教育王國

標題: 冬天會比小朋友繼續學游水嗎? [打印本頁]

作者: princess_sumyin 時間: 10-10-22 10:25 標題: 冬天會比小朋友繼續學游水嗎?

唸緊12月同1月比唔比佢學，其實已經是暖水池再加埋保暖衣，但會唔會都好易冷親，有經驗媽咪可否分享下呢?

作者: Yanamami 時間: 10-10-22 11:07

學游水最好暑假已學識, 然後一年四季keep住操(身體會好d). 若未學識, 冬天浸係水又真係會凍o左d, 活動量無操水禁大o丫嗎. 不過學學下停, 又好可能要由頭學過.

原帖由 princess_sumyin 於 10-10-22 10:25 發表
唸緊12月同1月比唔比佢學，其實已經是暖水池再加埋保暖衣，但會唔會都好易冷親，有經驗媽咪可否分享下呢?

作者: princess_sumyin 時間: 10-10-22 13:26

原帖由 Yanamami 於 10-10-22 11:07 發表
學游水最好暑假已學識, 然後一年四季keep住操(身體會好d). 若未學識, 冬天浸係水又真係會凍o左d, 活動量無操水禁大o丫嗎. 不過學學下停, 又好可能要由頭學過.

...

係呀,我就係驚佢乜都唔記得!但又驚佢凍wor!佢依家剛學緊呼吸，停一個冬天可能又要由踢水學起了！

作者: Angel_Yau 時間: 10-10-23 19:46

提示: 作者被禁止或刪除內容自動屏蔽

作者: Freesia_cat 時間: 10-10-24 10:20

我希望阿仔繼續不論季節咁學落去，但最近上堂他總是說水冷，唔知邊度可以買到勁保暖的泳衣呢？

作者: lillymarie 時間: 10-10-24 14:55

原帖由 princess_sumyin 於 10-10-22 10:25 發表
唸緊12月同1月比唔比佢學，其實已經是暖水池再加埋保暖衣，但會唔會都好易冷親，有經驗媽咪可否分享下呢?

最緊要係上水那一刻會好凍, 一上水就要立即抺乾身和換衫. 12月未算最凍, 1,2月才是最凍.

作者: Radiomama 時間: 10-10-24 15:19

如果小朋友初學又得三四歲, 第一個游水的冬天真係會覺得凍, 我的經驗是要買連身的保暖衣, 要貼身(合身的), 寧願下年再買件新的, 我仔第一年時在十月已開始話凍(在室內暖水池bor!!), 所以已給他加件背心型的保暖衣, 十二月左右就著雜嚜牌長袖款的, 不過都唔暖; 第二年買TYR連身短袖, 阿仔無再話凍.
上完堂沖熱水涼, 再加杯暖飲, 正!! (自備暖壺)

原帖由 Freesia_cat 於 10-10-24 10:20 發表
我希望阿仔繼續不論季節咁學落去，但最近上堂他總是說水冷，唔知邊度可以買到勁保暖的泳衣呢？

作者: Freesia_cat 時間: 10-10-25 01:31

請問TYR保暖泳衣可在哪買?

作者: Carolyukk 時間: 10-10-25 02:20

我亞仔又係勁怕凍嗰隻,教練就話去潛水鋪買長袖長褲連身潛水衣,嗰d啱身唔入水就唔會凍,但有一個唔好處就係擺手會攰d,因為長袖阻住膊頭既movement.

原帖由 Freesia_cat 於 10-10-24 10:20 發表
我希望阿仔繼續不論季節咁學落去，但最近上堂他總是說水冷，唔知邊度可以買到勁保暖的泳衣呢？

作者: Freesia_cat 時間: 10-10-25 08:52

但潛水衣有沒有很細的size? 因為我兒現約2.5歲, 但偏瘦, 現在穿的半保暖泳衣是1歲碼, 會否無咁細件的潛水衣?

同埋潛水衣可在哪買?

作者: carollpc 時間: 10-10-25 10:23

亞女舊年冬天都有游, 泳池是溫水的. 不過如果小朋友身體比較差或年紀比較細, 可能不適合冬天游泳.

作者: princess_sumyin 時間: 10-10-25 14:01

我囡身體唔算太差，只是返左學多左病，聽完你地咁講，我唸我會比佢冬天繼續學！

佢依家有件nyc的中袖連身保暖衣，由夏天開始著，我覺得好好呀，雖然夏天好似好誇張咁，但有時唔可以即刻比毛巾佢褸，佢隻手仔都是曖的！不過冬天可能要買件長袖啦！

Freesia_cat ：在一田有專櫃呀，連身的好似三百多元，最好買合身的，會比較保暖！

作者: Panda_mother 時間: 10-10-25 16:44 標題: 回覆 9# Angel_Yau 的文章

Totally agree! 亞仔三歲開始學到現在四歲十個月都沒停過.由差不多咳到xx到現在只不偶然有d感冒.我覺得游水真係好好

作者: lillymarie 時間: 10-10-25 19:09

原帖由 Freesia_cat 於 10-10-25 08:52 發表
但潛水衣有沒有很細的size? 因為我兒現約2.5歲, 但偏瘦, 現在穿的半保暖泳衣是1歲碼, 會否無咁細件的潛水衣?

同埋潛水衣可在哪買?

荔枝角MTR站, 長沙灣中心對面, 向住美孚方向的出口, 有一間舖頭仔專賣潛水衣. 如果經過, 可以望望.

作者: Freesia_cat 時間: 10-10-26 06:33

多謝大家提供資料，昨晚OT完即撲去一田，買左件TYR泳衣，好彩阿仔都著到最細碼，剛剛好fit到漏。不過細碼連身只有中袖，長袖是半身，個sales話真係中袖都頂唔順才再加，宜家唔駛買住。

如果呢件都唔可以，先再試下潛水衣。

Thank you all for your help！

歡迎光臨教育王國 (/)