚園階段我想，只有自理能力高可以列入去。抗逆力對3﹣6歲小朋友來說太早啦，教署都係到小四才對抗逆力的培訓對學校作出資助。情緒智商呢個，我覺得係家庭教育比學 ...

作者: HIN2003 時間: 10-12-8 09:35

原帖由 PotterLai 於 10-12-8 01:35 發表
Karie, 可否按照三個標準排序？謝謝。

sweetlollipop和小曳人，感謝你們的回覆。似乎我當初確實應該報考KM，看來小兒還是不夠曳！

siulili，雖說（半日班）幼稚園學生在校時間每天只有三個小時，但這三小時極其關鍵，對小孩 ...

小小分享:
我囝囝係九龍塘讀津小, 唔係名校, 幼稚園讀九龍靈糧堂. 讀根德園的小朋友係第一次測驗&考試明顯成績係突出d.

作者: 靚姐 時間: 10-12-8 10:04

原帖由 siulili 於 10-12-7 09:48 發表
樓主

其實你呢個題目，有樣嘢我一直都想講，但又怕比人XX，所以忍到而家，見你哋係咁比較D幼稚園，其實我想問，有邊位比左意見的家長係完全理解咁多間幼稚園的運作，而又有親身體驗咁多間幼稚園的教學模式呢？我估大部份都係估 ...

真係好認同你的講法，成日見到有啲人扮專家，討論呢所學校嗰所學校的不是，而自己又唔係真係清楚喎，有啲又講到自己個仔女有幾靚入到某某名校，跟住去踐踏其他學校，繼而扮專家。

作者: 0226 時間: 10-12-9 01:30 標題: 回復 13# siulili 的帖子

完全同意你的講法,整個topic最有建設性的文章.不是扮專家個隻,得益良多.

作者: 0226 時間: 10-12-9 01:47 標題: 回復 2# 靚姐的帖子

你講得好.每年到這時侯,都有好多家長話自己子女考到幾多間唔知點揀,又話終於有間唔收啦.當然分亨喜悅係好開心,但有D其他子女沒有offer 的真係見到呢Dtopic都好難受.那些由K1己幻想自己子女讀某間K,而會入某名校都只是一廂情願,小朋友現階應是開心的.而不是做一些超越佢地歲數所做到的事情而為之叻.所有都是家長本身要令小朋友這樣,對佢地係唔係一件好事呢. 小朋友小時叻唔代表佢將來都一樣係至叻.這只是個人看法,不喜勿插

作者: siulili 時間: 10-12-9 09:05

好認同你講小朋友幼稚園階段應該係開心的。好似我仔表達係好直接的，我問佢你覺得媽咪係咩樣架？佢答：一個笑GE樣。咁我再問：咁媽咪對住家姐係咪都係一個笑GE樣？佢會答：對住家姐媽咪係嬲樣。我問佢點解啦。佢答：因為家姐唔好好做功課。

其實我自已都知問題係邊，但香港的教育制度有時真係好難令人咁脫俗。我就係知道上到小學（我指大部份小朋友讀的主流學校），佢地的開心會因為功課、測考壓力而越來越少，所以我希望佢係幼稚園階段盡情享受佢地的開心，啟發佢地的興趣，建立佢地的品德基礎。個女而家上到高小，D功課，測考默係排到密密麻麻，我係大人，見到佢D schedule 都有抖唔到氣的感覺。可能我女又唔係超叻果種，我又唔係可以容許佢成績太差果種媽媽，所以每次的測考默都真係用心要佢去溫習，但每個星期都係咁重覆又重覆的溫習，真係無氣抖，仲有每個星期的閱讀報告，每個WEEKEND都要睇兩本書，又有課外活動，去玩旳時間真係無乜。而家出親去課外活動如果要坐車的，都叫阿女帶埋書係車睇，呢D同時間競賽的小學生活，個小朋友同家長又如何可以經常咁寬容呢？大家真係要珍惜小朋友可以盡情快樂的時光。

原帖由 0226 於 10-12-9 01:47 發表
你講得好.每年到這時侯,都有好多家長話自己子女考到幾多間唔知點揀,又話終於有間唔收啦.當然分亨喜悅係好開心,但有D其他子女沒有offer 的真係見到呢Dtopic都好難受.那些由K1己幻想自己子女讀某間K,而會入某名校都只 ...

作者: brrbaby2007 時間: 10-12-9 10:00

原帖由 siulili 於 10-12-9 09:05 發表
好認同你講小朋友幼稚園階段應該係開心的。好似我仔表達係好直接的，我問佢你覺得媽咪係咩樣架？佢答：一個笑GE樣。咁我再問：咁媽咪對住家姐係咪都係一個笑GE樣？佢會答：對住家姐媽咪係嬲樣。我問佢點解啦。佢答：因為 ...

