教育王國

標題: 政府S位一問 [打印本頁]

作者: anitalok2005 時間: 10-10-21 17:00 標題: 政府S位一問

我想問政府S位方面，耀能好OR協康好D?

作者: annaanna 時間: 10-10-21 17:38

以前聽人講，耀能就對肢體殘障方面做得好d，協康就對自閉症小朋友有經驗d，不過個人認為，遇到個好老師比較好彩d

原帖由 anitalok2005 於 10-10-21 17:00 發表
我想問政府S位方面，耀能好OR協康好D?

作者: anan3388 時間: 10-10-24 20:48

其實都唔係咁分既... 最好係親自去行下你那區的s位, 因為兩個機構唔同區既學校都有唔同, 同主任傾下, feel 下間學校岩唔岩你小朋友/你仲好~

作者: andylcm 時間: 10-10-25 12:48

其實講到好似選擇權盡在我手咁...

事實係政府資源短缺, 除非你願意等兩三年, 如果唔係都未必等得到心儀的S位....我都係因為輪候時間的問題未有選擇最心儀的S位.

作者: anan3388 時間: 10-10-25 16:50

咁又唔係個個 case 都無得揀既, 有些由 i/e 轉 s 係用舊 number, 又或係兩間差唔多耐/快, 睇下邊間好 d 都係人之常情既...

我會十分鼓勵大家去行一次, 了解多d, 到入學後既適應都快 d... (我選時行左 6 間...)

作者: annaanna 時間: 10-10-26 11:14

我果陣就係因為唔想等，結果揀左一間o岩o岩開，咩都未run到o既中心.... 唉.... 非常後悔﹗

果間s 位o既training，仲少過i位呀陰公﹗

所以好多家長都諗盡辦法走走走﹗

原帖由 andylcm 於 10-10-25 12:48 發表
其實講到好似選擇權盡在我手咁...

事實係政府資源短缺, 除非你願意等兩三年, 如果唔係都未必等得到心儀的S位....我都係因為輪候時間的問題未有選擇最心儀的S位. ...

作者: anitalok2005 時間: 10-10-26 15:26

可以話比我知是那一間嗎，我好怕........

ANITA

原帖由 annaanna 於 10-10-26 11:14 發表
我果陣就係因為唔想等，結果揀左一間o岩o岩開，咩都未run到o既中心.... 唉.... 非常後悔﹗

果間s 位o既training，仲少過i位呀陰公﹗

所以好多家長都諗盡辦法走走走﹗

...

作者: annaanna 時間: 10-10-26 16:32

如果我依家話比你知邊個centre就真係好唔公平，因為我已經走左年幾喇，可能佢地已經上左軌道呢，未必會原地踏步o既....

原帖由 anitalok2005 於 10-10-26 15:26 發表
可以話比我知是那一間嗎，我好怕........

ANITA

作者: anan3388 時間: 10-10-27 09:48

咁你又唔駛咁驚既, 如果協康同耀能, 基本野都係會ok既, 但私人訓練就睇返你個小朋友需要, 我地入左間心儀既 s 位, 都無 cut 到 3T, 不過隔週上

我自己覺得群體生活係最難在私人訓練中做到, 又係阿仔最弱, 所以我 choose S 位最著重呢點.

某些小朋友可能係認知困難d, 所以選校時就會要間 training 齊 d 既.

都係要問中心都清楚 d ga, 但基本質素都有一定保障, 唔駛太擔心

作者: overcomer 時間: 10-10-27 11:50

道聽途說, 聽講灣仔間摩利臣山中心d嘢好淺, 着重train自理, 預咗小朋友上特殊小學, 好多人想走。而灣仔間協康也程度偏淺, 又唔主張認字。

作者: Capricorn2521 時間: 10-10-27 12:43

會吾會小朋友本身係智力有問題? 我見過一個唐氏女，幼兒期活潑溫文，喜歡與人溝通，礙於智力問題，都要上特殊小學。

如果係智力無問題嘅a仔，通常認字/記憶好叻，不過溝通/社交就好吾掂。

程度深淺都要睇小朋友情況，如果小朋友能力可及，不如考慮讀I位，留待S位給其他有需要的小朋友吧。

原帖由 overcomer 於 10-10-27 11:50 發表
道聽途說, 聽講灣仔間摩利臣山中心d嘢好淺, 着重train自理, 預咗小朋友上特殊小學, 好多人想走。而灣仔間協康也程度偏淺, 又唔主張認字。

作者: ktv 時間: 10-10-27 13:04

協康s位都有一班仔, 在能力較高的組別, 係智力ok, 能力ok, 但礙於有社交、情緒和專注力等問題, 仍留在s位, 佢地會預小朋友執好後, 有一天會出去主流, 唔得先去特殊小學。但另有d中心係預咗小朋友都係弱, 唔會谷佢地出去主流。有些智力ok的a仔, 會留在i位, 可能都係因專注力弱而終日遊魂, 浪費時間, 不如入s位執吓再出去, 但唔好去d 一早預咗小朋友去特殊小學o既s位中心。

作者: kelvin_hmlau 時間: 10-10-27 13:47

接受S 位的同時, 記緊計劃一下退場時間, 適當時間要游返出主流. 如果係不嚴重 case, 更要三思.

香港的S 位有一個特色, 就係令一個A 仔更加A. (可能係佢個套 TEACCH 同 PICS 教學法). 無疑佢可以令孩子變服從, 遵守. 但副作用係令學生只會聽指令, 不會思考. 到小孩5/6歲時問題會很特出. 我個人覺得呢個問題重嚴重過孩子不專心, 未能安坐, 固執.

作者: Capricorn2521 時間: 10-10-27 15:06

謝謝指點。吾知你可吾可以在此跟大家分享一下你的經驗及心得呢！如何教導a仔思考比較有效呢?

