教育王國

標題: 九龍塘啟思律倫街OR創價? [打印本頁]

作者: bbliang 時間: 10-11-9 10:51 標題: 九龍塘啟思律倫街OR創價?

九龍塘啟思律倫街己收, 要比留位費.

請問九龍塘啟思律倫街OR創價較佳?

作者: haydenden1023 時間: 10-11-9 11:28

一定係創價

作者: 拾仔 時間: 10-11-9 11:33

點解創價好d想問?

作者: bbliang 時間: 10-11-9 11:46

好像大家都唔喜歡九龍塘啟思正校, 但似乎啟思同創價都是類似學校?

原帖由拾仔於 10-11-9 11:33 發表
點解創價好d想問?

作者: Smartterrence 時間: 10-11-9 12:01

啟思同埋創價2間都好好...但如果同時2間都收的話, 一定首選係創價...如果是我無論創價offer上午or下午, 我都一定會讀...相反..我個人是將啟思排在次選!

作者: oneone11 時間: 10-11-9 12:12

聽講創價派位好d

作者: nataliepsc 時間: 10-11-9 13:28

邊間好d我唔知, 不過九龍塘啟思其實好好, d老師好有愛心, 我大女之前同佢d同學仔都讀得開心, 但係課程係淺d, 所有啟思都係一樣, k2先寫字, 不過我一個做幼稚園視學官既親戚就認為佢係最符合幼兒能力&好有愛心既一間學校, 所以highly recommend 我地. 真係要視乎你想要d咩, 如果希望k3有p1程度, 呢間學校就絕對唔係您杯茶, 如果想佢地愉快學習, 就好fit, 我地見林曉峄兩個仔都o係度讀

我husband家姐個女係創價畢業, 父母係小學校長同教師, 本身係個超乖超定既細路女, 所以唔知係唔係真係因為間學校教得好, 不過好不幸佢統一派位唔好, 好彩爸爸係校長network好, 所以叩門入左名校

作者: 靚媽媽店 時間: 10-11-9 13:40

好開心聽到你的意見, 因為啟思收了阿女,但有啲人又話啟思唔好, 問有咩唔好有答唔出, 又話好易入, 我心諗你無考又知? 奇怪haha 真係好多謝你的意見!

原帖由 nataliepsc 於 10-11-9 13:28 發表
邊間好d我唔知, 不過九龍塘啟思其實好好, d老師好有愛心, 我大女之前同佢d同學仔都讀得開心, 但係課程係淺d, 所有啟思都係一樣, k2先寫字, 不過我一個做幼稚園視學官既親戚就認為佢係最符合幼兒能力&好有愛心既一間 ...

作者: siujanjan 時間: 10-11-9 14:07

原帖由 靚媽媽店 於 10-11-9 13:40 發表
好開心聽到你的意見, 因為啟思收了阿女,但有啲人又話啟思唔好, 問有咩唔好有答唔出, 又話好易入, 我心諗你無考又知? 奇怪haha 真係好多謝你的意見!

...

之前睇過d文章, 話過早學寫字係唔好0架, k2先學就好d啦

作者: nataliepsc 時間: 10-11-9 15:11

唔駛客氣靚媽媽店, 我估有好多人覺得啟思唔好係因為佢地唔谷d小朋友, 唔會狂操佢地d英文&普通話, k1-3呢3年又無考試, 又無測試又無默書, 覺得佢地未"盡情發揮"小朋友既內在潛能, 所以考直資小學既時候可能不如一d "十大名校幼稚園"既學生突出, 又怕上小一追唔上; 不過我姨娚都係10年前啟思畢業, 佢入傳統官小後成績都名列前茅, 所以都係睇個人啦

係呀, 其實太早寫字對小朋友肌肉發展唔好

至於語言方面, 啟思理念係主要做好母語教學, 輔以英文 (n1開始), 到k3才加入普通話, 以免部份小朋友有語言混亂情況; 我大女語言發展很早, 我知佢唔會有呢個問題; 九龍塘啟思亦有phonics 同english funland可上 (課外活動), phonics教得唔錯, 囡囡上堂好感興趣, 去年我地幫佢報左international school, 好意外竟然收左佢, 所以我又唔覺得啟思英文特別唔掂, 只要父母肯同佢地多d睇書, 一定ok

作者: bbliang 時間: 10-11-9 15:28

是呀, 好多謝你分享。正如靚媽媽店講, 問人好多都話啟思唔好, 又冇好多課外活動, 英文程度又唔得。係呢, 我考那天都是人山人海呢!

