教育王國

標題: 挫敗!亞仔唔肯講嘢，實無學校收!!! [打印本頁]

作者: ftcl 時間: 10-11-6 18:09 標題: 挫敗!亞仔唔肯講嘢，實無學校收!!!

今日去咗ST PAUL同禮賢會面試，好大挫敗感。噚日已經同佢練習過，响屋企就好ＯＫ。點知今日見到老師，一句都唔講，連問我係佢邊個都唔答，又唔同老師講Ｂｙｅ　Ｂｙｅ，肯定全線敗北。之前又撰擇無報到真光等女校，只報咗５－６間，我依家好驚亞仔一間都無呀，點算好？？？

作者: dolphinmama 時間: 10-11-6 18:21

我唔係好明你講咩,你個"仔"唔報真光女校有咩問題?報左就真係有問題啦!
另外,唔會一間都唔收,你話5-6間,是否都是要求好高好高的學校呢?如果唔係,應該總有一間ok,放心啦!

作者: w_y 時間: 10-11-6 18:21

肯講都唔一定收啦.

你仔係咪細仔呀? 有無讀緊N1?

唔好咁大壓力啦. 學校一定有, 只要你唔要求一線名校.

作者: w_y 時間: 10-11-6 18:34

真光去到中學係女校, 所以好多男仔唔會報囉. 不過幼稚園同小學一樣收男仔.

原帖由 dolphinmama 於 10-11-6 18:21 發表
我唔係好明你講咩,你個"仔"唔報真光女校有咩問題?報左就真係有問題啦!
另外,唔會一間都唔收,你話5-6間,是否都是要求好高好高的學校呢?如果唔係,應該總有一間ok,放心啦! ...

作者: potato081 時間: 10-11-6 19:18

唔答唔代表唔收，我女女有間全程答曬，又如何？都係得後備

作者: kmmum 時間: 10-11-6 21:31

我囡囡仍然講單字. 報左很多九龍塘k. 應該all reject
留在原校讀k ~

作者: jenniferzhu 時間: 10-11-6 21:54

我囡囡今日IN兩間學校，第一間IN時一樣唔肯回應老師問題，仲跑開玩玩具添，被佢激死，好擔心呢間學校唔收囡囡

第二間就好少少，肯答肯照老師意思擺玩玩具，但IN既人太多，唔知到時收唔收囡囡。

作者: nataliepsc 時間: 10-11-7 00:40

我女女呢個禮拜唔知有咩情緒問題, 突然咩都唔肯答, 連nusery老師同佢打招呼都唔騒, 尋日去st cat都答唔到1/3問題, 最基本既講名講幾多歲都無反應, 同平時既佢好大差別, 唔知係咪我地呢個禮拜成日問令佢覺得好煩好大壓力呢...

原帖由 jenniferzhu 於 10-11-6 21:54 發表
我囡囡今日IN兩間學校，第一間IN時一樣唔肯回應老師問題，仲跑開玩玩具添，被佢激死，好擔心呢間學校唔收囡囡
第二間就好少少，肯答肯照老師意思擺玩玩具，但IN既人太多，唔知到時收唔收囡囡。 ...

作者: kiki.kiki 時間: 10-11-7 01:09

我B今日interview都唔肯講野, 佢返到屋企就多多野講

佢係細B, 仲未夠age 讀PN.....可能咁樣, 同其他B差好遠

原帖由 w_y 於 10-11-6 18:21 發表
肯講都唔一定收啦.
你仔係咪細仔呀? 有無讀緊N1?

唔好咁大壓力啦. 學校一定有, 只要你唔要求一線名校.

作者: Smartterrence 時間: 10-11-7 01:20

我囝又係呀...佢今日本來要in3間o架...不過後尾都只係in咗2間, 一間我覺得in得幾好..有問有答..當中都有少少脾氣仔啦..不過我估收既機會都幾高...但in第2間既時候...就不得了喇...全程唔合作...係噤喊...最後in既時候, 被老師帶返出o黎...o係o個一刻...唔好講話收唔收喇...個感覺好似我囝連interview既資格都被reject...幾有挫敗感...

作者: ftcl 時間: 10-11-7 07:40

我已經唔係單選名校啦，我住中西區好似間間學校都競爭好激烈，到到都人山人海。我亞仔是慢熱型，所以一開始要講嘢佢就死緊，反而要佢做動作或ROLE PLAY佢就OK。佢係大仔，連老師都話佢應該著數D，點知 .... 亞仔噚日心情特別差，我諗佢都好有壓力，依家唯有安慰自己要隨緣，唔想亞仔唔開心。

作者: 馬騮仔 時間: 10-11-7 08:54

我仔唔講野兼扭計tim呀

作者: 黃c奶 時間: 10-11-7 13:13

我覺得畀左好大壓自己同阿囡, 成日重覆問佢咩名, 幾歲, 攪到阿囡覺得好煩, 已經唔想再答我...

interview時又坐唔定, 睇怕都死晒...