我自己目前的做法是喜歡問問題，例如：今天天氣如何呀? 因為我之前教過有太陽係"晴天"，冇太陽係"陰天"....仔仔通常都答對。這個月未有落雨，所以未教"雨天"。
(其實都係學校教先，我見佢回家後有講返晴天/陰天，自己再用有冇太陽來教，加深印象，然後用問題引發佢思考。)

另外我在youtube睇過一些有關RDI的短片，教a仔觀人面色，在不作聲的情況下，只給孩子表情而要孩仔行動，我也在學習當中。

吾知這個方向對不對。有沒有你覺得值得參考的書籍呢﹖請賜教。

原帖由 kelvin_hmlau 於 10-10-27 13:47 發表
接受S 位的同時, 記緊計劃一下退場時間, 適當時間要游返出主流. 如果係不嚴重 case, 更要三思.

香港的S 位有一個特色, 就係令一個A 仔更加A. (可能係佢個套 TEACCH 同 PICS 教學法). 無疑佢可以令孩子變服從, 遵守. ...

[ 本帖最後由 Capricorn2521 於 10-10-27 16:22 編輯 ]

作者: pinkdoll 時間: 10-10-27 15:48

我都想知多啲有關退場時間可否分享一下

如果出返主流讀主流對於a仔不善思考的問題可以怎樣幫到他們?

原帖由 kelvin_hmlau 於 10-10-27 13:47 發表
接受S 位的同時, 記緊計劃一下退場時間, 適當時間要游返出主流. 如果係不嚴重 case, 更要三思.

香港的S 位有一個特色, 就係令一個A 仔更加A. (可能係佢個套 TEACCH 同 PICS 教學法). 無疑佢可以令孩子變服從, 遵守. ...

作者: kelvin_hmlau 時間: 10-10-27 16:54 標題: 回覆 2# Capricorn2521 的文章

因為我都曾經考慮過S 位, 所以比d 意見吧.

其實我不怕 labelling. 但當日我約見協康秦石校長後, 知道呢條路唔係我杯茶, 解決唔到我的問題.

因為她坦率地對我說: 我們不可能為小孩的社交做功夫, 因為他們相互的社交能力相差太遠. 她亦對我說: 我們係用 TEACCH, 無 RDI.

跟着小兒在中心暫托兩個半天評估, 她們也說不需讀S 位, 所以沒有考慮S 位了.

其實好多 A 仔家長(包括我), 都喜歡用 imperative language (指令式提問), 因為我們的兒子好少回應. 其實人際關係溝通多數(90%) 用 declarative language (描述性語句).

就你個例子: 今天天氣如何呀? RDI 會定為 imperative language. 你可以試下用誇張語調望住小孩, 說: 啊, 今天天氣真好 (declarative language),...跟住慢慢等回應.

如果佢應到d 有關係的說話, 例如: 係呀, 有太陽呀 / 咁好天, 不如出去玩. 就很成功了, 係真正溝通.

作者: kelvin_hmlau 時間: 10-10-27 17:09 標題: 回覆 2# pinkdoll 的文章

我覺得如果小孩的基本安坐同情緒 tune 好左, ready 受教, 又有學校收, 都應該考慮出返主流.

要一個小孩 undo 返學過的東西 (聽指令), 可能仲難過學樣新野.

作者: anan3388 時間: 10-10-27 18:04

原帖由 kelvin_hmlau 於 10-10-27 13:47 發表
接受S 位的同時, 記緊計劃一下退場時間, 適當時間要游返出主流. 如果係不嚴重 case, 更要三思.

香港的S 位有一個特色, 就係令一個A 仔更加A. (可能係佢個套 TEACCH 同 PICS 教學法). 無疑佢可以令孩子變服從, 遵守. ...

不是間間s位也一樣的, 只可說你參觀過的那間/那機構是這樣吧.

帶小朋友去暫托是一個好方法了解中心是否適合小朋友的

作者: pinkdoll 時間: 10-10-27 19:44

我明白你意思

我仔仔排緊s位去咗特殊中心暫託中心主任初步認為我仔仔情況並不是太差本身佢坐得定情緒都ok 但社交溝通方面好弱只會自顧自地玩如果去主流讀相信佢不會騷擾到人但對於佢不善與人溝通相處呢方面同埋唔合群呢樣嘢主流是否真的可以幫到我仔仔? 會不會當我仔仔係傢俬咁擺係度? 同學仔又會唔會歧視/排擠我仔仔(因為佢根本唔識同人玩)? 我有點擔心所以想聽下你的經驗

原帖由 kelvin_hmlau 於 10-10-27 17:09 發表
我覺得如果小孩的基本安坐同情緒 tune 好左, ready 受教, 又有學校收, 都應該考慮出返主流.

要一個小孩 undo 返學過的東西 (聽指令), 可能仲難過學樣新野. ...

作者: pocoyo123 時間: 10-10-27 22:39

但我小朋友都係協康讀, 佢去年入學已有RDI堂上啦, 唔知點解你問果間無呢?
S位好唔好, 真係見仁見智, 點講在媽咪立場上都係唔想小朋友入去讀, 呢D純粹係個人意願, 真正有需要係小朋友, 講真, 9成A仔都係社交有問題, 心智解讀真係好難, 我亞仔功課上同同齡小朋友相差好小, 佢係讀最叻果班, 多野講到每次上堂都要佢安靜, 但佢同人相處都係有D問題, 最大問題係佢唔會遷就人, 一定以自己做中心, 唔理人感受, 好担心佢上到小學會比人排擠.所以, 佢老師同我講呢一年會同佢做多D社交互動相處的訓練

原帖由 pinkdoll 於 10-10-27 19:44 發表
我明白你意思

我仔仔排緊s位去咗特殊中心暫託中心主任初步認為我仔仔情況並不是太差本身佢坐得定情緒都ok 但社交溝通方面好弱只會自顧自地玩如果去主流讀相信佢不會騷擾到人但對於佢不善與人溝通相處呢方面 ...

作者: pipi331 時間: 10-10-27 22:58

提示: 作者被禁止或刪除內容自動屏蔽

作者: pinkdoll 時間: 10-10-27 23:56

我其實想瞭解多啲假如s位真的對於某方面(e.g. 改善唔到自閉小朋友有社交或者自己思考)較為遜色的話那麼主流幼兒園或幼稚園對於這方面較弱的小朋友會有什麼支援?

