教育王國

標題: 我應唔應該換工人呢? [打印本頁]

作者: 果汁糖 時間: 10-11-12 17:51 標題: 我應唔應該換工人呢?

(印)工人已經用了2年幾, 性格文靜內向, 家務冇問題, 不過唔太鍾意講野或表達, 而我的小朋友早幾個月証實有語障+遲緩+自閉, 曾要求姐姐多點同小朋友溝通及玩多d, 但每次都係我或C6係屋企先做, 如果我地返晒工就水靜河飛(我睇眼仔), 每次提佢多點同小朋友玩佢都會黑面, 我可以點呢? 歸根究底姐姐性格本身都唔係外向, 我地都覺得勉強要佢改變, 只會令到佢更加辛苦... 應唔應該換工人呢? 有冇人知有冇d agent係有提供湊特殊小朋友既外傭架?

最衰自己冇本事唔做野專心湊仔, 如果唔係就唔使咁煩? 有冇人同我一樣有呢d煩惱呢? 入黎交流下啦!

作者: scholar 時間: 10-11-12 17:56

好工人係可遇不可求的.如果姐姐無其他問題, 我覺得做生不如做熟.

小朋友多大? 可以報playgroup,叫姐姐帶去, 又可以跟其他小朋友一起玩.

作者: 果汁糖 時間: 10-11-12 18:02 標題: 回復 1# scholar 的帖子

小朋友33個月了, 讀緊普通N1, 因為跟教會弟兄姊妹傾過叫我要好好把握呢個黃金6年, 湊佢果個好緊要, 連湊佢果個都唔活躍, 好難可以幫到自己小朋友, 不過就係未搵到一個適合既姐姐, 所以而家唔知可以點?

作者: kelvin_hmlau 時間: 10-11-12 18:16

哈哈, 我請個菲傭都以為佢識湊A 仔 (佢個 profile 有寫到經驗), 不過過到黎原來係流架.

雖然我贊成姐姐唔咁就要換, 不過我都無諗過叫姐姐幫手教佢溝通.

同A 仔溝通真係好困難, 我自己都係學習中, 真係無諗過姐姐做得到.

老實講姐姐對孩子有愛心已經唔錯了.

作者: 果汁糖 時間: 10-11-12 18:20 標題: 回復 1# kelvin_hmlau 的帖子

言下之意你地都唔贊成我換工人呀?

作者: juniorli 時間: 10-11-12 22:50

My situation is similar to you. My maid need to take him to school and back to home and I think she may not talk to my son while travelling. However she can manage my son well while at home and she is not lazy. My husband does not like her very much as she is not talkative enough. But being a working mother, she is OK because she treats your son OK and at least honest and not doing tricks on us.

I may need to hire a new maid after her contract end as requests by my husband.

作者: kelvin_hmlau 時間: 10-11-12 23:47 標題: 回復 2# 果汁糖的帖子

講真, 我唔知你工人的表現, 好難比意見. 但我覺得抄左佢未必解決到你個問題 (增加溝通機會). 新來個個未必係溝通高手, 或言語治療師.

我個工人開頭真係驚到手心標汗. 對住尖叫成日話 very scared, very shy...我比左好多心理輔導.

既然你話甚麼黃金期...你都可以同老公計劃商量下點樣可以全職湊仔.

作者: BeBe媽媽 時間: 10-11-13 00:14

JOIN PLAYGROUP囉.
如果唔可以做全職媽咪,有無考慮比仔仔番全日N班/學校?
咁你做完評估後,有無建議排乜位Or有乜support比你仔仔?

作者: pocoyo123 時間: 10-11-13 00:27

果汁糖

我個工人姐姐係菲律賓人, 唔識睇 & 講中文, 但佢已做左5年, 我都無換佢, 1ST, 佢好鍚我個仔, 2ND, 佢好盡責, 佢由亞仔幾個月開始已來, 我覺得佢已做好佢本分, 佢只係來幫你做家務, 就算一個正常小朋友佢都唔會同你教仔, 更何況一個有特殊需要小朋友, 想當日, 我小朋友有言語問題, 我地要求工人不要再講唔三唔四廣東話, 叫佢只講英文, 我和爸爸只講中文, 其實我工人都係唔多講野, 有時我地叫工人同亞仔上堂, 咁果堂就唔知學左乜野, 所以, 都係多數親力親為, +每晚的訓練

