教育王國

標題: 學琴 [打印本頁]

作者: leungfan 時間: 10-11-30 11:21 標題: 學琴

我個仔4.5yrs由7月現在開始學琴,請問何時要買琴又可唔可以買電子琴呢?

作者: bebebe12345 時間: 10-11-30 11:29

未想買,不妨考慮租。
電子琴可免則免。

作者: floraaa1012 時間: 10-11-30 11:43

電子琴同鋼琴係完全唔同的。鋼琴係木造的，所以彈奏落去時，音色既深度同圓滑度係電子琴做唔到的。學習彈琴其實除左學認音同拍子，都要學埋彈奏出優美既音色。

加上電子琴琴鍵較輕，如果彈慣電子琴，到轉鋼琴既時候，孩子就會感到彈奏時手指唔夠力，就會比較辛苦同難習慣。

既然你係諗住買既，不妨考慮買個鋼琴，好過買電子琴，孩子學到咁上下，又要轉過個新琴……

如果覺得新琴貴既，可以考慮二手琴，但我絕對不建議到什麼 XX 鋼琴城……XX 琴倉果o的買，大部分都係大陸翻新琴

作者: leungfan 時間: 10-12-2 11:59

其實想問現在如果不買是否你們同侉去琴行練習,其實4.5學會唔會太細,各位好媽媽又點同佢練習,好似好難咁,請比意見?

作者: ahmiii 時間: 10-12-2 12:19

四歲幾可以開始學，當然要個老師識教小朋友，因為始終有些老師教高級好卻未必懂應乎小朋友。好老師除左琴書，會有其他方法去引導小朋友，如flash card，小遊戲。

我都係鋼琴老師，對幼小學生，其實我會比較喜歡有家長在旁。因為小朋友有時堂上明白，回家玩一兩日就忘了，有個家長督促一下，lesson plan 會順暢點，如果唔係要成日上堂要同學生花時間重新溫書。其實都要視乎老師，有些老師比較抗拒家長在旁，所以是後先問老師。我聽過有d老師如果家長在旁會黑面的。

不過跟跟下個小朋友學琴一兩個月，個小朋友習慣要練琴，有基本understanding就唔好再陪。免得小朋友依賴，無你係身邊就唔學唔練。

作者: CKMimi 時間: 10-12-2 13:17

我都覺得唔好比小朋友用電子琴呀, 我個女就係係屋企用電子琴練習, 但到跟老師學彈鋼琴時就話好難, 又唔肯彈...依家仲無心機彈呀.

作者: floraaa1012 時間: 10-12-2 17:18 標題: 回覆 4# leungfan 的文章

一般4 歲半既學生其實已經比 3 歲或者 3歲半既學生定好多，雖然只係差幾個月，但學習能力同理解能力都大大提高，所以 4 歲半其實係夠大去學鋼琴的。

不過學樓上的朋友所講，真係要睇下老師同小孩溝通既方法係點。始終每個老師既教學方法都唔同，但我唔可以評論佢應唔應付到，只可以話呢個老師用呢種方法，孩子同老師夾唔夾。

有一類小孩無疑係要嚴o的，接受到比較高既挑戰，上堂先會聽話，或者真係 take it serious，而個進度又真係可以快o的的。

但有o的小孩真係要 tum 下讚下玩下……佢反而仲學得好。所以要睇下老師識唔識因應唔同既學生，作出適合佢地既教學方法。就係所謂既因才施教……

不過以我自己既經驗，多數都係鍾意老師 tum 下讚下玩下……但當然唔可以太癲，唔咪變左玩唔咪上堂。

作者: heiB 時間: 10-12-3 10:07 標題: 回覆 5# floraaa1012 的文章

如果不在這些地方買,可以在那裡買呢?有沒有好提議?

作者: floraaa1012 時間: 10-12-3 13:09 標題: 回覆 8# heiB 的文章

買新琴最好去返大行買，例如 TL、Pxxson's，如果係二手琴最好識人介紹……可以問返你的鋼琴老師呢

作者: ohmygosh 時間: 10-12-3 14:25

是小朋友自己很有興趣﹐要求學嗎? 四歲半﹐如果本身的確有興趣﹐性格也是很定﹐而媽咪也有決心陪學﹐陪練的打算的話﹐可以試試﹗否則的話﹐五歲後才開始學也不遲。
另外﹐如果家裡暫時沒有鋼琴的話﹐也要儘量去琴行練﹔別用電子琴去練習﹗否則之後真不知道用幾多努力才能糾正﹐甚至會打擊小朋友的信心和興趣。

原帖由 leungfan 於 10-11-30 11:21 發表
我個仔4.5yrs由7月現在開始學琴,請問何時要買琴又可唔可以買電子琴呢?

作者: leungfan 時間: 10-12-3 14:45

其實真係有d難,因同佢練習都好依靠佢自己,各位媽媽有咩好提意及方法可以幫
小朋友??

作者: lillymarie 時間: 10-12-3 18:38

原帖由 leungfan 於 10-12-3 14:45 發表
其實真係有d難,因同佢練習都好依靠佢自己,各位媽媽有咩好提意及方法可以幫
小朋友??

如果小朋友肯自己練是好事, 家長不能陪練未必是壞事. 我曾被孩子的老師話我幫得佢地太多, 結果佢地非常依賴我, 唔叫唔去練琴, 細仔初初直頭要我話佢知樂譜上既音! 我現在反而要抽身, 刻意唔理佢地. 仲諗若情況無改善, 可能唔再俾佢地學. 因為佢地平時掂都唔掂個琴, 逼先練, 失却哂我讓佢地學樂器的目的.

租琴都係一個好方法. 我有位朋友就係租琴, 佢個仔學到5級就唔學, 我朋友亦由得佢. 還咗部琴, 唔使煩. 電子琴就唔好用啦, 非必要的話, 就算係數碼鋼琴, 彈落手質感完全不同.

歡迎光臨教育王國 (/)