話晒s位1:6的人手是很好的比例主流學校人手可以去到1:1x 可能多一倍喎所以我想攞多些資料關於主流學校對於有特殊需要的小朋友既支援啫比較下囉

原帖由 pocoyo123 於 10-10-27 22:39 發表
但我小朋友都係協康讀, 佢去年入學已有RDI堂上啦, 唔知點解你問果間無呢?
S位好唔好, 真係見仁見智, 點講在媽咪立場上都係唔想小朋友入去讀, 呢D純粹係個人意願, 真正有需要係小朋友, 講真, 9成A仔都係社交有問題, ...

作者: pinkdoll 時間: 10-10-28 00:00

我其實想攞多啲資料比較下呀

主流可以1:1x呀我明白就算老師好有心都未必可以日日幫你捽仔呀其他小朋友都要照顧架唔可以要求咁多呢話晒教有閉症小朋友都唔係易事

原帖由 pipi331 於 10-10-27 22:58 發表

我同您情況差唔多, 個仔都系唔太差果d, 叫佢坐可以坐到吓; 不過衰情緒唔稳定同魂游; 不過就無滋擾性行為. 系i位學校讀咗1年, 間嘢太多太多學生, 真系比老師當傢俬. 尤其系讀普通位等i位果時..... 老師真系唔招呼 ...

作者: pipi331 時間: 10-10-28 00:36

提示: 作者被禁止或刪除內容自動屏蔽

作者: pinkdoll 時間: 10-10-28 10:13

我家陣都等緊s位同時找緊普通主流但有i位個啲我著重找啲人手比例1:8-10既希望老師可以得閒幫多啲我仔仔

你仔仔讀普通位個陣 INTERVIEW有冇同學校講仔仔情況架? 我家陣15/16唔知講唔講好

我本身真係唔太抗拒仔仔讀S位不過想攞多些資料同C6傾下討論下利與幣

原帖由 pipi331 於 10-10-28 00:36 發表

Pinkdoll,

好d ge主流學校可以拍心口, 日日揾d機會同小朋友互動 / 要小朋友回應吓問題...之類, 放小朋友坐前d 比小朋友專注d, 學術嘢教多幾次, 邊d未得會好快系手冊mark低 (e.g 每週) 等家長知道要跟邊度. 有d ...

作者: kelvin_hmlau 時間: 10-10-28 10:45

其實秦石校長都有說過有d 協康 S 位中心有用 RDI. 如果你個間有RDI, 咁就恭喜你一半先, 到你個小孩游返出主流, 再恭喜你另外一半.

不過對我來說, 就算有 RDI 我都唔會揀 S位啦.

講返小兒的主流旅程, 實在充打滿挑戰. 在2歲班裹, 佢好似一個外星人降臨地球. 當其他小朋友興高采烈, 他獨自一人哭泣. 現在回想, 可能在那時可能適合讀 S 位吧.

在 N2 班 (即K1), 在大班裹上堂, 佢出奇地好喜歡返學. 在學期末, 全面評估, 大多不錯. 我們也主動詢問需要留班嗎. 答案是否定的.

現在 N3, 依然有聽故事, project 堂困難, 不和小朋友玩. 依然對學校的電器和水龍頭有濃厚興趣.

今朝帶個仔返學, 學校老師又用返佢個絕招 (雙手伸直擋住小兒眼睛, 叫小兒叫她早晨), 小兒跟住叫了早晨.
我心理慨嘆了一聲, 想對老師說: 其實小兒已經可以主動回應人打招呼了.

呢d 絕招又要 undo 再教過, 因為呢個世界都唔會有其他人用呢個方法打招呼.

我不大清楚 S 位老師會唔會有更多絕招呢!

作者: annaanna 時間: 10-10-28 10:47

比大家參考下我個case﹕
我仔2歲入s位，因為當時佢未行得好，所以比老師編左去一班肢體傷殘o既組別，雖然話1:4，不過每朝用1個鐘時間去教佢地抹手，抹面，照鏡﹗其實我對佢地編我仔去呢組好有意見，不停同主任講佢唔係呢d，但係主任話如果佢行得唔好，去到a仔班別就會好危險﹗比人撞到點算？但係我話我仔智力同體力都冇咩問題，點解要編去同d 連行都行唔到o既班別呢？主任就話目前只有咁做﹗唉...
結果，waste左1年時間，每日做呢d 重複o既野，仲有，由於要就番d 同組同學，每日nap之前，又要用半粒鐘幫佢地做按摩﹗要家長留低o係度做喎~ 可能對其他小朋友按摩會好有用，可以舒緩佢地拉得行o既肌肉，不過對我仔，梗係上training緊要d啦﹗
佢學校有pt, ot, st，不過st 就話編比a仔，pt就話編比肢體傷殘o既同學，ot就比d 就黎寫字o既同學﹗咁資料分配，有幾多比阿仔？2星期先一次st，pt, ot﹗個別訓練都只係1星期1次﹗﹗﹗
等左1年，第2年先分左去第2班，不過都係有2個要用支架上堂o既小朋友，而佢間學校所教o既野根本唔係為番主流，只著重自理 <-- 又唔係教得好喎~ 而每年2次o既評估，只係寫佢識用毛巾抹面，識行，識跑之類...唉...
就算係a仔班，佢地到5歲都仲未教寫字，試問佢地點出主流？根本學校冇諗過比佢地出主流，預左入特殊s位﹗
所以我打去搵評估中心社工，講明間學校咁樣，強烈要求轉校﹗我話轉去另一間s位都要，如果唔得，我搵間好o既i位，總之點都要走﹗
其實個社工唔係第一次聽到讀緊呢間s位o既人要走，亦都好了解呢間學校o既問題，好彩佢心情靚，幫我安排見醫生，好好彩就轉左出i位﹗
而我仔呢間i位，同其他一樣，pt, ot 3個月先一次 = 冇﹗st 就1星期一次，個別堂就日日有﹗仲有一樣好緊要，就係有一班好同學，我仔好鐘意同佢地玩，因為有互動嘛，講多好多野，因為人人都講野﹗上堂亦係正常上堂，唔會好似以前咁得個等字﹗雖然佢唔多like做功課，不過佢依家番學好開心，我問佢仲想唔想番以前果間？佢梗係唔肯啦﹗

