教育王國

標題: 如果N1女女很不習慣，學校和家長會點算？ [打印本頁]

作者: Olympics 時間: 10-11-27 21:53 標題: 如果N1女女很不習慣，學校和家長會點算？

我女200811B，即將12月1號要插班返N1，但我覺得她一點都適應不到，沒戒掉尿片，很癡身，成日要我抱，同埋要吃爛飯，仲有她講說話停留在單字，大人不理解她意思就MENG，哭。。。。很多因素都像是不能適應N1。不過我已經交了12月學費，12月一定返。不過我有點打退堂鼓，不知道1月是否還是給她返。因很怕她病（事實上她不經常病），上個月病了一次氣管炎，搞了我10日累死。我在職。我想請問別的嗎咪，
1，有沒有上上下就退學，到了K1先卑她返？
2，如果退學，到K1先返，那我是否要有別的幼稚園backup?因現在12月，可以confirm到只有一間收了我B，明年9月入學。不知道要不要給留位費，1150.
Thank you!

作者: chichibb 時間: 10-11-27 22:37

原帖由 Olympics 於 10-11-27 21:53 發表
我女200811B，即將12月1號要插班返N1，但我覺得她一點都適應不到，沒戒掉尿片，很癡身，成日要我抱，同埋要吃爛飯，仲有她講說話停留在單字，大人不理解她意思就MENG，哭。。。。很多因素都像是不能適應N1。不過我已經交了12月學費，12月 ...

其實佢一日未返學, 你都唔知佢係咪適應唔到.
好似我個囡係10月b, 我因換工人所以10月中就冇做野, 湊左佢一個星期新工人先到, 佢唔多跟新工人, 變得好癡身, 佢個廁所都要跟, 佢都係未戒片, 說話都係停留在單字, 好多時好忟同埋會"作"頭添, 佢11月中開始返學, 初頭三日可以家長陪, 成班只係佢一個唔肯自己坐, 要我抱住佢坐, 又唔肯自己排隊去廁所, 又要我抱佢去, 不過去廁所佢就肯坐(但都唔會痾), 最叻就係跳舞同玩玩具時就自己跟大隊玩. 仲有佢要坐成35-40分鐘校車, 又要食奶咀, 所以到佢自己返學時都諗緊佢會喊幾耐, 但好神奇地佢到今日返學同上校車都冇喊, 仲可以同我揮手, 老師都話佢幾乖, 肯自己坐, 只係有時話佢佢就會喊, 不過都好快收聲, 我睇返學校upload佢返學既相都好開心, 所以真係要返左學先知架

作者: Freesia_cat 時間: 10-11-28 09:42

其實好難估計小朋友究竟要幾耐時間適應返學生活，不過據校長講，小朋友亦有可能喊足3個月才適應，學校老師都理解這種情況會幫小朋友適應，但家長也要配合，要堅持返學，唔可以佢喊扭計就唔返，返學係bye bye就轉身走，唔好站在門口好緊張的樣子。你緊張小朋友亦自然緊張，會令佢更難適應。

放鬆d，佢終有一日係要嘗試獨立，就放手一試吧！

原帖由 Olympics 於 10-11-27 21:53 發表
我女200811B，即將12月1號要插班返N1，但我覺得她一點都適應不到，沒戒掉尿片，很癡身，成日要我抱，同埋要吃爛飯，仲有她講說話停留在單字，大人不理解她意思就MENG，哭。。。。很多因素都像是不能適應N1。不過我已經交了12月學費，12月 ...

歡迎光臨教育王國 (/)