教育王國

標題: 想問評估 [打印本頁]

作者: 天之涯 時間: 10-10-22 12:06 標題: 想問評估

我仔仔二歲時即係2007年去政府部門兒童評估中心做咗評估話佢有自閉症傾向,之後係S位讀咗二年,而家見佢進步咗好多!如果我而家想再帶佢去兒童評估中心再作評估得唔得呢?因我前幾日打電話去評估中心問,佢哋又話要排到2012年我仔仔先有得再評估,咩要咁耐先有得再評估架?如果我想仔仔再評估總有沒其它途徑呀?Thanks!

作者: pocoyo123 時間: 10-10-22 23:59

你仔仔係咪05年呀, 我亞仔都係05年, 今年會有一個小一前評估, 我亞仔下個月都會去做, 因為每個小朋友5歲都會再評估一次
其實, 你點解想評估, 係你想轉返出面的學校?

原帖由 天之涯 於 10-10-22 12:06 發表
我仔仔二歲時即係2007年去政府部門兒童評估中心做咗評估話佢有自閉症傾向,之後係S位讀咗二年,而家見佢進步咗好多!如果我而家想再帶佢去兒童評估中心再作評估得唔得呢?因我前幾日打電話去評估中心問,佢哋又話要排到20 ...

作者: BeBe媽媽 時間: 10-10-23 01:04

點解自閉症傾向都可以讀S位既？
我仔響1歲10個月大時評為"有自閉証狀",只係排左I位,又唔會資格申請傷殘金喎!
而家已經2Y4個月喇,我覺得佢好多野都明顯左,我都想知佢有無得咁快做多次評估,睇下佢可唔可以讀S位呀! 因為我偷望到2次佢上堂,2次都係坐老師身邊,但遊雲無理人架! 唉....THANKS!

作者: anan3388 時間: 10-10-23 14:42

BeBe媽媽:
1. 俾s/i/e 係醫生決定, 唔係由個病名決定的
2. 傷殘津貼係醫生批唔批, 所以睇個醫生是否手緊
3. "lur" 個社工幫你/寫信去 cac, 若出盡辦法都唔得, 可考慮駛d錢去做私人評估

[ 本帖最後由 anan3388 於 10-10-23 14:50 編輯 ]

作者: BeBe媽媽 時間: 10-10-24 10:30

anan,
我發現我仔仔呢半年,好似愈來愈發現佢好似專注力不足,因為偷睇到佢2次上堂遊雲.
唔知你記唔記得,我果個社工係新做呢一科....所以,佢對我幫助不大,上次都係請教左你地D媽咪意見,然後再同社工講xxxxx,於是佢再CHECK先知可以幫我試申請由I轉番E....=_=
如果專注力不足,有無機讀S位架?另我仔可能因自閉,佢想同人玩,但其實唔識同人玩OR溝通,只顧自己硬拖人手OR望住人跳下笑下.....跟本無CARE到人地做緊乜/想做乜.

作者: anan3388 時間: 10-10-24 20:52

都係o個句, 讀唔讀到 S 位係醫生/心理學家俾唔俾, 同埋睇小朋友既程度, 仲有家長既堅持程度啦, 就咁其實係答唔到你啦...

作者: pipi331 時間: 10-10-24 23:30

提示: 作者被禁止或刪除內容自動屏蔽

作者: 天之涯 時間: 10-10-25 10:34

我仔仔係06年出世,照計都係出年2011就可以做5歲評估,但評估中心又覆我要2012年先有得評估,所以我唔係好明,到時佢都6歲啦!咩唔係5歲就有得評估咩?唉,所以等排政府部門真係等到已過晒期啦!

我想幫個仔再做評估係因為佢而家讀緊S位,讀咗二年都進步咗好多,想試下轉出去I位,所以想去評估中心再做下評估佢適唔適合轉出去I位,如果好似咁嘅Case,唔可以提前去評估架?一定要等到5歲先做架?

原帖由 pocoyo123 於 10-10-22 23:59 發表
你仔仔係咪05年呀, 我亞仔都係05年, 今年會有一個小一前評估, 我亞仔下個月都會去做, 因為每個小朋友5歲都會再評估一次
其實, 你點解想評估, 係你想轉返出面的學校? ...

作者: kelvin_hmlau 時間: 10-10-25 11:07 標題: 回覆 1# 天之涯的文章

你個仔讀左 S 位兩年, 老師應該好清楚小孩情形.
會唔會同學校老師,校長傾下, 睇下可唔可以 recommend 你個仔出去主流?

作者: Capricorn2521 時間: 10-10-25 15:08

wrong message....sorry !

[ 本帖最後由 Capricorn2521 於 10-10-25 15:11 編輯 ]

作者: pocoyo123 時間: 10-10-26 01:34

咁學校點講呢? 我亞仔讀左一年S位, 本來今年我都想轉出去, 但導師話佢仲有9個月遲緩, 我決定讀多一年, 出年反正都一定要走, 現在反而諗緊重讀K3定直上小一好

歡迎光臨教育王國 (/)