總結﹕搵到間好o既s位，讀幾年，出黎讀多1年主流k3就最好﹗讀i 位又有好處，但係要搵到一間真心幫小朋友o既，o係社交會幫到手，又知道主流學校係點，又好﹗

只係我唔好彩揀錯學校，迫我行第2條路.... 祝大家好運﹗

作者: muimui5 時間: 10-10-28 11:05

我對S位的睇法跟你差唔多，所以同囡囡選了I位，讀了兩個同月，服務OK的，囡囡亦Enjoy，間中扭計和想離位但老師control到。可是她的語言落後太多，現在3yr1mth，跟發展圖表看頂多口語1.5yr/理解~2yr，認知當然亦不達標。雖然佢有D幼稚重覆的行為，但不屬固執死板 (唔知係咪認知差所以少D固執行為?)，仲好識睇人面口同好反叛。其實TEACCH係咪會令囡囡唔A果樣都A埋？心理學家下星期去學校睇佢，唔知會否建議排S位？

原帖由 kelvin_hmlau 於 10-10-27 13:47 發表
接受S 位的同時, 記緊計劃一下退場時間, 適當時間要游返出主流. 如果係不嚴重 case, 更要三思.

香港的S 位有一個特色, 就係令一個A 仔更加A. (可能係佢個套 TEACCH 同 PICS 教學法). 無疑佢可以令孩子變服從, 遵守. ...

作者: kelvin_hmlau 時間: 10-10-28 14:49

如果你覺得小孩已上正常發展的軌道, 可能慢左, 就選I 位吧.

如果你覺得小孩完全跟唔到課堂程序, 就選S位吧. 適當時候出返主流.

我沒有詳細研究 TEACCH, 只聽說好像是將當日的程序用文字, 圖像或符號記錄, 由小孩自行完成 (請讀S 位的媽媽更正).

我個人認為這些不用思考, 缺乏互動的方法長時間用會令小孩越行越遠.

原帖由 muimui5 於 10-10-28 11:05 發表
我對S位的睇法跟你差唔多，所以同囡囡選了I位，讀了兩個同月，服務OK的，囡囡亦Enjoy，間中扭計和想離位但老師control到。可是她的語言落後太多，現在3yr1mth，跟發展圖表看頂多口語1.5yr/理解~2yr，認知當然亦不達標。雖然佢有D幼稚 ...

作者: overcomer 時間: 10-10-28 15:18

"TEACCH, 只聽說好像是將當日的程序用文字, 圖像或符號記錄, 由小孩自行完成” 其實都係好似訓練小朋友自己看家課冊咁, 然後去做功課, 唔駛要大人開口叫到。好似照着清單做嘢咁, 只是如果小朋友未識字, 就用相片先, 遲些就變成文字, 慢慢減少對這些提示的倚賴。

如果全日都單純係咁, 就話有問題啫。但這個訓練都只是佔課堂一部份時間, 其他時間一樣有其他坣, 如單元, 大小肌肉, 社交訓練等。

訓練思考這家嘢, 和訓練小朋友服從其實都冇衝突, 一般小孩都會訓練佢服從, 聽指令, 唔係自己鍾意做乜就做乜，教他們寫和看家冊, 時間表等, 另外也會有各種活動訓練他們有創意等。思考這方面, 和其他嘢一樣, 都唔係靠晒學校。

作者: pocoyo123 時間: 10-10-28 22:16

自閉係天生, 一個小朋友如果唔係自閉, 就算佢同一D自閉小朋友一起生活, 佢都唔會感染到自閉, (即係兩兄弟咁, 一個有一個無, 都唔會有問題), 相反, 如果係自閉, 就好睇佢輕重而改善, 有時D人會覺得佢細小時無咁多問題, 大個左月來月多, 以為佢近得A仔多, 又或者上得A仔堂多感染返來, 其實係有D小朋友大個左問題會開始浮現出來的錯覺, 小朋友月大佢同其他小朋友距離月還, 問題月多, 所以最好問下醫生小朋友問題所在

原帖由 muimui5 於 10-10-28 11:05 發表
我對S位的睇法跟你差唔多，所以同囡囡選了I位，讀了兩個同月，服務OK的，囡囡亦Enjoy，間中扭計和想離位但老師control到。可是她的語言落後太多，現在3yr1mth，跟發展圖表看頂多口語1.5yr/理解~2yr，認知當然亦不達標。雖然佢有D幼稚 ...

作者: pipi331 時間: 10-10-28 22:19

提示: 作者被禁止或刪除內容自動屏蔽

作者: Capricorn2521 時間: 10-10-28 22:39

我都冇研究過 TEACCH，不過今天早上我同亞仔上班主任示範課時的情形如下：
老師問：小明，我地今日玩乜野呀? (手持泥膠盒)
小明說：泥膠
老師把全盒泥膠交比小明，小明嘗試自己開盒，但開吾倒，便說：我要開
老師說：開吾倒呀? 諗吓辦法先。
小明再嘗試慢慢自己打開個盒。老師便一邊鼓勵佢，一邊告訴我這樣做的目的係訓練佢嘅:
1) 解決問題的能力
2) 耐性
3) 小手肌
4) 社交

最後小明自己開咗個盒，好開心看著我地笑。

所以其實我又吾覺得係咁死板....不過可能以前同依家吾同....進步咗都未定。

原帖由 kelvin_hmlau 於 10-10-28 14:49 發表
如果你覺得小孩已上正常發展的軌道, 可能慢左, 就選I 位吧.

如果你覺得小孩完全跟唔到課堂程序, 就選S位吧. 適當時候出返主流.

