教育王國

標題: 點解星期六唔比幼稚園學生入圖書館睇書等上堂?? [打印本頁]

作者: 劻晉媽媽 時間: 10-10-23 10:04 標題: 點解星期六唔比幼稚園學生入圖書館睇書等上堂??

今朝送阿仔返學校學畫班,英語加油站同埋普通話生活坊,响校務處A門口入去,校工姐姐叫我地入去圖書館睇吓書先,因為當時仲好早,點知一入去就比個好似義工家長嘅阿姐大大聲咁問我個仔係咪小學,我話:k2,跟住個阿姐就話圖書館係比小學學生入黎睇書,幼稚園要去113室,嗰度有人陪佢地睇電視,我跟住就話:係你地個校工姐姐叫我地入黎咋喎,跟住個阿姐仲繼續响度講...,講到我好唔應該帶個仔入圖書館咁,我咪同佢講,我會同校長反映,其實我都唔明,點解淨係小學生先可以入去圖書館??都係嗰一陣啫,大家都係等夠鐘上堂啫,點解幼稚園學生就唔比入,而要去睇電視呢??崇真學校好鼓勵d學生無論幼稚園或者小學生都要多睇書,如果唔係都唔駛細細個k1就要人地一星期做兩份閱讀報告啦,但係而家竟然咁做??就算幼稚園學生每星期都入去圖書館借書架啦,佢地都知要遵守圖書館規則,又唔會影響其他小朋友,咁都唔比佢地入去??

而且我地d家長完全唔知學校每日返學放學嘅情序,派左d通告講返學放學出入口,到我地帶仔返去時,又話星期六唔可以响A門口入去,但原先學校派嘅通告又話可以架噃??最奇怪嘅係今日23/10先話唔入得,我之前幾次都响A門口入又得喎??d校工姐姐又唔清唔楚,乜都唔知,咁學校咪多餘囉,不如,好似之前咁,由得d家長亂黎,鐘意邊個門口入又得,邊個門口出又得仲好啦,反正而家都係得亂字架啦,職員乜都唔知,家長知嘅又話唔啱嘅,最後都係浪費時間,崇真最唔好就係行政好混亂,聽到d家長一頭霧水??安排又唔週全,咁仲點敢比個小朋友再响度升小學呀???

作者: chingching2005 時間: 10-10-23 10:57

原帖由 劻晉媽媽 於 10-10-23 10:04 發表
今朝送阿仔返學校學畫班,英語加油站同埋普通話生活坊,响校務處A門口入去,校工姐姐叫我地入去圖書館睇吓書先,因為當時仲好早,點知一入去就比個好似義工家長嘅阿姐大大聲咁問我個仔係咪小學,我話:k2,跟住個阿姐就話圖 ...

講起圖書館我都有少少要反映

我之前湊阿女返學未夠鐘未入得課室，成班家長及小朋友在外面等打鐘入去，OK冇問題．

但有時見到圖書館裡可以有其他小朋友（幼稚園）及家長在裡面看書，於是我亦帶小朋友入去睇下書啦！點知都有職工叫我地走啦！佢地話呢個時間唔係借書時間，如果是幼稚園家長請在放學後先來圖書館．我話：唔係借，睇下都唔得？

我都覺得學校去推廣閱讀這方面仍有一點保留．

作者: 劻晉媽媽 時間: 10-10-23 16:09 標題: 回覆 2# chingching2005 的文章

咁咪係囉,點解個圖書館好似只係為小學學生而設?老實講,我地幼稚園生無比學費雜費咩,樣樣都比齊錢,但係又無我地份用,都幾唔公平喎,好似你咁講都係入課室前去睇吓書啫,咁又唔準,但係我朝朝都見到圖書館裡面有d家長,工人姐姐帶住d小朋友入去,唔知點解佢地又入得??

作者: 爸爸超人 時間: 10-10-23 21:55

睇嚟又要蕭亞姨出手啦

作者: silvia_ng 時間: 10-10-24 00:46

原帖由 爸爸超人 於 10-10-23 21:55 發表
睇嚟又要蕭亞姨出手啦

我收左山啦喎!

我唸樓主可以寫EMAIL比校長, 佢好肯覆人架!

作者: 劻晉媽媽 時間: 10-10-24 20:35 標題: 回覆 5# silvia_ng 的文章

係呀,我都有諗過同校長傾吓,但又唔想吓吓煩住佢,原先想同家教會傾吓反映比學校知囉.

作者: silvia_ng 時間: 10-10-28 22:16

原帖由 劻晉媽媽 於 10-10-24 20:35 發表
係呀,我都有諗過同校長傾吓,但又唔想吓吓煩住佢,原先想同家教會傾吓反映比學校知囉.

今年我唔係家教會呀! 我"退左休"啦!

你試下寫埋去PTA個EMAIL, 睇下有冇人覆你啦!

作者: 劻晉媽媽 時間: 10-10-29 18:10

原帖由 silvia_ng 於 10-10-28 22:16 發表

今年我唔係家教會呀! 我"退左休"啦!
你試下寫埋去PTA個EMAIL, 睇下有冇人覆你啦!

係呀,好呀,等我都試下啦,唔該哂你喎,你之前都係家教會??

作者: silvia_ng 時間: 10-10-29 22:33

原帖由 劻晉媽媽 於 10-10-29 18:10 發表

係呀,好呀,等我都試下啦,唔該哂你喎,你之前都係家教會??

做了三年了...今年"榮休"啦! (會章所限只可連續選三年)

作者: 劻晉媽媽 時間: 10-10-30 15:41

原帖由 silvia_ng 於 10-10-29 22:33 發表

做了三年了...今年"榮休"啦! (會章所限只可連續選三年)

哦,原來係咁.

歡迎光臨教育王國 (/)