原帖由 nataliepsc 於 10-11-9 15:11 發表
唔駛客氣靚媽媽店, 我估有好多人覺得啟思唔好係因為佢地唔谷d小朋友, 唔會狂操佢地d英文&普通話, k1-3呢3年又無考試, 又無測試又無默書, 覺得佢地未"盡情發揮"小朋友既內在潛能, 所以考直資小學既時候可能不如一d " ...

作者: 拾仔 時間: 10-11-9 15:53

咁藍田啟思係咪差dd?

作者: nataliepsc 時間: 10-11-9 23:54

真係唔知藍田啟思wor..., 不過所有啟思教法應該好consistent, 教材亦應該一樣, so far我除左聽過一間o係新界既好一般之外, 其他好似都差不多ok

課外活動有english funland, phonics, 同一d興趣小組 (不過真係唔多)但有d家長情願自己o係其他地方報游水呀, 音樂呀, 視乎定長同小朋友鍾意d點啦

至於係唔係好易考到, 最少九龍塘o個間今年一定唔係, 你睇下周圍都話收幾千份form, 當真係有1/3呢d心儀九龍塘區幼稚園既家長嫌啟思淺唔報, 有1/3只係為買保險而包括啟思在內咩都報, 剩番1/3真係有興趣讀, 都可能講緊2,000人考, 收4班120人, 當中可能有1/3有家姐阿哥o係到讀or畢業, 外收80人, 機會都係1/15 , 其他人下次再話收您個小朋友間啟思好易考je, 你叫佢自己計下條數!

所以各位家長, 今年競爭如此大而如果您d小朋友已o係1st round收左offer, 係因為你地個仔女叻, 唔係因為易考, you should be proud of them!

作者: pingu_k 時間: 10-11-10 00:04

原帖由 靚媽媽店 於 10-11-9 13:40 發表
好開心聽到你的意見, 因為啟思收了阿女,但有啲人又話啟思唔好, 問有咩唔好有答唔出, 又話好易入, 我心諗你無考又知? 奇怪haha 真係好多謝你的意見!

...

真係好易入咩??K1 我吾知,但去年N1,見BK話勁多人考,吾易入架喎!!

作者: pingu_k 時間: 10-11-10 00:09

原帖由 nataliepsc 於 10-11-9 13:28 發表
邊間好d我唔知, 不過九龍塘啟思其實好好, d老師好有愛心, 我大女之前同佢d同學仔都讀得開心, 但係課程係淺d, 所有啟思都係一樣, k2先寫字, 不過我一個做幼稚園視學官既親戚就認為佢係最符合幼兒能力&好有愛心既一間 ...

in果日我見Big Boys Club個阿Bob都帶個女去考!

作者: 晴雨公仔 時間: 10-11-10 00:53

同意，兩間都是好學校．

但我會揀
１）創價－校舍又大又乾淨．老師有愛心．
２）啓思

作者: 拾仔 時間: 10-11-10 10:36 標題: 回覆 4# nataliepsc 的文章

聽完你講個心又舒服左d....因為正校唔收藍田收左諗緊讀唔讀留位$比左.....仲=考創價

不過創價都難入架啦?

作者: 小克 時間: 10-11-10 11:05

提示: 作者被禁止或刪除內容自動屏蔽

作者: 靚媽媽店 時間: 10-11-10 12:13

咪係囉! 今年in啟思K1(律倫街)都見BK有部分唔入, 都唔係個個收啫!

原帖由 pingu_k 於 10-11-10 00:04 發表

真係好易入咩??K1 我吾知,但去年N1,見BK話勁多人考,吾易入架喎!!

作者: siujanjan 時間: 10-11-10 12:16

原帖由 靚媽媽店 於 10-11-10 12:13 發表
咪係囉! 今年in啟思K1(律倫街)都見BK有部分唔入, 都唔係個個收啫!

係咯, 我都reject 0左

作者: lovelinda 時間: 10-11-10 15:06

我收咗am,不過我唔會留位..........

作者: piggymike 時間: 10-11-10 15:26 標題: 回覆 5# Smartterrence 的文章

Why?? Please advise...please

作者: piggymike 時間: 10-11-10 15:28

佢都唔收我囡囡...

原帖由 靚媽媽店 於 10-11-10 12:13 發表
咪係囉! 今年in啟思K1(律倫街)都見BK有部分唔入, 都唔係個個收啫!