我沒有詳細研究 TEACCH, 只聽說好像是將當日的程序用文字, 圖像或符號記錄, 由小孩 ...

[ 本帖最後由 Capricorn2521 於 10-10-28 22:56 編輯 ]

作者: kelvin_hmlau 時間: 10-10-29 12:59 標題: 回覆 1# Capricorn2521 的文章

你描述的遊戲可能係好的起步, 不過睇唔到個d 訓練目標.

其實我相信S 位有一定作用, 打好基礎. 小孩可以樂在其中, 父母唔駛四圍搵3T. 有d 小孩可能無奈地要讀 S 位一路上.

但撫心自問, 對能力不錯小孩, 現在S學校, 將來融入社會要做甚麼?

有一個媽咪說得對, 你出左主流, 就唔好指望老師特別慷慨, 包容, 話老師當個仔係傢俬.

想走出主流, 小孩自己要 take 多d responsibility. 不如細心觀察小孩現在學的東西是否足夠, 才作決定.

作者: Capricorn2521 時間: 10-10-29 17:10

唉.... 有頭髮邊個想做辣哩呀... 我地做父母嘅...要權衡一下自己的時間，經濟能力及知識，才可以作決定。另外，正如你說，孩子是否能在主流有效學習，都係關鍵之一。以往一年，我自己都好努力帶孩子出去做訓練，平日又要返工，真係好辛苦。自己都曾經掙扎過，究竟s位係咪最好呢? 好多幼稚園的老師及幼兒教育的親戚同朋友都說我仔I位好D, 但3位醫生都話S位好D。最後，因為孩子仲細(K1)，我希望給佢一年時間在S位訓練一下，如果真係可以，明年可考慮I位。有時比其他同校家長問我，你個仔乜事要入來，因為我常善用時間，同佢傾計，D家長見佢能對答，便提示我是否不應該給他入園，連學校樓下的管理員都有此疑問，不過我已被問慣了，便說他的專注弱及皮氣差要訓練一下。其實我都試過讀I位學校的普通位，佢吾食飯老師又冇佢符，只喜歡ABC及123，老師又吾會勉強佢加入小組。比我肯定S位對目前嘅佢是對的，就係這2個月來亞仔由在學校吾食飯(只食蘋果及飲水)變成在校3餐可以半餵半自己食，及肯嘗試不同食物/飲品，是一大大大進步，當然我在家也有同學校配合用一致的方法招呼佢。S位學校在10月初已經幫佢換咗組，因為佢適應得好好，好快，有語言，對文字圖書有濃厚興趣，老師會教佢社交故事，PUSH一下，到程度高D的一組，加速進度。

須然我將孩子每天8小時交給學校，但我每2-3天一定同班主任通電話，及在家再訓練佢，正如你說，我都吾希望佢在S位太耐。不過有D野又吾係我可以控制倒嘅，只有盡力而為。同時，不斷參考別人的意見，希望在家可以訓練孩子其他，以補學校嘅不足之處。

I位定S位...係一條複雜嘅數....家長要自己慢慢計 !

原帖由 kelvin_hmlau 於 10-10-29 12:59 發表
你描述的遊戲可能係好的起步, 不過睇唔到個d 訓練目標.

其實我相信S 位有一定作用, 打好基礎. 小孩可以樂在其中, 父母唔駛四圍搵3T. 有d 小孩可能無奈地要讀 S 位一路上.

但撫心自問, 對能力不錯小孩, 現在S學校 ...

[ 本帖最後由 Capricorn2521 於 10-10-29 17:25 編輯 ]

作者: pinkdoll 時間: 10-10-29 17:43

我家陣就係為呢條方程式好頭癢

朋友們(當中有一個係幼稚園師)及c6同事都成日問我乜2歲咁早就可以斷定自閉症會唔會cac寫得太重呀? 又話其實我仔望落去都唔似太嚴重個隻未必要入s位呀

我個仔 2歲

情緒ok 肯坐定定食嘢ok 會同人有eye contact
不過
1粒音都唔識講
鐘意將啲玩具啪開分開(扮開關lift門)
都鐘意開門關門
叫佢唔係次次應 (有時要叫四至五聲有時聽唔到添)
唔太識聽指令又唔會手指指想要嘢
鐘意自己同自己玩
咁佢情況算唔算嚴重?

如果放佢係主流學校博唔博得過?

原帖由 Capricorn2521 於 10-10-29 17:10 發表
唉.... 有頭髮邊個想做辣哩呀... 我地做父母嘅...要權衡一下自己的時間，經濟能力及知識，才可以作決定。另外，正如你說，孩子是否能在主流有效學習，都係關鍵之一。以往一年，我自己都好努力帶孩子出去做訓練，平日又要返工，真係好 ...

[ 本帖最後由 pinkdoll 於 10-10-29 17:46 編輯 ]

作者: kelvin_hmlau 時間: 10-10-29 18:00

希望你願望成真, 出年個仔有能力由魚缸游出大海.

不清楚你孩子智能如何, 最好搵一間包容性低 (即係個仔自己唔食飯就將碗筷收起. 如果個仔智能ok 應該知道下次要點做). 老師有經驗, 好似好嚴但其實好有愛心. (樂天個校長就係呢種).

我個仔慶幸在N2 (即K1) 遇到. 令佢有意想不到的進步.

原帖由 Capricorn2521 於 10-10-29 17:10 發表
唉.... 有頭髮邊個想做辣哩呀... 我地做父母嘅...要權衡一下自己的時間，經濟能力及知識，才可以作決定。另外，正如你說，孩子是否能在主流有效學習，都係關鍵之一。以往一年，我自己都好努力帶孩子出去做訓練，平日又要返工，真係好 ...

作者: anan3388 時間: 10-10-29 18:31

原帖由 pinkdoll 於 10-10-29 17:43 發表
我家陣就係為呢條方程式好頭癢

朋友們(當中有一個係幼稚園師)及c6同事都成日問我乜2歲咁早就可以斷定自閉症會唔會cac寫得太重呀? 又話其實我仔望落去都唔似太嚴重個隻未必要入s位呀

我個仔 2歲

情緒ok 肯坐定 ...

