教育王國

標題: 做名校第尾，定唔出名學校第一呢? [打印本頁]

作者: kittyyau 時間: 10-11-12 01:58 標題: 做名校第尾，定唔出名學校第一呢?

最近不停同亞仔去見學校，不知不覺自己已經鑽入牛角尖，唔知自己想點，只係見人報又報，怕無學校收亞仔所以又報多幾間，好似唔報就唔啱咁。諗番轉頭，究竟為咩呢?

其實真係比我亞仔考到入名校，又要担心佢追唔到，成日做住尾尾個幾個，佢真係會開心?不過真係講就易，最後我都係有報，始終一抱試下心態....

只係有感而發，希望我唔會因為自己既無知而害咗亞仔啦。呢幾次既 interview, 我發現亞仔可能都有感應，因為好明顯見佢對某啲老師好樂意咁做晒所有野，某啲就好似好唔情願咁做晒所有野。所以剩落嚟既我決定只會自己心內著急，唔會影响亞仔，就等亞仔自己隨緣揀佢喜歡既學校啦！

將來會點?無人會知，盡力啦。

祝各位媽媽爸爸同仔仔囡囡搵到啱又開心既學校同生活！

作者: nataliepsc 時間: 10-11-12 02:44

好問題, 不過好難答..

因為小朋友入到好學校唔一定包尾, 入到普通學校亦唔一定第一

少少sharing, 我間中學叫做名校, 我唔係精英班, 係其他班考頭幾名, o個幾年因為對自己無咩要求, 所以亦唔覺好大壓力

會考完畢, 同學們實在厲害, 學校亦想收d 6, 7, 8, 9A 既external學生, 番唔到原校讀中六, 去到其他都算區內ok既學校讀預科

班中六同學係佢地既"精英班"上黎, 有幾個真係好叻, 而家亦事業有成, 但其他大部分d 成績只係一般...尤其是語言方面...底好重要

我husband掉轉, 佢小學讀左間好似唔係幾好既小學 (已不存在), 年年考第一, 後來佢諗不如懶d唔讀書, 依然頭兩名, 所以愈來愈懶, 點知升左間佢當時區內出名既中學, 第一次考試之後, 發現其他人好勁, f2尾開始發奮讀書都唔可以追到, 非常後悔...一樣返唔到原校讀中六...

不過你既反思絕對係好好, 我都好lost... your question helped

作者: anteater 時間: 10-11-12 07:38

先讀名校,讀唔到至轉校咪得囉

作者: Yanamami 時間: 10-11-12 08:53

睇孩子性格啦. 好aggressive, competitive & out-going既讀「名校」適合d. 好隨遇而安, 事事無所謂的孩子係名校會辛苦. 其實唔一定唔係黑, 就係白o既, 中間好有好多shades of grey. 唔「名校」, 都仲有好多程度不錯, 老師有愛心, 孩子又讀得開心的好學校. 只要「適合」就係好學校啦.

人係需要motivationo既, 成日係後截, 又係幾打擊自信心o既. 要知道一個人有無自信, 對日後做乜野&面對困難都影響好大.

作者: Laputa 時間: 10-11-12 08:59

原帖由 anteater 於 10-11-12 07:38 發表
先讀名校,讀唔到至轉校咪得囉

咁唔負責任嘅說話都講得出?

作者: yinghung1234 時間: 10-11-12 09:08

提示: 作者被禁止或刪除內容自動屏蔽

作者: Christi 時間: 10-11-12 09:16

樓主的問題,源自一個lost字.

我覺得唔駛咁大心理壓力,你諗吓,小朋友先讀得嗰1年書(PN),或者都未開始讀,未來講緊既係20年的讀書生涯.要佢地係未來20年有motivation去求學,初階段首先要令佢地對求學有興趣,有好奇心,有基本的能力(讀寫聽,語文,數學),基礎打穩,行上去就易行一點.

回到問題的基本點去諗,不必太考慮名校與否,因為100個人會給你100個不同個案.我都有個朋友自細讀名校,但跟不上,結果會考要重讀.一個人受到打擊可以謝晒,另一個人受到同樣打擊可以發奮,你問的問題冇人答到你,而你的小朋友是獨特的,人家行的路可以參考,但事實是未必會咁行,而你又最是清楚你小朋友的人.所以你要清醒.

