教育王國

標題: 有必要做細b嗎? [打印本頁]

作者: dolphinmama 時間: 10-11-25 11:20 標題: 有必要做細b嗎?

很多父母都想自己的孩子可以在最早階段學習到最多的事物,所以有做"細b"這一回事出現,我見過一位媽媽,她的孩子12月出世的,今年去考k1,當然,我未知道有哪間收她的孩子,但我真的好懷疑那孩子是否可以在明年9月讀到k1,因為孩子現在仍然未能講得出一句清楚的說話,當然,某些單字是令人聽得明白的(我知道很多孩子的說話都只有父母才聽得明白),但站在一個外人的立場,我真的不明白她為何要孩子做"細b",聽到她跟另一位媽媽交談,另一位媽媽都勸她讓孩子遲一年入學,但她的回答是"我和老公都覺得孩子好叻,觀察力強,不想浪費了他......."

我聽到她們的交談,我真的不想加什麼意見,因為眼見她是多麼的欣賞自己的孩子(這當然是好事),但如果是我自已的孩子到接近兩歲仍未會說清楚的發音,我絕不會讓他作如此"挑戰",當然,如果他本身是1-8月出生,是沒有可能讀遲一年又另作別論.

作者: siujanjan 時間: 10-11-25 11:43

我0既睇法係, 返學都係學習同其他小朋友相處, 而家大部份家庭都係得一個小朋友, 與其晌屋企對住個大人, 不如比佢返學, 同其他小朋友玩啦

作者: fleshmoon 時間: 10-11-25 11:49

現在離9月還有9個月, 如有學校收小朋友k1, 返學又何妨呢, 返學後學講野會快好多的.

作者: mokcnine 時間: 10-11-25 11:53

其實如果小朋友係遲說話或理解能力較差，好多幼兒教育工作者都建議小朋友夠兩歲就返幼兒園。因為多點群體生活，接觸多其他小朋友和老師，可以促進言語同理解力。
我囡囡正正係細b，言語同理解都遲，幼潛導師甚至政府評估醫生都叫我俾阿囡快d返N班。

作者: siujanjan 時間: 10-11-25 12:04

原帖由 mokcnine 於 10-11-25 11:53 發表
其實如果小朋友係遲說話或理解能力較差，好多幼兒教育工作者都建議小朋友夠兩歲就返幼兒園。因為多點群體生活，接觸多其他小朋友和老師，可以促進言語同理解力。
我囡囡正正係細b，言語同理解都遲，幼潛導師甚至政府評估醫生都 ...

我囡都係遲講0野, 10月開始返0左Nursery, 而家講0野好0左好多呢

作者: yfchoy 時間: 10-11-25 12:21

其實我一向應為如果媽媽要返工(全職)就最好俾小朋友多些上學習班或nursery。自己放工回家已晚，跟本沒太多時間跟小朋友玩，更可況要敎？
小朋友有群體活動後，跟同輩互相學習，加上老師教導，效果真的很好。但當然如果是全職媽媽另計！可以好好心機跟小朋友溝通教授。
我囡囡都喺細b(11月)，但當佢歲半時已突然說了很多單字(多數喺copy cat)，現在兩歲佢已經可簡單以言語自我表達。我相信這大部份是托兒所的功勞！因為我和老公都在職，很多時只有我和囡囡相處(爸爸放得很晚，通常回家時囡囡已睡)。相信自己所教的不多！所以我相信越早入校越好。

作者: joeywongmy 時間: 10-11-25 12:24

提示: 作者被禁止或刪除內容自動屏蔽

作者: Spot 時間: 10-11-25 12:24

sorry!

[ 本帖最後由 Spot 於 10-11-26 13:38 編輯 ]

作者: davywm 時間: 10-11-25 12:32 標題: 回覆 1# Spot 的文章

agree with Spot. 我個仔係0811細b, 我都幫佢報出年k1, 但若讀得唔理想就會repeat多一年k1

(在所有父母眼中自己o既小朋友永遠都係最叻o既)

作者: bunbuncoco 時間: 10-11-25 12:35

原帖由 Spot 於 10-11-25 12:24 發表
非常同意!!! 我個08年11月B就算語言能力很好/正常! 我都認為他做超大B會比較適合.
其實很多細B不是唔叻! 而BB在0-1歲的階段發展真的差很遠, 就如1月出世的B 到我阿B出世時已識行識走或者識講野, 而自己個B才是初生 ...

