教育王國

標題: 今晚我跟班主任坳完. [打印本頁]

作者: phoebepanpan 時間: 10-11-30 23:37 標題: 今晚我跟班主任坳完.

今晚我跟班主任坳完.
老師話我仔今日默完書, 未收薄, 薄亦係打開.
阿仔就心急拎本書來睇. 想睇下自己默錯D 咩.
因為我要佢合格, 12月又冇比老師扣分, 我就送禮物比佢.

就係咁全班都"哦...哦"
班主任捉佢訓話,  但冇扣分
頭先打來話我知. 話佢都好難做唔扣佢分, 又怕同學話不公平.
扣佢分, 又怕傷害佢, 因扣夠分數要記缺默.(佢已經所剩無多幾)

我同佢坳原因係,  唔係讚成阿仔冇做錯,  阿仔係唔岩, 如公開試分數更會取消.
但老師跟本唔明A仔既"衝動蟲"幾時發作,  跟本唔可以用常理去評論 , 我仔食左年幾藥, 今個SUMMER 開始停, 醫生都好鼓勵

老師話::: 我問XX 你做咩, 係度發夢唸緊咩, 小五都唔知未收薄唔可以拎書出來.
教左 XX一年幾, 從來未發生過今日既問題. XX 一定個心唔知去左邊.

我忘記講句:  從來未發生過不等如一世都唔會發生.
愛心爆棚既學校....我真係好想同你...

原來想轉校比想轉工難100倍

[ 本帖最後由 phoebepanpan 於 10-11-30 23:44 編輯 ]

作者: abcbb 時間: 10-12-9 17:21

Shared the same feeling with you. I also want to change school for my son but his school gave him "C-" as conduct mark!! How can we find a new school??

作者: masterunion 時間: 10-12-10 14:38

我有一樣既問題, 個訓導提我個仔話佢百厭....要我地7:15返學校見佢, 又話想記佢小過. 我地同佢講番... 到最後佢話佢唔知個仔要食藥, 小朋友依家仲係試緊藥, 我次次都有同班主任傾, 因為要知效果再同醫生講. 我真係火, 你一句唔知就得. 校長, 社工, 班老師知, 佢地唔係要溝通咩. 如果個個老師把尺都唔同, 我點同個仔講.....
今日我主動要求要見校長...... 一係一次過傾掂佢, 我唔想個仔成日有d 老師捉佢依樣捉佢果樣.

作者: phoebepanpan 時間: 10-12-11 22:13

多謝你地回應, 有咁多人睇過依篇野, 但冇咩人回應, 我仲諗住係咪我太主觀, 偏幫阿仔.

早兩日主科其中一個比較嚴既老師又扣阿仔分, (欠兩分就要記缺點, 早前欠交功課夠數已記一個), 今次扣分係因為阿仔趕坐校車, 誇過張椅, 老師認為危險就要扣佢分, 又話: 我費是同你講咁多, 拎手冊扣分.

依個老師好有經驗(4X歲) ,  D 學行比佢扣分扣到怕, 功課改錯左都扣分.  連最乖的都被扣分.
當晚阿仔話我知又被扣分,  講事緣我知,  我心中已好激氣,  駛唔駛下下扣分.  我仔講到喊.
亦因為依個老師成日扣分. 十月份阿仔自己話要食返藥..叫我地唔好阻止佢, 因為佢怕扣到記過. 影響升中面試.
你話做父母點會唔傷心?

終於THU 我SEND EMAIL 問老師佢知唔知我仔係ADHD ,  又問佢意見我地係咪要比返藥佢食. 等老師們少D 困擾
回覆係…以上問題冇回應過. 只係話扣分係我仔態度唔好… 簡直前言不對後語.

我知阿仔係有好多問題, 但係佢已改善好多. 點解下下都要扣分, 唔通想迫到佢放棄自己?
佢都話比老師罵 & 罰到慣了. 沒太大感覺

[ 本帖最後由 phoebepanpan 於 10-12-11 22:18 編輯 ]

作者: phoebepanpan 時間: 10-12-11 22:26

(網絡上流已傳多年的文章---感慨良多 )

只有你能欣賞我

第一次參加家長會 , 幼兒園的老師說：「你的兒子有多動症，在板凳上連三分鐘都座不了，你最好帶他去醫院看一看。」回家的路上，兒子問她老師都說了些甚麼，她鼻子一酸，差點流下淚來。因為全班30位小朋友，惟有他表現最差；惟有對他 , 老師表現出不屑。然而她還是告訴她的兒子：「老師表揚你了，說寶寶原來在板凳上坐不了一分鐘，現在能坐三分鐘了。其他的媽媽都非常羨慕媽媽，因為全班只有寶寶進步了。」那天晚上，她兒子破天荒吃了兩碗米飯，並且沒讓她喂。

兒子上小學了。家長會上，老師說：「全班50名同學，這次數學考試，你兒子排第40名，我們懷疑他智力上有些障礙，您最好能帶他去醫院查一查。」回去的路上，她流下了淚。然而，當她回到家裡，卻對坐在桌前的兒子說：「老師對你充滿信心。他說了，你並不是個笨孩子，只要能細心些，會超過你的同桌，這次你的同桌排在21名。」說這話時，她發現兒子黯淡的眼神一下子充滿了光，沮喪的臉也一下子舒展開來。她甚至發現，兒子溫順得讓她吃驚，好像長大了許多。第二天上學時，去得比平時都要早。