以前我果代去到Form 4先博都未遲，都叫開心左十幾年，而家小學已o甘谷，真係冇幾年開心，童年回憶只有讀書，長大后親子關係薄弱，讀得書多又唔代表實有好工，你話為乜呢？

作者: siulili 時間: 10-12-9 10:27

因為我地果個年代，個個小學，初中的學校生活都差不多，生活亦無而家咁富庶。測考只要合格，唔理幾多分，老師都唔會話你成績唔好，如果有9字頭，隨時係頭3名架啦。但今時今日呢， 8字頭老師已經會同家長講要加把勁，平均分95分以上的同學，可能佔左一半或1／3，仲有體藝的課外活動呢！我地以前父母何來咁多錢‘迫’我地去學樂器，學游水？游水就父母自已教或自學或唔識，要做運動就約同學仔落PLAYGROUD打羽毛球，排球，藍球囉。單車都係間唔中同朋友去大尾督租，但真係唔記得點學識踏單車，邊有而家D小朋友咁幸福，從1歲幾開始就有架私家單車，一路成長就一路換車，所以我家而家放左3部唔同SIZE的單車係度。

可能真係時代的要求唔同左，但小朋友就辛苦左好多囉。

原帖由 brrbaby2007 於 10-12-9 10:00 發表

以前我果代去到Form 4先博都未遲，都叫開心左十幾年，而家小學已o甘谷，真係冇幾年開心，童年回憶只有讀書，長大后親子關係薄弱，讀得書多又唔代表實有好工，你話為乜呢？ ...

作者: brrbaby2007 時間: 10-12-9 10:43

原帖由 siulili 於 10-12-9 10:27 發表
因為我地果個年代，個個小學，初中的學校生活都差不多，生活亦無而家咁富庶。測考只要合格，唔理幾多分，老師都唔會話你成績唔好，如果有9字頭，隨時係頭3名架啦。但今時今日呢， 8字頭老師已經會同家長講要加把勁，平均分95分以上 ...

我最擔心係o甘既成長背景對親子關係既影響。我當然冇諗過大過佢養我，但都希望老左有子女關心吓:loveliness:

作者: edithwylai 時間: 10-12-9 11:50 標題: 回復 47# Parisienne 的帖子

agree with you, i've also chosen an unfamous KG and gave up St. Cat

作者: kristinecheng 時間: 10-12-9 12:18

純粹路過，有感而發﹗

我是一位今年為兒子準備明年入讀N1的媽媽。報名的時候，做了點資料搜集，發現沒有一間學校是可以完全附合自己心水的要求（全日制，近屋企，基督教背景，語文水平不差，學校老師有愛心），再加上朋友的兒子去年一間offer也沒有，所以我報了不少學校（數目不好意思講了）。

再講多少少自己的期望，本人是某一間小學的old girls，算不上是名校，只是中上，不過是一條龍，而且當年我的同學公開考試的成績也不錯，很多成為專業人事（本人也是

），而且小兒應有25分，本來我也不想多費心思在幼稚園階段。不過老公想小兒在這基礎上試考一些出名的直資，所以我開始參與這個「遊戲」。

我很記得第一次帶兒子interview，只有15m大，一見老師，如被雷撃中，零反應，中途還發脾氣。雖然明知道自己的兒子是有點脾性，不過本人也唔想到現實的情景會遭糟至此。in完出來的時候，本人太「興奮」地向老公報告當時的情況，忘記了鍚兒子一啖，也忘記了他的存在（爸爸手抱著他），在我們往停車場的路上，我偶爾回神一向，才發現兒子一臉不開心，偏偏咀，想哭又哭不出的模樣。那一刻，我心痛到極點了，雖然我一句說話也沒有鬧他，他卻從我們的對話中感到我們的不快。事後老公安慰我，兒子只是怕風吹，他還小不會明白我們所說的話，可是那一幕影像我卻一輩子也不會忘記，因為我會以此警戒自己，不可以將自己對面試的不快在兒子面前表露。

之後每一次interview，我也表現輕鬆，只與兒子說我們去學校同老師玩及傾計，問佢想唔想去（佢見有得出街每次都話想）。幸運地，完成了interview而有結果的，都有offer（包括第一間），兒子的表現一次比一次好，我也越來越平常心。得與失，其實真的不太重兒（幸運地我是基督徙，可以把一切交給神安排），每一次完成interview，我都比以前更了解兒子的優缺點，回家後我會想想怎樣去幫助他改善缺點，也欣喜去發現他的優點。因為兒子要面前的挑戰，不止於一兩次interview，我可以幫助他的，不止於為他準備一間好學校，而是幫他去認識自己的長處，克服自己的缺點，這才是一生受用。

對不起，太長篇幅，謝謝讀畢

[ 本帖最後由 kristinecheng 於 10-12-9 12:32 編輯 ]

作者: popcorn11202001 時間: 10-12-9 14:50

非常同意Siulili講法~特別係有邊位比左意見的家長係完全理解咁多間幼稚園的運作，而又有親身體驗咁多間幼稚園的教學模式呢？我估大部份都係估估下，道聽途說，學校名氣，多D多人掙住入嚟影響左個判斷／評語。呢一句,正如有好人一講起某一間學校既時侯,就好多人留言話間學校點樣唔好,實際上自己又唔係讀緊,我都好想知d消息係點樣黎???
其實一個小朋友考到一間好小學真係有好多因素,
幼稚園是有幫助,但父母在背後付出的努力當然要比
老師多,正如我表姐個小朋友讀沙田一間普通幼稚園,
個小朋友入到SFA,但個小朋友用英文做母語,普通話
流利...咁樣又代表幼稚園教得好,還是父母?????
其實每間學校都有好有唔好,當然,名氣大的幼稚園去
叩門既時侯當然有幫助,但我覺得父母教導比較重要
(不喜勿插)