仲有,學歷肯定是求事業的基礎,但好事業又不代表一定能有幸福.一個人的EQ都好緊要.你睇新聞都應該見過幾多才女過唔到情關而毀了一生.所以我覺得,小朋友未來10幾20年條路點行,真係天曉得,正如你買股票也不能保證20年後一定會升,但作為家長,最大責任就是在刻下為他們裝備好.係裝備好他們的能力與信心.等他們日後跌倒都識得自己爬番起身.

如果所有面試已完成,刻下請你relax及enjoy與小朋友相處的時間.

作者: haydenden1023 時間: 10-11-12 09:23

原帖由 anteater 於 10-11-12 07:38 發表
先讀名校,讀唔到至轉校咪得囉

我認同, 唔比佢試過係唔知小朋友O既能力
真係讀唔到咪轉番D普通D

如果名校第尾
我選擇普通第一

長期打擊自信好難搞

作者: w_y 時間: 10-11-12 09:25

我贊成. 呢個問題放係幼稚園, 同小學係唔一樣. 而家講幼稚園, 讀成點, 都係好多未知數, 點解唔試左先? 而且幼稚園, 都係家長勤力佔主要因素多架啦.

原帖由 anteater 於 10-11-12 07:38 發表
先讀名校,讀唔到至轉校咪得囉

作者: NICOLE123 時間: 10-11-12 09:27

樓主想得太多了
小朋友係龍係虫咁細點會知
讀唔到書都唔等於一事無成
他們有他們既人生
我相信最安全的永遠是給自己/小朋友進可攻退可守既路

作者: sheffield 時間: 10-11-12 09:51

不是所有名幼稚園都單保入到名小校，更唔保証入到名中學！作父母的(包括我自己)總是會想給小孩子舖路，但我們舖嘅路亦不一定能按我們想的舖成，就算舖成也不一定適合自己的孩子。所以，野我地就照做，但就要抱住順其自然心態，不能強求，做唔到就總會有失望，但塞翁失馬，焉知非福？！不能亞Q啲，但如不是這樣，我地又可以怎樣？
雖則幼稚園都有所謂"名校"，除個別某些是特別谷的外，其實大部份的程度都差唔多，如真的特別淺，咁我地咪係屋企自己教下囉！
在名校(小學及中學)做"墊底"的，你認為他們能做個有自信心的人嗎？在普通學校名列前茅的，雖然成績可能只等同超級學校的中等程度，但做人處事的confidence & self assertiveness就應比較強！再者，"起步"比人慢，但後勁淩勵，小朋友係個"天生的讀書人"，你估佢入唔到超級小學同中學咩？！大把學校爭啦！又如界明知小朋友唔係讀書人，但見佢有盡能力去做(態度正確)，咁就已經有個交代，我地唔接受又可以點？！一個社會需要唔同人去做唔同崗位，唔理由個個都係讀書叻跟住做教授或大公司嘅CEO格(其實香港大把咁多CEO都讀書唔叻架啦！)
可能係我要求低，我成日都認為，做人唔使一定做最叻，只要是自己已滿足的就可以。孩子長大了就自然有他們的想法，他們也會按自己的性格和能力去追求他們想要的，我們也控制不來。我們的工作是幫他們建立正確/正面的價值觀(道德/人生/待人處事等)，讓他們身心健康的成長。讀唔到書去學整餅，做個開心的麵包師傅，整出黎個飽都好食啲啦！

作者: brrbaby2007 時間: 10-11-12 09:55

做第尾年年擔心俾人踢走重慘

作者: B.B.BaBa 時間: 10-11-12 10:02

樓主真係鑽晒牛角尖啦

讀名校唔一定會第尾，讀唔出名學校亦唔一定會考第一。

呢個世界係有好多選擇的，黑與白之間仲有好多顏色架。放鬆 d 啦香港人

作者: sakuralee 時間: 10-11-12 10:14

好同意Christi的講法！
學習動力、EQ同自信心係好重要，只要中英數基礎打得好，讀唔讀所謂名校都得！
但朋友有另一睇法，就是識人的層次不同，我都認同不過高攀不起！個個小學一二年級已經話自己中一就會去外國讀書，考鋼琴已考8級，話就話返全日，開學頭夏令，放暑假前又夏令，成日都放點幾！放假又長過人，學校完全沒有心教學，全倚賴家長出去補習，未教完都要考試...這間名校我就一定唔去讀！

[ 本帖最後由 sakuralee 於 10-11-12 10:15 編輯 ]