你講得好岩呀,有幸BB可以健康成長已經好開心,做大B 細B就要睇佢一路成長可唔可以catch up到.唔得未做大囉,no big deal.

[ 本帖最後由 bunbuncoco 於 10-11-25 15:15 編輯 ]

作者: Spot 時間: 10-11-25 12:46

sorry!

[ 本帖最後由 Spot 於 10-11-26 13:39 編輯 ]

作者: 小克 時間: 10-11-25 13:11

提示: 作者被禁止或刪除內容自動屏蔽

作者: Spot 時間: 10-11-25 13:23

原帖由小克於 10-11-25 13:11 發表
Only my personal opinion:
If your kid cannot even say a word or express himself in a meaningful way, you should not let him go to a formal school. Playgroup is fine enough.
So if your kid is a small ...

agree!!!

作者: an~gel 時間: 10-11-25 13:28

HI...我想講吓我個小朋友, 佢係0812尾BB, 喺今年8月開始(即係佢剛剛19個月大)我安排咗一個歲半班比佢返學, 當時佢仲未識講嘢(淨係識叫BABA & MAMA), 上課時間MON-FRI 9-12點, 仲要自己搭校車, 佢開頭返學嗰陣...我覺得好心痛, 人仔細細連嘢都未識講, 就要揹住個書包返學, 但係當佢習慣咗返學之後, 佢真係好開心, 因為返學可以同同齡嘅小朋友一齊玩(因為喺屋企得佢同婆婆, 婆婆唔會成日陪住佢玩), 仲好快學識講嘢, 照顧自己食飯用杯飲水....等, 學校d嬸嬸仲教佢哋去VV添, 放咗學仲識返嚟唱歌仔....其實如果父母係"全職"工作, 我真係建議小朋友早D入學~!
因為佢哋喺屋企真係好悶...

作者: 小克 時間: 10-11-25 14:11

提示: 作者被禁止或刪除內容自動屏蔽

作者: tantanmama 時間: 10-11-25 15:07

原帖由 an~gel 於 10-11-25 13:28 發表
HI...我想講吓我個小朋友, 佢係0812尾BB, 喺今年8月開始(即係佢剛剛19個月大)我安排咗一個歲半班比佢返學, 當時佢仲未識講嘢(淨係識叫BABA & MAMA), 上課時間MON-FRI 9-12點, 仲要自己搭校車, 佢開頭返學嗰陣...我覺 ...

hihi, 我個女都係0812尾. 我個女係26號, 你個b幾多號呢? 我個女係返育嬰園的, 但就未係好識講嘢, 近呢兩個禮拜先開始講詞語咋. 我真係羡慕你個b已識得唱歌仔.

我覺得雖然細b比大b年紀少, 但返學唔一定乜都學唔到. 起碼自理能力, 紀律, 獨立性呢d, 唔係一星期返兩小時pg可以學到的. 我個女雖然講嘢唔叻, 但20個月已識得自己用spoon食飯, 用碗飲湯, 開門泊櫈, 用紙巾自己抺鼻涕等等, 呢d都係嬰園教識的.

作者: pandabonita 時間: 10-11-25 15:08

每個父母都會覺得自己小朋友叻,很少會客觀地和同學年的比較(ie, on average 6 months older 的小朋友),老師都係人,在學校好有可能d attention去左能力比較好的小朋友,咁做細b好ma

作者: yfchoy 時間: 10-11-25 15:19

原帖由 tantanmama 於 10-11-25 15:07 發表

hihi, 我個女都係0812尾. 我個女係26號, 你個b幾多號呢? 我個女係返育嬰園的, 但就未係好識講嘢, 近呢兩個禮拜先開始講詞語咋. 我真係羡慕你個b已識得唱歌仔.