作者: celinapang 時間: 10-12-9 18:38 標題: 回復 22# siulili 的帖子

siulili , 你好! 看見你很好的分享, 令我都想分享一點, 我囡是在CANNAN 讀PN & K1 的, 縂括來說CANNAN的老師都很有愛心的,
除了金巴倫之外, 因搬屋原因, 囡囡轉了3間CANNAN., 所以知道不同地區, 老師質素是不同的., CANNAN在PN 主力是大小機肉訓練, 自理, 至於學術就比較淺, 到K2, 因我想+強囡囡在英語溝通, 故轉了去VICTORIA, 而的確囡囡自從讀了VIC後, 她完全不怕跟外國人說話, EVEN可以話是喜歡, 而囝囝是在KM讀, 而的確KM的學術是比CANNAN深很多, CANNAN K1所學的KM PN已開始教, 可能更深., 可見得KM是一所很谷學術的一所學校, 但可能有一些基本野就會忽略了, 如大小機肉訓練, 自理等.... 但我比較囡囡在CANNAN的日子和囝囝現在的日子, 我囝囝是很不享受的.... 故我想分享的是在選學校時, 有幾點是重要的, 首先是要從小朋友的性格出發, 第2是學校教學方法, 第三才是父母的取向 .

作者: 恩林 時間: 10-12-9 19:15 標題: 回復 1# PotterLai 的帖子

我反而覺得應選creative的幼稚園, 因為你話你小朋友服從性不太強, 如果太傳統學校會令佢反感, 活動教學的學校都會要小朋友遵守老師要佢做嘅野, 但相對比較寬鬆...

令外, 你話你小朋友少同其他小朋友一齊玩, 咁就更加應該入活動教學的學校, 改善左d個問題先, 慢慢至決定入邊類小學....
因為無論傳統定活動教學的學校, 合群d part都會計分, 咪話當佢少問題呀~!!

作者: siulili 時間: 10-12-9 20:24

thanks.

坦白講，如果唔係睇呢個帖，我根本唔知KM係咁深，其實每天放學我仔都會同佢D朋友仔係平台玩一陣先返家食LUNCH，其中一個小朋友就係讀KM，但我完全無對呢間幼稚園有咩研究。

其實我自已選幼稚園的宗旨係，讓小朋友開開心心上學去，咁就算上到小學佢都唔會抗拒。課程淺唔緊要，如果小朋友係吸收力強，叻仔叻女果種，咪自已再比佢係課餘時間讀多D囉。如果小朋友本身都係比較慢熱，性格無咁aggressive果種，入一間咁谷的學校未必係好事。老師用左咁多時間去教學術，仲邊有咁多時間教其他嘢，去了解個別小朋友的特性，再向家長提點呢？好好奇想知呢類幼稚園的家長日，所討論的重點到底係學術成績如何（好似小學咁），還是老師告知家長小朋友在校與同學相處的情況，性格特點，自理能力和情緒上的進展呢？

原帖由 celinapang 於 10-12-9 18:38 發表
siulili , 你好! 看見你很好的分享, 令我都想分享一點, 我囡是在CANNAN 讀PN & K1 的, 縂括來說CANNAN的老師都很有愛心的,
除了金巴倫之外, 因搬屋原因, 囡囡轉了3間CANNAN., 所以知道不同地區, 老師質素是不同的. ...

作者: PotterLai 時間: 10-12-9 23:44 標題: 回復 60# 恩林的帖子

如果你看過我另一貼文，想必知道我對啟思的看法；其實我很認同IB課程和啟思的教學方法，問題是：如果我兒一直在IB課程學校就讀的話，他能順利升上香港的大學，甚至其中的一流大學嗎？如果不能，十多年後的外國大學學費加生活費，我不肯定是否負擔得起。所以我倆想送他進傳統幼稚園，將來可進可退，如果大小環境有變的話，即使小學或中學讓他轉IB學校，亦沒有問題。

李麗珊說：「養一個子女要四百萬」，此言不虛！在這通脹肆虐的年代，將來恐怕遠遠不夠……

我不太喜歡催谷教學法，到現在我們只讓他上playgroup，沒有上學前班。但在家中，雖然兩人都要上班，但工餘和假期都有家教，亦小有成效。舉例說，小兒現已能「阿阿A、bb B、kk C……」琅琅讀出26個字母，說到這裏，其實我都有少少功勞架！

作者: celinapang 時間: 10-12-10 01:19 標題: 後悔入了這所學校 -KM

原帖由 siulili 於 10-12-9 20:24 發表
thanks.

坦白講，如果唔係睇呢個帖，我根本唔知KM係咁深，其實每天放學我仔都會同佢D朋友仔係平台玩一陣先返家食LUNCH，其中一個小朋友就係讀KM，但我完全無對呢間幼稚園有咩研究。

其實我自已選幼稚園的宗旨係，讓小朋友開 ...

Siulili, 你說得不錯, 其實我都不知KM是否有家長日的, 記得有一次囝囝忘記了袋尿片回校, 回家見他更換了新片, 打電話去問才知囝囝在學校阿了bot bot, 而老師就用一些很怪的語氣話我為什麼不袋足夠尿片回校, 在一個短短的10分鐘電話通話裹, 足足講左3次叫我記住袋2條尿片回校, 作為一個老師, 我想聽到不是這些說話., 而係我想了解囝囝點解在學校不敢跟老師說他要bot bot, 為什麼囝囝在家什麼都可表達, 回到學校就變完成一個啞巴? 跟老師討論, 她只跟你說"我都不知..., 我都要硏究下....講左等於無講...... 坦白講, 很是後悔入了這所學校.... "不喜不要插"

作者: 恩林 時間: 10-12-10 16:18 標題: 回復 62# PotterLai 的帖子

O~ 唔好意思, 我冇睇過你之前的post, 不過我都有少少經驗分享....

