教育王國

標題: 九龍靈糧幼稚園靠人事先收 [打印本頁]

作者: candychan7575 時間: 10-11-16 10:06 標題: 九龍靈糧幼稚園靠人事先收

我囡囡面試表現好,問題都全部答中,但朋友囡囡面試扭計,問題全部都無答,但有介紹人就收佢不收我囡囡,我覺得不公平,1300人面試,全校收110左右,收到機會係好微,但如果因為囡囡表現差不收我心服口服,但原來咩名校都只係靠人事就可以入,哪就不應該浪費有心入讀好學校小朋友同家長時間,不如全部入人事入讀就算,正一不知所謂名校!

作者: conniew117 時間: 10-11-16 10:27

這個話題去年都有人講過, 老實說間間學校都會有人靠人事入學, 不只這一間, 其他只係無人講, 你先唔覺.

好似這一間, 記得去年同囡囡面試, 直頭聽住有家長自己係度講, 識校長, 入梗...最後有無就真係唔知.

幼稚園有d個問題, 就算將來小學中學都會有靠人事入學問題, 我地做家長, 無什麼人事, 唯有靠小朋友同家長的能力+運氣, 到真係入到自己心儀學校, 就可以用自己實力去証明, 唔駛靠人事. 所以入唔到, 都唔好咁灰, 平常心去睇, 最緊要小朋友同家長自己盡左力. 加油呀!

作者: suki.suki 時間: 10-11-16 10:39

其實間間學校, 甚至公司/機構都係咁! 識得人一定著數d!
但大家唔好灰心, 只要努力培養小朋友, 佢地將來一定會有成就!

作者: klm402 時間: 10-11-16 10:44

識人好做事, 必然呀....對我來講呢D都唔係新聞了...........
其實我會平常心去面對呀, 反正呢個世界何來公平, 用小朋友既真實力去考到一間心儀既學校, 父母應該更加值得開心呀, 所以樓主都唔洗太激氣呀.

作者: w_y 時間: 10-11-16 12:06

間間都會係咁, 只不過預留幾多個位俾有關係人士, 同埋有關係到咩地步姐. 而且我覺得家長講 interview 表現, 其實有部份係自己盲點, 好定唔好, 自己同考官點睇, 係唔相同. 有些家長話小朋友表現好/唔好, 都唔作得準, 有主觀成份之餘, 家長亦未必同你講事實之全部.

作者: hoyinghar 時間: 10-11-16 12:24

各位家長, 都知道大家係愛兒愛女心切...或許上天還有更好的offer給你們的兒女...唯有這樣想, 才會開心點^^ 我到目前為止,in 左三間, 失敗兩間...靈糧堂係其中之一; 唔開心一定有, 但或許上天認為這間學校不適合我個女兒讀呢!

作者: 拾仔 時間: 10-11-16 12:26 標題: 回覆 5# candychan7575 的文章

其實講真我都好同意你的講法......我有朋友上幾年in民生個仔都係無講野,又係識人先得,對我地lee d唔識人我家長黎講真係唔公平,不過真係無計架........平常心啦

作者: pandabonita 時間: 10-11-16 12:36

遊戲規則就係咁,學校留一部份皇帝位給員工都未可厚非.小學派位都係咁.

當年我大女去in都有offer,我們沒有乜關係同自己覺得女女答問題只是一般,不過老師很有耐性和愛心,包容女女只用英文作答同發音不準.當年個interview應該有3個parts,老師問小朋友只是一部份.

作者: lionbaby 時間: 10-11-16 13:32

多人競爭既幼稚園通常都係俾人話靠熟人就可以入到, 呢樣個樣, 其實我地做父母, 如果真係可以靠關係入到, 當然唔會放過呢個機會, 相反地如果無呢條門路就大罵幼稚園唔公平, 何必呢, 放開D, 入唔到未必唔好.

作者: carl99 時間: 10-11-16 13:59 標題: 回覆 8# pandabonita 的文章

小兒沒有靠關係，九龍靈糧都收左，而且個面試編號都成1千1百幾，係最後一批IN,而且又係細仔。
留位俾熟人問題，係邊度讀書、工作地方都有，無計!! 唯有自己加倍努力，本人沒有特別為小兒準備什麼，只以平時所累積學到既野作應對，So far來說，in 左4間都全收，相比之前一年細仔in N班，真係極大對比!