就咁聽, 只放主流的話, 搏唔過
2-3歲變化可以好大, 少數係無拿拿好左突飛猛進, 亦有些進步只係少少. 自閉症唔係望落去就可以判斷, 所以唔好聽非專業人仕既"感覺"

依家做多d野 train 佢, 到佢真係無野時, 最多咪俾人話下"乜咁緊張", 但若 touchwood 佢真係有野, 你會後悔做乜唔一早做野

唔係自閉既小朋友, 在任何環境都唔會變成自閉的, 我個人認為, 所謂 train 左好難返轉頭的, 主要係因為"自閉"影響, 而唔係 training 影響, 咩 training 甚至日常生活, 自閉小朋友都好容易固執於一套規則, 要再俾心機諗方法去轉佢, 但小朋友咁細, 你要諗既係基礎既: 聽指令, 明白簡單既說話, 望人, 有反應. 到佢開左聲有左反應, 再適時俾岩既訓練佢啦

作者: pinkdoll 時間: 10-10-29 19:26

明白多謝你意見呀

我係細孖有自閉大孖冇自閉只係發展遲緩6個月大孖任何發展都俾細孖好好多佢哋日日一齊生活我都睇到大孖冇俾細孖影響到自閉

亦就係因為大孖同細孖的分別所以我先咁快睇到細孖有問題

講真普通小朋友放咗學之後家長都要用心機教佢哋啦何況我哋呢啲小朋友有特殊需要落的心機更加要好多好多倍

我有些朋友甚至乎同我講話細孖如果入咗s位驚細孖會俾啲比較嚴重的自閉症阻礙發展我聽到朋友咁講好唔開心自己個仔都有自閉症點解還要歧視/排擠其他有自閉症的小朋友另外, 咁我咪要將大孖同細孖隔離? 我覺得好搞笑囉

原帖由 anan3388 於 10-10-29 18:31 發表

就咁聽, 只放主流的話, 搏唔過
2-3歲變化可以好大, 少數係無拿拿好左突飛猛進, 亦有些進步只係少少. 自閉症唔係望落去就可以判斷, 所以唔好聽非專業人仕既"感覺"

依家做多d野 train 佢, 到佢真係無野時, 最多咪 ...

作者: Capricorn2521 時間: 10-10-29 22:39

照計剛剛開學，出年4月派位，你應該都要出年9月先有位，不如上吓自費training先，一邊train住，一邊問吓治療師嘅意見，咪仲好。

原帖由 pinkdoll 於 10-10-29 19:26 發表
明白多謝你意見呀

我係細孖有自閉大孖冇自閉只係發展遲緩6個月大孖任何發展都俾細孖好好多佢哋日日一齊生活我都睇到大孖冇俾細孖影響到自閉

亦就係因為大孖同細孖的分別所以我先咁快睇到細孖有問題

講真 ...

作者: Capricorn2521 時間: 10-10-29 22:49

謝謝您。孩子智能及認知方面，由3個醫生及其他治療師都講過沒問題的，最大問題係情緒及社交，我亦同現在的老師有共識，這些都是必要主力訓練的。

老師有經驗, 好似好嚴但其實好有愛心 ==>我亞仔之前個私人pst就是了，我很感激她，亞仔在佢嘅訓練吓進步了不少，亦教了我很多。

原帖由 kelvin_hmlau 於 10-10-29 18:00 發表
希望你願望成真, 出年個仔有能力由魚缸游出大海.

不清楚你孩子智能如何, 最好搵一間包容性低 (即係個仔自己唔食飯就將碗筷收起. 如果個仔智能ok 應該知道下次要點做). 老師有經驗, 好似好嚴但其實好有愛心. (樂天個 ...

作者: pocoyo123 時間: 10-10-29 22:54

你明白佢地唔會互相影響就好啦, 以前我都覺我亞仔唔差, 唔想佢同其他自閉小朋友一齊上堂, 成日担心佢學埋D衰野返來, 后來先知根本唔會有問題, 你其實唔須考慮太多, 依家先兩歲, 你可排S+I位, 到有位先諗啦, 就算係S位, 你讀一個月唔對路, 你可即走, 無人會留你, 其實, 好多家長成日話讀左S位出唔返主流, 根本係錯的, CAC會係每個有需要小朋友5歲-6歲都返去做小一評估, 如果評估時你話會讀主流, 佢都會比你讀, 除非小朋友係智障, OR 嚴重自閉, 根本無影響, 有D媽咪話, 有小朋友輕度智障, 佢媽咪一樣比佢返主流, 只要有學校收就OK, 我覺得好多媽咪個小朋友第一步都未做到, 就諗小一的問題, 真係諗多左囉, 大前提唔係讀唔讀S位, 係小朋友讀唔讀到I位, 我係過來人, I位真係要在出面有訓練, 而且耍多,加上在家都要多做訓練, 因I位真係好流, 如經濟&時間唔捉夠,就要諗清楚

原帖由 pinkdoll 於 10-10-29 19:26 發表
明白多謝你意見呀

我係細孖有自閉大孖冇自閉只係發展遲緩6個月大孖任何發展都俾細孖好好多佢哋日日一齊生活我都睇到大孖冇俾細孖影響到自閉

亦就係因為大孖同細孖的分別所以我先咁快睇到細孖有問題

講真 ...

