教育王國

標題: 請問有無家長小朋友讀緊九龍塘耀中PN班? [打印本頁]

作者: shirleycc0305 時間: 10-10-22 00:51 標題: 請問有無家長小朋友讀緊九龍塘耀中PN班?

麻煩可否比一D意見, 耀中是否值得就讀? 全日班定半日班好? 如果耀中,維多利亞,學之園(凱帆校)你哋會點排? Thanks!!!

作者: MC-煎 時間: 10-10-23 17:34

耀中同其他兩間，唔同層次架啵（Money-wise)
一入國際，就諗住國際到尾架啦！

作者: shirleycc0305 時間: 10-10-23 21:33

其實都心大心細,因自己同Husband英文都唔好,但又想比個女讀國際學校,選耀中喺因為可以直升小學,中學,到時吾洗煩,而且又有教中文同普通話,教學理念又好,所以覺得幾好,但又驚到時囡囡英文會跟唔上,所以都唔知選本地定國際好? 可以比D意見嗎? Thanks a lot!!

作者: Pertra 時間: 10-10-23 23:19

提示: 作者被禁止或刪除內容自動屏蔽

作者: shirleycc0305 時間: 10-10-24 00:43

耀中D Staff真喺好有禮貌, 我今年5月聽完個介紹會覺得好好所以入form 申請, 而家約左下星期六interview,又喺叫我帶支票,我估如果阿囡無太大問題應該會收卦...,所以想知呢間YCIS係咪值得讀?? 最緊要小朋友學到嘢又開心, 希望有經驗D家長比D意見, Thanks!

作者: tsangws 時間: 10-10-24 08:49

我上年都同先生出席咗SEMINAR, 都好認同佢地既辦學理念, 感覺好好! 後來都入咗FORM, IN完就馬上話收, 仲交埋CHEQUE, 不過係下午班, 最後都放棄咗無讀.

我見之前都好關於YCLS既THREAD, 普遍都係好COMMENT (除咗話學費貴), 你可以再CHECK番下.

作者: wai_wai_121 時間: 10-10-24 10:03

其實我個仔剛剛上一年讀係讀YC既PN CLASS... 不過, 我覺得麻麻地, 所以今年K1都轉左第二間... 我之前都係唸住一條龍比佢讀上去架... 不過, 無奈, 老師師資同教育既QUALITY我都唔係幾滿意... 出年到細仔讀PN, 我會CHOOSE tutortime or anfield~~

作者: tsangws 時間: 10-10-24 13:32

YC一向都話係師資勁架喎, 點解呢? 可以分享多D嗎?

原帖由 wai_wai_121 於 10-10-24 10:03 發表
其實我個仔剛剛上一年讀係讀YC既PN CLASS... 不過, 我覺得麻麻地, 所以今年K1都轉左第二間... 我之前都係唸住一條龍比佢讀上去架... 不過, 無奈, 老師師資同教育既QUALITY我都唔係幾滿意... 出年到細仔讀PN, 我會CHO ...

作者: shirleycc0305 時間: 10-10-25 01:54

喺啦...YC師資應該幾勁架喎,點解winki你覺得麻麻呀? 咁除左師資, 你覺得個仔讀得開心嗎,鐘唔鐘意返學, 學唔學到嘢呀, D老師對小朋友好嗎,真的很希望你可以再分享多D, 因為我好希望搵一條龍的幼稚園,thanks a lot!

作者: lsftsang 時間: 10-10-25 10:39

原帖由 wai_wai_121 於 10-10-24 10:03 發表
其實我個仔剛剛上一年讀係讀YC既PN CLASS... 不過, 我覺得麻麻地, 所以今年K1都轉左第二間... 我之前都係唸住一條龍比佢讀上去架... 不過, 無奈, 老師師資同教育既QUALITY我都唔係幾滿意... 出年到細仔讀PN, 我會CHO ...

請問妳有沒有唔要的YC圍裙、帽和書包可以讓出？THX。

作者: swyan3102 時間: 10-10-25 20:28

我個仔今年讀2I班，即耀中二歲全日制，17號返家長會就已經好失望，教英文的老師只是本地的香港人，去過外國流學。再加上另外一個班主任態度好勢利及冇愛心，返了兩日學，我立刻轉校了。

作者: shirleycc0305 時間: 10-10-25 21:41

吓?? 唔喺咁差啞...聽你咁講真喺有d失望,我想知你個仔讀個班全日制有幾多個小朋友呀,喺咪頭幾堂你倍住個仔讀,睇到d老師已經覺得唔係好掂同理勢利及冇愛心??

作者: kingting 時間: 10-10-25 22:08

我個女讀緊YC Twos半日班, 之前都上過Tutortime playgroup. 我沒有刻意比較過老師的qualification, 但論教學方法, 個人認為YC 比較上好一些, 有愛心一些...而英文班主任是外藉老師..
我個女返咗幾個星期, 以我觀察:
1. 開心嗎 -> 非常開心
2. 鐘唔鐘意返學 -> 好鐘意
3. 學唔學到嘢呀 -> 未知, 返咗唔係好耐, 不過YC覺得exploration是這階段孩子最重要的學習方式, 學校配套做到這點... 但好睇你buy 唔buy..
4. D老師對小朋友好嗎 -> 好

作者: crisma 時間: 10-10-25 22:23

我囝囝舊年係11月開始係耀中讀PN，係窩打老道校舍，我個人非常滿意，上至主任校長，下至嬸嬸保安EE，個個都好親切，對孩子愛護，對家長尊重，我囝囝好鍾意返學，到而家K1佢轉左校，佢都重好掛住耀中同D老師，我都好後悔幫個仔轉左校。而佢地嘅課程亦相當好，真正"多元智能發展"，佢果班大約有20人，有一個外藉老師，兩果中文老師，另有一個嬸嬸，照顧周到，令我好放心。以上都係我親身經歷和感受，當然我亦相信有D家長會有不滿嘅地方。Thanks!!

作者: shirleycc0305 時間: 10-10-25 23:12

真喺好開心, 睇到2個咁正面既comments, 又對YC有返信心,點都好,每間幼稚園我相信都有家長認同或不認同...不過終於睇到個咁好既當然開心,喺呢...請問讀緊YC既家長in個日係咪好容易就會收d小朋友? 是講中文in的嗎? 會否考小朋友什麼? 請再分享一點, thanks!

作者: crisma 時間: 10-10-26 15:14

耀中係唔考小朋友架，通常小朋友去到學校，佢會叫小朋友係playground度玩一陣，相信係係果時觀察小朋友嘅行為，如果無乜異常，校長只簡單問你明唔明佢地嘅教育理念，無問題就可以辦入學手續。

作者: shirleycc0305 時間: 10-10-26 18:54

thanks so much!!

歡迎光臨教育王國 (/)