作者: Grace1010 時間: 10-11-16 16:14

係咪九龍城嗰間靈糧堂，如果係咁應該唔係靠關係，上年我個女係細B waiting，臨近尾聲學校打嚟話有位俾我個女喎﹗

作者: B.B.BaBa 時間: 10-11-16 16:53

原帖由 Grace1010 於 10-11-16 16:14 發表
係咪九龍城嗰間靈糧堂，如果係咁應該唔係靠關係，上年我個女係細B waiting，臨近尾聲學校打嚟話有位俾我個女喎﹗

小女係 10月細 b，完全無宗教背景，亦無人事關係，舊年首輪正取生。我就唔認為呢間學校有幾不知所謂

p.s. 去年我放棄了此校的 offer

作者: snakesnake 時間: 10-11-16 21:52

原帖由 B.B.BaBa 於 10-11-16 16:53 發表

小女係 10月細 b，完全無宗教背景，亦無人事關係，舊年首輪正取生。我就唔認為呢間學校有幾不知所謂

p.s. 去年我放棄了此校的 offer

so which one u choose??

作者: dolphinmama 時間: 10-11-17 11:34

對,間間學校都有咁既情況,早前我去in某校,老公在外面等著,他說有個爸爸同個仔一出來,爸爸就好大聲咁同佢老婆講"收左啦!",之後發覺太大聲就收妯聲迫再講,但我老公都睇到口型,內容大概就係"xx老師呀,收左啦!"

我估計他應該是認識某老師(們),而面試亦由她們進行,所以有這個答案!

當我聽in完出來聽到老公咁講後,我都心一沉,老公問我:咁既學校你都想讀?我答:讀!我仲話,如果我都係有人事,我都會where爛塊面去求呢個學位,所以冷靜去想,不要嬲別人靠人事,怨自己沒有人事好過!

另外,當你的孩子是完全靠實力入到某校,你不覺得說話都可以大聲d,自豪d咩?

作者: fungibo 時間: 10-11-17 12:02

我仔仔當天的表現亦十分好，老師也讚他叻仔。我地仲諗住入硬，點知是waiting!
當日下午仔仔也in另一間學校，表現不太好，十問九唔應，點知，就收了他!！

其實我一早知道九龍靈糧堂要人事啦，我識得兩個朋友，一個是傳道人，他女女in到不知所謂，收了! 另一個是原先waiting, 及後同傳道人講下，又收了!

唉! 我倆認為：與其等一間咁人事的學校，何不選擇一間會接納仔仔的學校!

所以，現在我們交了該校的留位費了!

九龍靈糧堂，算吧！

作者: kol 時間: 10-11-17 12:52

此處不留人, 自有留人處！
這些事十嘗八九, 人生漫漫長路, 何必為此等閒事動怒呢~
放鬆點, 不要給自己及孩子太多壓力~
有些家長也曾向我提過認識某校某高層, 可以直入, in 都唔駛in.....聽完之後, 一笑置之~

作者: davywm 時間: 10-11-17 13:10 標題: 回覆 3# dolphinmama 的文章

唔係呢間學校, 我有朋友的朋友o既太太在另一間學校任教, 我有同細佬去in哥間學校,朋友話駛唔駛叫朋友同老婆"單聲", 我話唔駛, 因為我信細佬有能力靠自已, 之後將番話同c6講, 佢話如果咁做細佬以後十幾年都可能抬唔起頭做人....

我地兩公婆需然無$又無面(人事), 但就好自豪自己有骨氣

, 另外阿哥舊年都係靠自己o既能力入到一間d人成日話要靠關係先入到o既kg

作者: Baby_Angel 時間: 10-11-17 21:15

樓主, 成熟d啦, 你要明白出外靠朋友呢個道理, 人事又好本事又好, 你朋友個都女讀到你都應該鄧佢開心啦, 況且呢個世界根本係咁, 唔好話幼稚園,就算小學大學甚至出嚟搵工,都係有人事就易話為d架啦,唔通全部都係垃圾咩?眼光放遠d啦,而家應該係集中諗吓點培育個女,唔係掛住喺度開火!