作者: carchu12 時間: 10-11-12 10:40

我自己覺得.....係自己覺得。

幼稚園期間，其實小朋友既適應力係好強的，名唔名校都唔緊要，最重要係學校能給予老師有足夠既資源去關愛每一位小朋友、老師既質素同經驗亦很重要。

反而最重要既係做父母著唔著眼這"名校"兩宇，讀名校，有很多額外資源要付出，自己又能付擔到亦屬考慮因素。

例如，有些名校要小朋友考公開試（幼稚園），如果唔考，是否真係對小朋友有影響嗎﹖反而，如果考得唔好，小朋友應該未感受到，但家長會否唔開心呢﹖

所以我自己覺得名校與否，係視乎家長而唔係小朋友。

再者，幼稚園先係人生既一小部份，唔雖要太著緊，順其自然，可能會更開心。

作者: bbliang 時間: 10-11-12 11:01

其實想問:
係咪值得比多好多錢唔用學劵讀D出名幼稚園目的係在考直資, 有質素私校或有需要扣門時較有優勢(例如, 小學校長/老師也傾向收名幼稚園學生因他們學術底子/英文較好)

原帖由 B.B.BaBa 於 10-11-12 10:02 發表
樓主真係鑽晒牛角尖啦

讀名校唔一定會第尾，讀唔出名學校亦唔一定會考第一。

呢個世界係有好多選擇的，黑與白之間仲有好多顏色架。放鬆 d 啦香港人 ...

作者: NICOLE123 時間: 10-11-12 11:03

其實我離左題少少
我想大家係安排幼稚園既同時睇下小一選校家長既心聲
真係愈睇愈心寒

http://forum.edu-kingdom.com/viewthread.php?tid=2250013&extra=page%3D1

http://forum.edu-kingdom.com/viewthread.php?tid=2249041&extra=page%3D1

[ 本帖最後由 NICOLE123 於 10-11-12 11:04 編輯 ]

作者: 2ndsister 時間: 10-11-12 11:44

我會選名校, 因為除左你第時出嚟做野, 人地會睇之外...名校入面同學之間既NETWORK, 小朋友第時出嚟社會出嚟做野就好有用架啦...

作者: skhyear 時間: 10-11-12 11:47

睇bb性格

作者: NICOLE123 時間: 10-11-12 11:54

原帖由 2ndsister 於 10-11-12 11:44 發表
我會選名校, 因為除左你第時出嚟做野, 人地會睇之外...名校入面同學之間既NETWORK, 小朋友第時出嚟社會出嚟做野就好有用架啦...

想當年我間小學都唔係咩名校 (最多算地區名校)
屋企窮同學們家底比我好好多上堂老師教既野根本唔識
屋企無人識無人教
我年年都考4x (一班45人)
無朋友 ...人地都唔同我玩...無自信
講咩network呀.
其實大學同學間既network我估比k,小學,中學重要好多

作者: brrbaby2007 時間: 10-11-12 11:58

原帖由 2ndsister 於 10-11-12 11:44 發表
我會選名校, 因為除左你第時出嚟做野, 人地會睇之外...名校入面同學之間既NETWORK, 小朋友第時出嚟社會出嚟做野就好有用架啦...

o甘你唔了解名校了，除非你都好有背景，埋唔到堆就成個school life都係同堆冇connection既人一齊，可能你覺得呢d冇connection既人第日大個做doctor做lawyer都算network，但唔使名校都一樣有機做doctor做lawyer呢

[ 本帖最後由 brrbaby2007 於 10-11-12 12:27 編輯 ]

作者: bbliang 時間: 10-11-12 12:17 標題: 回復 5# NICOLE123 的帖子

Thanks NICOLE 123 for your sharing.

睇家長分享, 入出名KG對考P1不一定有優勢呢...

作者: NICOLE123 時間: 10-11-12 12:20

原帖由 bbliang 於 10-11-12 12:17 發表
Thanks NICOLE 123 for your sharing.

睇家長分享, 入出名KG對考P1不一定有優勢呢...

我朋友睇完....即時今年打算幫個細女重考一條龍k1
驚到有得震無得訓....特別係自知無分無母校back up

作者: brrbaby2007 時間: 10-11-12 12:29

原帖由 NICOLE123 於 10-11-12 12:20 發表

我朋友睇完....即時今年打算幫個細女重考一條龍k1
驚到有得震無得訓....特別係自知無分無母校back up

培正細妹想讀都有分加呀

作者: cowfifi 時間: 10-11-12 12:34

名校第尾，定唔出名學校第一呢<--你點知佢係唔出名既學校一定考第一 ? 你又點知佢係名校一定名第尾 ?

量力而為, 都係果句!