作者: ncylam 時間: 10-11-7 14:53

Last year, I got the same experience like you. My son is shy and takes time to warm up. I got an interview in Kowloon Tong Think around October. He didn't make any response, not even telling his name or age. Of course, he is rejected. Then I called the school again in March. They offer us another interview in April. This time we even got an offer for AM school. If you really like that school, just keep trying ask for the offer. Don't give up.
Good luck!

作者: Jessiechow720 時間: 10-11-7 15:05

唔講嘢，唔一定唔收的，我有個朋友嘅仔响面試上全部問題都識答，但都唔收，所以都唔知道學校要什麼的。不用擔心，順其自然，唔好俾咁多壓力俾自己和囝囝啦！

作者: JHsbb 時間: 10-11-7 15:15

唔駛擔心, 我個女IN LAMTIN 啟思, 完全唔彩老師, 1句野都無講過, 但竟然收左佢讀K1-AM CLASS, 不過可能哥哥係度讀緊所以收左佢

作者: anlywan 時間: 10-11-7 15:40

要加油,俾信心自己及仔仔..因為我是過來人.我個仔以架已經2歲10個月大.但都是少些單字...我同佢做很多治療及課外活動. 佢以架先有少許進步...我幫佢報左十五間學校.以架已見左10間..四間出了結果都唔收.....我明知機會好少但我仍努力去試...希望總會有一間真是唔單單睇佢說話能力...希望佢遇到有教無頪的老師及學校.....
我知個種恐懼及擔心是很難受..但現在我會順其自然...請你亦一樣..千萬別給自己太大壓力....

作者: 嘻嘻 時間: 10-11-8 00:18

提示: 作者被禁止或刪除內容自動屏蔽

作者: hiellen 時間: 10-11-8 00:44

小朋友都係2歲多d, 唔好要求咁高; 好多小朋友都係哭緊又或者唔出聲interview; 其實都好睇老師既眼緣, 讀書既路好漫長, 現在先係剛起步, 我仔仔今年考小學, 報左3間, 1間reject, 1個收, 仲有1間等緊結果, 大家加油!

作者: utopian 時間: 10-11-8 01:45

小朋友本身未識講或者未講得好,呢種情況我相信較易接受.....但明明平時識講識答但一到interview就粒聲唔出,大好機會就此錯過,做父母的真的很心酸.....

作者: sonyerica 時間: 10-11-8 02:30

我相信小朋友都feel到有壓力.雖然面試前我們做父母通常都會講~嗱我哋現在去玩..
但小朋友會覺得點解次次話去玩但點解次次都問我咩名?幾歲?男or女?
我囝囝in了4間,每間都唔肯講自已叫咩名(有一間老師指住佢張form幅相先肯答),但其他都肯答老師叫佢砌拼圖又肯喎!!
但一出學校門口又自問自答:咩名XXX,2歲,男仔仲要中英答哂!!
唉!!現在我都順期自然吧!!

作者: ho_yan2406 時間: 10-11-8 02:50

原帖由 utopian 於 10-11-8 01:45 發表
小朋友本身未識講或者未講得好,呢種情況我相信較易接受.....但明明平時識講識答但一到interview就粒聲唔出,大好機會就此錯過,做父母的真的很心酸.....

AGREE....
琴日我仔第二次interview幼稚園,in sc,只係講左早晨,跟住一粒聲都冇出過,明明行埋去in前都仲話會答問題,答完有糖食架~
事後我問佢做乜唔答,佢話眼訓
我問佢like唔like呢間學校,佢寧頭話唔鐘意...
可能排隊太耐,上星期第一次interview,係sn,玩半個鐘先in,得2條問題冇答者~收左pm

作者: ftcl 時間: 10-11-8 09:54

好同意!我亞仔平時响屋企仲識駁口駁舌，玩砌圖仲好叻，點知見到老師就不斷閃眼，係不斷咁，老師仲以為佢有病，真係激到我死。男仔講唔到個名都仲ok，因老師應知道佢哋較慢熱，但我亞仔仲玩嘢到玩閃眼，真係估佢唔到。佢仲同我講係未佢唔講嘢，所以fail!我唯有話雖然今次fail, 下次再try　ａｇａｉｎ，咁你就ｗｉｎ啦，好似佢玩遊戲機咁，希望佢收到啦！

原帖由 utopian 於 10-11-8 01:45 發表
小朋友本身未識講或者未講得好,呢種情況我相信較易接受.....但明明平時識講識答但一到interview就粒聲唔出,大好機會就此錯過,做父母的真的很心酸.....

