教育王國

標題: 請幫下我...唔該 [打印本頁]

作者: TOTO0925 時間: 10-12-2 00:56 標題: 請幫下我...唔該

本人的仔仔剛4歲多, 被學校話佢手腳不協調, 但又沒有好仔細咁話我哋知到底仔仔喺咩事, 搞到我一頭霧水, 其實學校好早已話仔仔的寫字能力不高, 好早已話要轉介去學校提供的職業治療師那裡, 只是遲遲都安排不到, 所以我向仔仔4歲返健康院時, 便順便話仔仔有問題, 希望可以見醫生, 最後醫生都轉介咗仔仔去尤德夫人那邊做評估, 與此同時, 學校那邊剛好安排到職業治療師提供一些運動治療, 但其實點解要咁做我都唔知, 完成後剛好尤德那邊到期去見姑娘, 就喺咁做咗個好簡單的問卷, 之後話要等6-9個月先可以去做評估, 但又喺一樣沒說我仔是咩問題。
到這幾天我問咗幾個人之後, 先知我仔應該喺要做感統方面的評估, 因為之前學校的治療運動, 全都是感統的動作, 但其實我真的一無所知, 我不知仔仔的情況是否很嚴重, 又不知道這些問題對他是否有很大的傷害, 請各位有經驗的媽媽解答一下, 起碼讓我可以安心些。
我有以下的疑問:-
1-咩喺感統有問題, 此問題會影響d咩嘢, 真的會影響寫字? 那還有其他嗎?
2-咩是CAC?
3-咩是排位, 我見好多媽媽都寫話要排咩隊, 又話邊條隊長, 咩是e/i/s?
4-我可以有咩幫到佢? 喺咪繼續做之前學校的職業治療師教的感統運動? 是否真的對他有幫助?
5-如依家多帶仔仔去做運動, 例如爬架, 會有幫助嗎?
6-咩是ADHD?
請幫忙解答一下我這個無助的媽媽, 謝謝!

[ 本帖最後由 TOTO0925 於 10-12-2 00:58 編輯 ]

作者: scholar 時間: 10-12-2 15:31

1) 感覺統合是近年的理論, 是指人有視覺、聽覺、觸覺、前庭平衡感及關節感等五種基本知覺系統(感統不包括味覺).
當腦部接收到這些感覺訊息,卻未能作出合適的反應,就是感統失調。
2) CAC(Child Assessment Centre) 兒童體能智力測驗中心
3)排位,如醫生評估後覺得兒童需要安排特別服務,就會轉介給社會福利署排位, 分為i位(入讀有兼收服務的幼稚園), e位(早期訓練,需要家長陪同上課)及s位(入讀特殊學校).詳情可在此版找找.
4)yes.你囝囝情況可多練習大小肌肉.多去公園玩.多d跳.
5)同上.
6)ADHD = 專注不足/過度活躍症
你不會無助啦.已有很多人在幫你.

[ 本帖最後由 scholar 於 10-12-2 15:38 編輯 ]

作者: pattsui11@yahoo 時間: 10-12-2 18:53

亞仔現在讀什麼學校，有職業治療師？會不會是i位呢？

原帖由 TOTO0925 於 10-12-2 00:56 發表
本人的仔仔剛4歲多, 被學校話佢手腳不協調, 但又沒有好仔細咁話我哋知到底仔仔喺咩事, 搞到我一頭霧水, 其實學校好早已話仔仔的寫字能力不高, 好早已話要轉介去學校提供的職業治療師那裡, 只是遲遲都安排不到, 所以 ...

作者: angels'mom 時間: 10-12-2 20:14

假如你將兒子的問題寫出來，我相信有很多過來人可以提供意見。

作者: pocoyo123 時間: 10-12-4 00:42

手腳不協調, 即是亞仔有些動作比同齡小朋友差, 爬高爬低, 跑步, 單腳跳, 左手拍右腳..........等等,寫字能力不高就係小肌問題, 即係手指唔夠力, 控筆差,有些小朋友會有埋空間感差, 這些就會令佢寫字能力差,大肌可做物理治療, 小肌做職業治療, 我相信感統只係針對行為問題, 對小朋友大小肌幫助不大quote]原帖由 TOTO0925 於 10-12-2 00:56 發表

本人的仔仔剛4歲多, 被學校話佢手腳不協調, 但又沒有好仔細咁話我哋知到底仔仔喺咩事, 搞到我一頭霧水, 其實學校好早已話仔仔的寫字能力不高, 好早已話要轉介去學校提供的職業治療師那裡, 只是遲遲都安排不到, 所以 ... [/quote]

作者: TOTO0925 時間: 10-12-14 17:47

謝謝各位提供的意見!

仔仔的學校是有兼收服務的, 可能因為咁, 所以當學校見佢寫字出問題後, 就可以即安排到職業治療, 而且仲唔洗錢, 雖然只得4堂, 但已好好, 至少我知道仔仔有這方面問題, 至少有人幫過佢。

我最近剛買咗個FIT BALL, 依家學著繼續做之前治療師的運動, 同埋買咗架大仔單車比佢, 依家每晚都同佢去公園踩同埋要佢高攀爬, 希望對佢有幫助啦!

[ 本帖最後由 TOTO0925 於 10-12-14 17:48 編輯 ]

歡迎光臨教育王國 (/)