我大仔好慢熱被動, 但服從性超高, 所以選k1個時, 我都好頭痛選邊種學校,
服從性高, 應該讀傳統的...
但慢熱被動d個性格又應該重視...

所以我最後決定選左啟思, 但同時報d要服從性高的活動, eg. 鋼琴, 公文式....等等

當我見到佢被動的性質有所改變事, 我就同佢轉到民生, 雖然追得辛苦d, 但因為一直有keep住公民式dd課程, 所以佢都handle到.

雖然我都覺得啟思真係太free了, 但我都要多謝佢令我大仔咁喜歡讀書, 啟思的校監常常說: "要小朋友愛上讀書, 佢地日後至會主動看書" d句我好buy....

宜加我大仔係民小讀小一, 課程雖有點難, 有時都會講兩句辛苦, 但我從來都未聽過佢話唔想做/唔想番學dd說話...

dd就係我少少的分享喇~~
希望你選擇到你心中最好的選擇喇!!

作者: siulili 時間: 10-12-10 19:29

唔使後悔，小朋友只是PN，好多嘢都係摸索階段，包括搵一間適合佢的學校，正如呢道都有家長好BUY KM，但可能就係唔適合你的小朋友，係咪？

咁你今年有無幫小朋友考其他K1？如果有，希望你有好消息，明年小朋友可以在一間令他開開心心上學去的幼稚園返學。

原帖由 celinapang 於 10-12-10 01:19 發表

Siulili, 你說得不錯, 其實我都不知KM是否有家長日的, 記得有一次囝囝忘記了袋尿片回校, 回家見他更換了新片, 打電話去問才知囝囝在學校阿了bot bot, 而老師就用一些很怪的語氣話我為什麼不袋足夠尿片回校, 在一個 ...

作者: PotterLai 時間: 10-12-12 00:07 標題: 回復 64# 恩林的帖子

恩林，你兒是在牛津道的啟思讀的嗎？如是，請問這幼稚園的學生考其他名牌小學的成績是否一般？畢業後如轉往傳統小學是否都要花一兩年時間才追得上？傳聞此校學生創意超人，如看你兒和他的同學的表現，你會同意嗎？

我比較貪心，既不願過度催谷小兒，又想他進入優良小學。

希望你兒成績突飛猛進，你可做一舒服家長。

作者: PotterLai 時間: 10-12-13 23:07 標題: 選不選一條龍？

今晚回家，收到民生寄來的信，得悉小兒已取錄了。接著來的問題是：應該選一條龍嗎？按說小兒身為細B，又沒有上學前班，能夠順利考取多校，似乎能力不低；但客觀地看，他智力開發比別人早，而且我們情緒控制做得較好，再加上有點運氣（靈糧堂讓他排短隊），所以這次考幼稚園成績較好。我們如果讓他讀民生的話，直升民小應無問題，但錯過了大抽獎，加上民幼名氣和程度都比不上其他名校，小兒將來報考直資與私校時，考取機會是否比其他名校生稍遜？但如果讓他讀SC或KV的話，三年後再受折磨，我兒能有今年的運氣嗎？到時候，相信很多小孩的智力已經開發了。

眾位民生/SC媽媽爸爸、智慧爸媽，請多多指教。

恩林，tell me more……

作者: kerkermui 時間: 10-12-14 12:09

樓主, 你好似未諗定自已想要乜喎~ 定係太多選擇, 所以反而轉緊牛角尖?
希望以下問題可是幫到你:
你兩公婆有無舊生分? 小朋友有無宗教分?
--> 無? 第一round 無你份喎

有無心儀嘅官津校? 係咪同網?
--> 係嘅, 可以報私小做back-up, 玩大抽獎
-->唔係, 咁唯有叩門, 但機會好微
至於龍唔龍, 你會唔會咁心讀民小? 定係覺得民小已經唔錯?
如果你好想去抽獎嘅, 就要放棄民生喇,
但係如果你唔諗住抽嘅, 又覺得就算讀民小都唔錯, 咁就應該讀民幼, 然後第日照報直資/私小~
如果你唔多鍾意民小, 對小朋友表現有信心嘅, 就唔好去讀民幼, 因為課程點都唔及SC/KV深~
至於3年後又嚟玩過呢個遊戲, 對我個人嚟講, 除咗係辛苦d之外, 無乜太大問題, 所以, 我跟本連一間有龍KG都無報! 只要你清楚自然要乜, 方向係點, 就唔會迷失! 就好似.. 呢兩年都聽過有人放棄YW offer, 去抽LS 一樣! 有得,自然有機會失~ 但係試都唔試過嘅, 你怕唔怕後悔先? 定係, 你覺得一鳥在手更勝百鳥在林?