作者: lai080207 時間: 10-11-12 12:56

Tell your friend don't have to worry too much. It all depends on LUCK!
A kid from a common kindergarten can also get in a famous band 1 primary school by the government lucy draw! Actually kindergarten is just a starting point of the HK education game. The real challenges will appear after the kid has entered the famous primary school. My son is the case...

作者: w_y 時間: 10-11-12 13:40 標題: 回復 4# NICOLE123 的帖子

我三年前已發現...一隻唔太差的鳥在手, 絕對勝過百隻在林. 尤其我果個係11月細女. 呢幾年, 安安樂樂, 想學乜, 唔想學乜, 唔使為考小學而顧慮.

作者: 雪豆 時間: 10-11-12 13:46

見到你地咁寫，我都有d替自己個女擔心。
我知道要入名校係唔多唔少要靠connection o既，不過入名校都唔代表唔駛花心機去教佢。
依家係點我真係唔知，不過以前就知道要成日要捐錢，同埋要成日participate d活動，響學校最好係active d，如果唔係就最好成績好d。同學之間成日都比較學琴level，考試成績又或者係唔係校隊。其實我覺得某程度上，比較係可以push人去進步，不過經常比較會令一個人唔開心同埋退步。如果小朋友本身係內向，唔鍾意成日同人比較，響依d學校讀會辛苦d。讀名校，順利升大學o既機會係高d，但係如果小朋友本身係鍾意讀書o既，就算佢讀邊間學校都好，佢最終都會升到大學。
Connection方面，我覺得要小朋友咁細個就話自己識邊個邊個，會唔會「老積」o左d呢？始終成功/出名o既係佢地同學o既父母，而唔係佢地同學本人。真正o既connection都係響大學果時識就得。

作者: sakuralee 時間: 10-11-12 13:52

你諗錯了，connection係指父母呀，唔係小朋友！

作者: kittyyau 時間: 10-11-12 16:20

多謝咁多位家長既分享！其實題目我可能寫得誇張咗啲。不過真係有心而發。我自己知道自己開始諗錯咗，所以想講出嚟分享下。

我發覺其實差勁既根本唔係我個仔，而係自己！本來我從來無諗過要亞仔讀邊間學校，但求佢開心就可以。但係見到身邊既朋友好緊張，搞到自己好似好無準備咁。結果就搞到自己好緊張。

我只係同亞仔開始咗2間 interview，但係我已經覺得有啲內疚，我見亞仔一早起身好天真好開心咁開始佢既一日，但係就比我帶佢去見學校見到好攰。夜晚見佢好攰好眼瞓，我啲眼淚已經忍唔住。所以先引發我諗其實係我自己搞到自己同亞仔都咁辛苦。

不過有咁多人支持同鼓勵，我會比心機。多謝各位！

作者: misstaisen 時間: 10-11-12 17:22

我講下我的睇法，我有2個小朋友，大的今年考小學，細的今年考幼稚園。
   大女讀sc.cat,都算名校吧。今年細的都要考家姐的這間。何謂名校，我覺得有一定的教學質量保證。
   宜家大女考小學，我深有感觸，有好多小學，我認為是睇幼稚園的。一些出名幼稚園出來的小朋友，絕對機會大過普通幼稚園。學校都希望收一些叻的個小朋友，一睇面試表現，一睇幼稚園成績。
至於小朋友的成績，在幼稚園階段，非常大的成數是看家長有無心機去教。我承認，我女間幼稚園，成績好，很大程度是靠家長在家裡的督促。在學校就3個鐘，小朋友要記得這麼多東西，不容易，基本靠家長溫習。但是，幼稚園的學習架構也很重要，有一整套體系，配合家長的支持，小朋友就可以學的比其他孩子多。
   我大女在K1,我基本沒怎麼幫她溫習，成績自然麻麻，K2開始，我認真幫她溫習，結果成績好好多。都算考到個不錯的小學。
   所以我覺得，小朋友的潛力是無限的，只要肯學，就可以學很多。至於第一還是包尾，看家長下的苦心。
考2間幼稚園，宜家會覺得辛苦。等到考小學，就會覺得是好小事。不過我認為，在香港這個充滿競爭的社會，早點接觸競爭不是壞事。小孩子的承受認識遠比我們認識的來的強。

作者: pandabonita 時間: 10-11-12 17:27

冇絕對的答案, 我有個謮名校既fd,有兩部過百萬既車,都話之前埋5到堆.另一個在普通學校考第一話入左U先知外邊d人有幾叻,鬼佬有句:the grass is always greener the other side.

我會咁諗,不要自己睇低自己小朋友,一定要試下,佢大個左冇得blame你.