作者: w_y 時間: 10-11-8 10:14

interview 唔係只睇講話能力, 我相信社交能力都好重要. in 多幾間應該好些吧....間間都人頭湧湧好似酒樓咁....見大場面少d 都好易嚇親.

原帖由 utopian 於 10-11-8 01:45 發表
小朋友本身未識講或者未講得好,呢種情況我相信較易接受.....但明明平時識講識答但一到interview就粒聲唔出,大好機會就此錯過,做父母的真的很心酸.....

作者: pauline-alvin 時間: 10-11-8 10:51

My daughter attended her 1st interview for K1, but totally lost. We went to St. Catherine last Sat, first, she was arranged to sit with other kids playing Lego, but she just sat for few seconds, then run to other table, got the toy from other table, tried to run away and went out of the classrooms. At that time, I knew the result and wanted to give up, but teacher asked us to go to another classroom for interview with teacher. My girl couldn't sit for a while and just answered few questions and ran away again. Teacher gave her biscuit and did not reply with "Thank You". How come she will be accepted? A bit disappointed, if she behaved like that for pre-nursery interview, I were fine with this, now, she attend pre-nursery class for few months and still like that, can't acceptable. Should train her ASAP. Luckily, St. Catherine is not our target as we live in HK Island. But this is a good experience to alert us what she needs to be trained.

作者: 阿豆媽 時間: 10-11-8 11:00

我個女又係咁，星期六in左2間，佢可以一粒聲都唔出，但之後係架車度又唱歌又講野冇停過~~

我都明白呢d野係冇得迫嘅，但個種心情真係好難受，明明係d好簡單嘅問題佢識但都可以完全唔出聲，真係好無奈~~

我好了解我個女，佢好慢熱，我都已經冇迫佢，interview只得個幾分鐘，佢唔出聲我地做家長真係唔可以做到d咩，我身邊d朋友成日都叫我唔好擔心，但我真係可以唔擔心咩......

宜家只有希望下次interview會好d啦~~

作者: vinvillalee 時間: 10-11-8 12:00

原帖由 w_y 於 10-11-8 10:14 發表
interview 唔係只睇講話能力, 我相信社交能力都好重要. in 多幾間應該好些吧....間間都人頭湧湧好似酒樓咁....見大場面少d 都好易嚇親.

其實當初都係咁諗. 但當收到一間心儀的學校reject 後, 我個自信心大跌. 佢當日的表現好好. 個先生都話佢識好多野. 只係佢仲未識講好多野, 未識講自己個名及年歲. 唔知係唔係咁就衰左. 真係好唔開心.

作者: prudencecho 時間: 10-11-8 12:28

唉.....4/11及5/11連續兩晚都為左6/11面試而失眠...我老公話我太神經緊張
但了面試個日...阿女一早要IN...可能未warm-up夠...因佢每次去到陌生環境...一定無停四圍望...一路四圍望...一路答老師問題...一副好唔專心既樣子...做到6-7成左右...唉.....我見到簡直如同跌落谷甘.....好down
因我個女係12月超細女...已經好弊...再加上佢又唔專心...答d唔答d....

作者: ccling69 時間: 10-11-8 13:18

我個女都唔會答老師問題, 全程都係家長幫她答, 因為早知她會咁, 所以特登報d睇父母對答同親子關係多d嘅幼稚園,同埋到時是想方法同佢溝通, 例如推椅, 握手, show到個小朋友嘅學習模式...等, 其實兩歲嘅小朋友好難叫佢同陌生人講野, 唔講野先係正常,所以我無train佢對答, 好彩都入到想入的幼稚園.其實你去train佢已經比左壓力佢, 所以佢會好stressful 同唔講野, 反而你不停想d方法同佢玩而令佢開心d輕鬆d,仲表現到自己.基本上d幼稚園都係睇下小朋友聽唔聽指示一同親子關係好唔好, 父母有心教好小朋友, 咁係interview時自己表現一下, 對小朋友嘅了解, 點樣教小朋友, 其實呢d仲重要啦.

作者: petunia 時間: 10-11-8 15:20

唉....我個女都係咁....

唔知係咪星期六落雨，仲要兩間學校都要排好耐(超過20mins)先至開始入學校等in.....我個女表現超差....

