教育王國

標題: Piano:::::2011第十六屆香港 - 亞洲鋼琴公開比賽 [打印本頁]

作者: bebebe12345 時間: 10-10-22 15:15 標題: Piano:::::2011第十六屆香港 - 亞洲鋼琴公開比賽

The 16th Hong Kong - Asia Piano Competition
香港賽區截止報名日期:15-Nov-2010

作者: ernestchow 時間: 10-10-22 16:40

點解報名費甘貴

2個小孩咪好甘

作者: w_y 時間: 10-10-22 17:17

我一個想參加2 個項目, 覺得好貴呀, 可能都係一項算

原帖由 ernestchow 於 10-10-22 16:40 發表
點解報名費甘貴 2個小孩咪好甘

作者: KnN 時間: 10-10-26 11:04

原帖由 w_y 於 10-10-22 05:17 PM 發表
我一個想參加2 個項目, 覺得好貴呀, 可能都係一項算 :sigh:

我想問下佢值唔值得參加呢?
比賽果陣係點,似校際?

作者: fcbttkw 時間: 10-10-26 12:01

真係好貴！考慮中…

作者: miffy 時間: 10-10-26 13:22

提示: 作者被禁止或刪除內容自動屏蔽

作者: bebebe12345 時間: 10-10-26 21:41

兒童A組
I, II, III都要

兒童B,C,D組
I 一首巴洛克或古典時期作品
II 自選一或多首樂曲
I, II都要

作者: christianmom 時間: 10-10-26 23:00

仔仔上一屆都有參加，雖然報名費貴，但參賽者的水準比校際高，而且決賽是和內地或其他亞洲地方的參賽者一齊比賽，觀摩別人的長處都是值得。

原帖由 bebebe12345 於 10-10-26 21:41 發表
兒童A組
I, II, III都要

兒童B,C,D組
I 一首巴洛克或古典時期作品
II 自選一或多首樂曲
I, II都要

作者: w_y 時間: 10-10-27 11:52

大家小心佢網頁上中英文資料係唔相同, 例如21-24組年齡限制. 同埋英文 application 度仲係寫住2009 年.

睇中文好似好d.

作者: bebebe12345 時間: 10-12-29 10:57

各組初賽經已開始,先祝賀能入決賽的小朋友!
http://www.pianomusicina.org/16hk/new.php

作者: Camom 時間: 10-12-29 15:48

原帖由 christianmom 於 10-10-26 23:00 發表
仔仔上一屆都有參加，雖然報名費貴，但參賽者的水準比校際高，而且決賽是和內地或其他亞洲地方的參賽者一齊比賽，觀摩別人的長處都是值得。

...

非常認同，我一早已經同阿仔講今次參賽主要以觀摩為主，從中吸取別人嘅長處，亦希望藉此俾佢知道自己嘅不足，等佢將來學／練琴可以更加積極。阿仔今次幸運地入選決賽，以前聽老師講過國內嘅參賽者準備十分充足，技巧也十分高，我哋都係抱著大開眼界嘅心態去參加決賽。

作者: christianmom 時間: 10-12-29 23:01

恭喜妳仔仔入到決賽！
去年我仔仔參加的一場，香港入到決賽的人數不多，反而內地參加決賽的人數比香港多。內地的參賽者技巧的確很高，香港的參賽者就多些 musical，結果頭三名都是香港參賽者，所以賽果都是看評判的口味。
故此你仔仔祇要盡力，一定會有好的成績。預祝他馬到功成！

原帖由 Camom 於 10-12-29 15:48 發表

非常認同，我一早已經同阿仔講今次參賽主要以觀摩為主，從中吸取別人嘅長處，亦希望藉此俾佢知道自己嘅不足，等佢將來學／練琴可以更加積極。阿仔今次幸運地入選決賽，以前聽老師講過國內嘅參賽者準備十分充足，技巧也十分高，我哋 ...

作者: Camom 時間: 10-12-29 23:48

原帖由 christianmom 於 10-12-29 23:01 發表
恭喜妳仔仔入到決賽！
去年我仔仔參加的一場，香港入到決賽的人數不多，反而內地參加決賽的人數比香港多。內地的參賽者技巧的確很高，香港的參賽者就多些 musical，結果頭三名都是香港參賽者，所以賽果都是看評判的口味。
故此你 ...

christianmom,

多謝你嘅鼓勵，但我相信阿仔獲獎嘅機會不大。在初賽當天，阿仔嘅年紀係全組第2細，佢選奏嘅樂曲亦只是Grade 2 level，看到其他大哥哥／姐姐選奏嘅歌曲較深，技巧及表現也較純熟，我和阿仔真的是獲益良多（因為阿仔以往只參加過2個較小型嘅比賽）。

阿仔參加嘅係Class No. 46 Children's Pieces，3組合共49人，其中21名參賽者可以進入決賽，阿仔得到嘅分數係87，所以我估計85分係進入決賽嘅cut-off score。

請問你仔仔舊年參加邊一組賽事呢？

作者: christianmom 時間: 10-12-30 00:49

啊！妳仔仔這麼年紀小，無論得失，往後都有很多機會。

我仔仔去年是參加兒童A組，要彈3首不同時期的樂曲。

原帖由 Camom 於 10-12-29 23:48 發表

christianmom,

多謝你嘅鼓勵，但我相信阿仔獲獎嘅機會不大。在初賽當天，阿仔嘅年紀係全組第2細，佢選奏嘅樂曲亦只是Grade 2 level，看到其他大哥哥／姐姐選奏嘅歌曲較深，技巧及表現也較純熟，我和阿仔真的是獲益良多（因為阿仔 ...

