教育王國

標題: 馬鞍山靈糧小學小一入學面見 [打印本頁]

作者: rhk451 時間: 10-11-4 09:02 標題: 馬鞍山靈糧小學小一入學面見

我於九月份幫仔仔交表申請自行分配學位，我本身不是世襲，亦沒有宗教分。昨天收到靈糧小學通知要求面見(唔係面試)小朋友，又講明面見跟取錄無關，講問有冇家長知道係咩事?

作者: 愚人 時間: 10-11-4 10:25

學校可以見自行o既學生o家咩? 我唔信跟取錄無關? 咁見o黎做咩?
我唔係好信依間學校自行好難入到.因為唔係mos o既主流3間.
你真係見下先知.

作者: eatcookies 時間: 10-11-4 11:53

或者見好大機會收你貴子弟，想搵機會提早介紹下啦，去睇下無妨，入唔入到此校係由計分決定，如你有分佢無得話見左面唔收你加渦。

作者: IrisLau 時間: 10-11-4 13:03

同意eatcookies既講法...即係收晒有分既學生, 現在有位剩, 如果你心儀靈糧既, 不妨一試..

我囡囡讀緊靈糧小一, 讀得好開心...

原帖由 eatcookies 於 10-11-4 11:53 發表
或者見好大機會收你貴子弟，想搵機會提早介紹下啦，去睇下無妨，入唔入到此校係由計分決定，如你有分佢無得話見左面唔收你加渦。

作者: fafapoodle 時間: 10-11-4 14:03

我同事上年都有被邀面見, 她見後覺得just like interview! 佢都係得15分但成功於自行入到!

作者: pinkoqbb 時間: 10-11-5 22:42

我都收到信要in呀~~

原帖由 rhk451 於 10-11-4 09:02 發表
我於九月份幫仔仔交表申請自行分配學位，我本身不是世襲，亦沒有宗教分。昨天收到靈糧小學通知要求面見(唔係面試)小朋友，又講明面見跟取錄無關，講問有冇家長知道係咩事? ...

作者: rhk451 時間: 10-11-8 12:11

原帖由 pinkoqbb 於 10-11-5 22:42 發表
我都收到信要in呀~~

hi, pinkoqbb,

如果收妳小朋友, 妳會accept嗎?可以分享妳對這學校的意見嗎?我去過馬鞍山內幾間津貼小學既簡介會,最後選咗靈糧,雖然校舍沒有雨川及循道新,但我覺得佢既校長同老師都好好.....在靈糧讀書應該會幾開心!

作者: mingb 時間: 10-11-11 18:30

原帖由愚人於 10-11-4 10:25 發表
學校可以見自行o既學生o家咩? 我唔信跟取錄無關? 咁見o黎做咩?
我唔係好信依間學校自行好難入到.因為唔係mos o既主流3間.
你真係見下先知.

唔係卦，靈糧好多人爭，亦曾經評為是全港最佳100間小學的其中一間．你講主流果三間係邊幾間？主風，循道？點解佢地先係主流？

作者: pinkoqbb 時間: 10-11-17 00:00

我鍾意佢校風好,
功課多唔多睇個小朋友點做同比唔比心機,
就算今次唔得,大抽獎第一都會係佢

原帖由 rhk451 於 10-11-8 12:11 發表

hi, pinkoqbb,

如果收妳小朋友, 妳會accept嗎?可以分享妳對這學校的意見嗎?我去過馬鞍山內幾間津貼小學既簡介會,最後選咗靈糧,雖然校舍沒有雨川及循道新,但我覺得佢既校長同老師都好好.....在靈糧讀書應該會幾開心 ...

作者: 愚人 時間: 10-11-17 01:15 標題: 回覆 2# mingb 的文章

我只可以話, 我間kg 40人無一個家長揀佢. 對我kg 來講, 一定唔係主流.
我亦識得現在六年級靈量學生家長今年同我講, 唔知係唔係揀錯學校, 上年o既排位唔好. 睇下家長要d 咩, 開心教學定係為中學鋪路.
這個是我個人所知的, 不喜勿插.

作者: monkichi 時間: 10-11-17 09:59

原帖由 mingb 於 10-11-11 18:30 發表

唔係卦，靈糧好多人爭，亦曾經評為是全港最佳100間小學的其中一間．你講主流果三間係邊幾間？主風，循道？點解佢地先係主流？

睇過一本親子雜誌所講, 2010-2011小一入學, 89網有幾間小學喺第一階段係收滿額或超額的. 靈糧是其中一間.
這點證明靈糧跟其他幾間小學一樣, 都係"好多人爭".

但我認識兩位小朋友, 他們在第二階段分別把靈糧放在第三及第四志願. 最後被派入讀.
而你所提及的另外兩間小學, 獲派入讀的學生全是把該校放在第一志願的.
這點可以反影2010-2011年度小一家長選校的情況.....

歡迎光臨教育王國 (/)