教育王國

標題: 請問有冇可以增強小朋友自信心的興趣班介紹, 唔該! [打印本頁]

作者: siu_mei 時間: 10-11-16 14:14 標題: 請問有冇可以增強小朋友自信心的興趣班介紹, 唔該!

我個小朋友今年4歲, 性格比較內向、怕醜, 對陌生人講話時總是低下頭、細細聲咁, 請問有冇一些課程可以訓練/幫助增強小朋友的自信心? 唔該.

作者: KK 時間: 10-11-16 14:38

原帖由 siu_mei 於 10-11-16 14:14 發表
我個小朋友今年4歲, 性格比較內向、怕醜, 對陌生人講話時總是低下頭、細細聲咁, 請問有冇一些課程可以訓練/幫助增強小朋友的自信心? 唔該.

小朋友年紀還小，可能返左學，情況會有改善。
如果佢喜歡畫畫、陶瓷、手工藝都好，可以給他發揮創意、接觸其他朋友…作品完成後，我們做家長又可以順便讚美一番…增加自信。

作者: siu_mei 時間: 10-11-16 16:46

KK,
謝謝你的回應, 其實小朋友已經讀緊K2, 每星期會有一日放學後去上畫畫班, 佢很喜歡學, 很開心, 但怕醜的性格始終冇乜改善, 就算面對熟悉的同學仔, 亦顯得很怕醜, 唔敢大聲說話.

作者: ha! 時間: 10-11-20 02:00

提示: 作者被禁止或刪除內容自動屏蔽

作者: Happie 時間: 10-11-20 08:24

玩! 玩! 玩!  同熟人玩多D!  例如同學, 表哥, 表姐, 堂兄姊妹..... 幫佢建立社交圈子..... 通過同熟人玩, 真性格發放, 無所拘束.... 家長多加鼓勵 (慢慢來, 有D小孩要時間warm up, 急不得), 同佢地玩埋一份, 有時家長扮"水疲"(令佢輕鬆) ...再進而小孩會敢於用說話表達自己, 真我.

故事班 /speech & drama -小孩大多喜歡聽故事, 聽多d益志有趣故事, 繼而鼓勵佢講故事, 角色扮演......有d有服裝, 幾好玩.  在家中自己攪亦可.

朗誦 - 如語言發展不錯的話, 學朗讀/朗誦.  在學習中可加強自信心.  訓練表達, 運聲, 運氣, 好似講故事, 學習述說, 如何感染觀眾......是一個很好的活動. 如小孩未ready出外參加朗誦班, 在家中先行嘗試, 家長要加倍耐心指導, 多多多多些讚許和鼓勵.

我相信每個孩子都是獨特, 多d愛心, 讚許和鼓勵, 小孩的小宇宙就會發揮出來. 加油!

作者: Happie 時間: 10-11-20 08:38

仲有, 平時家長主動在小孩面前同人早晨! ee你好! 唔該! 多謝! 鼓勵小孩跟你一齊做. ......學習order食物, 到超市選取用品, 付款, 日常的隨機學習. 家長在日常的生活情景實行隨時教學. 簡單, 易做, 易學. 多多多多些讚許和鼓勵.

我常用肯定, 讚許和鼓勵對待孩子, 效果很好!

歡迎光臨教育王國 (/)