我覺得雖然細b比大b年紀少, 但返學唔一定乜都學唔到. ...

其實唔使咁担心佢講嘢！我囡囡都喺大妳的一個月，我記得之前都担心佢講嘢遲，但其實喺佢未掌握好而唔講。以我囡囡為例，佢起初都講單字都有兩個月，不停做copy cat，這陣子佢突然講多咗好多話，雖然有時要聽清楚先明，但始終剛說話是這樣。多些鼓勵佢，協助佢表達，問佢喺要想咁樣，要佢答妳讓佢知道妳明日佢要咩。慢慢就開始講短句子表達自己所想，但有時文法倒轉(我囡囡最鍾意倒轉，我改正佢，佢依然要掉轉讀，好像要跟我玩似的)。唱多啲歌仔對佢哋啲發音應該會幾好！

想問吓妳囡囡喺邊間嬰園讀？我囡囡喺銅鑼灣保良局。

[ 本帖最後由 yfchoy 於 10-11-25 15:20 編輯 ]

作者: dolphinmama 時間: 10-11-25 15:24

看來大家誤會了我的意思,我不是反對孩子讀pn或接觸"學校",我的孩子也在11個月開始接觸playgroup,而且一個星期也有好幾堂,我想講的是眼見很多父母覺得自己的孩子"好醒",於是堅持要於兩歲8個月入讀k1,然後又講明就算係重讀都要重讀k3或小一而不會浪費他/她的時間去重讀k1or PN,我是替孩子心痛,父母們不清楚了,要是孩子因體能上未能配合,如到k2要寫字,但他/她的小肌肉根本未配合到時,到最後是苦了孩子苦了父母,另外,當孩子越大越會明白何謂"重讀",那時對孩子的打擊更大,所以我才會有此一問!

當然,我的問題所提及的"細b"是正常的細b,而不包括任何資優或更出色的孩子!

作者: an~gel 時間: 10-11-25 15:24

我個女係12月22日呀, 其實真係好多謝學校d老師, 佢哋真係好有耐性同好有愛心~!

原帖由 tantanmama 於 25-11-2010 15:07 發表

hihi, 我個女都係0812尾. 我個女係26號, 你個b幾多號呢? 我個女係返育嬰園的, 但就未係好識講嘢, 近呢兩個禮拜先開始講詞語咋. 我真係羡慕你個b已識得唱歌仔.

我覺得雖然細b比大b年紀少, 但返學唔一定乜都學唔到. ...

作者: tantanmama 時間: 10-11-25 15:32

原帖由 yfchoy 於 10-11-25 15:19 發表

其實唔使咁担心佢講嘢！我囡囡都喺大妳的一個月，我記得之前都担心佢講嘢遲，但其實喺佢未掌握好而唔講。以我囡囡為例，佢起初都講單字都有兩個月，不停做copy cat，這陣子佢突然講多咗好多話，雖然有時要聽清楚先明，但始終剛說話 ...

多謝你鼓勵. 我個女係返將軍澳保護兒童會.

作者: yfchoy 時間: 10-11-25 15:37

原帖由 pandabonita 於 10-11-25 15:08 發表
每個父母都會覺得自己小朋友叻,很少會客觀地和同學年的比較(ie, on average 6 months older 的小朋友),老師都係人,在學校好有可能d attention去左能力比較好的小朋友,咁做細b好ma ...

我不太同意每個父母都覺得自己小朋友叻，至少我身邊既朋友都唔喺，好多時會担心小朋友這樣不好那樣不夠。我都喺其中一個！雖然可能字裡行間令人覺得我以為自己的小朋友好叻，但我只覺得佢喺某方面發展幾理想(語言)，但我相信還有很多小朋友叻過自己的。佢自理能力可以，但又未戒到片(有些小朋友已差不多唔用片)，可能太心急。
其實這種種的好與壞，我相信以老師的經驗應該會比我哋快看得出。如果知道小朋友的能力有機會去到的話，難道佢哋真的會不理嗎？佢哋唔理咪又要自己善後！當然我都相信唔每位老師都會咁做，如果真的担心，先調查清楚學校會否接受細b才去報讀。我之前都問過一間幼稚園佢哋收唔收細b，佢哋都話唔收太細，咁我當然唔會報。但如果你唔問喺唔會知道！如果咁好彩收咗，在這情況下，就算入到都唔喺好事！