再且每個兒女係自己父母心目中都是no.1, 自己覺得表現好,唔代表呢個係學校面試嘅準則, 面試都唔會只係得1part啦, 面談嗰part未必最重要, 如果只係睇面談學校就唔洗攪咁多嘢啦!

[ 本帖最後由 Baby_Angel 於 10-11-18 14:07 編輯 ]

作者: BBUU 時間: 10-11-18 12:48

My girl is 0808 baby. She's got an am offer. We don't know anyone in the kindergarten. We have got another offer and we won't let her study in this school. However, to be fair, I think we should not call the school rubbish as it is unfair to the school, the students, and the parents of the school. Besides, parents should be a good role model for our kids. We should teach them that there will be other chances and our kids will be appreciated. Be positive.

作者: pumpumpurin 時間: 10-11-18 14:03

任何一間學校....甚至小學中學都會有呢D所謂人事既因素啦...
小學個D都誇張啦...宗教分個D又咪同人事一樣? 我信你個耶穌唔通能力高D咩...
我有兄弟讀緊...唔通我能力又高D?

大家睇開D啦...佢收唔收我個仔我都未至於話人地學校不知所謂...話人地垃圾~
咁樣對入左去讀個D小朋友太唔公平..

作者: pumpumpurin 時間: 10-11-18 14:04

但係真係想大家講下...呢間野有D乜野好..??

點解叫佢做名校????

作者: petit_etoile 時間: 10-11-19 06:35

原帖由 pumpumpurin 於 10-11-18 14:04 發表
但係真係想大家講下...呢間野有D乜野好..??

點解叫佢做名校????

我都想知，雖然我都有報，但我報係因為想仔仔返基督教學校，同埋我仔都係 on waiting list

作者: snow228 時間: 10-11-19 09:31

有全日班既學校, 好似呢間係最好, 同唔同意? 有無咩更好既選擇

作者: candychan7575 時間: 10-12-14 16:36

間學校好就好在識人就可以入,唔駛考入,靠人事入到去唔代表自己仔女有實力呀,讀到又未必開心啫!都係靠自己入到名校先叫做實至名歸!

作者: Tazman 時間: 10-12-14 16:47

其實間間學校就一定有, 不過我無親耳聽過, 或者真係識當時人, 所以唔講啦. 不過呢間我就真係知道有三個 case 係靠人事入既. 因為識得當時人, 係佢地親口同我講的. 三個都係申請 PN 時入架喇 (出年升上K1), 有一個當日得 WAITING LIST, 不過一有位就已經打比佢 (自己友) 補上架喇. 其實佢有PN 升上 K1, 所以 K1 真係唔會多位, 仲要加上有 D 有勢力人士, 真係報都嘥氣, 不過都一定會有 D 有實力又有運既小朋友入到既, 不過真係唔知多唔多囉~

[ 本帖最後由 Tazman 於 10-12-14 16:50 編輯 ]

作者: choiman 時間: 10-12-14 16:57

根本間間都係咁, 冇計.

作者: busy_penny 時間: 10-12-14 17:04

我覺得識人最重要。有人說朝中有人好辦事，看來也有道理。這不是公平的問題。

難道，如果你在DGS教書，你女兒讀書不太好，你就不會讓她讀DGS嗎？？？不用自己的權利嗎？？

作者: 迦迦媽爹 時間: 10-12-14 17:25

講起呢d野, 起初同樓主反應一樣, 家陣一(恥)笑置之(靠呢d人事仲要扮勁既家長). 話說早兩個月一次bbq聚會, 談起幼稚園, 邊間好, 幾時派form, 面試等等...朋友既朋友(識但唔熟), 直言當年個囡被聖士提反rejected k1, 呢位呀媽知公司其中一個老闆(城中名律師)識個校長, 叫老闆幫佢寫封信再同呀校長聯絡, 最後當然成功入讀, 為埋小一中西區校網, 呢一家三口家陣租埋般咸道單位住...

歡迎光臨教育王國 (/)