作者: miss321 時間: 10-12-30 01:10

我都有2個學生入到決賽，似乎揀幾多人入決賽冇咩規定, A學生果組入左1/3人，B學生入左1/4，不過肯定的係, 決賽真係會大開眼界!

作者: 十月媽咪 時間: 10-12-30 09:15 標題: 回復 13# Camom 的帖子

Camom,

恭喜你囝囝入到決賽, 我囡都係同你同組, 你係當日第二場既小朋友嗎? 你小朋友彈得好好呀, 呢首歌我女響另一本書都有學, 但你囝囝真係彈得非常好, 87分可以拎到一等獎, 好"口力"仔呀!....我女雖然都入到決賽, 但我諗佢係掹車邊入到咋, 因為佢係僅僅有個8字頭多少少....我諗CUT-OFF入決賽既分數, 係80分或以上吧!

作者: 十月媽咪 時間: 10-12-30 09:16

請問有無人知, 決賽係咪都係響番香港進行呀?!

作者: bebebe12345 時間: 10-12-30 09:20

歷年...................香港

[ 本帖最後由 bebebe12345 於 10-12-30 09:21 編輯 ]

作者: 十月媽咪 時間: 10-12-30 09:28 標題: 回復 18# bebebe12345 的帖子

唔該晒!

作者: Camom 時間: 10-12-30 12:04

原帖由 十月媽咪 於 10-12-30 09:15 發表
Camom,

恭喜你囝囝入到決賽, 我囡都係同你同組, 你係當日第二場既小朋友嗎? 你小朋友彈得好好呀, 呢首歌我女響另一本書都有學, 但你囝囝真係彈得非常好, 87分可以拎到一等獎, 好"口力"仔呀!....我女雖然都入到決賽, ...

十月媽咪,

係呀，真係咁「橋」，我囝囝係第二場出賽㗎！我囝囝出場時有Ｄ緊張，同埋佢唔係好識Ｄ鞠躬禮儀，今次比賽可以俾佢增加Ｄ經驗。我都預祝你囡囡比賽成功啦！

作者: Camom 時間: 10-12-30 12:10

原帖由 christianmom 於 10-12-30 00:49 發表
啊！妳仔仔這麼年紀小，無論得失，往後都有很多機會。

我仔仔去年是參加兒童A組，要彈3首不同時期的樂曲。

對的，我成日同囝囝講比賽不是在乎輸贏，而是準備比賽時嘅過程，克服比賽時面對群眾嘅壓力，最重要係可以參考學習別人嘅長處，呢Ｄ都唔係平時學琴可以學到的。

作者: Littleleaves 時間: 10-12-30 14:52 標題: 回復 1# Camom 的帖子

請問入到決賽的參賽者, 是否要重彈初賽的歌?
:loveliness:

作者: Camom 時間: 10-12-30 18:13

原帖由 Littleleaves 於 10-12-30 14:52 發表
請問入到決賽的參賽者, 是否要重彈初賽的歌?
:loveliness:

我諗應該係，下年2月就決賽，咁短時間應該唔夠練一隻新歌。

作者: christianmom 時間: 10-12-30 23:38

Camom & 十月媽咪

妳們兩位的小朋友都很叻呀，可以入到決賽。

Camom 說得對，比賽主要是讓他們吸收經驗，面對壓力和觀摩別人的長處。獲獎是 bonus，但小朋友願意去接受挑戰已經很難得，所以在這段期間要多讚賞他們，而且無論得獎與否，他們在媽咪眼中已是冠軍。預祝他們在決賽中有好成績！

原帖由 Camom 於 10-12-30 12:10 發表

對的，我成日同囝囝講比賽不是在乎輸贏，而是準備比賽時嘅過程，克服比賽時面對群眾嘅壓力，最重要係可以參考學習別人嘅長處，呢Ｄ都唔係平時學琴可以學到的。 ...

作者: christianmom 時間: 10-12-30 23:42

對，是彈番初賽的樂曲，所以都好悶。我自己的經驗就讓他抖一抖，隔天或兩、三天才練一次，到決賽前兩星期再操，效果可能會較好。

原帖由 Littleleaves 於 10-12-30 14:52 發表
請問入到決賽的參賽者, 是否要重彈初賽的歌?
:loveliness:

作者: Littleleaves 時間: 10-12-31 11:57 標題: 回覆 1# christianmom 的文章

多謝分享!

作者: 十月媽咪 時間: 10-12-31 19:33 標題: 回復 24# christianmom 的帖子

Christianmom,

謝謝你的鼓勵&讚賞! 其實當初決定參賽, 都係抱住觀摩心態, 所以一直都係平常心! 呢個比賽我地唔諗住會入到圍的, 更加無諗過會攞到D乜野獎....所以一直都係同個女講, 參加呢個比賽, 唔係要佢贏D乜野返唻, 而係想佢認認真真睇吓人哋係點彈琴, 點樣投入去彈, 認真去彈....不過初賽時, 佢坐到蟻咬咁, 唉....我都唔知佢有無認真地觀察吓人哋點彈琴! ANYWAY, 唻緊農曆新年期間既決賽, 希望可以睇到更多更高水平既小朋友既"演出"啦! 大家都努力啊!

作者: christianmom 時間: 11-1-1 16:24

為你們打氣！

原帖由 十月媽咪 於 10-12-31 19:33 發表
Christianmom,

謝謝你的鼓勵&讚賞! 其實當初決定參賽, 都係抱住觀摩心態, 所以一直都係平常心! 呢個比賽我地唔諗住會入到圍的, 更加無諗過會攞到D乜野獎....所以一直都係同個女講, 參加呢個比賽, 唔係要佢贏D乜野返 ...

