教育王國

標題: 1A班家長,急請大家幫忙! Thanks! [打印本頁]

作者: pingpink 時間: 10-11-4 11:56 標題: 1A班家長,急請大家幫忙! Thanks!

各位1A班家長,

我囡囡最近有d情緒, 係學校好唔開心, 仲有喊, 唔知你地囡囡有冇提及?
我囡囡係比較被動, 唔係好大謄, 佢同我講係學校好悶, 冇人同佢玩, 所以唔鍾意返學, 其實我知唔係同學唔同佢玩, 而係佢唔開放自己, 見佢日日苦口苦面, 朝朝喊話唔想返學, 我實在好擔心又痛….
所以我好希望請大家幫忙, 可唔可以同你地囡囡講, 幫忙多加照顧我囡囡, 邀請佢一齊去玩?

作者: mimifans 時間: 10-11-4 13:03

我囡囡最初時都同我講佢好少同學會同佢玩, 只有大姐姐照顧, 到咗10月, 因好多時學校要默書, 我叫佢係小息時去完洗手間, 食完野, 就要自己溫習, 由於係咁, 所以囡囡好少同同學玩, 其實也有一些同學好像我囡囡一樣, 都是在溫習, 所以我囡囡沒有因為咁而唔開心, 相反見到同學努力的時候, 自己也會努力起來!

有一次, 囡囡不用溫習, 她也覺得很悶, 但剛好她遇見飯長姐姐, 便跟飯長姐姐一起到圖書館, 從此, 囡囡很多時也會到圖書館, 之後亦沒有告訴我她上學不開心, 每天都是很開心的回家!

不如, 你嘗試叫囡囡係小息的時候去圖書館, 可能會遇到同班的同學, 日子耐咗, 大家可能成為好朋友呢! 又或者, 你安排一些事情給她在小息的時候做, 這樣她便不覺得小息是很寂寞的!

你唔好咁擔心啦, 我想只是一段過渡期, 遲些她會找到自己她想做的事情, 你要好好的鼓勵她!

作者: GMGM 時間: 10-11-4 17:00

我諗你可以比佢帶多小小零食請同學仔食/交換小食,試下可唔可以打開話匣子(我女是1b班)

[ 本帖最後由 GMGM 於 10-11-4 17:09 編輯 ]

作者: pingpink 時間: 10-11-4 22:43

我今日叫佢帶咗多d紫菜番去請同學仔食, 又叫佢問吓d同學仔朝早番到學校會係邊度玩, 我囡囡今日好似開心咗d, 希望佢冇事啦....

歡迎光臨教育王國 (/)