教育王國

標題: 請教九龍禮賢interview的內容/程序 [打印本頁]

作者: minakochoi 時間: 10-11-29 00:39 標題: 請教九龍禮賢interview的內容/程序

請教九龍禮賢interview的內容/程序

作者: maktszching 時間: 10-12-1 16:29

上年班房內有3個老師,大約4-6個小朋友連同1位家長一齊入班房interview,每張枱都會放咗玩具,老師首先會叫家長同小朋玩下玩具,老師們就在旁觀察,然後老師會坐到小朋友旁邊一齊玩,玩嘅當中會問小朋友問題,咩名呀?幾多歲?邊個同你嚟架?平時邊個凑你?你食咗飯未等等? 氣氛好輕鬆,上年因為我個女玩緊個農場仲有間屋仔,所以問咗D動物嘅問題(呢隻係乜動物呀......),屋仔就問咗呢張係乜呀!(答案床)床有乜用架等等….,最後老師攞咗本書同阿女一齊睇,再問圖書中嗰個人係度仲緊乜(食緊嘢、瞓緊覺等等),問題多數問阿女,問我就真係好少,淨係記得問過平時放假會同小朋友去邊度玩多呀!成個過程都安排得很好,响班房門口等咗大約15分鐘,IN咗大約20(每個小朋友IN咗3-5),成個流程45分鐘走得~

作者: MAMAMEEE 時間: 10-12-1 21:57

Thank you!

作者: minakochoi 時間: 10-12-1 22:22

thanks......

作者: iluvchun 時間: 10-12-2 18:24

原帖由 maktszching 於 10-12-1 16:29 發表
上年班房內有3個老師,大約4-6個小朋友連同1位家長一齊入班房interview,每張枱都會放咗玩具,老師首先會叫家長同小朋玩下玩具,老師們就在旁觀察,然後老師會坐到小朋友旁邊一齊玩,玩嘅當中會問小朋友問題,咩名呀?幾多歲 ...

請問最後interview結果如何? 聽過人講九龍禮賢有兩種interview方式

作者: maktszching 時間: 10-12-2 23:31

係咪兩種interview方式,我真係唔知,其實初時只係老公話要考禮賢先至報名(因為佢早兩年前聽過朋友講話德育好好,而且老師好有耐性),未考禮賢之前我個女已有3間收咗,原本我唔想去考(因為肚嗰個随時出世),不過老公好煩,所以去咗考,最後收咗阿女,而家佢讀得好開心,而且改變咗好多壞習慣,所以多得老公嗰D煩功。下個月就考啦,祝你們成功

作者: iluvchun 時間: 10-12-3 11:46

原帖由 maktszching 於 10-12-2 23:31 發表
係咪兩種interview方式,我真係唔知,其實初時只係老公話要考禮賢先至報名(因為佢早兩年前聽過朋友講話德育好好,而且老師好有耐性),未考禮賢之前我個女已有3間收咗,原本我唔想去考(因為肚嗰個随時出世),不過老公好煩, ...

我都係見朋友既仔女讀得開心, 而且好乖好有禮貌, 所以我都係以九龍禮賢為第一志願. 但我知都好多人考, 所以希望我小朋友都有幸讀到啦~
tks for your info~

作者: sthnothing 時間: 10-12-3 17:03

唔知佢地有冇一條龍小學？升小的成績如何？

作者: alicialee1210 時間: 10-12-3 17:26

佢地有小學,不過唔係100%直升,情況同宣幼差唔多.

作者: MAMAMEEE 時間: 10-12-5 00:50

原帖由 alicialee1210 於 10-12-3 17:26 發表
佢地有小學,不過唔係100%直升,情況同宣幼差唔多.

咁即係只有50%左右? 定係有好多學生選擇其他更好的學校呢? 其實就算成功升咗禮小, 但中學又要再煩過喎...

作者: 加菲 時間: 11-1-4 13:30

又一村收了我個女(full day), 但我會in禮賢, 請問如果真係收咗, 你哋會點揀? 因為又一村嘅口碑都唔差

作者: 加菲 時間: 11-1-16 23:40

禮賢面試需要父母一同陪IN嗎?

歡迎光臨教育王國 (/)