[ 本帖最後由 christianmom 於 11-1-1 17:16 編輯 ]

作者: Camom 時間: 11-1-3 23:31

原帖由 christianmom 於 10-12-30 23:42 發表
對，是彈番初賽的樂曲，所以都好悶。我自己的經驗就讓他抖一抖，隔天或兩、三天才練一次，到決賽前兩星期再操，效果可能會較好。

老師都叫我唔駛日日同阿仔練，另外亦只需每次練一個重點。

另外，在比賽期間聽別人說80分以上就可以進入決賽。

作者: Camom 時間: 11-1-3 23:33

原帖由 christianmom 於 11-1-1 16:24 發表
為你們打氣！

images/smilies/default/icon_hammer.gifimages/smilies/default/aktion033.gif

謝謝！

作者: bebebe12345 時間: 11-1-4 14:26

初賽還有一場15日,包括公開組。
近年入決賽的人數越來越多,應是一次難得的經歷。

[ 本帖最後由 bebebe12345 於 11-1-4 17:16 編輯 ]

作者: Camom 時間: 11-1-18 23:29

決賽名單﹠日期已出，有份進入決賽嘅朋友一齊加油！

http://www.pianomusicina.org/16hk/new.php

作者: 十月媽咪 時間: 11-1-19 08:16 標題: 回復 32# Camom 的帖子

Camom,

謝謝通知!...我地2月10日就開學, 好彩9號比賽, 唔駛同學校請假!

作者: Littleleaves 時間: 11-1-19 23:14

各位,

請問點解主辦網址內有些組別(只出日期及幾個時段, 但沒有顯示我們在那個時段比賽), 是否會有信通知我們?

作者: Camom 時間: 11-1-19 23:22 標題: 回復 1# Littleleaves 的帖子

初賽時都係咁，website上面嗰個應該係master schedule，遲Ｄ（好似1月尾）會有信通知個別嘅比賽時間。

作者: Littleleaves 時間: 11-1-19 23:43 標題: 回復 1# Camom 的帖子

Thank you!!
:loveliness:

作者: Camom 時間: 11-1-26 08:45

出咗詳細比賽時間表，可以上網check啦！

作者: 十月媽咪 時間: 11-1-26 12:40 標題: 回復 37# Camom 的帖子

今日收埋信添喇! 大家CHECK吓信箱啦!

作者: bebebe12345 時間: 11-1-26 13:55

今年其他地區來參賽的人數不少。
我跟各位打氣,也特別跟Ryan打氣吧!

作者: christianmom 時間: 11-1-26 14:22

我在上一屆的冠軍演奏會中欣賞過Ryan的琴技，的確很好，上一屆他都拿了幾個組別冠軍，今屆一定無問題。

Camom & 十月媽咪，為妳們的孩子打氣呀！努力！加油！

原帖由 bebebe12345 於 11-1-26 13:55 發表
今年其他地區來參賽的人數不少。
我跟各位打氣,也特別跟Ryan打氣吧!

作者: 十月媽咪 時間: 11-1-26 15:14 標題: 回復 40# christianmom 的帖子

christianmom,

謝謝您!

作者: Camom 時間: 11-1-26 23:41 標題: 回復 2# christianmom 的帖子

christianmom,

Thanks a lot!

作者: Camom 時間: 11-2-6 23:31

唉，囝囝星期三要比賽，擒日唔小心屈親右手隻無名指，今日想練琴但痛到練唔到，如果呢兩日仲未有改善可能要退出比賽了。。。

作者: ilovethiscow 時間: 11-2-7 02:39

提示: 作者被禁止或刪除內容自動屏蔽

作者: christianmom 時間: 11-2-7 10:58

噢！妳試試用「喜療妥」或「跌打酒」幫他搓多幾次，希望可以快些好番，不要放棄機會。

原帖由 Camom 於 11-2-6 23:31 發表
唉，囝囝星期三要比賽，擒日唔小心屈親右手隻無名指，今日想練琴但痛到練唔到，如果呢兩日仲未有改善可能要退出比賽了。。。

作者: Camom 時間: 11-2-7 16:40 標題: 回復 1# christianmom 的帖子

christianmom，

其實呢兩日都有幫佢「查」藥油／膏，今日好似好咗ＤＤ，頭先都可以稍為練吓琴，不過就無平日彈得咁有信心。

作者: 洛婷 時間: 11-2-7 17:59

原帖由 Camom 於 11-2-7 16:40 發表
christianmom，

其實呢兩日都有幫佢「查」藥油／膏，今日好似好咗ＤＤ，頭先都可以稍為練吓琴，不過就無平日彈得咁有信心。

加油呀 , 機會難得 , 唔好放棄 ,
希望你仔仔取得好成績

作者: Smiile 時間: 11-2-7 20:35 標題: 回復 2# Camom 的帖子

我想沒有信心可能因為受過傷，你再為他打氣，鼓勵和支持，應該會好有幫助

加油 !