作者: pipi331 時間: 10-10-29 22:55

提示: 作者被禁止或刪除內容自動屏蔽

作者: pipi331 時間: 10-10-29 23:15

提示: 作者被禁止或刪除內容自動屏蔽

作者: Capricorn2521 時間: 10-10-29 23:43

同意。

其實我都吾擔心孩子出吾返出流，只不過係希望在增強基本功訓練之後，ready嘞，希望佢可以同同齡小朋友有更多互動。畢竟家裡只有一個孩子的，會比較自我。但我知要按步就班，不能心急。

點解咁多人問s位定i位 ? 係因為..以我經驗，cac個醫生係建議你入乜位，好似顧問咁...要家長同意，咁好似個選擇權响家長手上，而家長們又未接觸過，所以好疑惑。其實有你這樣有實戰經驗的分享是十分有用的。

我的家庭醫生話，i位同普通位的分別好少，只係每天30分鐘抽出來個別訓練，其餘時間係大班上課的，所以讀i位首要條件係能遵守課堂規則及聽從課堂指令。而且一般幼稚園/幼兒中心係冇咁多大型訓練設備，訓練感統及大肌肉。

如有出入，請補充。

原帖由 pocoyo123 於 10-10-29 22:54 發表
你明白佢地唔會互相影響就好啦, 以前我都覺我亞仔唔差, 唔想佢同其他自閉小朋友一齊上堂, 成日担心佢學埋D衰野返來, 后來先知根本唔會有問題, 你其實唔須考慮太多, 依家先兩歲, 你可排S+I位, 到有位先諗啦, 就算係S ...

[ 本帖最後由 Capricorn2521 於 10-10-30 10:05 編輯 ]

作者: kelvin_hmlau 時間: 10-10-29 23:49

佢地唔會互相影響就好啦!?

其實都唔敢講, 因為有社交班的家長說她兒子在S位學左好多衰野, 但我不知道這是否屬實.

可能孩子讀過S位一段時間的家長可以比d意見.

作者: Capricorn2521 時間: 10-10-30 10:27

其實都不用太擔心的。

我記得我仔初入學時都有尖叫 (入學前吾會)，不過我即時教佢吾想要時你要講"我吾要呀!"，不可以尖叫，所以依家就冇咗啦。

再講，就算主流學校其他學生的生活習慣也有不同，亦未必全是我們可接受的，我覺得我地要教孩子學懂分辨是非，接受差異，對佢將來才是有用，因為學校係社會的縮影，好寫實。

仲有，如果孩子能模仿，表示其學習能力不弱，應該開心。不過，如果真係接受吾倒或改吾倒，可以跟班主任商討一下對策。

原帖由 kelvin_hmlau 於 10-10-29 23:49 發表
佢地唔會互相影響就好啦!?

其實都唔敢講, 因為有社交班的家長說她兒子在S位學左好多衰野, 但我不知道這是否屬實.

可能孩子讀過S位一段時間的家長可以比d意見. ...

[ 本帖最後由 Capricorn2521 於 10-10-30 10:34 編輯 ]

作者: pocoyo123 時間: 10-10-30 21:48

絕對同意
每人都有差異, 接受他人, 先可有進步, 不要以為係人地影響你, 有可能係行為問題遲左浮出來, 媽咪就以為係他人感染, 要知道我地D仔普遍係固執, 不易改變, 不輕易受人影響, 所以, 我諗呢個問題唔須太怕

原帖由 Capricorn2521 於 10-10-30 10:27 發表
其實都不用太擔心的。我記得我仔初入學時都有尖叫 (入學前吾會)，不過我即時教佢吾想要時你要講"我吾要呀!"，不可以尖叫，所以依家就冇咗啦。

再講，就算主流學校其他學生的生活習慣也有不同，亦未必全是我們可接受 ...

作者: BeBe媽媽 時間: 10-10-31 00:08

Capricorn2521,
我剛剛路過....想講下我仔間I位!
係學前明明話每日個別IEP 30MINS,點知幾日前才知一星期得一次30MINS....唉!

作者: pinkdoll 時間: 10-10-31 21:52

排咗私人training, 搵緊普通n位, 除咗有個playgroup報到名外其他都係要等

所以趁呢段時間問下人攞啲資料呀

原帖由 Capricorn2521 於 10-10-29 22:39 發表
照計剛剛開學，出年4月派位，你應該都要出年9月先有位，不如上吓自費training先，一邊train住，一邊問吓治療師嘅意見，咪仲好。

作者: kelvin_hmlau 時間: 10-10-31 22:18

今天參加了E位學校的旅行, 發現小孩情況普遍不差. 部分對答如流, 亦很合群.

小兒最差係社交, 個別訓練幾合作. 現在E位學校加左幾個 group 比佢 (音樂, OT), 希望有d 進步.

作者: pocoyo123 時間: 10-10-31 23:56

想問下乜野係E位學校? 乜E位唔係早期訓練咩, 我聽D媽咪講E位係去協康呀, 基督教服務處呀上堂嘅, 乜有學返?

原帖由 kelvin_hmlau 於 10-10-31 22:18 發表
今天參加了E位學校的旅行, 發現小孩情況普遍不差. 部分對答如流, 亦很合群.

小兒最差係社交, 個別訓練幾合作. 現在E位學校加左幾個 group 比佢 (音樂, OT), 希望有d 進步. ...

作者: kelvin_hmlau 時間: 10-11-1 00:17 標題: 回覆 1# pocoyo123 的文章

你說得對, 應該說早期訓練中心才對. 說成學校係因為通常同菲傭講 training school. 該E位中心沒有學返, 小孩們係返緊主流. 定期有一d旅行及參觀.

作者: Capricorn2521 時間: 10-11-1 09:52

oh...no !

原帖由 BeBe媽媽 於 10-10-31 00:08 發表
Capricorn2521,
我剛剛路過....想講下我仔間I位!
係學前明明話每日個別IEP 30MINS,點知幾日前才知一星期得一次30MINS....唉!

作者: apple~y 時間: 10-11-1 14:03

原帖由 kelvin_hmlau 於 10-10-31 22:18 發表
今天參加了E位學校的旅行, 發現小孩情況普遍不差. 部分對答如流, 亦很合群.

小兒最差係社交, 個別訓練幾合作. 現在E位學校加左幾個 group 比佢 (音樂, OT), 希望有d 進步. ...

