教育王國

標題: 囡囡脾氣差.又成投訴別人.煩到我呢哩! [打印本頁]

作者: lam1115 時間: 10-11-3 15:01 標題: 囡囡脾氣差.又成投訴別人.煩到我呢哩!

我教女已經教到無晒方法啦,真係頂唔順佢D 甘既性格,又易喊,又易發脾氣,又成日不滿D 同學啦,又成日走去投訴人,我真係覺得佢都算好難相處既人來架.其實各位媽咪你地可唔可教我下應該點做好呀.真係人到癲啦 !
我承認自己之前脾氣唔好架,我聽D 家長既心得你首先要做好自己,D仔女才會做好D,甘我咪改左啦.現在都無鬧.但點解佢越來越多野出來激我呢,令到我真係好想佢去寄宿,等其他老師教佢架!!

作者: yipcharie 時間: 10-11-3 15:12

同佢解釋下囉,你話比佢知,媽媽都好辛苦,叫佢多D体諒別人啦!

作者: jessicachoywy 時間: 10-11-3 16:13

星島張悅華作者「叮走孩子嗅皮氣」這本書可能會幫到你, 在公共圖書館可找到的。

作者: brian61950 時間: 10-11-3 21:35

試下返主日學,童軍及義工.

作者: joeylin1017 時間: 10-11-3 21:44

比著係我,我會用返我媽媽果時教我既方法, 一喊就打,打到佢唔喊為止, 要惡過佢, 果時我地既年代邊有咁既性格既小朋友! 我地連返學都要體罰啦。

作者: brianshe 時間: 10-11-4 17:59

提示: 作者被禁止或刪除內容自動屏蔽

作者: brian61950 時間: 10-11-4 19:11

哈哈哈,我仔都試過剪自己頭髮及撕毀手册,問佢老馮唔關佢事,賴左他人,我都話算,老婆又信佢返學校投訴,攪到幾大件事....
最後用返前人個招,大刑待候.而家無 lu,鬼咁誠實.

原帖由 brianshe 於 10-11-4 17:59 發表
曾經有一個朋友同我講, 佢話: 你小朋友係你跟另一半的合體, 你地資質係點佢就係點; 你地性格係點佢就係點. 佢話自己都有閱讀障礙, 首先要自己接納自己嘅問題 & 明白你仔/女都會有相同問題; 唔好羞於承認. 你就會明白 ...

作者: SEI 時間: 10-11-5 13:44

仔女反映父母的部份性格, 作為父母, 如果可以做個好榜樣, 對孩子有一定的正面影響。

作者: happyvalley 時間: 10-11-5 22:56

去到呢個地步，我唸都十歲以上，以前細個就鬧就打，點知記住妳/你，一懂性就雙倍還返比妳/你。

主要係佢覺得妳唔愛佢，習慣左話妳，所以要表達妳好愛佢，佢話妳都唔好出聲。

作者: kc1016 時間: 10-11-6 20:58

哈哈, 見到你哋D小朋友甘勁, 原來上星期老師打比我話我個仔畫咗同學仔本書一下, 係好小事喎.

不過其實邊個父母想自己的小朋友比人投訴呀.

我會先了解佢點解甘做, 同佢talk talk, 不過自己都要冷靜下.

我知道自己個仔D性格甘特別, 我已經有同佢報咗D情緒行為班讀, 而家返小學先第一次比老師話, 已經比我想像中好啦.

不過導師有話, 唔好成日同小朋友講"NO", 應多D欣賞佢同讚美佢, 你試下啦.

原帖由 brian61950 於 10-11-4 07:11 PM 發表
哈哈哈,我仔都試過剪自己頭髮及撕毀手册,問佢老馮唔關佢事,賴左他人,我都話算,老婆又信佢返學校投訴,攪到幾大件事....
最後用返前人個招,大刑待候.而家無 lu,鬼咁誠實.

...

歡迎光臨教育王國 (/)