作者: Camom 時間: 11-2-7 21:07 標題: 回復 1# Smiile 的帖子

多謝各位對囝囝嘅鼓勵！Smile講得啱，我相信囝囝沒有信心是因為他還是有點兒怕痛，不敢用力按琴鍵。我已盡力鼓勵他，及告訴他４手指並非常用手指，希望他不要過份focus on受傷過嘅手指。囝囝總共進了兩項決賽要彈3首歌，我知道他也感到一定壓力，我惟有鼓勵他輕鬆面對是了。

作者: christianmom 時間: 11-2-7 22:03

Camom

囝囝無故受傷做媽咪的一定很心痛，試試盡量引開他的注意力，不要focus on 第四手指，讓他忘記痛的感覺。

我囝囝在上一屆比賽中也是受了傷，他在學校的梯級滑了腳，撞傷腰部有一個飯碗大小的瘀傷，無論舉手或踏 pedal 都很痛，我祇好在等候比賽時帶他去快餐店買他喜歡的食物，又買一些他喜歡看的書分散他的注意力，效果都不錯。

妳囝囝能夠入到兩項決賽很叻呀！祇要盡力而為，一定會有意想不到的結果。加油呀！！

原帖由 Camom 於 11-2-7 21:07 發表
多謝各位對囝囝嘅鼓勵！Smile講得啱，我相信囝囝沒有信心是因為他還是有點兒怕痛，不敢用力按琴鍵。我已盡力鼓勵他，及告訴他４手指並非常用手指，希望他不要過份focus on受傷過嘅手指。囝囝總共進了兩項決賽要彈3首歌，我知道他也 ...

作者: Camom 時間: 11-2-7 23:19

原帖由 christianmom 於 11-2-7 22:03 發表
Camom

囝囝無故受傷做媽咪的一定很心痛，試試盡量引開他的注意力，不要focus on 第四手指，讓他忘記痛的感覺。

我囝囝在上一屆比賽中也是受了傷，他在學校的梯級滑了腳，撞傷腰部有一個飯碗大小的瘀傷，無論舉手或踏 pedal 都 ...

christianmom,

對於囝囝臨比賽前受傷感到有點無奈，不過明白到意外是很難避免的，惟有盡量給兒子多點鼓勵，我也會參考你的建議，使他能輕鬆參加比賽。多謝你的分享，我們會加油的！

作者: bebebe12345 時間: 11-2-8 12:54

祝各位好運!
今晚公開組決賽。

作者: 十月媽咪 時間: 11-2-9 21:14

Camom,

仔仔今日表現如何? 我地係最後一組, D小朋友個個都好"口力"呀, 阿女雖然攞唔到任何名次, 但對於今日既表現, 我都好滿意, 畢竟彈得比初賽時好, 同埋都見識到好多好認真比賽既小朋友呢!

原帖由 Camom 於 11-2-7 23:19 發表

christianmom,

對於囝囝臨比賽前受傷感到有點無奈，不過明白到意外是很難避免的，惟有盡量給兒子多點鼓勵，我也會參考你的建議，使他能輕鬆參加比賽。多謝你的分享，我們會加油的！ ...

作者: Camom 時間: 11-2-9 22:19

原帖由 十月媽咪 於 11-2-9 21:14 發表
Camom,

仔仔今日表現如何? 我地係最後一組, D小朋友個個都好"口力"呀, 阿女雖然攞唔到任何名次, 但對於今日既表現, 我都好滿意, 畢竟彈得比初賽時好, 同埋都見識到好多好認真比賽既小朋友呢!

...

十月媽咪，

今日阿仔係第二組比賽，同組有好多國內參賽者，真的令我們大開眼界。阿仔今日彈得還可以，只是近尾段有一些甩漏。阿仔好好彩得84分取得第四名。同組第一位出場的香港女孩(17號）和32號的香港男孩彈得非常出色，不知他們有否取得佳績。

另一場二級比賽阿仔表現一般，得84.7分，沒有取得名次。

其實我們對於阿仔嘅成績已十分滿意，參加比賽對他預備今年嘅二級考試亦大有裨益，希望大家明年再見，繼續加油！

作者: 十月媽咪 時間: 11-2-9 22:34 標題: 回復 54# Camom 的帖子

恭喜你仔仔取得第四名, 知道你仔仔既分數, 咁都可以衡量到我女今次既成績了....我女只得82分, 所以無名次啊!....我地嗰組, 上次彈給愛麗斯嗰個姐姐今日失準呀, 睇到佢個樣都有少少失望...另外有一位參賽者一彈完就返埋位喊....但我覺得佢彈得唔錯架, 只係有一兩個位感覺甩咗少少....我哋嗰場, 我最鍾意係最後一位出場嗰個姐姐, 睇到我眼都唔眨呢! 我都想知佢有無取得佳績啊!

我地今場, 只得三個國內人, 但其實我都唔係好分得到邊三個係, 總之就係大開眼界啦!

作者: Camom 時間: 11-2-9 23:09 標題: 回復 1# 十月媽咪的帖子

多謝！其實你囡囡嘅成績都好好，最開心嘅係你聽到佢比初賽有進步！

我都記得上次彈給愛麗斯嘅姐姐呀，佢上次真係彈得好好，好有層次感，好有感情。不過有時臨場比賽難免會因為緊張而影響發揮，所以怎樣克服比賽時嘅壓力，亦係參加比賽可以學到嘅東西。

我之前講嗰個32號嘅哥哥，都係上次同我哋同組，著哂禮服，表現好自信同淡定嗰個，我好鍾意聽佢演奏，希望自己個仔第時都可以好似佢彈得咁charming.

作者: christianmom 時間: 11-2-9 23:49

Camom

恭喜妳囝囝取得第四名，證明他的努力並沒有白費。祝他考試一樣有佳績。

上屆的頒獎禮比較混亂，希望今屆的安排會好一些。

原帖由 Camom 於 11-2-9 22:19 發表

十月媽咪，

今日阿仔係第二組比賽，同組有好多國內參賽者，真的令我們大開眼界。阿仔今日彈得還可以，只是近尾段有一些甩漏。阿仔好好彩得84分取得第四名。同組第一位出場的香港女孩(17號）和32號的香港男孩彈得非常出色，不 ...