作者: Smartterrence 時間: 10-11-10 15:47 標題: 回覆 22# piggymike 的文章

雖然2間同是活動教學..但創價佢地教學宗旨(人本教育)我比較鍾意, 可以在學術以外, 訓練小朋友有自主能力,合群,堅強既性格..我好BUY...再者我有朋友嘅囝囝, 都o係創價讀, 真係教到小朋友我所描述的..不過我都知呢d都好睇小朋友本身...但是我亦看到朋友囝囝的一方面就是...好開心地返學...同樣亦好開心地放學...不停同我呢個ee講學校既軼事...從呢一點我知道創價真係一間happy school, 小朋友唔需要帶著壓力返學．．．呢樣就係我想要的東西～

作者: 靚媽媽店 時間: 10-11-10 16:05

我都有報創價, 仲有培正,宣道...差不多十間, 因為都唔知阿女到時表現點, 當去玩吓同保險啲, 我哋平時又無谷呀女.. 所以啓思收咪留咗位先, 到時有得揀好過無得揀嘛

原帖由 Smartterrence 於 10-11-10 15:47 發表
雖然2間同是活動教學..但創價佢地教學宗旨(人本教育)我比較鍾意, 可以在學術以外, 訓練小朋友有自主能力,合群,堅強既性格..我好BUY...再者我有朋友嘅囝囝, 都o係創價讀, 真係教到小朋友我所描述的..不過我都知呢d都 ...

作者: 拾仔 時間: 10-11-10 23:04

下咁似我ga,不過唔知報唔報宣道好呀，聽人講如果讀要學一樣音樂bor，你點睇？

原帖由 靚媽媽店 於 10-11-10 16:05 發表
我都有報創價, 仲有培正,宣道...差不多十間, 因為都唔知阿女到時表現點, 當去玩吓同保險啲, 我哋平時又無谷呀女.. 所以啓思收咪留咗位先, 到時有得揀好過無得揀嘛

...

作者: ppww 時間: 10-11-11 12:22

我知舊年報今年啟思K1都收了1,7XX from,
本身又有N1小朋友,肯比$3,800讀N1半日,
我估大部份會直升K1,還有些阿哥家姐喺道讀的,
上午+上午係120個位,
咁你地話易唔易入?今年報出年K1更多人,
因08年出生率更高!

[ 本帖最後由 ppww 於 10-11-11 12:36 編輯 ]

作者: ppww 時間: 10-11-11 12:29

但我亦知創價也難入,舊年收今年K1 120個,
一半60個位比會員,有會員也入唔倒,我也知每位老師也可介紹一位小朋友入讀,所以d人話唔識人係好難入,唔識人又不是會員入到既真係好難得!

作者: ppww 時間: 10-11-11 12:34

原帖由 nataliepsc 於 10-11-9 13:28 發表
邊間好d我唔知, 不過九龍塘啟思其實好好, d老師好有愛心, 我大女之前同佢d同學仔都讀得開心, 但係課程係淺d, 所有啟思都係一樣, k2先寫字, 不過我一個做幼稚園視學官既親戚就認為佢係最符合幼兒能力&好有愛心既一間 ...

講得很好很正確!

作者: ppww 時間: 10-11-11 12:35

原帖由 nataliepsc 於 10-11-9 23:54 發表
真係唔知藍田啟思wor..., 不過所有啟思教法應該好consistent, 教材亦應該一樣, so far我除左聽過一間o係新界既好一般之外, 其他好似都差不多ok

課外活動有english funland, phonics, 同一d興趣小組 (不過真係唔多) ...

講得很好繼續支持!

作者: Smartterrence 時間: 10-11-11 13:02

原帖由 ppww 於 10-11-11 12:29 發表
但我亦知創價也難入,舊年收今年K1 120個,
一半60個位比會員,有會員也入唔倒,我也知每位老師也可介紹一位小朋友入讀,所以d人話唔識人係好難入,唔識人又不是會員入到既真係好難得! ...

聽你講完之後...本來信心只有fifty fifty....依家.....信心突然跌到落谷底囉....不過都唔緊要啦....反正啟思都係一間好學校, 而且又收咗我囝囝....又已經交咗留位費...創幼收阿囝咪當係bonus囉....命裡有時終須有, 命裡無時莫強求...做人都係知足d好...