作者: sauyue 時間: 10-11-13 01:26

由小兒2歲半確診為自閉傾向後，我覺得係姐姐日日比電視佢睇而唔同佢溝通所致，我決定換走佢，到現在換了六，七個，小兒現在4歲半，但可以告訴你，好工人實在等於中六合彩，到剛炒的一個菲2 次4年完約，同佢僱主及agent都讚佢好，我用比巿價貴三百請佢，起初以為仔仔末習慣，日日喊唔耍佢，洗澡食反都唔耍佢，連本來已可以自己睡覺的晚晚耍我陪話有鬼，半個月到，因照顧小孩上要佢似我方法做，佢即時發脾氣要走，仲話我個仔麻煩唔乖，後來佢走左仔仔先慢慢正常返，佢應該時時罵仔仔同客佢，從來換工人佢無咁驚過，只係唔鐘意。所以如果非不得意，我不會換。

作者: 果汁糖 時間: 10-11-13 10:31

首先好多謝各位同路人既意見, 原來大家都有我呢種難處, 我都好認同請一個盡責既工人就等同中六合彩一樣, 我更加明白人地黎我屋企打工做家務, 實在冇義務幫我教囡, 其實我係好明白個遊戲規則。, 每一個父母都希望自己的孩子健康快樂成長, 特別係我地既小朋友.. 我地更加希望佢地能夠融入到社會, 我們一齊互勵互勉吧！

作者: Capricorn2521 時間: 10-11-13 10:48

我的工人做咗3年啦，由亞仔幾個月到依家。我都冇因為亞仔問題炒佢。因為我工人好love亞仔，佢地感情好好。亞仔星期日午睡醒來都會問吓”姐姐呢?”。當發現亞仔問題後，工人好努力觀察我如何同個仔玩，同個仔溝通，然後照做。不過，有個問題...就係佢d廣東話吾得，我成日要糾正返亞仔的發音。所以依家亞仔返學之後，我叫工人只要同亞仔玩，同亞仔傾計，同要亞仔聽工人指令...如收拾玩具，要洗手食飯(其實工人係我的家事助理)...。我叫工人不要再教亞仔講野。佢都好合作。

以我經驗，叫工人同亞仔去上playgroup係浪費金錢的。老師一份comment，工人又說另一番話。我吾係吾信佢地，只可能係不同觀點與角度，我比較信自己對眼，鐘意親身感受。所以我寧願自己辛苦d都只在星期六上堂自己帶。然後一至五送亞仔到全日幼兒中心上課。

當上年(2-3歲)，亞仔讀上午班，中午食飯，下午要午睡3小時，小食後工人會帶亞仔到附近公園玩及行吓樓梯，然後回家洗頭洗白白，工人會一路唱歌一路洗....所以亞仔都不會好得閒.... 而家務便不能要求太高了。

話說回頭，我並不贊成因此而換工人。原因...其他媽媽已說得好清楚。

[ 本帖最後由 Capricorn2521 於 10-11-13 11:08 編輯 ]

作者: 果汁糖 時間: 10-11-13 11:04 標題: 回復 1# Capricorn2521 的帖子

咁我應該點樣可以鼓勵工人姐姐比多d指令我個女又可以比個女當係一個小訓練呢? 因為姐姐真係唔太鍾意講野, 最慘每次提佢會黑面果下攞命.. 點好?

作者: Capricorn2521 時間: 10-11-13 11:47 標題: 回復 1# 果汁糖的帖子

其實我工人3年前初來時都係黑面同吾講野，我見大家住在一起應該溝通得好d，所以成日主動同佢傾計，順便了解下佢的為人，家庭及朋友。漸漸地佢都變得多野講。有時我們會一起坐在客廳睇獎門人，哈哈大笑。而亞仔就好鐘意：1-我勁d，4-我勁d.....
除了要工人做得投入之外，我會同工人講：你成日對住亞仔，如果佢吾聽你話，你會好痲煩，好辛苦。我咁講其實已經比咗權佢，要亞仔同佢合作。如果亞仔吾合作，我會同亞仔講：姐姐叫你食飯呀，仲吾去? 比亞仔知道大人係一致的，佢冇位走，冇靠山。工人就容易處理。
另外，(上年)我會同工人講，依家處理亞仔的問題係首要任務，一定要做，家務方面如亞仔掂吾倒的地方可以待我放假時佢先清潔，煮飯如果冇時間可以炒蛋，綠菜。要引導佢工作如何分先後次序。

最後，要親身示範如何比指令，工人就不怕做錯，便會放膽做了。

[ 本帖最後由 Capricorn2521 於 10-11-13 11:48 編輯 ]

作者: shanyeungbb 時間: 10-11-13 11:59

我第一個菲姐做家務好好, 也照顧我的小朋友很好, 很細心, 可惜不懂跟我的小朋友玩。後來請了第二個菲姐, 她曾修讀幼兒教育。雖然家務真的做得很一般, 但她真的很配合我的小朋友, 例如在ot上了堂, 她回家後會跟訓練, 知道小朋友自理能力差, 她會教小朋友, 而不是幫他做了便算。她也懂得跟小朋友玩, 很生動。針無兩頭利, 所以家務方面我都是隻眼開隻眼閉。

樓主如你想換工人, 可以考慮有修讀幼兒教育學歷的姐姐。祝好運!