作者: 十月媽咪 時間: 11-2-10 06:27

咦, 原來係著晒禮服呢個哥哥呀, 我記得佢呀, 上次都畀佢吸引住, 覺得佢真係有姿勢又有實際呢! 唔知佢最終如何呢?...好想網頁入面快D POST得獎者名單啊!

原帖由 Camom 於 11-2-9 23:09 發表
多謝！其實你囡囡嘅成績都好好，最開心嘅係你聽到佢比初賽有進步！

我都記得上次彈給愛麗斯嘅姐姐呀，佢上次真係彈得好好，好有層次感，好有感情。不過有時臨場比賽難免會因為緊張而影響發揮，所以怎樣克服比賽時嘅壓力，亦係參加比 ...

作者: 十月媽咪 時間: 11-2-10 06:28 標題: 回復 57# christianmom 的帖子

今年淨係得頭三名可以去頒獎禮咋!

作者: Camom 時間: 11-2-10 10:13 標題: 回復 1# 十月媽咪的帖子

係呀！剩係冠亞季軍先至有得出席頒獎禮，其實有機會我真係好想同阿仔參加頒獎禮㗎，因為可以睇埋其他組的演奏，尤其係公開組呀！

作者: christianmom 時間: 11-2-10 11:11

噢！不知是否上一屆頒獎禮太混亂，所以今屆祇有頭三名出席。

上屆還有一個冠軍演奏會，揀了一部份組別的冠軍，在香港大會堂舉行，真的是大開眼界。

Camom & 十月媽咪，如果今屆都有冠軍演奏會的話，值得帶小朋友去觀看，他們確實彈得出色。

原帖由 十月媽咪 於 11-2-10 06:28 發表
今年淨係得頭三名可以去頒獎禮咋!

作者: id00288 時間: 11-2-10 13:22

我囡囡都是在9号上午在GR1完成比賽的。須然未有獎項，但很開心比初賽高分了。

作者: 十月媽咪 時間: 11-2-10 14:37 標題: 回復 61# christianmom 的帖子

christianmom,

我都好想帶個女去欣賞吓冠軍級人馬既表現呀, 但暫時都唔見有冠軍演奏會, 淨係知道有個"大師班"既物體咋!

作者: christianmom 時間: 11-2-10 14:53

哦！大師班不是在比賽前搞才有作用嗎？

妳女女盡力完成比賽已經很叻叻啦！祝她在往後的比賽有更好的成績！

原帖由 十月媽咪 於 11-2-10 14:37 發表
christianmom,

我都好想帶個女去欣賞吓冠軍級人馬既表現呀, 但暫時都唔見有冠軍演奏會, 淨係知道有個"大師班"既物體咋!

作者: id00288 時間: 11-2-10 15:10

大師班是否会收費的呢？

作者: 十月媽咪 時間: 11-2-10 15:10 標題: 回復 64# christianmom 的帖子

唔清楚個大師班既運作, 只知比賽當日有張紙仔擺響報到處任家長攞咋!

謝謝你, 對於佢既進步, 我真的很安慰!...唻緊要努力校際, 今年被安排響三月頭, 即係上多四堂左右就要去比賽了....希望順順利利啦! :loveliness:

作者: 十月媽咪 時間: 11-2-10 15:11

我都唔清楚, 網頁上唔覺佢有講收費, 但又好似無寫明係免費, 所以都唔知係乜嘢唻!

原帖由 id00288 於 11-2-10 15:10 發表
大師班是否会收費的呢？

作者: Camom 時間: 11-2-10 22:02

原帖由 十月媽咪 於 11-2-10 15:11 發表
我都唔清楚, 網頁上唔覺佢有講收費, 但又好似無寫明係免費, 所以都唔知係乜嘢唻!

我見網頁上係咁寫：「以上各大師班設名額4-6個，另設免費旁聽。」所以我估係要收費的。

作者: Camom 時間: 11-2-10 22:04

原帖由 christianmom 於 11-2-10 11:11 發表
噢！不知是否上一屆頒獎禮太混亂，所以今屆祇有頭三名出席。

上屆還有一個冠軍演奏會，揀了一部份組別的冠軍，在香港大會堂舉行，真的是大開眼界。

Camom & 十月媽咪，如果今屆都有冠軍演奏會的話，值得帶小朋友去觀看，他們確實 ...

咁上屆嘅冠軍演奏會係任何參賽者都可以參加的嗎？如果今年都有的話一定唔會錯過。

作者: Camom 時間: 11-2-10 22:05

原帖由 十月媽咪 於 11-2-10 15:10 發表
唔清楚個大師班既運作, 只知比賽當日有張紙仔擺響報到處任家長攞咋!

謝謝你, 對於佢既進步, 我真的很安慰!...唻緊要努力校際, 今年被安排響三月頭, 即係上多四堂左右就要去比賽了....希望順順利利啦! :loveliness: ...

咁今次決賽真係俾咗一支強心針你和囡囡。預祝校際比賽成功！

作者: christianmom 時間: 11-2-11 00:04

其實上屆的冠軍演奏會都有些混亂，他們通知我時，祇說演出者不用購票，家人好似有兩張免費票，其餘的親戚朋友就要去城市售票網購票。但當日我們去到大會堂取票時，有些人又可以取多過兩張免費票，早知我唔花錢買啦！而且大會堂演奏廳有很多座位，有分演出的冠軍及家人朋友祇佔很少位置﹝我不知有多少人純是觀看﹞，有很多空位任坐，有點浪費咁大個會場。如果大會可以免費給所有參加比賽的人欣賞，效果會更好。

原帖由 Camom 於 11-2-10 22:04 發表

咁上屆嘅冠軍演奏會係任何參賽者都可以參加的嗎？如果今年都有的話一定唔會錯過。

作者: ilovethiscow 時間: 11-2-11 01:06

提示: 作者被禁止或刪除內容自動屏蔽

作者: 十月媽咪 時間: 11-2-11 06:13

但又唔寫明要收幾多錢架喎! 同埋都比完賽啦, 無乜理由仲為咗同一首歌畀一筆錢佢指導啩?! ....