作者: ppww 時間: 10-11-11 14:08

原帖由 Smartterrence 於 10-11-11 13:02 發表

聽你講完之後...本來信心只有fifty fifty....依家.....信心突然跌到落谷底囉....不過都唔緊要啦....反正啟思都係一間好學校, 而且又收咗我囝囝....又已經交咗留位費...創幼收阿囝咪當係bonus囉....命裡有時終須有, ...

呢d係舊年考今年K1既資訊,今年其實我不知是否有分別,但今年競爭更大...
啟思都係happy KG嚟個喎,也很喜歡訓練小朋友有自信心,也著重訓練自理及品德,這是從小須要建立的,所以我很喜歡.

[ 本帖最後由 ppww 於 10-11-11 14:15 編輯 ]

作者: bbliang 時間: 10-11-11 14:44

ppww,

多謝你分享。
請問啟思K1英文堂型式係點呢? 一星期有多少堂英文堂呢?
另會唔會有宗教課呢?

原帖由 ppww 於 10-11-11 14:08 發表

呢d係舊年考今年K1既資訊,今年其實我不知是否有分別,但今年競爭更大...
啟思都係happy KG嚟個喎,也很喜歡訓練小朋友有自信心,也著重訓練自理及品德,這是從小須要建立的,所以我很喜歡. ...

作者: cake05 時間: 10-11-11 17:45

原帖由 bbliang 於 10-11-11 14:44 發表
ppww,

多謝你分享。
請問啟思K1英文堂型式係點呢? 一星期有多少堂英文堂呢?
另會唔會有宗教課呢?

哈,又比你估到我小朋友讀呢間,其實我不太在意佢在學校學到幾多英文,係人都知啟思主張母語教學,不過我可話你知,
我囡囡每天也要帶英文書,英文歌書,英文書裡的英文是基本的英文生字,我發覺她反而在英文歌書裡學了很多英文,她唱英文歌時,我續一問佢D英文字點解,她能全部正確解答我.
啟思是基督教的,每星期三須帶本天父返學,早會要祈禱及食茶點時也要祈禱.

[ 本帖最後由 cake05 於 10-11-11 20:31 編輯 ]

作者: kellychan77 時間: 10-11-11 18:12

我仔仔讀左藍田啟思一星期,
但我感覺到d老師同ee都好有愛心
唯一令我想係k1轉校既原因係我想小朋友學多d英文
不過,
聽到有家長話原來有英文堂上(課外活動)
我都放心d

作者: cake05 時間: 10-11-11 20:37

[ 本帖最後由 cake05 於 10-11-11 20:40 編輯 ]

作者: ppww 時間: 10-11-11 20:47

其實點解個個都咁擔心學英文方面?幼稚園幾歲人地你地想佢要識幾多英文呢?來來去去咪學個D,你地自己都教倒啦,怕在學校教得少,你可以自己教,學英文唔一定喺學校先學倒,日常生活也能學,帶佢去圖書館睇書又得,又幾難呀?

[ 本帖最後由 ppww 於 10-11-11 20:48 編輯 ]

作者: nsmjanet 時間: 10-11-11 22:23

我仔仔讀九龍塘啟思,由N班到現在K2,呢三年都讀得好開心,好鐘意返學,成日返黎都唱歌仔俾我聽,呢間啟思的老師十分十分好,很有愛心,特別係仔仔K1的班主任張老師,佢好錫小朋友,仲會俾埋佢個手提電話你有事可以找她!
當年仔仔兩歲面試後,九龍塘迦南,學之園及啟思三間都取錄,我最後揀了啟思,到目前為止,我覺得我無揀錯囉!

作者: nataliepsc 時間: 10-11-12 02:20

我都覺得九龍塘啟思d老師大部分都好ok, 佢地除左會有愛心地對待小朋友, 仲成日big hug佢地, d小朋友好lum

至於英文, 佢地有兩位abc/bbc老師, 雖然中國人樣, 但係唔識中文, 所以一定係用英文同小朋友溝通

程度唔深, 但係英文好靠日常運用, 我地晚晚都同小朋友讀story books, 另外又有俾佢上學校課外活動 (囡囡話phonics教得好好, english funland就同普通英文堂差不多)不過就唔會有kv o個d重組句子等, 佢有d同學可能屋企無咩同佢地睇書又無參與課外活動, 所以黎到我屋企我讀英文故事時唔係個個都明, 不過我覺得中英文除左學校外, 屋企好緊要, 小朋友一日返3個鐘學, 其他時間都係屋企wor

歡迎光臨教育王國 (/)