作者: PotterLai 時間: 10-12-14 23:22

反復比較後，我傾向讓小兒玩大抽獎，時來運到的話進入同網的津小就讀；另一方面，這三年打好基礎，準備報考直資/私校。

我其實認同IB的教學方法，但我恐怕小兒在啟思三年後再轉傳統小學，先甜後苦，影響後運。目前看來只得放棄一途（雖然我已交留位費）。說到這裏，我大概已有眉目，希望我倆開完家庭會議後，能作出結論。

其實小孩還小，各方面尚待發展，但現實必須家長現在為子女作出長遠規劃，這運氣成分是否太重了？

恐龍媽，謝謝你的詳盡分析。如無記錯，恐龍仔是KM人？

原帖由 kerkermui 於 10-12-14 12:09 發表
樓主, 你好似未諗定自已想要乜喎~ 定係太多選擇, 所以反而轉緊牛角尖?
希望以下問題可是幫到你:
你兩公婆有無舊生分? 小朋友有無宗教分?
--> 無? 第一round 無你份喎

有無心儀嘅官津校? 係咪同網?
--> 係嘅, 可以 ...

作者: w_y 時間: 10-12-15 00:07

siulili

////////
另名校女生反思一文, 不是 marymount 哦~~ marymount 是津貼學校.
////////
最好笑係提到有人 "終於有間唔收", 又一位 offer collector!
///////
不過我覺得樓主揀下問下人, 睇下佢地D 功課再決定係好, 如果你由唔同渠道, 得知大部份人都對某學校持相類意見, 其實都幾可信架啦. 至於適唔適合你個小朋友, 無人清楚得過你自己.
3 小時, 返學有咩係屋企俾唔到而間學校俾到? 咁就揀佢啦.

[ 本帖最後由 w_y 於 10-12-15 00:10 編輯 ]

作者: w_y 時間: 10-12-15 00:21

考到直資, 註冊就無得抽獎. 另好多私校知你去大抽獎, 就唔留位俾你架啦.

原帖由 PotterLai 於 10-12-14 23:22 發表
反復比較後，我傾向讓小兒玩大抽獎，時來運到的話進入同網的津小就讀；另一方面，這三年打好基礎，準備報考直資/私校。

作者: 小曳人 時間: 10-12-15 09:59

原帖由 PotterLai 於 10-12-14 23:22 發表
恐龍媽，謝謝你的詳盡分析。如無記錯，恐龍仔是KM人？

駛客氣~
係呀~ 恐龍仔讀緊KM
路係人行出嚟嘅, 你今日揀定咗大方向, 記住唔好再反複再諗, 仲有兩年幾時間, 再留意小朋友發展, 再決定第時報咩小學囉!
其實我自己都鍾意IS, 只可惜貴得嚟又少小學做到, 我都怕適應上有問題, 唔敢試呀~ :loveliness:

作者: brrbaby2007 時間: 10-12-15 10:25

原帖由 w_y 於 10-12-15 00:07 發表
siulili

////////
另名校女生反思一文, 不是 marymount 哦~~ marymount 是津貼學校.
////////
最好笑係提到有人 "終於有間唔收", 又一位 offer collector!
///////
不過我覺得樓主揀下問下人, ...

你都留意到？人就係自私同要威，攞晒d offers証明自己小朋友叻叻，攞唔到就係o甘鬧

作者: B.B.BaBa 時間: 10-12-15 10:57

刨番第一版的帖，LS, DBS 先至係樓主的 target，相信樓主會不甘於入讀民生小學呢個 level 的小學吧。讀民幼去考直資私小，其實應該會有少少蝕章的，學術水平固然係爭 d d，最大問題係人家會認為你升民小的機會甚大，可能會偏向不給你 offer。

其實你的 target 係最 top 的學校，你可以試下俾佢讀 sc，再加上由而家開始加重彈藥裝備下佢，明年試下報考 cckg

作者: B.B.BaBa 時間: 10-12-15 11:02

原帖由 brrbaby2007 於 10-12-15 10:25 發表

你都留意到？人就係自私同要威，攞晒d offers証明自己小朋友叻叻，攞唔到就係o甘鬧

我覺得舊年無鬧得咁勁，今年 d 人真係狂鬧 d 學校.....
一 in 完就開始勁鬧，未收到信又狂鬧一餐，收到 reject letter 就喪鬧

作者: elmolly 時間: 10-12-15 11:27

原帖由 B.B.BaBa 於 10-12-15 11:02 發表

我覺得舊年無鬧得咁勁，今年 d 人真係狂鬧 d 學校.....
一 in 完就開始勁鬧，未收到信又狂鬧一餐，收到 reject letter 就喪鬧

非常同意, 我睇左呢到兩年, 未試過見到d家長好似今年咁. 安排唔好係錯, 有關係又係錯, 好似學校欠左佢地咁. 人地收你$30, 係去process你既application, 而唔係提供五星級酒店服務, 而家係你去求學校收你小朋友, 唔係好似出面d playgroup咁免費試堂"ai"你join佢. 見某間學校, 出晒offer letter先出reject letter, 學校既practise係咁, 都要比人鬧, 真係唔知咩世界

作者: brrbaby2007 時間: 10-12-15 11:50

原帖由 elmolly 於 10-12-15 11:27 發表

非常同意, 我睇左呢到兩年, 未試過見到d家長好似今年咁. 安排唔好係錯, 有關係又係錯, 好似學校欠左佢地咁. 人地收你$30, 係去process你既application, 而唔係提供五星級酒店服務, 而家係你去求學校收你小朋友, 唔 ...