一早9:30in st cat, 我個女平時8點前就起身，原本以為自己「超優待」，仲專登俾阿女前一晚再早點休憩，由得個女自然起床...點知，佢反而就在這一天訓到8:30都唔自然起床，我們唯有叫佢起身....惡夢開始....

首先，佢唔肯食早餐，仲食左少少就訓著左。搬佢上火車，但沿路bb同我地爭umbrella...又嚴重影響大家的情緒....

st cat 門口，露天在雨中等，睇住把umbrella又睇唔住個女，排左超過半個鐘先至入到第一間房。

玩lego....本來係我個女最掂的項目，但係.....佢地d lego係放在枱面，唔係放好晒先玩，我個女第一時間，走去旁邊，一下子就搵出個lego筒，執lego入去.....老師見到，雖然都明白我個女想幫手收拾，但已經變成左「怪孩子」了...更慘的，係老師唔需要小朋友收拾玩具就走去第二間房，我培養左個女玩之後要執野....所以....我個女又係呢個時候開始收玩具.....天呀！！！！第三個不順。

最後一間房，又係要等，我和女兒已經入左去超過一個鐘，我個女開始周圍走。終於見到老師，老師問乜佢都識得用手指正確答案，但係....要講的就通通唔答。就在這個尷尬的環境下，我個女面完試了。

第二間，都係要等....今次仲慘，我個面試時，眼中並無校長和老師，只有校長後面的好多本書，吸引左佢過去睇，所以連答都無答校長的提問，就一味睇...我地用盡方法，阿女都只顧睇書.....v_v......凍過水。

好在已經有另一間收左，我都無咁擔心。註定阿女只能讀n班，k班都係等多年先....

作者: bapesimon 時間: 10-11-8 15:30

我仔仔IN左兩間, 全程坐地...無得救

最好笑只老師比糖佢, 我話只可以拿一粒, 佢伸左手仔入個袋好耐(成十幾秒), 最後一粒都無拿, 只係做左1字既手勢伸番出黎....笑死我...

作者: fleshmoon 時間: 10-11-8 15:55

小朋友的表現有時真的唔會明白, 我10月尾同一天上午同囡囡in 兩間, 一間十問九唔應, 只有時點頭, 都預無ga la.

in 第二間就答左8成問題, 但好少望老師, 但最後主動送左個flying kiss比老師, 好可愛. 好彩, 收左但下午.

11月6日in左一間, 答左9成幾的問題, 我好滿意因有進步, 老師好似都滿意, 不過問她是否平日好少笑, 因她真的全程無笑(她平時都係咁既). 未知收唔收, 但可見她有進步我已開心. 在家時她都唔係好答我的.

in 頭兩間時我同她講是去學校參觀, 我見她表現咁, 11月6日同她講去考試, 她反而好左(唔知有無關), 考完後上車走時重自己話"我頭先答得好叻呀" 真攪笑.

所以平常心面對啦, 好多野我們都未必有能力改變.

作者: petunia 時間: 10-11-8 16:35

請問，你的小朋友係咪大b？識問你滿唔滿意佢的表現？好叻仔呀！

我個係0812細b，在佢認為最安全的家入面，佢最叻都係識講「我要呢個」「呢個係媽咪架」「呢個乜黎架？啱賴」呢類直接對話。去問人有關佢的表現，好高層次呀！

原帖由 fleshmoon 於 10-11-8 15:55 發表
小朋友的表現有時真的唔會明白, 我10月尾同一天上午同囡囡in 兩間, 一間十問九唔應, 只有時點頭, 都預無ga la.

in 第二間就答左8成問題, 但好少望老師, 但最後主動送左個flying kiss比老師, 好可愛. 好彩, 收左但 ...

作者: hannah616 時間: 10-11-8 20:12

我阿女又咪係!!佢雖然是細女,不過講野好叻!不過佢連續in了3間都唔講野,今日去了根德園面試,仲嚴重,除左唔肯開口講野之外,見到 d「考官」仲好驚tim, 老師問左好多野都唔肯答,老師好似好懷疑佢係啞架! 於是老師有d嬲,問佢:「你爸爸係邊呀,係出面等你呀?」佢即刻答:「
係出面等我lor!」老師又迫佢講名:「你快d講你叫mug名,如果唔係我唔比你出去
見爸爸!」佢更加驚! 而另一位老師就叫佢砌一間屋,砌完之後, 叫佢吹跌佢,佢好驚,唔肯吹!真奇,為什麼老師會叫d學生做d破壞性的事? 5年前, 哥哥都 in 過呢間,仲收左佢tim,不過我無比佢讀,因為好多人都話d老師無mug笑容同愛心,
5年後的今天,老師的⋯⋯style仍是一樣,對學生不是循循善誘的,而是有點玳嚇和崔迫，爸爸仲搞笑,佢話阿
妹做得好,如果阿妹表現正常而又被取錄就煩! Anyway, 阿妹你在爸媽心目中永遠是...最好的![url=]繼續閱讀[/url]