作者: overview 時間: 10-11-12 22:11

其實最想入名校果個係父母, 小朋友又點會理會? 但可以好肯定, 如果你去問小朋友: 你鍾意係一間普通學校考第一or 係名校考第尾, 個個都會揀考第一. 係名校做一個普通學生, 成績大把人叻過自己, 又無其他方面talent, 如音樂, sports, languages, etc....... 基本老師係唔會比機會你, 小朋友點會有自信呢 ? 因為佢地點努力, 前面都有一堆猛人, 慢慢小朋友都失去鬥志啦.

原帖由 2ndsister 於 10-11-12 11:44 發表
我會選名校, 因為除左你第時出嚟做野, 人地會睇之外...名校入面同學之間既NETWORK, 小朋友第時出嚟社會出嚟做野就好有用架啦...

作者: elmolly 時間: 10-11-12 22:53

首先想同樓主講幼稚園只要家長肯跟下, 無論起咩學校都真係好難"第尾", 除非真係好曳或者係父母完全唔理, 上到高小先見真章.

即使入到"名校", 最緊要既, 係坐得暖個位, 呢樣仲難. 入到既, 千萬唔好比個名"矇"閉左自己, 見小朋友唔對路, 真係儘晒力都跟唔上, 要諗下洗唔洗起小朋友自信心崩潰前轉去另一間更合適既學校.

作者: 3pigmama 時間: 10-11-12 23:13

名校, 因為我讀普通學校, 期期考第一, 但入了大學校和出社會找工時, 自己的英文,見識和network真係差好遠, (我會考英文A, 都不及名校中小學,升不到大學的人差)

作者: kerkermui 時間: 10-11-12 23:28

我覺得~ 普通學校考第一嘅, 唔會响名校包尾架喎! 再普通嘅小學, 都有band 1學生
再出名嘅學校, 都會收到d唔係band 1嘅學生!
我自己就响間無人讀嘅邨校讀小學, 入到band 1 中學, F.1 - F.5 都係排中間..

家長要做嘅, 就係試吓俾最好最合適嘅教育孩子, 佢地將來條路點行, 同邊間學校有緣.. 呢d係將來嘅事

作者: nataliepsc 時間: 10-11-14 00:00 標題: 回復 6# misstaisen 的帖子

Agree 呀, 我都一樣, 大既考小學, 細既考k1, 所以呢兩個月好辛苦, 由大女既經驗好肯定小學除左睇interview表現, 會睇埋邊間幼稚園先決定收唔收, 因此可以既話我都會prefer名校

不過決定平常心, 因為細女interview時變左另一個人...唔多講野or答老師問題, hit rate 應該幾低, 試考名校, 今年度度都好多人報, 收左先決定, 而家唔諗太多

作者: nataliepsc 時間: 10-11-14 00:04 標題: 回復 6# misstaisen 的帖子

Agree 呀, 我都一樣, 大既考小學, 細既考k1, 所以呢兩個月好辛苦, 由大女既經驗好肯定小學除左睇interview表現, 會睇埋邊間幼稚園先決定收唔收, 因此可以既話我都會prefer名校

不過決定平常心, 因為細女interview時變左另一個人...唔多講野or答老師問題, hit rate 應該幾低, 試考名校, 今年度度都好多人報, 收左先決定, 而家唔諗太多

作者: nataliepsc 時間: 10-11-14 00:05 標題: 回復 6# misstaisen 的帖子

Agree 呀, 我都一樣, 大既考小學, 細既考k1, 所以呢兩個月好辛苦, 由大女既經驗好肯定小學除左睇interview表現, 會睇埋邊間幼稚園先決定收唔收, 因此可以既話我都會prefer名校

不過決定平常心, 因為細女interview時變左另一個人...唔多講野or答老師問題, hit rate 應該幾低, 試考名校, 今年度度都好多人報, 收左先決定, 而家唔諗太多

作者: nataliepsc 時間: 10-11-14 00:10 標題: 回復 6# misstaisen 的帖子

Agree 呀, 我都一樣, 大既考小學, 細既考k1, 所以呢兩個月好辛苦, 由大女既經驗好肯定小學除左睇interview表現, 會睇埋邊間幼稚園先決定收唔收, 因此可以既話我都會prefer名校

不過決定平常心, 因為細女interview時變左另一個人...唔多講野or答老師問題, hit rate 應該幾低, 試考名校, 今年度度都好多人報, 收左先決定, 而家唔諗太多

歡迎光臨教育王國 (/)