原帖由 Camom 於 11-2-10 22:02 發表

我見網頁上係咁寫：「以上各大師班設名額4-6個，另設免費旁聽。」所以我估係要收費的。

作者: 十月媽咪 時間: 11-2-11 06:15

Camom,

哈哈, 係咪強心針我都唔知呀! 不過個傻妹好搞笑, 佢話: 媽咪...點解我好多嘢都入到決賽, 但梗係無份攞獎既呢?!.....嗯....女呀女, 總有機會吧!

原帖由 Camom 於 11-2-10 22:05 發表

咁今次決賽真係俾咗一支強心針你和囡囡。預祝校際比賽成功！

作者: Camom 時間: 11-2-11 09:41

原帖由 十月媽咪 於 11-2-11 06:15 發表
Camom,

哈哈, 係咪強心針我都唔知呀! 不過個傻妹好搞笑, 佢話: 媽咪...點解我好多嘢都入到決賽, 但梗係無份攞獎既呢?!.....嗯....女呀女, 總有機會吧!

...

無錯，機會終會落在你女兒身上，加油！

其實不知是否因為囝囝年紀較小，體型亦比較細粒，評判俾分時會手鬆少少呢？

作者: 十月媽咪 時間: 11-2-11 09:51

唔知有無關係呢?不過你仔仔確係彈得好呀, 初賽時佢一彈完, 我同我佬已經特別留意佢喇! 所以點都係實至名歸的! 你地有無參加校際呀?!

話時話, 評判有無問你仔仔幾多歲呀? 嗰日阿女彈完, 畀中間個男評判叫左埋去, 問佢幾多歲啊!

原帖由 Camom 於 11-2-11 09:41 發表

無錯，機會終會落在你女兒身上，加油！

其實不知是否因為囝囝年紀較小，體型亦比較細粒，評判俾分時會手鬆少少呢？

作者: fong媽 時間: 11-2-11 10:22

((有分演出的冠軍及家人朋友祇佔很少位置))

其實個晚真係淨好多位, 現場氣氛真係麻麻

作者: Camom 時間: 11-2-11 10:31 標題: 回復 2# 十月媽咪的帖子

你囡囡幾多歲呀？我無幫阿仔報校際呀，因為佢讀緊K3，學校唔會幫佢哋報，咁我怕麻煩就無報到lu。

有呀，中間個男評判（蔡崇力）喺阿仔彈完時叫阿仔行埋去﹠問佢幾多歲。後來唔係好耐都未攞到評分紙嘅？聽Ｄ工作人員講好似評判話Ｄ參賽者年齡太參差，提出要分齡定名次喎。不過最後係點又無交待清楚，相信要遲Ｄ睇番個得奬暫名單至知。其實我記得舊年呢個組別係有分齡的。

作者: 十月媽咪 時間: 11-2-11 11:16

原來你仔仔都有被問, 我女七歲, 但同組最細嗰個唔係佢, 唔明點解會問佢又唔問埋其他小朋友?!?!

係啦, 我都想知係咪真係有分齡, 好想快d知道邊個係冠軍啊!

原帖由 Camom 於 11-2-11 10:31 發表
你囡囡幾多歲呀？我無幫阿仔報校際呀，因為佢讀緊K3，學校唔會幫佢哋報，咁我怕麻煩就無報到lu。

有呀，中間個男評判（蔡崇力）喺阿仔彈完時叫阿仔行埋去﹠問佢幾多歲。後來唔係好耐都未攞到評分紙嘅？聽Ｄ工作人員講好似評判話Ｄ參賽者年 ...

作者: Camom 時間: 11-2-11 18:03

今日上堂同老師提起囝囝手指受傷嘅經過（其實係同daddy打籃球屈到隻手指）。老師話如果要彈琴的話就要好好保護自己嘅手指，一Ｄ容易令到手指受傷嘅嘢都要避免做。唔知你哋嘅老師有無同你哋講過類似嘅嘢呢？

作者: christianmom 時間: 11-2-11 20:33

我囝囝的鋼琴老師及大提琴老師是完全禁止他做激烈的球類運動，例如藍球、足球及排球之類，祇能夠游泳。雖然囝囝很喜歡足球，但為了音樂都祇有放棄。

原帖由 Camom 於 11-2-11 18:03 發表
今日上堂同老師提起囝囝手指受傷嘅經過（其實係同daddy打籃球屈到隻手指）。老師話如果要彈琴的話就要好好保護自己嘅手指，一Ｄ容易令到手指受傷嘅嘢都要避免做。唔知你哋嘅老師有無同你哋講過類似嘅嘢呢？ ...

作者: 十月媽咪 時間: 11-2-11 21:07

我囡兩個老師雖然無嚴禁我女做任何危險運動, 但我自己係盡量避免佢做呢D運動的....不過而家升咗小學, 都好難避免, 響我視線範圍, 我可以唔畀佢做, 但響學校, 上運動堂時係難以避免的, 有時有D運動, 例如打籃球, 排球之類, 有可能係考試範圍添....唯有盡量叫個女小心就是了!