講真，真係好多人爭，個個都好醋，包括我，有one dragon要好好珍惜，唔好o甘傻以為自己個b好sharp第日sure win！

作者: loklok0104 時間: 10-12-15 12:03

原帖由 siulili 於 10-12-7 09:48 發表
樓主

其實你呢個題目，有樣嘢我一直都想講，但又怕比人XX，所以忍到而家，見你哋係咁比較D幼稚園，其實我想問，有邊位比左意見的家長係完全理解咁多間幼稚園的運作，而又有親身體驗咁多間幼稚園的教學模式呢？我估大部份都係估 ...

Siulili,

謝謝你既分享!

睇到你既post令一D迷失方向既父母, 包括自己, 得以反醒, 當初自己既理念都係認為KG階段係比小朋友發展社交能力，發展個性，建立正確價值觀才最重要, 但人往往俾現今社會壓迫至迷失方向, 迷失自己!

作者: lyhv 時間: 10-12-15 12:36

原帖由 elmolly 於 10-12-15 11:27 發表

真係唔知咩世界 ...

超同意, 依七個字都浮現左喺我腦海好耐啦~~~haha

作者: elmolly 時間: 10-12-15 12:42

原帖由 brrbaby2007 於 10-12-15 11:50 發表

講真，真係好多人爭，個個都好醋，包括我，有one dragon要好好珍惜，唔好o甘傻以為自己個b好sharp第日sure win！

係呀, 大家都target果堆學校, 學位係咁多, 人就越黎越多. 可能大家都太寶貝自己個小朋友, 覺得佢地好叻, deserve最top果d學校. 唔係唔叻, 只係山外有山, 人外有人...
好似我地祖國咁, 12憶人, 奇人何其多!

作者: 小曳人 時間: 10-12-15 12:44

舊年淨係聽見人鬧某某學校面試安排唔好 (收都唔去讀云云~)
同埋收到咁多報名費好發財之類~

精力時間~ 應該用响d有建設性d嘅嘢度啦..

作者: elmolly 時間: 10-12-15 13:08

原帖由 小曳人 於 10-12-7 06:31 發表

1. SC > KM > KV (其實好睇你報咩學校)
2. 好難排喎..
中文: KV>KM >SC
英文: (SC~stafford)>KM>KV (KV只係oral english較弱)
數學; (KV~KM)>SC
(我對stafford嘅認識只限於佢英文強)
3. SC=KV, KM 學生較少 ...

而家先睇到你又quote我野, 下次有野唔話比你知

阿校長係話KM既課程好過晒SC同KV呀

作者: w_y 時間: 10-12-15 13:43

我都睇左咁多年, 今年鬧學校鬧到無晒理智, 鬧到失晒儀態, 既然係咁醒, 一早應該收到風, 唔好晨咁早走去報啦. 咩拉關係, 面試安排差呢D 就年年有.
我最同意係: 唔好以為目標定得高就爬得到咁高, 做FT-MOM 咁多年, 走盡各機構PG/興趣班比賽一大堆, 我見盡多少呢類家長, 名校幼稚園, 機關算盡, 孩子勁谷, 真係好有條件, 但都無用, 佢地可能果期行衰運, 結果最後都係得個桔. 其實, 幼稚園幫到你真係無大家想像咁多.

作者: elmolly 時間: 10-12-15 13:46

原帖由 w_y 於 10-12-15 13:43 發表
我都睇左咁多年, 今年鬧學校鬧到無晒理智, 鬧到失晒儀態, 既然係咁醒, 一早應該收到風, 唔好晨咁早走去報啦. 咩拉關係, 面試安排差呢D 就年年有.
我最同意係: 唔好以為目標定得高就爬得到咁高, 做FT-MOM 咁多年, 走 ...

我記得你大女今年考小一? 你自行得唔得?

作者: w_y 時間: 10-12-15 13:51

大女自行都攪掂左. 細仔, 我心頭唔高, 所以手上的 OFFER 已心滿意足了.

原帖由 elmolly 於 10-12-15 13:46 發表

我記得你大女今年考小一? 你自行得唔得?

作者: elmolly 時間: 10-12-15 14:12

原帖由 w_y 於 10-12-15 13:51 發表
大女自行都攪掂左. 細仔, 我心頭唔高, 所以手上的 OFFER 已心滿意足了.

恭喜晒

係咪聖X? 請問知唔知今年20分收唔收得晒?

作者: w_y 時間: 10-12-15 14:37

Check PM, please.

作者: Christi 時間: 10-12-16 00:25

山外有山,人外有人.升學鋪路能機關算盡嗎?會唔會係機關>>其實係算之不盡?

原帖由 elmolly 於 10-12-15 12:42 發表

係呀, 大家都target果堆學校, 學位係咁多, 人就越黎越多. 可能大家都太寶貝自己個小朋友, 覺得佢地好叻, deserve最top果d學校. 唔係唔叻, 只係山外有山, 人外有人...
好似我地祖國咁, 12憶人, 奇人何其多! ...

作者: 小曳人 時間: 10-12-16 09:30

原帖由 Christi 於 10-12-16 00:25 發表

山外有山,人外有人.升學鋪路能機關算盡嗎?會唔會係機關>>其實係算之不盡?

hmm.. 咁睇吓你算得有幾周詳喇
唔去報一間"必收"嘅學校, 報親都係地區熱門同名校, 以為報多幾間就等於總有一間收嘅..
現實可能係叫人失望嘅

作者: snakesnake 時間: 10-12-16 09:40

原帖由 w_y 於 10-12-15 13:43 發表
我都睇左咁多年, 今年鬧學校鬧到無晒理智, 鬧到失晒儀態, 既然係咁醒, 一早應該收到風, 唔好晨咁早走去報啦. 咩拉關係, 面試安排差呢D 就年年有.
我最同意係: 唔好以為目標定得高就爬得到咁高, 做FT-MOM 咁多年, 走 ...