作者: yfchoy 時間: 10-11-25 15:42

原帖由 dolphinmama 於 10-11-25 15:24 發表
看來大家誤會了我的意思,我不是反對孩子讀pn或接觸"學校",我的孩子也在11個月開始接觸playgroup,而且一個星期也有好幾堂,我想講的是眼見很多父母覺得自己的孩子"好醒",於是堅持要於兩歲8個月入讀k1,然後又講明就算係 ...

哈哈！絶對同意一句"量力而為"，如果連小肌肉都搞不好，勉強入k1只會苦了小朋友，令佢怕咗返學！

作者: Sumyeema1 時間: 10-11-25 15:43 標題: 回覆 19# dolphinmama 的文章

dolphinmama,

我非常認同你的見解。

回想幾年前，我也和其他媽媽一樣，覺得小女語言/理解能力不遜大 b，應該讓她盡早讀 K1, 她當年也幸運地得到了一家幼稚園的接納。

由於學校很多大 b, 無論體形，大小肌肉的發展都比我女好，結果，我女自信心減低，又不願返學。后來，我們安排她重讀 K1, 現在非常喜愛上學。

小兒也是12月出生，有了大女的經驗，我們會讓他 3歲8個月才讀K1.

作者: sy1119 時間: 10-11-25 16:13

我女係0711細b, 上年報學校時, 報左15間, 得兩間唔係咁好既收左pm班, 最終我放棄, 入左一間國際學校學住英文先, 今年再報, 今年k1同k2都有報, 暫時有兩間幾好學校offer am 班比我!

我個女都係觀察力強, 語言能力好強, 屬於思考型, 但上年in 既時候, 好怕人, 唔敢講野, 點知原來差幾個月真係差好遠, 佢一踏入三歲, 成個唔同哂, 見人就開口, 今年interview仲好開心tim, 如果上年真係比佢入左k1, 我諗個轉變好唔同, 九龍塘d學校大部份都係催谷學生, 可能佢會對返學反感.

呢d都係我個人經驗!

作者: carpisam 時間: 10-11-25 16:45

我個仔係0811
絕對唔會浪費呀仔一年時間去做大B

作者: haydenden1023 時間: 10-11-25 16:48

我個女係0810細B
有學校收佢出年K1, 而間學校自己又鐘意
咪試下讀

只要唔係被老師話佢有問題
就無問題la~

到出年阿b可能已經進步左好多
如果真係無信心
咪k1一間, n班一間

o甘早決家要讀n
有點浪費時間

[ 本帖最後由 haydenden1023 於 10-11-25 16:49 編輯 ]

作者: bluigugub 時間: 10-11-25 17:10

parents not being in a "small b" situation will not understand the difficulties ... why let the child stay at home all day with just the helper and having nothing constructive to do? it is a waste of time, and the baby is also feeling bored ... if so, why not let her start school once she reaches 2 and be a "small b"? at least she gets to learn to interact with others and have fun during school-hours. So better not to criticize or comment too much on others' decision unless you are in the same situation.

[ 本帖最後由 bluigugub 於 10-11-30 18:47 編輯 ]

作者: Sumyeema1 時間: 10-11-25 17:44

原帖由 bluigugub 於 10-11-25 17:10 發表
better not to criticize / comment too much on others' decision unless you are also there ! ...

不要激動。

BK 是一個很好的平台，可以讓大家分享。我有兩個小朋友，都是年尾出生，我大女做過細 b - 經驗不是太好。

你作為你孩子的家長，絕對有權選擇，沒有人可以批評你。

但做細 b, 要考慮：
1。有沒有好的幼稚園收？
2。大小肌肉發展好了沒有？
3。到考小學時，很多好的直資/私校喜歡收大 b.