原帖由 Camom 於 11-2-11 18:03 發表
今日上堂同老師提起囝囝手指受傷嘅經過（其實係同daddy打籃球屈到隻手指）。老師話如果要彈琴的話就要好好保護自己嘅手指，一Ｄ容易令到手指受傷嘅嘢都要避免做。唔知你哋嘅老師有無同你哋講過類似嘅嘢呢？ ...

作者: Smiile 時間: 11-2-12 11:35

原帖由 Camom 於 11-2-11 18:03 發表
今日上堂同老師提起囝囝手指受傷嘅經過（其實係同daddy打籃球屈到隻手指）。老師話如果要彈琴的話就要好好保護自己嘅手指，一Ｄ容易令到手指受傷嘅嘢都要避免做。唔知你哋嘅老師有無同你哋講過類似嘅嘢呢？ ...

我女試過在比賽前溜冰扭傷隻手用不到力，老師雖然有微言 (而且講過唔比呀女去溜冰)，我話 : "無法啦，可能整定佢無得參加呢 ?"

作者: Camom 時間: 11-2-13 00:43

原帖由 Smiile 於 11-2-12 11:35 發表

我女試過在比賽前溜冰扭傷隻手用不到力，老師雖然有微言 (而且講過唔比呀女去溜冰)，我話 : "無法啦，可能整定佢無得參加呢 ?"

比賽或考試前受傷真係好無奈！

Daddy聽到話彈鋼琴要避免玩ball games有Ｄ抗拒，因為佢覺得小朋友，尤其係男仔一定要識玩ball games。不過其實阿仔無咩運動細胞，亦不太熱衷運動，咁我都無咁煩惱。

作者: Smiile 時間: 11-2-13 01:16

原帖由 Camom 於 11-2-13 00:43 發表

比賽或考試前受傷真係好無奈！

Daddy聽到話彈鋼琴要避免玩ball games有Ｄ抗拒，因為佢覺得小朋友，尤其係男仔一定要識玩ball games。不過其實阿仔無咩運動細胞，亦不太熱衷運動，咁我都無咁煩惱。 ...

我都咁諗喎...小朋友點都最好有一、兩樣運動(跑、跳、球類、游泳、體操溜冰...等)

作者: lillymarie 時間: 11-2-13 19:02 標題: 回復 2# Camom 的帖子

如果小朋友有機會走專業音樂路, 一雙手真的很重要.
有時候不單是運動, 即便是練習樂器時, 亦要很小心姿勢, 免得引起勞損.
我曾聽說專業歌唱者, 更要早睡早起，還要特別注意飲食.

作者: 音樂人長老 時間: 11-2-13 23:16

有時唔只做運動，同學之間玩時都有機會受傷，正面啲去諗，小朋友體育係群體活動唔好避開，反為可以教小朋友點樣保護自己避免受傷，即使避唔到都可以將受傷程度減到最低，好似撘飛機都會教妳安全姿勢咁，得閒研究下或者上網總會揾到方法

。

作者: Camom 時間: 11-2-15 08:33

決賽得獎名單已在網站公佈：
http://www.pianomusicina.org/16hk/prize%20all.htm

作者: Camom 時間: 11-2-15 08:38

原帖由 十月媽咪 於 11-2-11 11:16 發表
原來你仔仔都有被問, 我女七歲, 但同組最細嗰個唔係佢, 唔明點解會問佢又唔問埋其他小朋友?!?!

係啦, 我都想知係咪真係有分齡, 好想快d知道邊個係冠軍啊!

...

十月媽咪，

我哋比賽嗰組可能最終分咗三個年齡組別，因為我見到總共有3個冠亞季﹠第四名。囝囝決賽嗰組就係我話嗰個姐姐﹠著禮服嘅哥哥蠃咗冠亞軍；我諗如果唔分年齡嘅話阿仔未必攞到獎tim。

作者: 十月媽咪 時間: 11-2-15 09:02

Camom,

嘩, 卒之都睇到個得獎名單喇, 我哋嗰組, 最後嗰個姐姐, 真係拎到冠軍呀! 好戥佢開心呢!

原來我哋嗰組好多人都攞到獎, 確實, 佢哋真係彈得好好的!

我諗最終係無分年齡組別的, 因為響我哋嗰組得獎既小朋友入面, 佢哋應該都係差唔多年紀, 我諗係因為大家都同分, 所以大家都有獎吧!

要再次讚吓你囝囝, 響咁多高手入面, 都可以脫穎而出, "口力"仔!

原帖由 Camom 於 11-2-15 08:38 發表

十月媽咪，

我哋比賽嗰組可能最終分咗三個年齡組別，因為我見到總共有3個冠亞季﹠第四名。囝囝決賽嗰組就係我話嗰個姐姐﹠著禮服嘅哥哥蠃咗冠亞軍；我諗如果唔分年齡嘅話阿仔未必攞到獎tim。 ...

作者: id00288 時間: 11-2-15 10:07

原帖由 十月媽咪 於 11-2-15 09:02 發表
Camom,

嘩, 卒之都睇到個得獎名單喇, 我哋嗰組, 最後嗰個姐姐, 真係拎到冠軍呀! 好戥佢開心呢!

原來我哋嗰組好多人都攞到獎, 確實, 佢哋真係彈得好好的!

我諗最終係無分年齡組別的, 因為響我哋嗰組得獎既小朋友入 ...

我囡囡問我在No.46組內有些姐姐和哥哥彈的曲目很深和很長, 是否得奬機會大一點, 明年我都要選這些曲目,
我想囡囡比你彈都無人哋的水平

..........

我們只看了第三組, 高手如雲, 得奬的小朋友一定很高水平了

作者: 十月媽咪 時間: 11-2-15 10:26

咦, 當日你都係兒童曲集組第三組比賽的嗎? 你囡囡彈邊首歌?! 第幾個出場?