"幼稚園幫到你真係無大家想像咁多"
agree with u,

睇黎鬧劇情況之後都會出現，出生率高ma~~~~~~~~

[ 本帖最後由 snakesnake 於 10-12-16 09:45 編輯 ]

作者: bluebluesky 時間: 10-12-16 10:42

十分同意...我都係報了兩間屋村學校(am offers), 也報了幾間熱門學校,熱門學校冇offer, 只有waiting..
我現在都以平常心去看, 有就開心, 冇都有offer,
天父自然會安排的

原帖由 小曳人 於 10-12-16 09:30 發表

hmm.. 咁睇吓你算得有幾周詳喇
唔去報一間"必收"嘅學校, 報親都係地區熱門同名校, 以為報多幾間就等於總有一間收嘅..
現實可能係叫人失望嘅

作者: cycream 時間: 10-12-16 11:56

唔好意思,我都想問一問我個仔情況. 阿細08年10月細b, 原先11月係屋村kg讀緊n1, 10月底時km called, 問12月1日可以返am 班,讀唔讀, 屋村vs km就當然讀! 而加剛剛係km返咗半個月. 老師話要過一排先會做評估再決定有無k1 offer. 不過阿仔考sc, am英普收咗, 所以都唔太care.

我阿仔都幾active,唔係坐定定果d, 我見佢km d同學仔有好多都係坐定定,阿仔玩時好投入好多reaction, 我見佢d同學仔就比較多靜靜地乖乖, 我唔知km係咪比較鍾意呢種小朋友? 佢專注力好似低d(老師都係咁講),唔知第時有功課做佢會唔會唔鍾意? 而加km有d親子功課,佢都係唔會坐定定油公仔, 我唔知係佢細個唔專注,定係佢比起其他小朋友無咁專注? 因為km而加班中最細係佢, 我就compare我d朋友既小朋友細過佢都可以專心過佢, 佢呢樣野係唔係問題? 駛唔駛train up?

以阿仔性格, sc係咪適合佢多d? 我而加其實未鎖定阿仔升小學方向, 因為我想再睇下阿仔性格發展, 學習進度再決定, 所以我只係想搵間好d既kg, 佢可以開心返學. 而加佢返km都好開心, 日日返屋企都唱晒歌,問佢鍾唔鍾意返學,佢都話鍾意.

我就覺得以阿仔性格,太谷kg好似唔啱佢, 因為我怕阿仔唔開心返學, 咁學校點好都無用, 我唔知我呢個想法啱唔啱? 其實而加sc有offer, km都未有, 不過我想請教大家, 係咪阿仔讀sc好d, if not, 我就諗下要唔要去km求k1位? thks!

作者: bb0322 時間: 10-12-16 13:30

响呢度學到好多野，多謝咁多位爸爸媽媽的意見！

作者: 小曳人 時間: 10-12-16 14:22

原帖由 cycream 於 10-12-16 11:56 發表
唔好意思,我都想問一問我個仔情況. 阿細08年10月細b, 原先11月係屋村kg讀緊n1, 10月底時km called, 問12月1日可以返am 班,讀唔讀, 屋村vs km就當然讀! 而加剛剛係km返咗半個月. 老師話要過一排先會做評估再決定有無k1 offer. 不過阿仔考sc, am英普收咗, 所以都唔太care.

我阿仔都幾active,唔係坐定定果d, 我見佢km d同學仔有好多都係坐定定,阿仔玩時好投入好多reaction, 我見佢d同學仔就比較多靜靜地乖乖, 我唔知km係咪比較鍾意呢種小朋友? 佢專注力好似低d(老師都係咁講),唔知第時有功課做佢會唔會唔鍾意? 而加km有d親子功課,佢都係唔會坐定定油公仔, 我唔知係佢細個唔專注,定係佢比起其他小朋友無咁專注? 因為km而加班中最細係佢, 我就compare我d朋友既小朋友細過佢都可以專心過佢, 佢呢樣野係唔係問題? 駛唔駛train up?

以阿仔性格, sc係咪適合佢多d? 我而加其實未鎖定阿仔升小學方向, 因為我想再睇下阿仔性格發展, 學習進度再決定, 所以我只係想搵間好d既kg, 佢可以開心返學. 而加佢返km都好開心, 日日返屋企都唱晒歌,問佢鍾唔鍾意返學,佢都話鍾意.

我就覺得以阿仔性格,太谷kg好似唔啱佢, 因為我怕阿仔唔開心返學, 咁學校點好都無用, 我唔知我呢個想法啱唔啱? 其實而加sc有offer, km都未有, 不過我想請教大家, 係咪阿仔讀sc好d, if not, 我就諗下要唔要去km求k1位? thks!