作者: ho_yan2406 時間: 10-11-9 03:34

原帖由 vinvillalee 於 10-11-8 12:00 發表

其實當初都係咁諗. 但當收到一間心儀的學校reject 後, 我個自信心大跌. 佢當日的表現好好. 個先生都話佢識好多野. 只係佢仲未識講好多野, 未識講自己個名及年歲. 唔知係唔係咁就衰左. 真係好唔開心. ...

係咪sn呀?我係Frances,o個日有同你傾計呢,你記得我ma?
我仔表現都不錯,以細仔黎講,佢都答左好多問題,但都只係收pm咋....
你係收reject定waiting呀?之前見d人話sn唔會reject既...可能今年真係太多人in la....:cry:

作者: ho_yan2406 時間: 10-11-9 03:40

原帖由 hannah616 於 10-11-8 20:12 發表
我阿女又咪係!!佢雖然是細女,不過講野好叻!不過佢連續in了3間都唔講野,今日去了根德園面試,仲嚴重,除左唔肯開口講野之外,見到 d「考官」仲好驚tim, 老師問左好多野都唔肯答,老師好似好懷疑佢係啞架! 於是老師有d嬲 ...

乜d老師會咁講野架?咁你個女醒,知呢間d老師唔岩佢,所以表現差d唔想入

作者: 小克 時間: 10-11-9 08:26

提示: 作者被禁止或刪除內容自動屏蔽

作者: fleshmoon 時間: 10-11-9 10:19

我的小朋友(女女)係大b (0801), 所以會較有利, 但有時都係看心情的, 她未夠兩歲時都已好多野講, 越大真係越好, 所以差幾個月都係有分別的. 但有時細b會聽話d, 大b會同你對著幹, 她懂但特登唔答你.

我覺得收左她那間, 她的表現一般, 我以為最多是後備.
11月6日in那間, 她的表現幾好, 但真的好多人in, 都未必收. 有時都要看幾多人考, 收幾多個小朋友既, 你叻, 好多人叻過你.

原帖由 petunia 於 10-11-8 16:35 發表
請問，你的小朋友係咪大b？識問你滿唔滿意佢的表現？好叻仔呀！

我個係0812細b，在佢認為最安全的家入面，佢最叻都係識講「我要呢個」「呢個係媽咪架」「呢個乜黎架？啱賴」呢類直接對話。去問人有關佢的表現，好高層次呀！

...

作者: vinvillalee 時間: 10-11-9 11:07

原帖由 ho_yan2406 於 10-11-9 03:34 發表

係咪sn呀?我係Frances,o個日有同你傾計呢,你記得我ma?
我仔表現都不錯,以細仔黎講,佢都答左好多問題,但都只係收pm咋....
你係收reject定waiting呀?之前見d人話sn唔會reject既...可能今年真係太多人in la....:cry: ...

hi! 係呀! 我超唔開心. 不過寄望另一間心儀的學校.

作者: nataliepsc 時間: 10-11-9 15:19

有答都好, 我個女唔肯講佢咩名, 幾歲, 邊個帶佢黎同唱歌, 呢d問題我早幾日全部都有問佢, 佢全部都識答, 但係入到去偏偏就係呢3題都唔答, 好似係要作對一樣...

作者: 阿豆媽 時間: 10-11-9 15:58

原帖由 nataliepsc 於 10-11-9 15:19 發表
有答都好, 我個女唔肯講佢咩名, 幾歲, 邊個帶佢黎同唱歌, 呢d問題我早幾日全部都有問佢, 佢全部都識答, 但係入到去偏偏就係呢3題都唔答, 好似係要作對一樣...

...

我個女又係咁，問佢咩都唔講，你話我點可以唔擔心吖，呢幾日真係做咩都冇咩心機，SIGH~~

不過，我都唔比壓力佢，我怕愈迫佢愈有反效果，而家我都盡量氹佢多D，希望佢肯開下金口啦~~

作者: ho_yan2406 時間: 10-11-9 17:34

原帖由 vinvillalee 於 10-11-9 11:07 發表

hi! 係呀! 我超唔開心. 不過寄望另一間心儀的學校.

你囝囝一定入到一間你心儀既學校架,放心~!

歡迎光臨教育王國 (/)