第三組攞冠軍嗰個姐姐 (最後一個出場嗰個), 佢首歌, 7版紙呀!....仲要係成首都有起伏無甩無漏....真係....實至名歸的!

而我女, 最大既得著係, 佢聽完首DOLL DREAM同埋首"給愛麗斯"之後, 佢愛上咗呢兩首歌....早兩日開始自己摸嗰首DOLL DREAM, 開始彈到個型喇....等佢彈到晒之後, 再叫老師同佢執執至得!

原帖由 id00288 於 11-2-15 10:07 發表

我囡囡問我在No.46組內有些姐姐和哥哥彈的曲目很深和很長, 是否得奬機會大一點, 明年我都要選這些曲目,
我想囡囡比你彈都無人哋的水平 ..........

我們只看了第三組, 高手如雲, 得奬的小朋友一定很高水平 ...

[ 本帖最後由十月媽咪於 11-2-15 10:27 編輯 ]

作者: Camom 時間: 11-2-15 10:31

原帖由 十月媽咪 於 11-2-15 09:02 發表
Camom,

嘩, 卒之都睇到個得獎名單喇, 我哋嗰組, 最後嗰個姐姐, 真係拎到冠軍呀! 好戥佢開心呢!

原來我哋嗰組好多人都攞到獎, 確實, 佢哋真係彈得好好的!

我諗最終係無分年齡組別的, 因為響我哋嗰組得獎既小朋友入 ...

十月媽咪,

嘩，睇真Ｄ原來你哋嗰組誕生咗2個冠軍，2個亞軍，1個第4名，同埋1個第5名呀！所以我相信喺遇強愈強嘅情況下，你囡囡能夠發揮到高水準呀！

作者: id00288 時間: 11-2-15 10:31

原帖由 十月媽咪 於 11-2-15 10:26 發表
咦, 當日你都係兒童曲集組第三組比賽的嗎? 你囡囡彈邊首歌?! 第幾個出場?

第三組攞冠軍嗰個姐姐 (最後一個出場嗰個), 佢首歌, 7版紙呀!....仲要係成首都有起伏無甩無漏....真係....實至名歸的!

而我女, 最大既得 ...

她那組有兩位同時連續彈Spinning Song, 她是後面的一位,

作者: 十月媽咪 時間: 11-2-15 10:35

咦, 我記得, 我印象中, 你囡囡都彈得好好架! 介唔介意講吓, 最後攞幾多分呀?

原帖由 id00288 於 11-2-15 10:31 發表

她那組有兩位同時連續彈Spinning Song, 她是後面的一位,

作者: Camom 時間: 11-2-15 10:37

原帖由 十月媽咪 於 11-2-15 10:26 發表
咦, 當日你都係兒童曲集組第三組比賽的嗎? 你囡囡彈邊首歌?! 第幾個出場?

第三組攞冠軍嗰個姐姐 (最後一個出場嗰個), 佢首歌, 7版紙呀!....仲要係成首都有起伏無甩無漏....真係....實至名歸的!

而我女, 最大既得 ...

十月媽咪，咁你知唔知道好多人彈，好多起伏嗰首歌叫咩名呀（我哋嗰組第1&2名都係彈嗰首歌㗎）？我哋好鍾意隻歌，不過就唔知道歌名。

作者: 十月媽咪 時間: 11-2-15 10:44

Camom,

如果無記錯, 初賽時嗰個哥哥 (即係決賽攞第二名嗰個), 應該係彈Tarantella的, 我哋決賽時最尾嗰個姐姐應該就係彈呢首 (佢坐我哋隔離, 我昅到佢首歌係T字頭, 搵番成本曲集, 見淨係得呢首係T字頭, 相信係呢首了! 你試吓揭去呢首, 彈幾個音睇吓係唔係? 如果唔係, 今晚等我佬返到屋企, 我再問吓佢記唔記得!

原帖由 Camom 於 11-2-15 10:37 發表

十月媽咪，咁你知唔知道好多人彈，好多起伏嗰首歌叫咩名呀（我哋嗰組第1&2名都係彈嗰首歌㗎）？我哋好鍾意隻歌，不過就唔知道歌名。

作者: Camom 時間: 11-2-15 10:49

原帖由 十月媽咪 於 11-2-15 10:44 發表
Camom,

如果無記錯, 初賽時嗰個哥哥 (即係決賽攞第二名嗰個), 應該係彈Tarantella的, 我哋決賽時最尾嗰個姐姐應該就係彈呢首 (佢坐我哋隔離, 我昅到佢首歌係T字頭, 搵番成本曲集, 見淨係得呢首係T字頭, 相信係呢首 ...

Bingo! 我喺youtube睇咗，係呢首啦！首歌好好聽，我都想阿仔第時識彈呢首歌呀！Thanks!!

作者: id00288 時間: 11-2-15 10:50

原帖由 十月媽咪 於 11-2-15 10:35 發表
咦, 我記得, 我印象中, 你囡囡都彈得好好架! 介唔介意講吓, 最後攞幾多分呀?

82.7分, 比初賽高了, 她已彈出她的正常水平了,
請問你們是彈那首樂曲呢? 成績如何啊!

作者: Camom 時間: 11-2-15 10:53

原帖由 id00288 於 11-2-15 10:50 發表

82.7分, 比初賽高了, 她已彈出她的正常水平了,
請問你們是彈那首樂曲呢? 成績如何啊!

我囝囝彈Arabesque (Grade II)，得84分。你囡囡幾歲呀？

歡迎光臨教育王國 (/)