孩子上了初中，又一次家長會。她坐在兒子的座位上，等著老師點她兒子的名字，因為每次家長會，她兒子的名字在差學生的行列中總是被點到。然而，這次卻出乎她的預料，直到結束，都沒聽到。她有些不習慣。臨別，去問老師, 老師告訴她：「按你兒子現在的成績，考重點高中有點危險。」她懷著驚喜的心情走出校門，此時她發現兒子在等她。路上她扶著兒子的肩，心裡有一種說不出的甜蜜，她告訴兒子：「班主任對你非常滿意，他說了，只要你努力，很有希望考上重點高中。」

高中畢業了，第一批大學錄取通知書下達時，學校打電話讓她兒子到學校去一趟。她有一種預感，她兒子被清華錄取了，因為在報考時，她給兒子說過，她相信他能考取這所學校。他兒子從學校回來，把一封印有清華大學招生辦公室的特快專遞交到她的手，突然轉身跑到自己的房間裡大哭起來。邊哭邊說：「媽媽，我知道我不是個聰明的孩子，可是,這個世界上只有你能欣賞我……」這時，她悲喜交加，再也按捺不住十幾年來凝聚在心中的淚水，任它灑在手中的信封上。

一句鼓勵的話可改變一個人的觀念與行為甚至改變一個人的命運!

一句負面的話可剌傷一個人的心靈與身體甚至毀滅一個人的未來!

作者: BeBe媽媽 時間: 10-12-12 01:56

老師跟本唔明白,唔了解...亦都無打算了解啦!
等於我仔而家間幼稚園,個班主任話:自閉証係唔會同人玩架! 唉...呢間係I位學校,不過班主任唔係兼收老師.

作者: someoneelse 時間: 10-12-12 12:29

樓主，我想大家都好明白你既問題及處境....只係根本無解決方法，所以咁耐以黎，回覆的人數很少...
囝囝無絕對的錯，但學校也沒有....遊戲規則是這樣的了，要參與的人仕，請先準備好，並按規則進行比賽....說穿了是很殘酷的，但人家有人家的規則....文中看不出學校/老師有特別針對你孩子之行徑或意圖，所以只可說囝囝不適合於該校就讀....
沒有解決方法了...已經是小五...聽說是什麼呈分試的階段，學校嚴厲些或要求高點也算正常吧....
明白樓主既心情...依家最可行既方法，便是再加緊訓練囝囝，如有需要，請另找專業導師介入輔導...務求以最快/最有效的幫忙囝囝改善問題....
有經驗的家長們/導師們，請留言給樓主吧！！

作者: phoebepanpan 時間: 10-12-12 13:33 標題: 回復 7# someoneelse 的帖子

"遊戲規則是這樣的了" 做人亦然, 我當然明白, 問題係, 我絕對懷疑老師係唔知我仔係ADHD, 如果知, 教導方法一定係唔同.
因為之前有個訓導主任已經係咁同我講過.
我唔係想話拎ADHD 做擋箭牌, 小朋友做得唔岩係要罰, 但如果該方法一次小朋友唔聽, 二次小朋友都未改好, 咁試多一次, 再係未改好, 係咪要考慮下依個方法唔掂, 係咪要改下另一個方法去教呢?

作者: BeBe媽媽 時間: 10-12-12 14:06

其實好多人都唔了解.好似有D家長當初唔知道小朋友有呢個問題,咁就會唔識處,唔識教,又以為小朋友特別頑皮,等等....
到了解左小朋友有呢個問題後,就會容易明白,無咁激氣.....
不過,第時入社會可能會面對更多問題...但不能期望人地改變自己吧! .... 聽人講ADHD既人,愈大個愈變得成熟,咁到時就會容易自我控制.....

作者: phoebepanpan 時間: 10-12-12 14:12 標題: 回復 9# BeBe媽媽的帖子

講得冇錯, 我個仔而家比之前識得控制自己, 有時亦識考慮別人感受, 我諗依d 改變除左training 有幫助, 亦係佢長大的一個好開始.
有時返工見到d 年青同事, 做事求求其其只顧自己, 踩低人抬高自己, 又或者去領功. 依d 大人野我都會同阿仔分享, 剛才睇完魔幻王國, 當中亦有好多人生道理, 我唔理阿仔明唔明, 我都會同佢傾下講下, 正所謂潛移默化
大家努力.

[ 本帖最後由 phoebepanpan 於 10-12-12 14:16 編輯 ]

作者: someoneelse 時間: 10-12-12 15:38 標題: 回復 3# phoebepanpan 的帖子

還不明白嗎？囝囝學校不會為孩子度身訂造一個教育課程，不只對你孩子，其他的也一樣，所以你都話連乖的也曾被扣分...如果你是乖的那位家長，會否投訴學校怎不體諒只是偶爾/不小心犯錯的孩子？！
一句講哂，流水作業式的大量生產同一種孩子是現今大多數學校的主旨！

作者: phoebepanpan 時間: 10-12-12 18:11 標題: 回復 11# someoneelse 的帖子

明白, 多謝教導

歡迎光臨教育王國 (/)