作者: josephts16 時間: 10-11-25 18:22

我仔係0811細b, 我都安排左佢今年考學校.
我大概7-8月左右, 就開始介紹佢"返學"呢個概念, 佢開始知道咩叫返學時, 就成日都好期待返學, 半夜發開口夢都聽到佢嚮度嗌"返學學", 平時都會自己突然間拎起個"書包", 執兩本書同玩具入去, 同我地講想返學...
我地今年都報左5間幼稚園, 當中都無話訓練佢interview, 反正我地平時都會教佢見到人要叫人打招呼, 佢個人又都好outgoing, 唔怕陌生人, 見到靚女仲會特別熱情. 唯一既準備, 就係介紹比佢聽"老師"呢個人物. 等佢識得叫人. 報既幼稚園, 基本上都係一d合乎自己教育理念同方針既幼稚園先報, 我既睇法係, 入到就入, 入唔到就等明年, 反正學校既老師都會評估佢適唔適合返佢地既學校, 由佢地去評估, 相信會比自己評估來得客觀.
係人都會望子成龍, 但幼兒身心發展, 每個都唔同, 我唔會話要刻意催谷, 亦都唔會話明明佢係ok但都要佢等一年. 順其自然, 觀乎其意願及身心發展再作安排.

作者: pandabonita 時間: 10-11-25 20:04

The same way that people won't understand the pain some parents of small bs suffer when their small bs lag behind the older ones, lose interest to go to school, confidence and self esteem, get lots of rejects from p1 applications. If it's just a matter of gettin the kids occupied, join some playgroups or do another year of prenusery....

原帖由 bluigugub 於 10-11-25 17:10 發表
kind of think there is not much point in further arguing on this issue, since it is solely a matter of point of views, and where you stand ...

parents who have never been placed in a "small b" situ ...

作者: ethanKmama 時間: 10-11-26 03:50

原帖由 tantanmama 於 10-11-25 15:07 發表

hihi, 我個女都係0812尾. 我個女係26號, 你個b幾多號呢? 我個女係返育嬰園的, 但就未係好識講嘢, 近呢兩個禮拜先開始講詞語咋. 我真係羡慕你個b已識得唱歌仔.

我覺得雖然細b比大b年紀少, 但返學唔一定乜都學唔到. ...

Hello tantanmama! An~gel, 我阿B都係0812尾. X'Mas BB. 跟你們一樣, 我都係選擇咗今年9月返育嬰園. 本來打算工人姐姐帶, 但見她帶到一額汗, 干趣上育嬰園同小朋友玩下, 適應下群體活動, 學習自理, 好處多多. 而家我重干趣轉埋全日, 因為發現姐姐都係同佢睇電視, 無物心去帶佢. 與其學坏習慣, 不如早些上學.

不過大B細B問題真的很煩惱.
今年in K1, 暫時有一間offer, 一間 waiting, 學校ok, 都準備明年入讀. 不過都會看BB 發展如何, 才決定之後做大B或細B. I mean 會不會repeat.

因為理論有兩套,各有道理;
做細B: 返學的群體生活，接觸多其他小朋友

，可以更快模仿, 加速學習言語同理解力. 小朋友既成長及學習能力可以好快, 好彈性, 現時幾個月的差異, 可以好快追回.

做大B:就係自信心問題lor.
正如Sumyeema1:" 由於學校很多大 b, 無論體形，大小肌肉的發展都比我女好，結果，我女自信心減低，又不願返學。后來，我們安排她重讀 K1, 現在非常喜愛上學"
我的朋友過來人分享也強調大B學習自信, 對日後發展影响關鍵.

其實真係十五十六. 心裹面係想順其自然, 但最怕自己會主觀做錯決定.......

作者: an~gel 時間: 10-11-26 09:48

十分認同你個講法, 其實都唔係咩大B細b嘅問題, 我係覺得小朋友最好可以返N班, 否則真係"喺屋企"好浪費時間, 起碼可以學識群體生活&分享, 至於K班....我今年都報咗好多間, 不過都係順其自然啦~!