作者: someoneelse 時間: 10-11-13 18:06 標題: 回復 16# 果汁糖的帖子

樓主，如果孩子有讀寫障礙，那麼要請一位懂寫中文的回家，讓工人姐姐可以跟孩子練字/認字嗎？
要清楚工人姐姐既角色...如果你換另一個很健談的，但做家務一團糟的，又會是你所想嗎？！
而且我想語障/自閉/遲緩問題不是多講/多玩就可以解決的...加上姐姐唔咸唔淡的中英文，我覺得事情不是這麼簡單？！
還是找專業的導師幫手吧...明顯地你孩子有多於一項問題，N1班已不適合的了...送孩子上密集班是一個不錯的選擇！
Good luck!

[ 本帖最後由 someoneelse 於 10-11-13 18:10 編輯 ]

作者: owl_2046 時間: 10-11-13 21:52

湊仔教仔始終係要自己親力親為, 我仔返S位, 好多一對一訓練姐姐都有跟, 但我都要佢返黎逐一示範比我睇, 唔明我就問返學校老師, 放工/放假自己教番.

我姐姐最初黎到我都以為佢"啞" (香港4年一個老闆) 亞仔都唔likely佢, 後來同佢好努力同亞仔建立關係, 而家亞仔同佢重 friend過同我, 只要個工人真係愛錫個小朋友, 佢地係會真心付出, 否則你點迫佢都冇用, 盞令關係更加差, 冇人十全十美, 工人亦一樣, 你要考慮吓.

作者: January 時間: 10-11-13 22:20

我工人又係超靜, 吾多講野. 當知道仔仔有自傾之後, 都有諗過係吾係適合湊仔仔. 但好姊姊難求, 我地冇換照用至今五年喇.

我仔仔返i位全日. 我帶仔仔返學然後返工, 姊姊接放學湊返屋企. 之後我地放工返屋企接棒同仔仔食飯做功課訓練, 星期六日放假我地自己都湊返晒, 出街都冇帶工人既. 所以仔仔真正同工人單對單既時間都係一至五每日幾個鍾.

我諗如吾想換工人的話可以係時間上安排好. 不竟我地小朋友要特別照顧, 我地呢d特別父母當然要用更多時間心力去照顧佢地既自理學習同訓練, 家務就交晒比工人啦.

[ 本帖最後由 January 於 10-11-13 22:22 編輯 ]

作者: pocoyo123 時間: 10-11-13 22:30

果汁糖

你可以要求工人姐姐每次小朋友有要求時, 佢要小朋友開口講左先比佢, 不要一個立即比小朋友咁已係一個相當好家居訓練, 以前亞仔講野差, 我都要求工人乜都要佢講左先, 到佢現在講得好啦, 我個仔就會打電話問左我先再問姐姐, 這都是一個好好的訓練, 同埋自理上都可要求姐姐先比小朋友自己做, 有時我會叫亞仔幫姐姐吸塵, 拖地咁, 都OK

作者: HimHim_MaMa 時間: 10-11-16 09:03

我嗰個講嘢多過做嘢, 仲要講啲唔鹹唔淡o既中文(學我哋講道理喎

), 阿仔又唔知佢up乜, 都唔理佢. 但姐姐充滿熱誠咁教囝囝講嘢, 所以我都由佢囉! 自己回來教番及遲啲入全日N班囉!

作者: hinhinmummy 時間: 10-11-16 10:56

我係過來人, 我同其他人持相反既意見
我以前個工人, 好似啞甘既
我好明白, 工人黎到, 吾係要佢教仔
但事實上, 佢係對得呀仔最長時間的人, 對呀仔好大影響
無錯, 呀仔可以去返全日班, 但接送時侯, 放學, 都係5點, 距離我返到屋企都還有2個鐘既時間, 呢兩個鐘, 吾通白過?
還有平時放假?

首先, 你自己要諗, 請工人既目的係乜
係為做家務? 定係幫你湊小朋友

我自問就係幫我湊小朋友

當呀仔做完評估之後, 話佢係a仔, 我已經同當時既工人溝通, 要求佢每次比野呀仔前, 都問下, 要吾要, 或者要呀仔有表示先比野佢, 吾係衣來張手, 飯來張口果種, 以前個工人, 可以係, 自己拿高呀仔隻手去著衫, 吾會話, bb, 著衫呀, 沖涼, 吾會話, 沖涼啦, 只係的呀仔入廁所............捉高佢隻手洗格拿底.............

最後我比左一個月通知佢抄佢, 同佢講, 如果呢一個月有改善會繼續用, 最後當然無啦, 抄左

呀仔已經有語言障礙, 還搵個啞既黎湊呀仔............