你個小朋友一定面試時表現非常出色喇!!!
我唔太清楚KM鍾意邊d小朋友, 有人話鍾意自理能力好嘅, 我覺得喊就c硬, 你講專注力問題, 我只能夠講: 我個仔都唔鍾意油顏色! 每個星期嗰版顏色都要同佢c過先做.. 但係其他嗰3版就只需一分鐘就完成哂! 老師都評佢專注力唔高, 但係了解佢嘅老師就話無辦法, 佢用2-3分鐘已經明哂老師要用10分鐘講嘅嘢, 坐唔定係必然~ 我地好好彩, 遇到個好好嘅N班老師
至於你話轉唔轉校, 我覺得睇定d先~ 雖然話KM"谷", 但係小朋友咁細係唔受"谷"架, 學校有辦法教咁深而小朋友又吸到先係勁嘛! SC當然係好嘅選擇啦, 但係我比較"保守", 我唔想改變小朋友作息習慣, SC始終有1年要返pm.. 而且轉變新環境點都有少少影響.. 我地因果打算報CCKG, 更加唔想1年轉一次學校 (不過你個小朋友似乎好快適應新環境咁喎.. ) 所以.. 基於兩間都好, 唔想小朋友轉嚟轉去, 又諗唔到SC仲有其他附加優點 (對我地嚟講), 所以最後留低
其實仲有好多嘢要諗, e.g. 比較課程等~ 呢d嘢, 外人幫唔到你

作者: cycream 時間: 10-12-16 15:50

原帖由 小曳人 於 10-12-16 14:22 發表

你個小朋友一定面試時表現非常出色喇!!!
我唔太清楚KM鍾意邊d小朋友, 有人話鍾意自理能力好嘅, 我覺得喊就c硬, 你講專注力問題, 我只能夠講: 我個仔都唔鍾意油顏色! 每個星期嗰版顏色都要同佢c過先做.. 但係其他嗰3 ...

小曳人,多謝你既回覆! 我仔仔interview時唔係非常出色,不過佢係表現到好投入同好happy! 我係其他post見到你,知道你個仔讀km,都知道你個仔唔係定定乖乖個種,我個仔相似(哈哈),佢都係油顏色果版就要捉實佢,其他3版就好快完成! 坦白講,我都係見到你寫km好,心郁郁轉唔轉. 而且讀咗半個月,感覺真係幾好. 阿仔雖然傻下傻下唔識講學校d野,不過見佢真係好開心, 會無啦啦唱學校d歌仔. 我都信km係一間好kg. 咁sc我就留咗位, 等km遲d有無offer k1先再決定, 呢段時間等我再了解下km 先!

作者: 小曳人 時間: 10-12-16 16:25

原帖由 cycream 於 10-12-16 15:50 發表

小曳人,多謝你既回覆! 我仔仔interview時唔係非常出色,不過佢係表現到好投入同好happy! 我係其他post見到你,知道你個仔讀km,都知道你個仔唔係定定乖乖個種,我個仔相似(哈哈),佢都係油顏色果版就要捉實佢,其他3版就 ...

唔好客氣!

我覺得你e+幾好呀~ 可以睇定d先算, 鍾意就留低 (放心~ 機會應該好大) 唔鍾意又有後着喎~ 無損失呀!
記得得閒打去問吓老師, update吓小朋友嘅情況呀!

作者: cycream 時間: 10-12-16 16:33

原帖由 小曳人 於 10-12-16 16:25 發表

唔好客氣!
我覺得你e+幾好呀~ 可以睇定d先算, 鍾意就留低 (放心~ 機會應該好大) 唔鍾意又有後着喎~ 無損失呀!
記得得閒打去問吓老師, update吓小朋友嘅情況呀! ...

我都知細仔黎講佢係好好彩! 有好多朋友都考唔到SC/KV等,仲係讀緊屋村N1,等緊K1 waiting. 我有自己搵老師update呀! 如果有km問題, 我會再問你, 希望你唔介意! :)

作者: joyjoy815 時間: 10-12-16 22:24

原帖由 w_y 於 10-12-15 13:43 發表
我都睇左咁多年, 今年鬧學校鬧到無晒理智, 鬧到失晒儀態, 既然係咁醒, 一早應該收到風, 唔好晨咁早走去報啦. 咩拉關係, 面試安排差呢D 就年年有.
我最同意係: 唔好以為目標定得高就爬得到咁高, 做FT-MOM 咁多年, 走 ...

我好相信..就算有早知...大家都係會照報...但係 in 完又會照鬧........諗住學校收得我個 $30 .... 就一定要服務周到....老師係教學...專長未必係做 admin.....就算我呢D做服務性行業既..你叫我幾個鐘 keep 住笑容滿面, 我都未必做得到...有時做人永遠係用自己把尺去量度別人.....唉......

作者: joyjoy815 時間: 10-12-16 22:27

原帖由 w_y 於 10-12-15 13:51 發表
大女自行都攪掂左. 細仔, 我心頭唔高, 所以手上的 OFFER 已心滿意足了.

手上的 OFFER 已心滿意足了.....知足常樂...

咁你細仔結果有茅 register 全日班?

作者: joyjoy815 時間: 10-12-16 22:30

原帖由 小曳人 於 10-12-16 14:22 發表

你個小朋友一定面試時表現非常出色喇!!!
我唔太清楚KM鍾意邊d小朋友, 有人話鍾意自理能力好嘅, 我覺得喊就c硬, 你講專注力問題, 我只能夠講: 我個仔都唔鍾意油顏色! 每個星期嗰版顏色都要同佢c過先做.. 但係其他嗰3 ...

哦...咁 KM 係咪 PN 已經有功課喇。？　
同埋。。恐龍媽。。想問 KM 有茅校車／保母車過香港。。？？　

歡迎光臨教育王國 (/)