原帖由 ethanKmama 於 26-11-2010 03:50 發表

Hello tantanmama! An~gel, 我阿B都係0812尾. X'Mas BB. 跟你們一樣, 我都係選擇咗今年9月返育嬰園. 本來打算工人姐姐帶, 但見她帶到一額汗, 干趣上育嬰園同小朋友玩下, 適應下群體活動, 學習自理, 好處多多. 而家 ...

作者: tantanmama 時間: 10-11-26 10:12

原帖由 an~gel 於 10-11-26 09:48 發表
十分認同你個講法, 其實都唔係咩大B細b嘅問題, 我係覺得小朋友最好可以返N班, 否則真係"喺屋企"好浪費時間, 起碼可以學識群體生活&分享, 至於K班....我今年都報咗好多間, 不過都係順其自然啦~!

...

me too. 返學好過留喺屋企對住個工人姐姐-->狂食零食同任睇電視.
大細B問題, 都係順其自然. 做到細B就細B, 唔得咪大B囉. 努力試過就心安理得, 結果隨緣啦.

作者: jaycee_mami 時間: 10-11-26 10:14

我的小朋友都係12月細仔, 如果有一條龍收, 就會俾佢repeat, 無的話, 如果佢讀得ok, 老師又無投訴, 就會俾他繼續讀上去.

因為睇番出生率, 一年比一年高, 07年出生人數為7萬, 08年已急升至7萬8, 加幅驚人. 有些小學今年20分收哂, 但多左8千人, 情況可能有變, 20分都要抽. 所以, 07年金豬bb想重讀, 要考慮埋這點.

作者: ethanKmama 時間: 10-11-26 11:22

In case, 如果repeat 考P1, 要重讀, 就要K2 start OR K3?

作者: meejh 時間: 10-11-26 11:30

thankyou for this discussion. Mine are small bbs - Nov08 but I never thot of this "confidence" problem or "big/small muscle" problem. I thot as long as there'a K1 who will offer my Bs, i will go.
But I wonder if the above problems can be minimised if find a good Kinder, one with smaller classes and attentive / loving teachers? ie.) if find child not like school, is repeating the only solution? what if change to another "more suitable" Kinder?

作者: chowhui97 時間: 10-11-26 11:38

我個b都係細b, 9月尾, 我都情願俾bb做細b, 只要佢跟得上, 又有咩所謂? 我都唔想佢係屋企無嘢做, 返學學嘢又好, 學下自理又好, 學下群體生活又好, 對小朋友來講都係有好處架! 我個b返咗PN個幾月, 普通話歌仔都唱到幾首啦!

咁當然都要睇下小朋友個別的發展, 如果真係差得梗要, 我相信老師都會recommend佢再讀pn啦!

作者: chacomum 時間: 10-11-28 17:56

我個B都係12月o既細仔,我個人認為寧願早d比佢返學,佢8個月已開始返pg,而家學識好多o野,學到排隊,洗手,同學仔相處,唔會爭玩具,見到人識自己講hello/morning,歲半已識成句話講,收拾東西等等..........
o黎緊2月佢都開始返pn,如果佢真係追唔上,先至比佢repeat,其實早d比佢哋有群體生活,就算學唔到課本上知識,學吓同其他小朋友相處,唱吓歌仔,拍吓手仔都好.....
成日hea係屋企倒旦,唔知做咩,我覺得好嘥時間,返學都係三粒鐘啫!但佢哋已學到好多o野......

作者: orsiuping 時間: 10-11-29 02:54

各位細b既媽咪，我個女都係0812，不要灰心，我個女in左既kg有7間有result，其中有5間offer而2間reject，都唔係好差啫，收佢既有happy valley寶血(有联係小學)、西營盤救恩(有联係小學)、司徒拔道既嶺南同玫瑰崗(兩間都有直屬小學)，雖然都唔係持別一綫既學校，但都係幾好既學校 - 學校攸久、師資都唔差。其它既仲等緊5間消息，仲起碼等緊另外5間要去in。一齊add oil！

作者: 小克 時間: 10-11-29 09:07

提示: 作者被禁止或刪除內容自動屏蔽

歡迎光臨教育王國 (/)