但我真係好好彩, 搵到個好鍾意講野, 好有愛心的姐姐, 之後呀仔3年s位, 姐姐都跟到好足, 係學校上堂既野, 返屋企可以同呀仔跟返晒, 我每晚放工返去, 只係跟呀仔的幼訓同埋st training, 連學校的導師/治療師, 到呀仔畢業甘多年, 都還好記得呢個姐姐.............

但我又相信, 以今時今日d 姐姐的質素, 真係要搵到甘有heart 的姐姐係好難, 慶幸的是, 我現在呢個姐姐, 雖然吾是太好, 但亦不至於係啞吧.............

家務, 我反而係其次, 最重要既係小朋友發展

當然, 如果自己經濟能力許可, 自己湊啦!

吾好看小一個照顧者的影響力

我個仔係果幾年, 真係進步神速, 我到依家都好感謝果個姐姐, 可惜佢嫁人吾做啦!

作者: pocoyo123 時間: 10-11-16 22:21

你有呢個工人真係好過中6合彩
有時都唔可以太強求, 我都曾經想換個印印識講中文, 搵左好耐, 都係覺得一個不如一個, 搵到心灰意冷, 唯有多D同姐姐講日常生活多D比小朋友自己做, 有時早D返屋企CHECK下佢, 近呢年都好左好多, 又放學后再去做訓練, 小D對佢

原帖由 hinhinmummy 於 10-11-16 10:56 發表
我係過來人, 我同其他人持相反既意見
我以前個工人, 好似啞甘既
我好明白, 工人黎到, 吾係要佢教仔
但事實上, 佢係對得呀仔最長時間的人, 對呀仔好大影響
無錯, 呀仔可以去返全日班, 但接送時侯, 放學, 都係5點, 距 ...

作者: Capricorn2521 時間: 10-11-17 12:07

緣份是可遇不可求的，遇到好人好東西是我們的福氣。如果我們能挑戰可能一次又一次的轉換工人，又或者現在的工人真是無藥可救，行這一步未嘗不是一線生機，但要有著情況轉好或轉壞的心理準備。無論轉或不轉，工人本性是重要，但僱主管理工人的技巧同樣重要，正如教養孩子要因材施教。

眼見嫂嫂一年內轉了4-5個工人，最後都要自已辭工照顧孩子，他們的孩子只是普通小孩子。

個人覺得：如孩子每天在校全日班7-8小時群體活動，只有黃昏2小時安靜一下(如連2小時都容不下，可留在學校暫托)，晚上放假通常我們這類小朋友的家長都會親自陪伴訓練。I位及S位學校的假期比較少，也可以暫托，應該都不會有大問題。

雖然我工人不是啞巴，但我都好怕她的廣東話，發音問題已說過，就連文法，次序，用詞都錯得好緊要，這些都令我好頭痛，每每她跟亞仔說話，我都要洗耳恭聽，重覆她的意思一次或以上。不過她都好聰明，為免被我時常糾正，她多照我的做法同亞仔玩，照顧亞仔，盡量說我說過或糾正過的廣東話了。

正如之前有位媽媽說，人無完美，在乎大家如何能磨合。

[ 本帖最後由 Capricorn2521 於 10-11-17 14:17 編輯 ]

作者: ttlucky0303 時間: 10-11-22 14:35

其實只要佢講英文係全英, OR講中文係全中已經好好, 唔好又中又英就得, 我個個成日又中又英, 叫左佢全英, 因為佢真係唔係好識中文, 成日同呀女講: "DO YOU EAT 粥粥?", "好BIG"..ETC..真係聽死人..
我個女都係語言遲緩, 呀女而家有時都會同我講"好BIG", "呢個BLUE COLOR", "LION食MU MU"...
因為佢會同我個女講0的簡單中文, 我個女同佢講返中文佢又明唔哂, 所以有時佢會話唔明我個女講乜...
真係攪到我頭都大...
工人又好錫我對仔女, 我又唔係好捨得佢...
所以而家佢一同我個女講中文, 我會細細聲笑住同佢講"SPEAK ENGLISH", 等佢習慣講番全英文

作者: scholar 時間: 10-12-2 18:20

莫講話工人, 公司請來的同事, 總行派來的上司, 哪個不需要training? (係, 上司係要train的)

只要姐姐行為/態度上沒問題, 工作方面, 甚至怎樣跟小孩玩, 怎樣跟小孩相處, 都是可以train的.

你試試跟小朋友玩時,邀請姐姐一起玩, 讓姐姐學會重點及竅門.也好讓小朋友明白,要專重姐姐.(因為看到太多港童不專重姐姐.而姐姐作為下人,又不會責怪小主,這樣對小童也不好)

歡迎光臨教育王國 (/)