請問你小朋友排0左幾耐e位,先有位
我排0左差不多一年啦,仔仔都3age幾
小兒主要問題發展遲緩,語言遲緩
現在語言能力主要說單字,疊字,兩字詞(例如:早晨,唔該)
短句完全未得
時時見輪候名單差4,5個月,都唔知排到幾時
等到頸都長

作者: kelvin_hmlau 時間: 10-11-1 15:17 標題: 回覆 1# apple~y 的文章

小兒唔知算唔算好運, 排了一年左右便有E位服務了. 本區出名的E位係協康郭葉, 不過新開了一間E位中心 (主辦機構同陳蔭川一樣). 因為收到風, 所以轉左排呢間, 所以先咁快有. 昨天旅行知道有人住慈雲山都收到風誇區過來.

個私人OT同我講, 排得最耐的係ST. 第日記得叫個仔讀ST, 唔好讀OT(因為OT做到勞損). 我話有無可能呀, 依家有speech delay, 接受服務, 將來有無可能做ST!? 佢話世事無絕對, 呢刻唔得唔代表將來唔得. 我們又對望大笑了.

作者: Capricorn2521 時間: 10-11-4 10:38

近來亞仔鐘意唱 "it's a sunny day, sunny day, sunny day....." 於是跟老師傾起，佢話因為教咗天氣，所以教呢首歌。記得以前在BK聽過有D媽媽說，S位乜都好，只係冇英文。原來又吾係完全冇.... 我梗係順勢教賣佢rainy day同 cloudy day啦。記得以前又聽過話s位只教自理，小朋友畢業連自己個名都不識寫...我都有了心理準備學術要自己教。不過，老師昨天跟我說，他們每人都有功課薄，因為亞仔3歲只要畫橫直線、點對點連線及在1"x1"空格內蓋印即可，而4歲或以上才要寫字 (她只說她那一組情況)。她每天都跟亞仔睇同一本社交故事書，她說亞仔已經識讀書上的所有文字，當然佢係未理解的，老師會用口語再教佢。看來以乎又吾似吾重視讀書寫字....中文歌方面，亞仔近來會唱"一個,兩個,三個小朋友....."直至七個 (原曲係ten little indians)...因為佢果組有七個小朋友... 應該係教數數目呢！

[ 本帖最後由 Capricorn2521 於 10-11-4 11:26 編輯 ]

作者: kelvin_hmlau 時間: 10-11-4 10:49 標題: 回覆 1# Capricorn2521 的文章

我相信妳的選擇很明智, 亦選對了S位學校, 兒子在進步中.

有時真係要自己試過才知道, 道聽途說只能作參考.

作者: BeBe媽媽 時間: 10-11-4 14:47

見到你地小朋友咁進步,我都好鄧你地開心,希望我個仔都可以爭氣啦!
大家一齊努力啊!

作者: Capricorn2521 時間: 10-12-10 16:26

經過3個月來的學校生活和訓練，學習方面漸入佳境。這個星期見完班老師，說亞仔已經認識所有本月的生字/圖片/實物，如：冬天，聖誕樹、手墨(mitten)，毛衣、頸巾，聖誕鐘，聖誕老人、等等... 要加速佢認字的進度。(老實說，我一早已知文字係佢的強項，這是我預期中事)。社交方面，見到小朋友會開心笑，會主動親親小朋友，可能不懂用力，小朋友不喜歡，老師教他拍拍肩。唱聖誕歌...唱完中文版又唱英文版，所以老師話，學期初set的IEP好多items都meet倒，在個別訓練中也看出他有很好的解難能力，下學期要set一個較高的計劃比佢。回家做功課又非常熱衷，有時會自己拿書包要求做功課。我很高興他在學習上的進度。

可是，不知是否他的認知愈強，近來好似愈來愈難服待。在家中，成日哭著，又要東，又要西，好似要get attention咁。比咗A佢，又話要B，比完B又吾要，又話要C，咁我就火啦....成日鬥佢。可能係咁，佢變得比以前moody。唉..... 又可能係我見佢能力強咗，對佢要求又高咗，耐性少咗...... 似乎我都要先檢討一下自已，再研究對策。問過老師，他在校也容易發脾氣，但也好易氹，一陣間冇事，又笑過。

capricorn 2521....加油... !!!

[ 本帖最後由 Capricorn2521 於 10-12-10 16:37 編輯 ]

作者: Torres 時間: 10-12-12 01:27 標題: 回復 56# kelvin_hmlau 的帖子

hi　kelvin,

我在你e位中心讀s位架, 想問你在那間幼稚園返學? 我正想明年幫阿仔轉e位, 出來找一間另一間學校! 希望你分享下你現在的幼稚園, thanks!

作者: Capricorn2521 時間: 10-12-15 16:10

上星期五學校請了一位兒童心理學家到校演講，其中一個題目是如何訓練孩子的同理心，她說首先要孩子認識各種情緒，如3歲-4歲可由"開心"及"不開心" 開始。

上星期五也跟老師提及亞仔在家發脾氣的情況，老師教我可用以下方法應付：
1) 當孩子玩得開心笑時，就告訴他：B仔笑呀，B仔好開心呀！(其實都係教什麼是開心/吾開心)
2) 當B仔開始有少少想發脾氣時說：B仔好嬲呀，B仔吾開心呀！
3) 畫圖畫 (如哈哈笑/哭的表情)，表示你明白他的感受。他發脾氣時什麼都聽不入耳，畫圖較好。
4) 寫"SORRY" 當孩子稍為冷靜時，邊寫邊問：你剛剛發完脾氣，令媽咪好吾開心，要講乜呀?
5) 一起看圖書，趁機問孩子：小朋友一起玩，開吾開心呀? 又問：你睇，小朋友爭玩具，開吾開心呀? 從而教導一些社交技巧。

試了幾天，情況似乎有點改善。

我家有一幅3隻小熊的穿衣拼圖，熊爸爸/熊媽媽/小熊各有5款表情：笑/哭/驚/睡/surprised，我也利用這套玩具逐步教。

兒童心理學家也說，待孩子少少明白2-4種情緒後，就要告訴他：你做咗XXXX，媽咪好(吾)開心呀！逐步教導孩子明白他人的感受，自己對他人的影響，而訓練同理心。

[ 本帖最後由 Capricorn2521 於 10-12-15 16:41 編輯 ]

歡迎光臨教育王國 (/)